لماذا يصعب علينا الإعتراف بالحب؟؟؟

لماذا يصعب علينا الإعتراف بالحب؟؟؟؟؟؟؟

ما أصعب ان تراقب من أحببت يبتعد عنك دون ان تملك القدرة على استبقائه ..

ما أصعب صراخ القلب وانين الحب وهو يلتقط أنفاسه الأخيرة ...

ما أصعب أن يرحل عنك أعز الناس دون أن يعلم بحبك له ...

فأين الشفاء ساعتها وقد برح الداء و عز االدواء ..

أين المفر ساعتها وقد جرح القلب وزرفت العين ..

هذا ما يجنيه الصمت ..هذا ما تجنيه أنفسنا

لماذا يصعب علينا الإعتراف بالحب ؟؟؟

أخوفا من الصدأ ام خوفا من أنفسنا أن تضعف فتختنق الحروف على الشفاه قبل ان تولد ..؟

لماذا نراقب من نحب يبتعد عنا إلى مكان بعيد دون أن نصرخ (أحبك فلا تتركني )

لماذا نصر على انتظاره ليقوم بحركة ما وعندما يرحل نندب أيامنا ونندم حين لا ينفع الندم ..؟

ما هي طريقتك في التعبير عن الحب ...؟

هل لديك الجرأة للإعتراف بالحب ومصارحة من تحب ....

أم تصمت وتراقب من بعيد وتنتظر أن تحصل معجزة ما تقرب قلبيكما دون أن تقوم بأدنى محاولة

هل تندم على كلمة حب انطلقت من أعماق قلبك وكان مصيرها الصد ..؟أم تتخطى الأمر وتسعد بشرف

المحاولة

أرجو من كل من يقرأ موضوعي الرد على جميع الأسئلة وشكرا

أنا أوقات بخاف أعترف للشخص اني بحبو لأن يتلاقي معظم الناس بهالأيام بتعتبر انو كلمة بحبك كلمة كبيرة وأحيانا مو مقبولة

وبصراحة ما عندي ولا طريقة عبر فيها عن حبي لأني أصلا ما رح عبر عن حبي للشخص اذا ما هوي عبر ويمكن هي شفلة مو منيحة وما عندي جرأة بالمرة اني صارح يلي بحبو بس يمكن بيوم من الأيام اني لمحلو بهالموضوع

هل تندم على كلمة حب انطلقت من أعماق قلبك وكان مصيرها الصد ..؟أم تتخطى الأمر وتسعد بشرف المحاولة؟
اذا كانت العلاقة فاشلة أكيد رح اندم

مشكوووووووووورة ساندي على المشاركة كلامك منطقي كتيييير وتقريبا نفس رأي
Razz

شو شباب وصبايا شو رأيكن بالموضوع
Wink

ما لح جاوب بشكل مباشر ، بس مداخلة بسيطة ..

إذا الواحد قرر يعترف بحبو للطرف الثاني ، لازم يعرف بنفس الوقت إنو مو ضروري الاستمرار بالحب أو إنو تتطور العلاقة:
وكمان مو شرط كل ما حبينا حدا إنو نرتبط مع بعض ، ولو كان هيك كانت الدنيا كتير حلوة بس الدنيا مرة .

أنا مو ضد الأعتراف بالحب ، ولكن بأيد الأمور يلي بتدل على الحب !!
والحب بدو دراسة مو سهلة الواحد بحب ، حتى ما ينصدم بعدين ...

وشكرا كتير عاشقة النجوم على الموضوع الحلو ,
تقبلي مني
أبو أسامة,

اول الشي هاي
القصة مو قصة صعبة ولا سهلة هي الكلمة صغيرة بكتابتها وكبيرة بمعانيها فلازم الشخص
يتأكد من انو قد هل الكلمة ولا لأ قبل ما يقولها
ميرسي عاشقة النجوم
Embarassed

هلــق انا برايي هيدي الكلمة مو صعبـــة

بـــس في عوامل متل الخجل

او احيانا بيكون احد الطرفين مو متاكد من مشاعر الطرف التاني لهيك بيتردد

انا بقولهـــــــــا ومابتردد ابدااااااااا بس اكيد

لازم يكون في ع الاقل شوية اهتمام من الطرف التاني

قلنــــــــــاها ومشــــي الحال اييييييييييييييييه يازمن

مشـــــــــــــــــكورة ع الموضوع والنقاش الحلو

زائر

انا راي انو اذا الواحد مو متاكد من مشاعرو او مو واثق من حالو فلا يقولا احسلو
مع انو كلمت حبيبي كلمة مو صعبة الواحد يقولا اذا مو حاسس بشي
لانو في يكون عم يضحك علي
وما بكون عرفان قيمة هل الكلمة الكبيرة
وتاثيرا على الشخص الاخر
مشكورة كتير عاشقة النجوم على النقاش الحلو كتير متلك

بما اني بنت لح قلك انو صعب اني قولها
اذا ما لقيت الشخص التاني عم يحاول يعبرلي عن الحب
وبرايي ما لازم قولها اذا ما كنت مقتنعة بالشخص بمية بالمية
لان قد ما كان هي مشاعر شخص ومو لعبة يوم بحبو ويوم لا
وانا صعب اني قولها ممكن من طريقة حكي او اهتمامي او تصرفاتي
تبين للشخص اني بحبو وما لح قولها لاتاكد من حبو الي

مشكورة كتير عاشقة النجوم موضوع قمة بالروعة والنقاش
والحب صعب كتير لازم نكون واثقين منيح انو نحنا قد هل الكلمة

لماذا يصعب علينا الإعتراف بالحب ؟؟؟

أخوفا من الصدأ ام خوفا من أنفسنا أن تضعف فتختنق الحروف على الشفاه قبل ان تولد ..؟

لماذا نراقب من نحب يبتعد عنا إلى مكان بعيد دون أن نصرخ (أحبك فلا تتركني )

لماذا نصر على انتظاره ليقوم بحركة ما وعندما يرحل نندب أيامنا ونندم حين لا ينفع الندم ..؟

ما هي طريقتك في التعبير عن الحب ...؟
اكيد لازم عبر عن الحب باني حاول قدم للشخص يلي بحبو
كل شي ممكن اقدر عليه وممكن هو عم يبحث عنو
متل الامان والحنان واي شي تاني

هل لديك الجرأة للإعتراف بالحب ومصارحة من تحب

اي عندي الجراه وبس حب حدا لو شو ما صار لازم وصلو الفكرة
بس ما بعرف وقت يصير الامر واقعيا؟؟ ....

أم تصمت وتراقب من بعيد وتنتظر أن تحصل معجزة ما تقرب قلبيكما دون أن تقوم بأدنى محاولة

لا لا لازم حاول وما خلي هيك شي بقلبي وعذبو على الفاضي

هل تندم على كلمة حب انطلقت من أعماق قلبك وكان مصيرها الصد ..؟أم تتخطى الأمر وتسعد بشرف

المحاولة

اكيد ما لح اندم بالعكس ممكن اكون عنيد وحاول بكل الطرق مرة تانيه وتالته ورابعه
واكيد ما في شي مستحيل وما في امراه ما الها مفتاحها
بس في شي اسمو رجل عاجز وضعيف

بالنهاية وبعد جوابي على الاساله بشكر عاشقة النجوم
المبدعه في مواضيعها والرائعه بكل معنى الكلمة

Abu Ousama كتب:: ما لح جاوب بشكل مباشر ، بس مداخلة بسيطة ..

إذا الواحد قرر يعترف بحبو للطرف الثاني ، لازم يعرف بنفس الوقت إنو مو ضروري الاستمرار بالحب أو إنو تتطور العلاقة:
وكمان مو شرط كل ما حبينا حدا إنو نرتبط مع بعض ، ولو كان هيك كانت الدنيا كتير حلوة بس الدنيا مرة .

أنا مو ضد الأعتراف بالحب ، ولكن بأيد الأمور يلي بتدل على الحب !!
والحب بدو دراسة مو سهلة الواحد بحب ، حتى ما ينصدم بعدين ...

وشكرا كتير عاشقة النجوم على الموضوع الحلو ,
تقبلي مني
أبو أسامة,

مشكوووووور سيد ابو اسامة ع مرورك
وأكيد هي الكلمة مو معناه انو ضروري الواحد يرتبط لاء
هي كلمة حلوة بس في عوامل بتتعلب وبتلعب دور اكب من هي الكلمة
يعني الحب ما بيكفي لحالو
شكرا مرة تانية ع مشاركتك

Razz

hanna كتب:: اول الشي هاي
القصة مو قصة صعبة ولا سهلة هي الكلمة صغيرة بكتابتها وكبيرة بمعانيها فلازم الشخص
يتأكد من انو قد هل الكلمة ولا لأ قبل ما يقولها
ميرسي عاشقة النجوم

أهلين فيك هاني
وأكيد هي الكلمة الها معنى كبييير بالقلب
بس لازم يرافقها طبعا شروط معينة لحتى تكتمل
مشكوووووووووور ع المشاركة

{MoHaNaD {M‘B’L كتب:: هلــق انا برايي هيدي الكلمة مو صعبـــة

بـــس في عوامل متل الخجل

او احيانا بيكون احد الطرفين مو متاكد من مشاعر الطرف التاني لهيك بيتردد

انا بقولهـــــــــا ومابتردد ابدااااااااا بس اكيد

لازم يكون في ع الاقل شوية اهتمام من الطرف التاني

قلنــــــــــاها ومشــــي الحال اييييييييييييييييه يازمن

مشـــــــــــــــــكورة ع الموضوع والنقاش الحلو

شكرا لإلك مهند واسفة ع التأخير بالرد
وكلامك زينة العقل
لأنو شو الفايدة اذا الواحد قال هالكلمة
والطرف التاني هو ولا هون
ضروري يتبادلوا نفس المشاعر
مشكووووووووور كتييير مرة تانيةع مشاركتك
وتسلم كلك ذوق

miley كتب:: انا راي انو اذا الواحد مو متاكد من مشاعرو او مو واثق من حالو فلا يقولا احسلو
مع انو كلمت حبيبي كلمة مو صعبة الواحد يقولا اذا مو حاسس بشي
لانو في يكون عم يضحك علي
وما بكون عرفان قيمة هل الكلمة الكبيرة
وتاثيرا على الشخص الاخر
مشكورة كتير عاشقة النجوم على النقاش الحلو كتير متلك

شكرا كتيير مايلي واسفة لأني تأخرت بالرد
انتي الحلوة تسلميلي يارب
مشكوووووورة كتيييير ع مشاركتك

Razz

اول شي شكرا عاشقة النجوم

موضوع حلو

بس برايي انو بيختلف بين البنت والشب
يعني قليل ما نلاقي شب بيخجل كتير وما بيقدر يحسس الطرف التاني باهتمامو اذا مو دغري حكى

اما بالنسبة للبنت فأغلبية البنات لما تحب بتخجل او يمكن بتخاف تعبر عن مشاعرها قبل ما الشب يبادر

بالنسبة إلي بلاقي الاهتمام والتصرفات وطريقة لفت النظر احلى والها نكهة احلى من الاعتراف مباشرة بالحب وبتخلي الشص يتاكد انو الطرف التاني بيبادرو نفس المشاعر .

أهلين فيكي جالكسي منورة الموضوع بتواجدك
هلأ الشباب في كتيير منهن اي ما عندهن مشكلة يقولوا للبنت بحبك وهنن مو عارفين معناتها
يعني ما في كتيير خجل متل البنت
البنت على عكس الشب
بس في شباب بيخجلوا كمان هاد بيجي ع طبيعة الشخص
بس انا بخالفك بشغلة انو مو ضروري تلفتي انتباه وهيك تصرفات متل معم تقولي
هو من حالو بعتقد بيكتشف هالشي بصراحة هاد رأي الشخصي ما بعرف
واسفة ع الإطالة
مشكووووورة ع المشاركة
Razz

ريــــمــــا كتب:: بما اني بنت لح قلك انو صعب اني قولها
اذا ما لقيت الشخص التاني عم يحاول يعبرلي عن الحب
وبرايي ما لازم قولها اذا ما كنت مقتنعة بالشخص بمية بالمية
لان قد ما كان هي مشاعر شخص ومو لعبة يوم بحبو ويوم لا
وانا صعب اني قولها ممكن من طريقة حكي او اهتمامي او تصرفاتي
تبين للشخص اني بحبو وما لح قولها لاتاكد من حبو الي

مشكورة كتير عاشقة النجوم موضوع قمة بالروعة والنقاش
والحب صعب كتير لازم نكون واثقين منيح انو نحنا قد هل الكلمة

أكيد صعب الوحدة تروح لعند الشب وتقلو انب بحبك انا شخصيا ما بادر ابدا مطلقا
هو يقولها اي وممكن اني رد عليه
اي هي التصرفات يلي عم تقولي عليها اياما ما بتجيب نتيجة
وانا ما بعتقد انو تنجح معي مع اني ولا مرة مجربة الفت انتباه حدا
مشكوووورة ريما هاد من ذوقك ولطفك كمان
وأكيد لما بتجي لعندي الفرصة اني قول لشخص بحبك
أكيد لح كون مقدرة شو معناتها ولازم كون مستعدة لأي شي بيصير كرمالو

Razz