الزواج الاجباري نقاش هام

حبايبي
اليوم حبيت أشوف رايكم بموضع مهم جداً

موضوع بصراحه يؤدي حتى الى الموت!

وهوة الزواج ألاجباري للبنت ؟

نحن الان في القرن واحد وعشرون

ومازالت بعض العوائل مع أحترامي همـــــــــــــــجيه

لاتقدر البنت بأي شيء وليس لها قرار حتى في مصيرها
وحياتها ؟؟

بعض العوائل تجبر بناتهم على الزواج من أشخاص حتى لو
كانوا من غير شرف وأخلاق

مجرد يملك مال كثير !!

تتزوج البنت من شخص يجعلها تعيش حياة بائسه وحزينه

وتمضي حياتيها هكذا بسبب أهلها لانهم أجبروها على
هذا الزواج

بعض البنات تلجأ الى الانتحار لتخلص من هذا الزواج؟

الى متى ستبقى هذه الحياة يجب على الناس ان تتطور
وتبتعد عن هذه التقاليد التي حتى الله وملائكته لايحبوها
باتنظار ردودكون بلكي في حدى بيصحى من سباتو وجهلو

اول شي بحب اتشكرك نبيلو على هالموضوع الرائع
تاني شي انا مقتنع بشغله انو البنت مستحيل حدا يقدر يقنعها بشي هي ما بدها ياه
وخصوصا الزواج
مستحيل بنت تقدر تعيش عند شخص ما بدها ياه يوم واحد
واما عن انو لنفرض البنت شخصيتها ضعيفة قدام اهلها
فهون الغلط يلي عم يصير انو ان شافت اهلها موافقين بتلاقيها اقتنعت بشكل تلقائي
وبعدين احتمال انو تنصدم حسب اختيار الاهل
ان كان موفق او لا

انا هاد راي الشخصي طبعا
ويسلمو هالايدين نبيلو على الموضوع

منورني وسامو
على عيني كلامك
طيب
اذا البنت خبرتون انو ما بدا وعملولها مشاكل وقصص
وبلشو يفتحو قصص قديمة ويضغطو عليها
وطبعاا كلو مشان مصاري
شو بتعمل البنت
يا ريت تعطيني رايك

وشكراا لرايك

على راسي احلا نبيلو
شريك على طول الاهل عندهم تاثير كبير على البنت
وخصوصا ان عبا العريس المخ يلي عندهم بالمصاري او غيرو
بس شريك بزمتي شفت بعيني وحده وقريبة علينا
كيف رفضت تتزوج وغير ربك ما بيقدر يقنعها
التلون بدكم تدبحوني ما مشكله بس ما بدي ياه
شو يعملو يدبحوها؟؟؟؟
كيف بدون يفوتوها لعند العريس بالضرب
؟؟؟
كيف بدون يكتبو الكتاب ان ما كانت موافقة
على اي اساس؟؟
والله يا شريك البنت وخصوصا المدللة غير ربك ما بيقدر يقنعها بشي ما مقتنعه فيه
وخصوصا الزواج
انا هيك يلي بشوفه من خلال يلي مرق علي
وهاد راي الشخصي انا
ومشكوور نبيلو مرة تانية

شكراا كتير وسام لرايك
فعلا عجبني رايك
مشكور والله يقدم الي في الخير

قال سيدنا محمد صلى الله عليه و سلم : "إذا أتاكم من ترضون دينه و خلقه فزوّجوه"

يا سيد نبيل ، ما لح احكي عن الموت أو عن الهمجية ، إذا الأهل رضيو لبنتهم فلان من الناس فهنن رضيانين دينو وأخلاقو
أما إذا لحقو المصاري يلي معو ، هي اسمها بيعة مو جوازة .

نقطة ثانية أنا بوافق إلى حد ما وسام ، لكن في نسبة قليلة من يلي عم تقولو
بالإضافة في كتير شغلات غير الهمجية يلي ذكرتها بتلعب دور ، منها : إذا البنت تأخرت عن الزواج فبيعطوها لأي شخص بيطلبها
ومنهم ما بيعطو غير من قرايبينهم فقط ، أو من بلدهم ...

وشكرا إلك على الموضوع الحواري ,

انا برايي البنت الي بتحب الشب بترفض اي شب بيتقدملها

لو كانت شخصيتها ضعيفة ع القليلة تحاول تقنع اهلها

هلق التهديد بالانتحار حل حلو بس الانتحار مابظن انو حلو ابداااااااااا

مشـــــــــــــــــكور ع الموضوع المهم والله

اولا بحب اتشكرك سيد نبيلو على الطرح الرائع
هلاء بخصوص البنات ففيهون قسمين
الاول : بتحب تحكي اسرارها لأمها او لاي حدا قريب منها
التاني : بتحب الغموض وما بتحب حدا يدخل بحياتها وهاد شي غلط لان لازم اي شخص ان كان شب او بنت
بعطي رئيو للاخرين وما يخلي شي بقلبو لان بجوز الشي يلي محتفظ فيه يكون فكرة غلط
وبالنسبة لابو اسامة انا معو مية بالمية بحديث الرسول عليه الصلاة والسلام
قال سيدنا محمد صلى الله عليه و سلم : "إذا أتاكم من ترضون دينه و خلقه فزوّجوه"
وطبعا مو غلط ابداااااا اذا الاب اخد رئي بنتو بالشب يلي بيطلب ايدها
بس الغلط برأيي اذا كانت البنت مو عرفانة مصلحتها ومتربصة بقرارها لأن بلاول والاخير لاهل بريدوا الخير لولادهون
اما بالنسية للاهل البرجوازيين ويلي بكون الحق عليهون وجابرين البنت انها تاخود شب مشان مصاريه
فهون العلاقة بتعود للبنت ومنرجع لاقسام البنات
فأذا كانت بتحكي لامها او لاي حدا قريب منها يمكن انو يقدروا يساعدوها اما اذا كانت بتحب الغموض والاحتفاظ بالسر
عند هي الحالة يمكن انو تلجأ للانتحار وهاد شي كتير غلط لانو بالنهاية هية الخسرانة
وبرجع بتشكرك كتيررررررر ع موضوع المهم

اول الشي شكرا كتيير نبيل ع الموضوع الحلو وبيستاهل الواحد بناقش فيه
هلا انا حسب راي ما في بنت بهاالايام بيقدر حدا يغصبها على شي ما بدها ابدا ومستحيل
الا اذا اقنعوها بهاالشي بطريقة هنن بيشوفها مناسبة بدون ضرب طبعا بمسايرة يعني
من اول ممكن يصير هيك وهي بتكون شخصيتها ضعيفة وبيقدروا يتحكموا فيها بسهولة
وان كان ولابد في هالشي بوقتنا هاد فلازم عالقليلة يكون في حدا يوقف معها ويساندها
وفي هيك هلا
ممكن الاب يجبر بنتو مثلا والام تكون معها او اخوها ويخربوا القصة
بس برجع وبقول البنت اذا ما بدها شي مستحيل ثم مستحل توافق عليه
وما فيهن يعملولها شي واذا صار هيك شي
فيها تتحمل الضرب والاهانة وما بتوافق على شي ما بدها ياه
هي وجهة نظري ما بعرف
على كل موضوع رووعة تسلم ايديك

الزواج الاجباري نقاش هام 081410060813s3bnuyrsbbbjj

هههههههههههههههههه
والله يا جماعة بشكركون من كل قلبي على ارائكون الحلوة
والي بعتبرها رايي كمان
هلق متل ما قال ابو اسامة بحديث النبي
قال سيدنا محمد صلى الله عليه و سلم : "إذا أتاكم من ترضون دينه و خلقه
فزوّجوه"

كتير حلو الكلام
بس كمان هادا الشب صاحب الاخلاق والدين بس يعرف انو البنت ما بدا اياه لازم ينسحب مو هيك
الزواج الاجباري نقاش هام Icon_exclaim

طيب شو منعمل اذا الشب شايف البنت ومو مصدق
لانو كل عمرو ما كان يحلم يوصل لبوطا
الزواج الاجباري نقاش هام Icon_exclaim

وقتا اكيد رح يكون بلا دين
مو هيك
وتاني شي مشان البنت هلق الكل بيعرف انو مجتمعنا ما بيفضل هالشي ولا دينا
بس كمان في اهل متعصبين لدرجة الجنون وطبعاا كلو عن جهل
وقتا شو بتقدر تعمل البنت
تنتحر
الزواج الاجباري نقاش هام Icon_exclaim

بانتظار ارائكون

حبيب ألبي نبيلو بشرفي انك حطيت ايدك عالوجع
قمة التخلف والجهل واللاحضارة واللاانسانية انو تنجبر البنت عجوازي مابدها ياها
بس للأسف بعالمنا العربي ووطنا العربي في كتير هيك حالات وحتى انو امس قريت مقال بمجلي اميريكي احصائية عن بنات العرب " انو 70%من البنات العربيات يشعرن بشعور الاغتصاب بليلة الدخلة "
ليش من ورا الجواز الاجباري او بسبب تخلف بعض الشباب وواشارتين حول الشباب لأنن مو شباب حي.....
بسبب تفكيرن المتخلف وحض اهالين على فرجيا العين الحمرا من اول نهار وقطاع راس القط و.و.و.و.و.و......الخ
لك يا الله مو هيك بقول الشرع ولا هيك بقول الدين وما حدا بيرضاها لأختو شو هاد يا شبابنا
الله يهدي هدول المتخلفين الي فهمانين الدني غلط والدين غلط ويلي بجوز بنتو غصب عنا بكون في قمة الهرم تبع التخلف والجهل والعصر الحجري
وشكرا نبيلوو ....شكرا كتير عهالموضوع الرائع

والله الموضوع هو جدا معقد فيرجع بلاصل الى عادة عشائرية قديمة جدا وهناك بعض الاهل مازلو متمسكين فيها الى حد الان بس ممكن النبت تنخدع الشب بشوي حكي حلو ويكلع بعدين سيْ الاخلاق وما الى اخره فيعود ذلم الى رد فعل معاكس مثل الزواج الاجباري بس انا اكيد ضدو جدا جدا مكشور نبيلو على الموضوع الحلو

» (نقاش)..كيف تتصرف بالمكرو باص..
» نقاش للشباب والصبايا
» اذا دعيت الى زفاف من تحب (نقاش)