عبورة على كرسي الاعتراف

كيفكم شباب وكيف الاخبااار
اولا بشكركم جميعا يلي شارك ويلي ما شارك في
التفاعل الرائع يلي شفناه مع البرينس على كرسي الاعتراف
وتانيا بحب الكم اني جبتلكون اليوم صبية محبوبة من جميع الاعضاء وكتير طيوبة
واكابرية وهي مشرفه قسم الحوارات وانشالله ما منخاف عليها هي وعلى الكرسي
lol!

وجبنا لعبورة كرسي بناتي حلو كتير حتى تكون مرتاحه على الكرسي

عبورة على كرسي الاعتراف Fauteuil-egg-chair-jacobsen

وبتمنى نشوف التفاعل ونتعرف عليها اكتر من خلال استضافتها على الكرسي

وهلق انا لح بلش بالسؤال:

كيفك عبورة وكيف اخبارك انشالله الامور بخير؟؟

السؤال الاول:

كيف شايفه هالكرسي يلي جبنالك ياه حلو؟؟

السؤال التاني:
شو رايك بالنت يلي بتشتغل وهل انت مع عمل المراه ؟؟

السؤال التالت
شو رايك بمجال دراستك وهل انت بتحبيه ولا دخلتيه على شان العلامات؟؟

السؤال الرابع
شو رايك بمنتدى معهدنا؟

السؤال الخامس
مين اكتر عضو بتحبيه في المنتدى؟؟

السؤال السادس
شو هي طموحاتك بحياتك؟؟

السؤال السابع
حبيتي قبل بمرة وشو رايك بالحب؟؟

السؤال الثامن والاخير
شو رايك بحجاب المرأة وهل انت محجبة وهل انت مع الحجاب واللبس الشرعي(بانطو فوق التياب)
ام بتفضلي اللبس العادي؟؟

بتمنى انو تكون اقامتك على هالكرسي حللوة ومميزة وبانتظار اسأله باقي الاعضاء

زائر

مرحبا شباب وصبايا
ولله وأجا دوري
رح اقعد على الكرسي
بس لاتنسو أني مشرفة القسم يعني اي سؤال ما عجبني بغيرو
هههههههههههههههههههههههههههههه
لا أكيد رح جاوب قد مافيني بصراحة
وميرسي وسام على الأستضافة

ومنبلش مع
المحقق وسام

يا كريم

كيفك عبورة وكيف اخبارك انشالله الامور بخير؟؟

تمام منشكر لله

كيف شايفه هالكرسي يلي جبنالك ياه حلو؟؟

كلشي منك حلو وسام ميرسي

شو رايك بمجال دراستك وهل انت بتحبيه ولا دخلتيه على شان العلامات؟؟

أنا كتير بحب مجال دراستي وشطورة فيه
وبحب كتير المعهد
بس أكيد دخلتو على اساس علاماتي

شو رايك بمنتدى معهدنا؟

بجنن بحبو كتير وصار من الاولويات عندي هو وأعضائه

مين اكتر عضو بتحبيه في المنتدى؟؟

في اكتر من حدا
وعنجد بحب الكل
وكل الأعضاء بجننو

شو هي طموحاتك بحياتك؟؟

طموحاتي أنو اشتغل وحقق نجاح بحياتي
وأكيد اعمل بيت حلو مع شريك حياتي

حبيتي قبل بمرة وشو رايك بالحب؟؟

أي أكيد حبيت متل كل العالم
والحب على قد مو حلو على قد مو مر

شو رايك بحجاب المرأة وهل انت محجبة وهل انت مع الحجاب واللبس الشرعي(بانطو فوق التياب)
ام بتفضلي اللبس العادي؟؟

حجاب المرأة للمرأة يلي مقتنعة فيه وازا ماكانت حاببتو برأيي بلاه أحسن
أي أنا محجبة
أنا مع أنو تكون البنت مقتنعة بلشي يلي لابستو
شو ماكان
بس أكيد ماني مع التزمت
و بلنسبة الي بفضل السبور أكيد

شكرا كتير وسامو على أسئلتك نشالله كون جاوبت بكل وضوح

وبأنتظار اي أسئلة تانية

زائر

والله علقتي يا عبورة
هههههههههههه

يلا كمان ما رح تقل عليكي
بس يا ريت تجاوبي على كل الاسئلة

1 كيف ايامك

2 مين اعز عضو بالمنتدى بالنسبة الك

3 يوم يلي بتدايقي لمين بتروحي بتفشي خلقك

4 ايمتا اخر مرة بكيتي

5 شو في شي مو عاجبك بالمنتدى

6 كم عمرك

7 كم وزنك

8 ما هو رايك بالحياة

9 شو اكتر موقف مؤثر مريتي فيه بحياتك

10 شو اكتر موقف محرج مريتي فيه بحياتك

11 شو حكمة المفضلة عندك

12 ماذا تعني لكي الكلمات التالية
الاخوة
الصداقة
الزواج
الاهل
المننتدى
الليل
القمر
الورد

13 لمن تعطي هذه الكلمات
القلم الذهبي
شهادة تقدير
وردة حمراء
وردة بيضاء
ورقة بيضاء

14 اذا عطيتك ورقة وقلتلك اكتبي كلمة وحدة شو بتكتبي

16 مين اكتر عضو كانت اسئلتو سئيلة
ههههههههههههههههههههه

طولت عليكي ما هيك
يا ريت ما كون تسائلت زيادة

زائر

شوووووووووو هااااااااااد
هي ما تقلت علي وهيك
ماشي ما بيجي دورك مسيو عبد

ههههههههههههه
وهلأ مع
المحقق BAD BOY

1 كيف ايامك

تماااااام

2 مين اعز عضو بالمنتدى بالنسبة الك

قلت قبل أنو الكل بحبهن طبعا في ناس مميزة بس ما بدي زعل حدا

3 يوم يلي بتدايقي لمين بتروحي بتفشي خلقك

بفش خلقي لرفيقة عمري

4 ايمتا اخر مرة بكيتي

من فترة قريبة

5 شو في شي مو عاجبك بالمنتدى

بحب كلشي بلمنتدا حتى لخناق فيه
يعني بساوي أكشن
هههههههههههههههههه

6 كم عمرك

واضح عليمين ازا شفتو

7 كم وزنك

شو مشانك
ههههههههههههه
هاد سؤال بينسأل لبنت
هههههههههههههه
ومابدك طولي كمان

8 ما هو رايك بالحياة

لو لم تكن الحياة مؤلمة لما جئناها ونحن نبكي

9 شو اكتر موقف مؤثر مريتي فيه بحياتك

ممممممممممم في كتير
بس أكتر شي وقت يبكي حدا بحبو قدامي

10 شو اكتر موقف محرج مريتي فيه بحياتك

أكتر منهن مافي
ههههههههههههههههه
شو بدي عدلك لعدلك

11 شو حكمة المفضلة عندك

خود رأي يلي أكبر منك ويلي أصغر منك بس لا تساوي غير يلي براسك
ههههههههههههههه
غيرتها علكيفي
ههههههههههههههههههه

1 ماذا تعني لكي الكلمات التالية

الاخوة حدا يريدلي الخير أكتر من حالو
الصداقة حدا بلاقي جنبي وقت الفرح ليفرحلي ووقت الحزن ليساندني
الزواج سنة الحياة
الاهل بحبوني أكتر من حالن
المننتدى من أولويات حياتي اليومية
الليل السهر
القمر الرومانس
الورد اساس اسمي
هههههههههه

13 لمن تعطي هذه الكلمات

القلم الذهبي لنزارو
شهادة تقدير لأهلي
وردة حمراء لحبيبي
وردة بيضاء ألي لأن بحبها كتير

اذا عطيتك ورقة وقلتلك اكتبي كلمة وحدة شو بتكتبي14

بكتب خواطر بكتبها لألي
مو للنشر

16 مين اكتر عضو كانت اسئلتو سئيلة

كلهن تنين لهلا
ههههههههههههه
لا عادي وتسليت بأسئلتكن أنت ووسام

مشكور عبود
وبأنتظار المزيد من الأسئلة

زائر

مرحبا عبورة كيفك

1- ما هو تعريفك للحب
2-ما هي الجراة من وجهة نظرك
3-هل أنت راضية عن ما حققتيه في حياتك وهل تطمحين بالأكثر وما هو طموحك
4-باقة ورد لمن تهديها
5-باقة شوك لمن تهديها
6-شخص لا ترفضي له طلبا
7-تجربة تتمني تكرارها
8-ما هو أكثر شيء يشعرك بقدر من الحرج
وأخيرا شو كان شعورك وأنتي عم تجاوبي على اسئلتي كانت مزعجة أم لا
بتمنى ما كون تقلت عليكي
عبورة على كرسي الاعتراف Icon_wink

زائر

أهلا وسهلا بحسناء المنتدى

رح بلش بأسئلة المحققة
حسناء

1- ما هو تعريفك للحب

الحب هو يلي بيعطي نكهة لحياتك ولكل الاشياء يلي كنت معتاد عليها من قبل بس وكأنو أول مرة بتساويها
بس كمان على قد مو حلو على قد مو مر

2-ما هي الجراة من وجهة نظرك

الجرأة أنو تساوي أشياء مو متوقعة من قبل الناس
أو تحكي بأشياء محظور الحكي فيها منك
وللواقع الشب بتكون كتير أشياء طبيعية منو
بتكون جرأة كبيرة من البنت

3-هل أنت راضية عن ما حققتيه في حياتك وهل تطمحين بالأكثر وما هو طموحك

لهلأ حياتي كانت حلوة وحققت كتير أشياء بحبها
مع أنو صار كتير من العثرات
بس هاد الطبيعي
وطبعا لسا حياتي ما خلصت ففي أشياء بدي ساويها بعد
وعندي اشياء كتير أتعلمها
ومتل ما قلت في الشغل الناجح
والعيلة البيت المستقر

4-باقة ورد لمن تهديها

بهديها لأهلي ورفقاتي ولكل يلي بحبهم

5-باقة شوك لمن تهديها

بهديها لكل يلي ما بحبوني

6-شخص لا ترفضي له طلبا

هو وللصراحة أنا من النوع يلي ما بساوي غير يلي مقتنعة فيه
بس أكيد في ناس غالية علي بسمعلها أكتر وممكن أتنازل شوييييييييي

7-تجربة تتمني تكرارها
المعهد

8-ما هو أكثر شيء يشعرك بقدر من الحرج

الكلام يلي بيجرح ويلي ما بقدرني كتير بدايقني
وفي الكذب طبعا

شو كان شعورك وأنتي عم تجاوبي على اسئلتي كانت مزعجة أم لا

حبيت كتير
اسئلة لذيذة متلك
وما نزعجت بلعكس
أمبسطت بالأسئلة كتير

زائر

أحـــــم أحــــــم
عبيــــر ع الكرســـــي

أول شي بدي قدم إعتراض لأحلى وسامو
ههههههههههههههههههه
إنو يا ظالم كيف بتحطني ع كرسي التحقيق و الضو جاية ع عيوني
وعبير بتحطها ع كرسي وكأنو قاعدة ببيتها
شو التفرقة العنصرية بين الرجـــل و المرأة حتى بالكراسي

يلااااا صااااار دوري
بس مارح تقل عليــــكي عبير

1-لـــو خيروكي بين الحــب (الشخص يلي بتحبيه)وأهلك شو بتختاري؟
((ملاحظة:ممنوع تجاوبي ما بختار أو التنين مع بعض))

2-شو التضحية بالنسبة إلك..وهل إنتي مستعدة تضحي كرمال الشخص يلي بتحبيه؟

3-وقت بيوقع حبيبك بمشكلة..شو أول شي بيخطر ع بالك؟

4-بتعتبري حالك شخص أناني..وليـــش؟

5- "الشــك عند المرأة طبع و غريزة"..بتأيدي هالمقولة؟؟وليش

6-شو أحلى شي صار بحياتك من وقت وعيني ع هالدنيا لهلئ

إنشـــــــــالله كون ما تقلت عليكي

هههههههههههههههه
لك على راسي حارتك انت واعتراضاتك
بس لا تغار منها معلش لانو بنت كمان
والجنس اللطيف ياادوب يكون عندو الجراه متل عبير
حتى يوافق على الكرسي

المهم ماشالله مبين انو عبورة حربوقه وما بينخاف عليها
ومبين انو عم تجاوب بصدق وشفافية وموضوعية
ولو انو في تهرب بسيط من بعض الاساله

عبورة بس سؤالين على السريع

1- شو رايك بالاشراف عجبك القسم تبعك وهل انت حاسة حالك بالقسم المناسب؟؟

2-مين اكتر واحد لحد هلق حسيت انو احرجك بسؤال معين وشو هو السؤال؟؟

بتمنى الك اقامه سعيده وكتير مسرورين باستضافتك الكريمه

زائر

أهلا و سهلا بغيث

وأنت كمان ما تقلت بنوب
ماشاء لله حولكم
بس أكيد رح جاوبك وبنبلش مع أول أسئلة

المحقق Prince Of Silent

1-لـــو خيروكي بين الحــب (الشخص يلي بتحبيه)وأهلك شو بتختاري؟

ههههههههههههههه
شكرا على الملاحظة
دخيلو يلي كاشفني
هههههههههههه
أول ليش عم تفرض أنو أهلي ما رح يقبلو بلشخص يلي أخترتو
بس بكذب عليك أزا بقلك أنو ممكن أترك أهلي كرمال أي شب
حتى لو كان حبيبي
وبظن أنو الأهل كل قصدهن أنو يختاروا الأفضل لبنتن أو أبنهن
فازا كانو مو كتير مقتنعين هاد ما بيعني أنو مو ممكن أقناعهن

2-شو التضحية بالنسبة إلك..وهل إنتي مستعدة تضحي كرمال الشخص يلي بتحبيه؟

مممممممممممممممم
مابعرف للصراحة
وماصار معي أنو ضحيت بشي كرمال حدا
بس أزا أنا مقتنعة أنو الشخص يلي بحبو يستحق التضحية
لأن أني بحبو مو بيعني أنو قد أنو يقدر تضحيتي
واكيد لازم كون متأكدة أنو في مقابل
وهي التضحية مارح تروح ببلاش

3-وقت بيوقع حبيبك بمشكلة..شو أول شي بيخطر ع بالك؟

أكيد لازم أفهم منو شو صار وساندو وحاول قد مافيني روقو

4-بتعتبري حالك شخص أناني..وليـــش؟

مممممممممممممم
بظن أنو مافي أنسان مو أناني
أكيد مصلحتي من الأولويات بعدين يلي بهموني
مع بعض الاستثنائات يلي هون بتدخل بموضوع التضحية يعني لازم يكون في مقابل

5- "الشــك عند المرأة طبع و غريزة"..بتأيدي هالمقولة؟؟وليش

هههههههههههههه حلو هلسؤال
مارح أحكي عن المرأة بشكل عام
رح أحكي عن حالي
يعني الشك بطبعي أي
مافيني ما أحسب السيئ قبل المنيح
مابعرف أزا هاد تشائم بس انا هيك

6-شو أحلى شي صار بحياتك من وقت وعيني ع هالدنيا لهلئ

مممممممممممممم
كتير شغلات حلوة صارت بحياتي
الثانوية
المعهد
المنتدى
كلهن أنتجو أنو تعرفت على ناس ساكنة بقلبي
ومستحيل انساهم

ولله هلكتني
هههههههههههههههههه
نشالله كون قدمت أجوبة واضحة
وشكرا كتير غيوث على المشاركة

زائر

ولله أحلى وسامو
منيح يلي وضحت أنو غيث غيران مني
هههههههههههههههههههه
و رح جاوبك على سؤالينك على السريع كمان
ههههههههههههههه

1- شو رايك بالاشراف عجبك القسم تبعك وهل انت حاسة حالك بالقسم المناسب؟؟

الأشراف مسؤولية نشالله كون قدها
القسم تبعي
يلي هو حوارات شبابية كتير بحبو وكتير بحب موضيعو
وهو أكتر قسم هو وقسم المرأة بحب حط ردود على موضيعهن

2-مين اكتر واحد لحد هلق حسيت انو احرجك بسؤال معين وشو هو السؤال؟؟

للصراحة مو قصة أحراج بس غلاظة
وأكيد بيعرف حالو
ههههههههههههههههه
بس حبيت كتير فكرة الموضوع والاسئلة
وشكرا مرة تانية وسامو على مشاركتك

زائر

ههههههههههههههههههههههههههه
مين جاب سيرة الغيرة
عادي والله لاغيران ولا شي
بس ما بحب التفرقة العنصرية بين الذكــر و لأنثــــــى
عبورة على كرسي الاعتراف Icon_king

بعـــدين شو هالأجوبة الدبلوماسية القحة أنسة عبير
ما عجبتني بنوب
هههههههههههههههههههه

أرجــــو توضيح إجابة السؤال الأول

مرحبا عبورة حبيت اسألك هل الكم سؤال
و انشالله ما كون تقيلة دم عليكي
وبعرف اتاخرت شوي بس كنت مشغولة
ما علينا لح بلش معك

كيف تصفين الشخص الذي تحبينه ؟
هل انتي من النوع السهل ارضاءه ؟
عند مواجهتك لاي موقف من تحكمين قلبك ام عقلك ؟
هل انتي مع ام ضد الزواج التقليدي ؟
اذا خيروكي بين شخص يحبك وتحبينه وليس لديه المال وبين شخص يحبك
ولا تحبينه ولكن سيعيشك كملكة من ستختارين ولماذا ؟
ماذا تقولين لشخص ازعجته دون ان تدري ؟
ما هو اهم واغلى شي تملكينه في حياتك ( شي واحد ) ؟
هل انتي شخص مسلير وصادق والى أي درجة ؟
كيف تصفين نفسك بثلاث كلمات ؟
ما هو الشيء الذي لا تسطعين الاستغناء عنه ؟
ما هو اكثر شيء يجرحك ويبكيكي ؟
من اكثر شخص يبكيكي ؟
هل انتي فتاة غيورة على من تحبين كثيرا ام قليلا ؟
من العضو الذي تحبين التعرف عليه ومحادثته ؟
واخيرا ما رايك بصاحبة الاسئلة بشفافية ووضوح ؟

زائر

مممممممممم
أنو توقعت تعترض مسيو غيث
يعني بدك نعم او لا
حبيبي او اهلي
بس المشكلة انو الموضوع عندي مو بهي البساطة
انا كتير بحب اهلي
اكتر ما بتتصور
وحبهن الي مارح يخلي هلخيار يصير نشالله
ونشالله ما بنحط بهيك موقف
بس فيك تقول انو ازا صار وانو لازم وقف بوجهن كرمال يلي بحبو
مع التنويه انو لازم كون متأكدة أنو بيستحق هلشي
ممكن وقف بوجهن وبختار حبيبي
بس ما بترك اهلي
او بزعلهن
ازا فهمت علي

نشالله تكون وصلتلك الفكرة

زائر

شــــــــــكراً كتير ع الإجابة عبورة ولو إنو لسا غامضة شوي

يعني كيف ممكن توقفي بوج أهلك..وما تزعليهم بنفس الوقت!!!
كــأنو في تناقض بهالكـــلام

يعني أنا بشبه هالسؤال بمفترق طريق
واحد ع اليسار و التاني ع اليمين
ويمكن يجي يوم و تنحطي بهالإختيار
بقا أنتي شو بتختاري..تروحي ع البسار ولا اليمين!؟
بعرف إنو الإختيار صعب كتير و مو سهل
بس لازم يكون بالنهاية في قرار

زائر

يا مية أهلا سهلا برؤى
أن تأتي متأخرا خير من أن لا تأتي أبدا

وهلأ مع أسئلة
المحققة ريما

كيف تصفين الشخص الذي تحبينه ؟

طيب ولذيذ ومحبوب
شخصيتو قوية
اسمر وطويل
واكيد بحبني

هل انتي من النوع السهل ارضاءه ؟

اي هيك بحس حالي كلمة بتخليني أتدايق وكلمة كمان بتخليني روق
وطبعا على حسب الموقف
بس كمان مشكلجية شوي
هههههههههههههههه
ولازم علق على كلشي

عند مواجهتك لاي موقف من تحكمين قلبك ام عقلك ؟

على هوا ما بين معي بحكم قلبي كتير
يعني لحالو قلبي بيسيطر
بس بحاول قد مافيني كون موضوعية وحكم عقلي

هل انتي مع ام ضد الزواج التقليدي ؟

للصراحة ضدو
يعني الحب اساس الزواج
أو بتكون الحياة ما الها طعمة
بتمشي بس بلا معنا
ومو كتير مع فكرة الحب بيجي بعد الزواج
ما بتخرط مشطي هلقصة

اذا خيروكي بين شخص يحبك وتحبينه وليس لديه المال وبين شخص يحبك
ولا تحبينه ولكن سيعيشك كملكة من ستختارين ولماذا ؟

طبعا يلي بحبني وبحبو
بدون نقاش
المال مو كلشي
والحب اساس الزواج وبلاه الحياة بلا طعمة

ماذا تقولين لشخص ازعجته دون ان تدري ؟

بقلو حكي أنو مزعوج مني وبلا غلاظة
قال بينزعج لحالو وبروح
لأن أكيد عندي مبرر
وأكيد ماكان قصدي أنا مابحب أزعج حدا
أو أنو أي حدا ياخد موقف مني

ما هو اهم واغلى شي تملكينه في حياتك ( شي واحد ) ؟

في كتير شغلات غالية علي
متل وأهلي ورفقاتي
وكل يلي بحبهم
بس الأهم أنو يبقو معي وما أخسرهم

هل انتي شخص مسلير وصادق والى أي درجة ؟

أنا بكره الكذب
وبحاول كون صادقة على قد ما بقدر لأن الواحد أحيان بيضطر أنو يخبي شي
بس على قد مافيني صادقة

كيف تصفين نفسك بثلاث كلمات ؟

طيوبة
راسي يابس
صادقة الى حد ما

ما هو الشيء الذي لا تسطعين الاستغناء عنه ؟

مافي شي مافيني استغني عنو
وما بتوقف الحياة على شي واحد
بس في شي ما بحب استغني عنو
أو ما بتخيل حياتي بدونو
متل الأشخاص يلي بحبهم

ما هو اكثر شيء يجرحك ويبكيكي ؟

الظلم
الكلام القاسي
وأنو حس حالي جرحت انسان بحبو

من اكثر شخص يبكيكي ؟

هههههههههههه ماعديتهم للصراحة
بس يلي بيظلمني

هل انتي فتاة غيورة على من تحبين كثيرا ام قليلا ؟

كتيييييييييييييييييييييير

من العضو الذي تحبين التعرف عليه ومحادثته ؟

أنت ومايلي
بحسكن كتير لذيذين
وازا أتعرفت عليكم رح نكون رفقات نشالله
بس ماصار فرصة

واخيرا ما رايك بصاحبة الاسئلة بشفافية ووضوح ؟

كتير لذيذة وظريفة وقريبة من القلب
طبعا مو مجاملة هاد الحكي
هاد يلي بحسو

شكرا كتير على الاسئلة رؤى
ونشالله تكون واضحة بلنسة ألك
وبأنتظار أي اسئلة تانية

مابعرف ليش حبيت هل موضوع يمكن لانو عبورة عم تناقش في ههههههه
طيب عبورة بتسمحيلي اطرح اسئلتي عليكي هههه
اطرح اسئلتي مو سئالتي ههههههههههههههه
يلا بدي بلش لانو اكيد الجواب رح يكون نعم هههه
احم احم
بسم الله
1-مين اكتر شخصية بتحترميا بحياتك عبورة على كرسي الاعتراف Icon_cool

2- مين الانسان يلي ئدملك معروف كتير كبير ضمن المنتدى عبورة على كرسي الاعتراف Icon_cool

3- شو هوة الموقف يلي عملتي ولحد الان بتندمي عليه
4-مين بتحبي يكون ئئرب لالك ابوكي ولا امك
5-مين الفريئ يلي بتشجعي بالمونديال ههههه
6-هل تفضلي العلم على المال
7- بتحبي تكوني فنانة ومعروفة يعني الك شهرة واسعة بالفن هههه
8- شو الشي يلي جذبك لتدخلي وتسجلي بمنتدى معهدنا
9- هل انا غليظ ام مايع ام سئيل هههههه بدك تختاري وحدة منون عبورة على كرسي الاعتراف Icon_king

زائر

ولله يا غيث مابعرف شو قول
يعني أنت حسيت أنو في تناقض بلحكي
لأن الموقف يلي حطيتني فيه كتير صعب
ونحنا البنات بنحسو اصعب بكتير منكم أنتو الشباب
مابعرف بجوز بنكون متعلقين بأهلنا اكتر
بس ازا عنجد وصارت لله لا يقدر
ولازم اختار يمين او شمال متل ما قلت
بختار شمال
ههههههههههههههه
حبيبي قصدي
يعني عنادية بعرف حالي
وبتمسك فيه لاخر حد
يعني طالما أنا مقتنعة فيه
فليش الأعتراض من أهلي أنا ماعم أفهم
ومهمة الأهل بأنو يتمنو الأحسن لولادهم
بس طالما ولادهم متمسكين بشي حتى لو ماكان بشوفو منيح
فبرأي لازم يتقبلو ويوقفو جنب ولادهم مو يكونو سبب تعاستهم
مع النويه أنو أنا من النوع يلي ما بقرب من علاقة ازا كانت مرفوضة من قبل أهلي أو مستحيلة
بس لو صار ووقعت بهيك شي لأن الحب دائما بكون بدون منطق
فبظن وضحتلك موقفي مع شرح مستفيض للقصة
هههههههههههههه
منك ومني
وبرجع بقول نشالله ما بتصير مع حدا
ومشكور مرة تالتة
ولاتقلي الأجابة وااااااااااااضحة
يا لطيف شو بتنق
هههههههههههههههه

زائر

اهلا وسهلا ب
Brave knight
منور وشكرا كتير عنجد خجلتني

وأكيد بجاوبك بكل سرور

1-مين اكتر شخصية بتحترميا بحياتك

الشاعر نزار قباني

2- مين الانسان يلي ئدملك معروف كتير كبير ضمن المنتدى

مممممممممممم
هو مو معروف
بس بيساعدني كتير
غيث

3- شو هوة الموقف يلي عملتي ولحد الان بتندمي عليه

أنا عادة بتصرف كتير بعفوية
فألي تخبيصات أحيان
مو كتير بتكون محسوبة
بس بندم وقت زعل حدا مني
وأكيد ما بكون قاصدة

4-مين بتحبي يكون ئئرب لالك ابوكي ولا امك

هههههههههه
هو للصراحة أمي اقرب
أنا وبابا مو كل هلقد
ما بنتفق بنوب
بس أكيد بحبو كتير وهو بحبني
بس أمي غير

5-مين الفريئ يلي بتشجعي بالمونديال ههههه

لاتذكرني
لك ما بقي حدا نشجعو
أنا بحب كتير البرازيل والارجنتين
مع أنو كنت بتجاكر كتير من البرازيل لأن بتربح كتير
هههههههههههههههههههه
بس أكيد أكتر فريق بيستاهل نشجعو

6-هل تفضلي العلم على المال

أكيد
أنو لتنين مهمين
بس المال ما بيجيب علم وثقافة

7- بتحبي تكوني فنانة ومعروفة يعني الك شهرة واسعة بالفن هههه

ههههههههههههههههه
أنا وصغيرة كنت كتير بحلم أنو كون مذيعة
بس هلأ ما بتخيل
يعني يمكن يسحبو الكلام مني سحب لأحكي
لأن كتير رح اخجل
ههههههههههههههه

8- شو الشي يلي جذبك لتدخلي وتسجلي بمنتدى معهدنا

أعضائه
علاقة الأعضاء ببعضن
وموضيعهن المتنوعة والحلوة

9- هل انا غليظ ام مايع ام سئيل هههههه بدك تختاري وحدة منون

ههههههههههههههههههه
بلعكس كتير لذيذ
وأسئلتك كتير ظريفة
بشكرك كتير على مشاركتك

اي عبورة منتابع استضافتك على كرسي الاعتراف
وحابب ارجع اسال سؤالين
بعد ما شفنا سويا اساله الاعضاء واجاباتك عليهم
1- ورد اثناء ردودك على الاعضاء يلي وجهو اسأله كلمه مع المحقق
فهل كانت هالكلمه بقصد المزاح ام انو شعورك بانك في موقف تحقيق؟؟
2-شو رايك بالاعضاء يلي سالوك باختصار
وسام -باد بوي-غيث-حسناء-ريما--الفارس الشجاع
لو بكلمات قليلة كيف بتشوفي الاعضاء يلي سألوك

بحب ذكر الاعضاء انو عبورة ما زالت على الكرسي واي حدا عندو اساله
بامكانه يطرحها قبل ما نخليها تروح

ومشكورين جميعا

زائر

أحلى وسامو
بلنسبة لكلمة محقق كانت من باب المزح بس
لأن لو عنجد كنت حاسة حالي بموقف تحقيق ماكنت قبلت أنو شارك
لأني بكره هاد الموقف كتير
يعني حتى أهلي لما يسألوني عن شي وحس أنو أسلوبهم كان تحقيق برفض أنو جاوب

أما بلنسبة لرأي بالأعضاء يلي سألوني واحد واحد
وسام قمة الذوق واللباقة وكتير حباب وردوده دائما فيها هضامة

باد بوي أسم على مسمى ههههههههههه كتير ظريف وحباب ودائما يأسان ههههههههههه

غييييث كتير قوي ونقاق ههههههههههه يلي براسو بدو يساويه متمسك برأيه ولذيذ ومميز و "نسونجي "هههههههههه

حسناء حسناء المنتدى كتير حبابة على مايبدو وبحس أنو قلبها طيب وخجولة

ريما حكيت من قبل كتير قريبة من القلب ولذيذة وبحس أنها جريئة شوي

الفارس الشجاع ههههههههههههههه موكتير لسا كونت فكرة عنو بس واضح أنو كتييييييير لذيذ ومهضوم
يعني بذكرني بنبيل" مبدئيا " لأن أكيد كل واحد عندو شخصية فريدة عن الباقي

س 1 : مين أكتر عضو بيفهم عليكي .؟
س 2 : مين بتحبي من المطربين الشباب "واحد" و الصبايا " وحدة "..؟
س 3 :أديش بتحسي هالمنتدى مهم بالنسبة إلك .....؟
س 4 : و وين إنتي من هالحياة .....؟
س 5 : و شو بدك منها ....؟
س6 :و إذا قالولك قوولي جملة للحياة شو بتقولي ....؟

إنشاء الله ماكون تقلت عليكي
بس أكيد إنتي جوهرة نادرة و حرام الواحد يرميكي بشوكة
لأنو الورد كلو قليل عليكي
بحب هنيكي عالصراحة اللي بتتمتعي فيها
و عنجد إنت كتيييييير روعة و كل مواضيعك روووعة

و كلك على بعضك حلو
" غنية لكاظم الساهر "
بتمنى تسمعيها كلها

أخوك captain

MSKOORA YA AMOOORA

زائر

ياهلا بلكابتن براهيم
وين هلغيبة
اشتقنا لهلطلة
منور المنتدى وجلسة التحقيق
هههههههههههههه

ومع أسئلة المحقق
captain

س 1 : مين أكتر عضو بيفهم عليكي .؟

بلنسبة للموضيع بعتقد أنو الكابتن
بحب موضيعه وبحس عم يحكي عني أو بدالي

اما بلنسبة للأشخاص في اكتر من حدا بس أكتر حدن
الأماني

س 2 : مين بتحبي من المطربين الشباب "واحد" و الصبايا " وحدة "..؟

هلا بتفرق بين انو بحب او انو بسمع
هههههههههههههه
بس بحب أبو وديع كتير وكاظم الساهر
وبلنسبة للصبايا
اليسا أكيد

س 3 :أديش بتحسي هالمنتدى مهم بالنسبة إلك .....؟

المنتدى من الأولويات اليومية بلنسبة ألي
وعنجد ازا مرق يوم بدون ماكون موجودة فيه بحس ناقصني شي وبشتاق لأعضائه كتير

س 4 : و وين إنتي من هالحياة .....؟

أنا بنت عم حاول لسا ساوي مستقبل حلو وأبني حياة كون راضية عنها من كل النواحي

س 5 : و شو بدك منها ....؟

فيك تقول كلشي
بدي كون مبسوطة
وعيش حياة حلوة ومرتاحة الى حد ما لان أكيد حياة بدون مطبات ونكسات مافي

س6 :و إذا قالولك قوولي جملة للحياة شو بتقولي ....؟

شو بقول للحياة
مممممممممممممممم
بقلها بعرف مارح تعطيني كلشي بدي ياه
بس رح حاول امبسط بيلي اخدتو
وأكيد بقول الحمدلله على كلشي السيئ والحلو يلي رح يمرق بحياتي

شكرا كتير برهوم
كلك ذوق وامبسطت بمرورك وأسئلتك
والغنية كتير لذيذة متلك ومتل كلامك الذوق شكرا

اممممممم
هلا والله بالكابتن
نورت عبير
هههههههههههههه

اي عبورة سالناك عن رايك بالاعضاء يلي سألوك وهلق مر الكابتن على الموضوع
شو رايك بالكابتن برهوم كيف بتشوفيه بكلمات قليلة؟؟

وشكرا لجهودك ووقتك يلي عم تقضيه على الكرسي
ومنعتذر اكيد انو شغلناك شوي معنا بس اكيد لانو منحبك

زائر

شو هل وسامو
ولله شكرا الك على متابعتك
وعلى الاستضافة المريحة
يعني ما عذبتوني بنووووووووووووووب
هههههههههههههههههههه
وأكيد رأيي بلكابتن أنو ملك الكلام الحلو
يعني قديش بشوف وبسمع حكي حلو
ومجاملات أكتر
بس يا أخي هالشب فنان
هههههههههههههههههه

منورين وسامو وبرهوم
بتشكركم من كل قلبي

مرحبا عبورة اسفة لانو اتأخرت عليكي

لح اسئلك كم سؤال

1 مين من الممثلين بتحبي ممثل واحد و ممثلة وحدة ؟

2 شو اكتر شي بتكرهي بهالدنيا ؟

3 شو اكتر شي بتحبيه بالدنيا ؟

4 شو الكلية يلي كنت حابة تدخليها بس الظروف ما ساعدت ؟

5شو رأيك بالزواج بغض النظر عن انو تكوني هلأ حابة او لأ لانو ما بعرف هههههههه؟

انشالله كون ما تئلت عليكي بلأسئلة وتكوني ما تدايئتي مني

» الكابتن على كرسي الاعتراف
» ملاكي على كرسي الاعتراف
» البرينس على كرسي الاعتراف