سوريا تمنع المنقبات من الجامعات ...!!!!

دمشق – ي. ب. آ :
أعطى وزير التعليم العالي السوري غياث بركات توجيهات تقضي بمنع دخول الطالبات المنقبات إلى الجامعات السورية، وأعلن الوزير السوري رفضه لما وصفه بالظاهرة التي "تتعارض مع القيم والتقاليد الأكاديمية ومع أخلاقيات الحرم الجامعي".
ونقل موقع "سيريانيوز" السوري عن مصدر وصفه بأنه "موثوق مقرب من وزارة التعليم العالي"، فضل عدم الكشف عن اسمه، أن الوزير السوري قال إن "طلابنا هم أبناؤنا لن نتركهم عرضة لأفكار والعادات المتطرفة"، على حد ادعائه.
وتأتي الخطوة السورية بشأن حظر المنقبات من التسجيل بالجامعات بعد خطوة مماثلة اتخذها وزير التعليم العالي في مصر حيث قرر العام الفائت منع المنقبات من دخول لجان الامتحانات والمدن الجامعية وهن يرتدين الجامعات؛ الأمر الذي أثار ضجة كبيرة وأزمة طالت شرائح كثيرة من المجتمع المصري

بصراحة أنا نزلت هالموضوع و بعتقد أغلبكون سمعوه
و بدي أعرف رأيكون بهالموضوع ياللي أنا بشوفوه خطير
و خاصة نحن بلد مسلم و كمان هي حرية شخصية ولا شو

بتمنى من الكل المشاركة
تقبلو تحياتي

حسبي الله ونعم الوكيل ع هل قرار
لا تعليــــــــق

عذرا سيادة وزير التعليم العالي
من شو متضايق منهم؟؟
عذرا سيادة وزير التعليم العالي
مين يلي سمحلك تتدخل بحرية الناس ومعتقاداتهم؟؟
عذرا سيادة وزير التعليم العالي
حدا اشتكتالك انو نحن متضايقين منهم؟؟
عذرا سيادة وزير التعليم العالي
هيك قرارممكن يصدر من الدنيا كلها بس ما بيصدر من دمشق
عذرا سيادة وزير التعليم العالي
لا انا ولا اهلي متشددين بالدين
والحجاب عندنا بالعائلة عادي ما عنا منقبات
بس هيك قرار بيجرح كل المسلمين

لا حول ولا قوة الابالله

مشكور كابتن على طرح الموضوع للنقاش

حكم القوي عالضعيف
بس لازم يكون في حرية شخصية شو ذنب كتير من الصبايا تنحرم من التعليم بس بهالسبب
لأنو في كتير أهالي معقدين وعندن هالشي أساسي
وقت الانسان بدو يفكر بأي قرار لازم يدرس جميع جوانبه
ويفكر بمصلحة المجتمع والجيل الجديد قبل مايفكر بالعادات وكيف يمنعها

لا حول ولا قوة الا بالله
مشكووووور عالموضوع
الله يجزيك كل خير

زائر

لا تعليق

مشكور برهوم ع الخبر

رفقا بي يا قلمي على هذا القرار رفقا
فإن أطلقت كل ما لديك من معارض فإنك سترقني و لن أبقى
فأنا من أهوا اللثام و أبدي له كبرياءا و عشقا
فهو من الدين و له من الله هدى و تقى
واقول لكل مسلمة
قل للملثمة التي جائت تقرضني اللثام *****أخفت وراء لثامها حسن يبوح به اللثام
لا تهمليه ... و أعرضي عن شبه فيها الحرام ****وارحمي ...الشبان من ويل الغرام
تحشمي وتشبهي بنساء طه و الأمام ****هن الشموس الساطعات هن أسراب الحمام

إن أكملت فقد أصبح ذكرا على شفاه المحبين
وان توقفت فلن أفيكم حق اليقين
فهل تريد يا وزيرنا تسييب الحريم
أمهات العالم فهل تحكم بأن يكونو من الأميين
بئس ما أطلقت من قرار لن يرضى به كل أمين

للكابتن فكر كريم نقل ما هو عظيم
فهل لأحد يشكره يكون أكثر مني كليم
ذو قوة و فصح و علم و عقل سليم
فاشكر يا من ذكرت صاحب الغيظ الكظيم

لست مجبرا أن أشكرك بما لا يفيك حقا فهل ترضى و إن فعلت فلك ودي و أمام الناس بالخير ذكرى

شو بدو يقول الواحد غير حسبي الله ونعم الوكيل
بس ما كنت بتوقع هيك قرار يكون عنا بدمشق
فما عتب على فرنسا او غيرها او غيراتها
بس والله حرام هل البنات يشعرو فيهن شوي
شو يلي عملو وبشو اذنبو غير انو ملتزمات اكتر من غيرون
ولكل واحد معتقداتو التزامو
مشكور برهو انا سمعت في للقرار

يعطيك العافية

زائر

؟؟؟؟؟؟؟؟؟؟!!!!!!!!!!!!!!!!!!!!!!!!

ليش بقى هنن مو بشر مثلنا مثلون

منحقون يتعلموا كمان

شو هالحكي هاد

[b]
[b]هلق انا بشوف الموضوع الو وجهين
الوجه الاول

[b]بعتقد مو من حق سيادة الوزير انو يصدر هيك قرار ببلد مسلم
لانو وقتا رح يضحكو علينا الدول الغربية الي عم تحرم المنقبات من حق التعليم

[b]وبعتقد انو هادا الموضوع حرية شخصية ودينية
والدستور السوري بيضمن هي الحرية وبياكد عليها يعني بعتقد هالقرار مخالف للدستور
يعني بشكل طبيعي بيكون بحكم الملغي

[b]
[b]امااا الوجه التاني
فا برجع لكلام الوزير الي قال
[b]طلابنا هم أبناؤنا لن نتركهم عرضة لأفكار
والعادات المتطرفة

هلق ما بعرف شو قصدو المحدد من هالكلمة
بس وزير ما بيحكي هيك كلمة الا اذا كان عندو علم بشغلات عم تصير بالحرم الجامعي
وسببها اشخاص عم يتنكرو باسم الدين والنقاب لينشرو افكار متطرفة خطيرة بيحاولو فيها
يخربو المجتمع والدين
لهيك قرر يكشف الغطا عنون بمنع المنقبات من دخول الحرم لانو بعتقد وصل الموضوع لمرحلة خطيرة
تطلب يتخذ هيك قرار

هل ما بعرف شو قصدو الوزير
بس انا هادا رايي
الي ما بقدر اتعلق بواحد منون واالغي التاني ليطلع الوزير ويوضح الموضوع

مشكور كابتن

[/b][/b][/b][/b][/b][/b][/b]

[b][b][b][b][b][b][/b][/b][/b][/b][/b][/b]

نورتوني والله كلكون كلون
وبالفعل معكون حق بكل حرف قلتوه و بالنسبة للماعلقوا أكيد هنن مجروحين كتير من هالخبر
و أنا و إنتو بنعرف إنو هيك قرار كتير خطاً و خاصة بهيك وقت كل العالم عم تحارب الإسلام
و بدي قول كمان للمنقبات إنو لا تقلقوا إنشاء بتفرج عليكون و الله كلنا معكون قلباً و إيماناً بكم
و بحرياتكم اللتي تسلب و أنا ضدد أي أحد يضع هالقرار من نظرة إيجابية " يعني " موافق"
و بدي قللهوم إنو شو عملتوا ....؟
إستفيقوا أيها العرب ....فقد طما الخطب حتى خاصت الركب
و الله دركم يا أصحاب هالقرار الجارح

و لاحول ولا قوة إلا بالله العلي العظيم

و شكر خاص لكلام أسامة الرائع اللي لازم يتثبت إدام راس كل واحد بيوافق على هيك قرار

زائر

بدي قول قبل ما تعترضو على فرنسا
وقبل ما تحكو على امريكا شوفو حالكم

يعني بامريكا بيسمحو النقاب بالجامعات
وبيعتبر حرية شخصية

بس بدي نوه
انو لهلا ما في قرار رسمي
وكل يلي انحكا تسريب معلومات
بس بصراحة ما بدهم ياها للقصة من اصلها
يعني

النقاب كان مسموح
بس بالفحص لازم تكشف عن الوجه حتى بكلية الشريعة
يعني هيك كان القانون
والكل ماشي عليه
ليش ليفتحو باب تاني للمشاكل

معك حق حبيب عبود
و كلامك سليم بالمية مية

مشكور عالطلة الرووووعة

ما بعرف ليش كل هالتعقيد والله احتاروا شو بدهن يطلعوا قرارات يعني شو ذنب هدول البنات كمان هنن من

حقهن انو يدرسوا وما فيهن يعني يتراجعوا انو يقيموا هالنقاب لانو صار جزء منهم ومستحيل بعتقد انو يزبط هالقرار

معهن وبعتقد انو متل ما قال BAD BoY يمكن تسريب معلومات والقرار لسه ما نزل

شكرا وتقبل مروري :bounce:

انا اول مرة بسمع بهالقرار بس اكيد ضدو

يعني اكيد هاد حرية شخصية واحيانا بتكون البنت مطرة ومجبرة منشان اهلها

بقى شو ذنبها انشالله ما يطبق لإني بظن اذا اطبق ما حيكون في عدل ابدا

يلا انشالله خير

شكرا كابتن عالخبر

ورد وسام واسامة كانو كتير حلوين

وشكرا مرة تانية.

انا مع القرار 100%

ياما شايف بعيني حالات غش بالمعهد من ورى هي القصه

انو طيب شو مشان

وكمان انا مع رأي الدكتوره اللي طلعت وحكت عالعربيه يمكن وهي دكتوره بدرس بالحقوق على ماأذكر

وهي كانت محجبه بس ضد النقاب بالجامعه وانا معها
وحكيها كان مقنع

والقرار مو ضد الإسلام كان ولا خالف اي شي منو

القرار سليم وكان من زمان يطلع

تقبلو رأي ..

هاد القرار طلع بس السيد رئيس الوزراء ما وقع عليه وبما إنو هيك قرار ما وقع عليه السيد رئيس الوزراء معنا هال الحكي إنو هاد القرار حبر على ورق حتى يوقع عليه السيد رئيس الوزراء

وخدوا هي الكلمة مني إنو هاد القرار السيد رئيس الوزراء مالح يوقع عليه لأن مالو مستعد يستغني عن منصبو مشان هيك قرار

ليش اخدين القصه بشكل متعصب كتير

كونو حياديين

القرار سليم ومافيو شي

صح في تدخل بحرية

بس هاد ضمن الحرم الجامعي

ولو مافي شي من ورى هاد القرار

ماكان طلعو

اكيد ماعم يلعب هو

وبيعرف شو الرد من هيك قرار

رغم اني لهلأ مابعرفو لوزير التعليم العالي ولا شفتو ولا مره

بس عجبني بجرئتو بهيك قرار

وانا معو

أي سيدي الأيام جاي ولح انشوف كلنا انو هيك قرارات لح يصير من وراها مشاكل كتير وكل شي شفناه على التيفي والنت كان جس نبض للشارع مو اكتر

عاشقة النجوم كتب:: ما بعرف ليش كل هالتعقيد والله احتاروا شو بدهن يطلعوا قرارات يعني شو ذنب هدول البنات كمان هنن من

حقهن انو يدرسوا وما فيهن يعني يتراجعوا انو يقيموا هالنقاب لانو صار جزء منهم ومستحيل بعتقد انو يزبط هالقرار

معهن وبعتقد انو متل ما قال BAD BoY يمكن تسريب معلومات والقرار لسه ما نزل

شكرا وتقبل مروري :bounce:

والله يا عاشقة النجوم القرار نزل و شبع تنزيل كمان
و بالنسبة للبنات المنقبات الله يكون معهون

مشكورة الطلة الروعة

galaxy كتب:: انا اول مرة بسمع بهالقرار بس اكيد ضدو

يعني اكيد هاد حرية شخصية واحيانا بتكون البنت مطرة ومجبرة منشان اهلها

بقى شو ذنبها انشالله ما يطبق لإني بظن اذا اطبق ما حيكون في عدل ابدا

يلا انشالله خير

شكرا كابتن عالخبر

ورد وسام واسامة كانو كتير حلوين

وشكرا مرة تانية.

أوكى ست مروى نورتيني
بس بأكدك أنو القرار تم إتخاذو و عم تصير اجراءات اللازمة

شكراً للمرور الراقي

** المدير العام ** كتب:: انا مع القرار 100%

ياما شايف بعيني حالات غش بالمعهد من ورى هي القصه

انو طيب شو مشان

وكمان انا مع رأي الدكتوره اللي طلعت وحكت عالعربيه يمكن وهي دكتوره بدرس بالحقوق على ماأذكر

وهي كانت محجبه بس ضد النقاب بالجامعه وانا معها
وحكيها كان مقنع

والقرار مو ضد الإسلام كان ولا خالف اي شي منو

القرار سليم وكان من زمان يطلع

تقبلو رأي ..

أوكي شريك إنت عم تحكي عالغش مو
فيني إسئلك كم سؤال عالماشي

هل بتعتقد إنو بس المنقبات هنن اللي عم بيغشوا ..؟
هل بتعقد إنو هيك قرار ممكن ما يأثر عالإسلام .....؟
و كمان فيك تعلي كم نوع من العالم اللي عم تغش .....؟
شو مشان تسريب الأسئلة لبرا ...؟
شو مشان الواسطة اللي صارت كل مادة عم تشترى شري هاد من الناحية الغش...؟

بقا القصة خيار و فقوس و هو حابب يطلع بين العالم المغير الرائع
و اللي بإيدو كل شي بيصير

مع إحترامي الشديد لحضرتك بس أكيد أنا ضددك بهالقرار
و ألف شكر عالطلة الحلوة و الظريفة كمان

سلااااام

عبدالرحمن كتب:: هاد القرار طلع بس السيد رئيس الوزراء ما وقع عليه وبما إنو هيك قرار ما وقع عليه السيد رئيس الوزراء معنا هال الحكي إنو هاد القرار حبر على ورق حتى يوقع عليه السيد رئيس الوزراء

وخدوا هي الكلمة مني إنو هاد القرار السيد رئيس الوزراء مالح يوقع عليه لأن مالو مستعد يستغني عن منصبو مشان هيك قرار

مشكور شريك بس في كتير إجراءات بتأكد إنو القرار بلش يسري عنا هوووون

نورت حبيب

** المدير العام ** كتب:: ليش اخدين القصه بشكل متعصب كتير

كونو حياديين

القرار سليم ومافيو شي

صح في تدخل بحرية

بس هاد ضمن الحرم الجامعي

ولو مافي شي من ورى هاد القرار

ماكان طلعو

اكيد ماعم يلعب هو

وبيعرف شو الرد من هيك قرار

رغم اني لهلأ مابعرفو لوزير التعليم العالي ولا شفتو ولا مره

بس عجبني بجرئتو بهيك قرار

وانا معو

حلو شريك إنك إعترفت إنو هو بيمس الحرية الشخصية
و إنت بتعرف الجامعات و الزحمة اللي بتصير جوا
و الشباب اللي ما إلهون شغلة ولا عملة إلا تلطيش الصبايا
" إنت معي بهالكلام صح "
طيب بنروح على شغلة إنو قرار جريء معقول يتخد هيك قرار بحق الصبايا المنقبات
أوكي حالات غش و ما غش
و بعتقد القرار حساس كتير و كان لازم يعد للــ
45628751238756184461846123
قبل ما ياخد هيك قرار على كل حال بتمنى ما يصير شي
و لا أي مضاعفات لهي القضية بس تأكيد تماماً إنو لو صار شي فرئيس الوزراء هو المسؤول
لأنو بيوقع على هيك قرار

نورت حبيب و إنبسطت كتير إنو في حدا معارض
لأنو إذا ما إختلفنا بعمرنا ما رح نتفق
و سلاااااام خاص لأحلى مدير عام

أنا مع هالقرار مليون بالمية
و الله يخلينا هالوزير...لإنو في قصة بعرفا
انو وحدة منقبة بالفحص...عم تغش رسمي من تحت النقاب بالموبايل
بس الأساتذة ما حكوا معا شي لوقت ما طلعت
فانفجرت عليون انو عم يظلموها وهي بتعرف حالا انها كذابة وبالأخير ما قدروا الأساتذة يحاكوها من كتر ما صارت تبكي على اساس

انا ضد هالقرار
اذا نحنا عم نحي هيك معناها ما عتب عالبلاد الاجنبية بعدين هي حرية شخصية مالازم حدا يتدخل فيهم
ما عم يضرونا بشي هنن
ما بعرف انا هاد رأي
شكرا لكاتب الموضوع

» انتباه الى كل طالبات الجامعات
» مفاضلة 2011 للمعاهد و الجامعات
» 81 % من خريجي الجامعات السورية ينتظرون الوظيفة 4 سنوات