بدي تفاعل كبير بهالموضوع بس بدون خناق هههههه

كتبت هيك العنوان لاني شفت موضوع قريب منو وكان فيه شوية مشاكل فيه المهم

نعلم بأن الكثير من الرجال قد يعجب بفتاة ثم ما يلبث ان يخطبها ويتزوجها ويحقق الله مراده .. ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه اوسعة ادراكه.. الخ من الصفات التي تكون كافيه بأن تجعلها تتمناه زوجا !... فالحب والكره والمودة من الله سبحانه وتعالى لم يختص بها جنس معين ....
ولكن في مجتمعنا الحالي نجد ان هذا الشيء مرفوض كون ان فتاة تتمنى الارتباط بشخص ما ...فهي تعلم يقين العلم انه ان لم يكن يفكر بها فهو بداية طريق عذاب لمشاعرها....

ماذا لو علمت بأن بنت عن طريق النت او بنت من أقربائك تتمناك زوجا ؟
هل ستصغر في عينيك كونها قد احبتك ؟..

ماذا لو ان هذه الفتاة ارادت لفت نظرك لها بأي وسيله سواء بالتلميح لاحدى اخواتك او حتى ارسلت لك رسالة وقالت لك انا معجبة بك بسبب تدينك او اخلاقك ...
واريد الارتباط بك على سنة الله ورسوله ...

بصراحة ماذا سيكون موقفك ؟؟؟؟
وكيف كنت تتمنى الطريقة التي تشعرك برغبتها بالارتباط بك ؟

ارجوا التفاعل من عموم االأعضاء لندرس الموضوع معا .. اخذين بعين الاعتبار ان هناك الكثير من الفتيات تعجب بشباب وتكتم ذلك في قلبها علما بانها تفكر به بالحلال اي بالارتباط الشريف .بدي راي البنات والشباب بالموضوع ..
و برجع بركز على نقطة الصراحة ...

بدي تفاعل كبير بهالموضوع بس بدون خناق هههههه Large_18219_4670

الله لا يعلق حدا هال العلقة انا ماعندي مشكلة اذا في شي بنت معجبة فيي يالله يا بنات وين الرسائل الخاصة

هلة انا معاك بكل الحكي انو كل عندو مشاعر ومافيها شي اذا حاولت انتباهي ورح كون سعيد بذلك وممكن الله يجعل قسمة بينا

صراحة هالشغلة بتخوف وجريئة كتير
ومعظم الشباب العرب عندون عصبية
ودغري بفكروا أنو البنت دالئة حالها ومن هالحكي
وفي شباب مو هيك
ياريت الشباب يتئبلو هالشي
بس والله صعبة عالبنت
مابعرف
حلوة الفكرة بس صعبة كتير

مشكور بلدينغ

بصراحة اي بتصغر بس يعني نحنا شرقيين قد مارحنا وقد ما اجينا

بس هلئ يعني كلشي عم يتطور وعم تختلف الافكار والعادات والتقاليد

وسمعانة ئصتين من هاد النوع بس البنت ما صغرة بعين الشب
بل صغرة بعين اهلو

بس اكيد شغلة صعبة والله لا يعلقنا فيها

شكرا بليدنغ هههههههههه الموضوع حلو بس ما بدو خنائ

ايوا حلو الحكي
بدك الصراحة موقف بااااااااااااايخ كتير
بس انا بقلك شغلة
اذا البنت حطت شب براسها بتجيبو كرفتة
اسالني الي انا سمعانة قصص لشبعانة
يعني مالح يوقف شي بطريقها
ممكن عن طريق اسلوب معاملتها معو تتحسسو انو رايدتو
اما هيك تصارحو طب غم
لا مو حلوة ابدا
وحتى المجتمع ما بيتقبلها اذا اتقبلها الشب عنا

مشكور بيلدنغ على الموضوع الحلو
يلي بدو سنين وايام لينحل
لو كنا بأميريكا مافي اسهل منو

هههههههههههههههههههه
ههههههههههههههههه
هههههههههههه
ههههههههه
هههههه
هههه
ههه
ه

عليي الحلال موضوع خيال
بس خلينا بالصراحة متل ما قلت
شوف شريك هلق هي لازم تلمح تلميح أو تدلع عالشب مثلاً
أوكي هاد الشي مقبول نسبياً أما إنو والله هي تبادر بموضوع الإعجاب التاني
بصراحة أنا برأيي هاد شي غريب و بالحقيقة صار هالموضوع معي كذا مرة
بس الحمد لله إنقضت الشغلة على خير و ما صار شي برات الطريق كلللو جوا

هلق أنا ماني شايف إنو الموضوع عيب إذا كان الشب إستوعابو قليل
أو إذا مشاعرو ما عم تتحرك تجاه حدا و خاصة للبنات " اللي بيدلئو " حالون عالشب
و أنا من هووون بقلك رأي شاب شرقي إنو بالفعل بتنزل من عين الواحد
شوف المشكلة مو فيها هي كشخص أو كبنت أنو كيف و ليش و شلون
بس صدقني هيك مواضيع بتاخد بعد أكبر بكتير بمجرد كلمة " أنا بحبك "

لأنو كمان البنت عندها مشاعر
طيب إذا قلنا إنو هي بتحبو بالحلال
شريك في تربليون طريقة تقلو ياها غير علنا يعني غير " أنا بحبك " دج
هيك من دون لا إحم ولا دستور و برأيي إنو حرام كمان الشب

و بدي وجه رسالتين بختام الموضوع
أولاً لصبايا النت : اللي هنن متل إخواتي والله
يا صبايا أنا بعرفكون إنشاء الله إنكون أعقل من إنو تعترفوا بحبكون لشب
و مهما زاد الشوق و الوله أوعى تحكي شي لأنو والله العظيم بيعمل إي شي ليفضحك
طبعاً مو الكل و شكراً لجميع الصبايا اللي بدهون يردوا و ردوا

تانياً لبليدينغ : شريك ماني عرفان شو بحكيك على جمال كل شي راقي عم تقدمو
مافيني قلك غير الله يديم عالروعة علينا و عالمنتدى
و برأيي إنت من الأعضاء الأوفياء للموقع
و أكيد أنت إنسان مثقف و واعي
و بصراحة هي النوعية من الناس أنا بحترمها كتيييييييييييير
و من الآخر تتزوجني ....؟؟؟؟؟؟؟؟@@@@@@!!!!!!!!
ههههههههههههههههههههه
ههههههههههههههههههههههههههه
والله يا ملك إنك منور المنتدى كلو الله يديمك يارب
و ما يحرمك من كل محبينك

تحياتي و سلاماتي إلك

صديقك برهوووم

زميلي بليدنغ :

موضوعك فظيع و خطير بنفس الوقت \ لكن بس للشباب , البنات ما دخلهم فيه أبدا.
بطريقة ثانية : أنا مع جواب الآنسة ريما ، ردها واضح جدا بكل شفافية !! و هذا يؤكد آخر دراسة احصائية قمت فيها عن بداية أي علاقة عاطفية . (للإطلاع سؤالي بشكل شخصي) .وبعدين لاتخاف على البنات بحطوك بيجبتهن الصغيرة !

إنت عم تسأل الشباب شو لح تكون ردة فعلو و هي بتختلف من شب لتاني ، و الطريقة يلي عم يفكر فيها !!!

وللكلام تتمة ....

بتشكر رأيك عبود كتير

بتشكر رايك برشلوني كتير

بتشكر رايك روبي رو كتير

بتشكر رايك * Princes* كتير

بتشكر رايك ريما كتير

بتشكر رايك ونصائحك للصبايا برهوم اما بالنسبة للجواز فانا متجوز هههههه دور ع غيري الف بنت بتتمناك

بتشكر رأيك ابو اسامة كتير

الموضوع اكتمل وزراد حلا بمروركم

بالفعل الموضوع كتير حساس

فينا نقول البنات نوعين

بنت كتير بتخاف تصارح بهالشي
بسبب خجلها او لحتى ماتفقد الشخص يلي حابة تكون دائما قريبة منو
لان من الممكن انو ينصدم بهيك صراحة ويحاول يبعد عنها لحتى مايجرح مشاعرها

وفي بنات عندون تعليق الشب ولفت انتباهو شي سهل كتير
جريئات وقلبون قوي وبجوز ماتوقف حياتون على هالشب اذا ماتقبل منون الصراحة او الاعجاب

يعني بقيت الشغلة على حسب الترباية كمان
بـــــــــــــس
على الاغلب البنت الشرقية مابتحاول تحكي عن حبها
واذا حكيت بظن انها عنجد محتاجة لشخص يكون قريب منها كتير

عالعموم موضوع كتير حلو النقاش فيه

وبدي وجه شــــــــــــــــكر كبير
لل الكابتن
عالنصيحة يلي قدملنا ياها

تقبلو مروري

أول شي مشكور أخي بيلدنغ على هالموضوع الرائع

بس بيضل هاد الشي ألو كتير خيارات و ما فينا نحددها ببساطة

لأانو البنت لما توقع بهيك قصة
رح يكون في أحداث و في شخصيات و في أماكن و في شي ألف شي ممكن يوقف معها و يساعدها
أنو توصل حبها لهالشب

أما أنو هي قصة طب غم فبعنقد فيها شوية صعوبة

و ما بعتقد أنو الصبايا بيلاقو صعوبة بالتعبير عن مشاعرون
فمتل ما سبق وحكيت
في ألف طريقة تقدر تبرز مشاعرها

وسيدي كلشي بوقتو حلو
و الكلام بهالموضوع ما بيخلص

و مشكور مرة تانية على هالموضوع الرائع

مع أرق التحيات

** عاشق الندى **

هلا ببيرلا وانا بالطبع بحترم رأيك

وكمان عاشق الندى مشكور على رأيك

نورتوا

» مع كل وداع ستتعلم
» برشلونيات......هههههه
» طالب ذكي --رهيييييبة هههههه