الكابتن على كرسي الاعتراف

سلام لكل الشباب والصبايا بالمنتدى
من فترة كنت عامل سلسلة لكرسي الاعتراف بحيث نستضيف عضو كل مرة ونسأله عدة أسالة
نتعرف عليه اكتر ونعمل جو من نشر الغسيل بالمنتدى

واضطريت وقف السلسلة نظرا لبعض الظروف يلي صارت بالمنتدى والاعضاء القداما بيعرفو هالشي
وهلق لح نرجع نتابع الاستضافة من اول وجديد وبدنا همة الكل حتى نوصل للهدف الرئيسي من الموضوع

كرسي الاعتراف للي ما بيعرفو لح ذكر فيه
هو عبارة عن عضو منستضيفه على الكرسي وباقي الاعضاء بيسألوه اسأله حتى نتعرف عليه اكتر ونزيد الالفة بين الاعضاء

وضيفنا هالمرة هو الكابتن برهوم
وجبنالو كرسي على كيفو
كرسي اجرامي نوعا ما
:twisted: :twisted:

الكابتن على كرسي الاعتراف Massage-Chairs-SL-A12Q-

الكابتن على كرسي الاعتراف Massage-Chairs-SL-A12Q-

طبعا منلاحظ مع بعض انو الكرسي لح يثبت الكابتن وما لح يقدر يهرب منو
:twisted: :twisted: :twisted:

بس كمان من واجبنا نحضرلو فنجان نسكافيه حتى يجاوب على الاسالة وهو صاحي

الكابتن على كرسي الاعتراف 1257794993

وهلق بترك الميكريفون مع الاعضاء وبتمنى من الكل انو يشارك ويتعاون معنا
ومطلوب من الكابتن برهوم انو يجاوب بكل صدق وشفافية
وبتمنالو فترة استضافة مريحه على الكرسي
وبتمنى نشوف تفاعل من كل الاعضاء

ودمتم بخير
اخوكم ابو السوم
أمير الورد

نريد سيفي كامل عنه
يعني عمره شوبحب تاريخه الحافل من اول ماولد بالتفصيل وشكرا

ههههههههههههههههههههههههههههههههههههههههههه
عجبتني اللعبة
بما أنو السيد برهوم ما بعرف عنو شي
بدي أعرف شو اهتماماته غير الرياضة وشو مشاريعه للمستقبل

أنا عندي اسالة كتير للكابتن
لح بلش معك بسؤالين

الاول عجبك الكرسي يلي جبتلك ياه
هههههههه
؟؟؟

التاني ليش بتحب برشلونا ؟؟؟

الي عودة لح اكتفي بسؤالين هلق مبدأيا؟؟

شو مشان اللورد ........؟
ههههههههههههههههههه
هههههههههههههههههههههه
والله يا وسامو أنا إعتقددت إنو تكون القعدة مريحة بس بهالشكل ما توقعت صراحة
الكرسي كتير حلو
و فنجان النسكافيه رح إشربوا كلللو أكيد مشان الصحصحة
و أكيد كل رد رح يكون بكل شفافية و إلا ما كان كرسي إعتراف
و بشكرك من كل قلبي مع إنو القعدة مو سهلة بنوب
و رح نشوف شوفي عند الأعضاء
و لقاءي معك رح يتجدد أكيد بكل رد إلك

و إلى اللقاء

[

quote="ليلى الغد"]نريد سيفي كامل عنه
يعني عمره شوبحب تاريخه الحافل من اول ماولد بالتفصيل وشكرا[/quote]

هههههههههه
هههههههههههههه

ست ليلى الأمورة أنا رح جاوبك كل سؤال على حدا ...؟
شغلة السيفي الكامل بإمكانك ببعض إسئلة كان ممكن جاوبك بس هيك نو واي
شو بحب .... الهدوء و عدم الثرثرة
تاريخي الحافل ... هو مو حافل للأسف

و شكراً

ساكسي فوا غيرل " للأسف إسمك الحقيقي ما بعرفوا بقا يمكن يكون الإسم خطاً

" مو خلاف "

إهتماماتي غير الرياضة أكيد الصداقات و للأسف هي الشغلة كتيير بتزعج
و مشاريعي للمستقبل .... والله هلق عم إشتغل على فيزا لأنو طلبوني باللعب لبرشلونة
ههههههههههه
ههههههههههههه
لا أكيد عم إمزح بس بالوقت الحالي
مافي شي غير التخرج و العسكرية و بعدها لكل حادث حديث

مشكورة ست ......! والله ما بعرف شو إسمك الحقيقي
بقا ياريت يتم الكشف عنو

نورتيلي الصفحة أكيد

السؤال الأول : أكيد الكرسي ممتع كتييييير خاصة إذا بكون واحد واقف فووق راسك إسمو وسامو
و الكرسي أكيد حلو و ظريف و شكلوا مكلفك كتير و أكتر من كاسة النسكافية كمان

بالنسبة لسؤال التاني : و الله يا وسامو فريق بيلعب بهالمتعة و بهالرونق و بهالفن
مافيك إلا تحبوا و أخلاااق ياعيني عالأخلاق الرياضية اللي عندهون
على فكرة إي مباراة مهما كانت حامية ما بتفرج عليها
لأنو بحب برشلونة و أي عاشق للبلوغرانا رح يقللك نفس الكلام

مشكور حبيب القلب
كتيير ظريف والله و لنشوف مين صاحب الرد الجاي

ايوا لكن برهوم على الكرسي
اي من زمان كنت حطلنا يا يا وسام
مشان نبلش في ههههههههههههه

طيب حابة اسالك كم سؤال وانشالله ما كون تقيلة دم
1- شو هو اكتر موقف او حادثة اثرت بحياتك كتير؟
2- هل انت راضي عن نفسك ؟ واذا مو راضي شو بتحب تغير بحالك؟
3- مين اكتر عضو بتحس انو بيفهم عليك كتير؟
4- شو الشي يلي انت ندمت عليه وتمنيت لو ما عملتو؟
5- هل انت انسان مسامح ولا حقود ؟
6- كيف بتوصف حالك بتلت كلمات ؟
7- شو الشي او الهدف يلي عم تسعى لتحققو وتصلو؟
8-كيف بتشوف الاسئلة يلي سالتك ياها بصراحة تامة؟
9- واخيرا شو الامنية يلي بتتمناها بحياتك ؟

واسفة اذا اتغالظت عليك بالاسئلة بس حبيت اعرف هل الكم سؤال شو جوابون.....

اول شي مبروك وسام رجعة الكرسي من جديد
وانشاء الله بتكون خير علينا كلنا وما يصير فيها زعل ومشاكل

ابراهيم عندي كم سؤال الك بتمنى الصاحة التامة بالاجابة عليهون

1 - انت شخص كتير طيب يا ترى بالحياة بتعامل الناس بنفس الطيبة الي منشوفها هون

2 - انت مرتبط شي او حابب او عشقان شي امورة

3 - اذا مرتبط انت غيور شي وقدي بتعطي حالك بالغيرة من عشرة

4 - اذا انت مرتبط بتحب انو تكون حبيبتك معك هون بالمنتدى

5 - كمان اذا مرتبط بتقبل انو حبيبتك تحاكي اي عضو بمشاكلها الخاصة وعلاقتها فيك
( صداقات غير عادية (

6 - بتقبل انو شي عضو يتحركش بحبيبتك ههههههه ويحاول يتقرب منا على حسابك

7 - ايمتى رح نشوفك :?: :!:

هههههههههههههههههههههه
بعرف اسئلتي غليظة شوي
بس انتي عالكرسي وما في مهرب من الاسئلة ههههههههه

تقبل مروري

يييييييييييي
الكابتن على كرسي الإعتراف
والله وئعت وما حدا سما عليك
ههههههههههه

انا أسألتي ما فيها شي سهلة ما فيها صعوبة
بتجتاز الإمتحان فورا لا تخاف
هههههه

أولا :

اذا انت طلبت ايميل حدا من البنات وما رضيت تعطيك ايميها . انت شو ردت فعلك يعني( بتدايق _ولا بتاخدها بروح رياضية ) بصراحة يعني

ثانيا :

هلأ انت ماشي بالطريق وفجأة شفت حبيبتك ماشية مع واحد تاني وعم تضحك معو
ومو هاممها شي(بغض النظر عن انو انت ما بتختار وحدة ممكن تساوي هيك ) كمان شو ردت فعلك :?: :?:

ثالثا :

شو أحلا الشي بتشوفو بحياتك ؟؟
وشو أسوأ الشي مر بحياتك

رابعا :

شو أكتر أكلة بتحبها

خامسا :

شو هو أكتر موقف بتحبو وبتتمنى انو يرجع

سادسا :

عبر عن مشاعرك بكلمة واحدة او اكثر لكل من.....

وسامو أمير الورد

رمروم

نبيل

أبو اسامة

ريما

وراما (سكسفول )

وووووو الكابتن انت يعني
هههههههه

وأنا (عاشقة النجوم )

سابعا واخيرا :

شو أكتر سؤال حبيتو كتيير
من بين كل هلأسئلة
وبس
بس في سؤال صغير
انت حبيت اللوك الجديد بالمنتدى
شي :?:

هي أسئلتي كلها
جاوب عليها
صح وخود جائزة
هههههههههه

أنا بطلب الصراحة ثم الصراحة بالأجوبة
وبعتذر كتيييير
على الإطالة
والأسئلة الغليظة
هههههههه

وشكررررا خاص لوسامو أمير الورد عالموضوع الأكثر من راااااااااااااائع
كنت عم استناه
حللو كتيييير
تسلم ايدك
احلا وسامو

طيب حابة اسالك كم سؤال وانشالله ما كون تقيلة دم

1- شو هو اكتر موقف او حادثة اثرت بحياتك كتير؟
لما كذبت على رفيق عمري بوقت ما لازم إكذب عليه بولا شي
و أكيد ردة الفعل كانت قاسية منو و الحمد لله الوضع تصلح هلق

2- هل انت راضي عن نفسك ؟ واذا مو راضي شو بتحب تغير بحالك؟
من الناحية النفسية رح قللك ل" لأنو مابدي عمليات تجميل " هههههه
والله يا ريما كتير بعاني من طيبة قلبي يعني والله العظيم
ما بعرف شو بقول و العالم كمان صايرين ولاد حرام و شو بدي قوول لقووول
و خليها بالقلب تجرح و لا تطلع لبرا و تجرح.....!!!
بس بشكل عام " الحمد لله على كل حال "
3- مين اكتر عضو بتحس انو بيفهم عليك كتير؟
بصراحة هلق
في وسام
ريما و نبيل و شوي غسانو و كمان عمران و عاشقة النجوم كمان

4- شو الشي يلي انت ندمت عليه وتمنيت لو ما عملتو؟
نفس الشي اللي قلتو من قبل " كذبة على رفيق عمري "

5- هل انت انسان مسامح ولا حقود ؟
ههههههههه
هههههههههه
من أجوبتي رح تعرفي
أنو المسامحة عندي " خط أحمر "
و الحمد لله بس بحسها نعمة بأكتر الأوقات

6- كيف بتوصف حالك بتلت كلمات ؟
إبراهيم ... اليتيم .... الكابتن
لأنو هيك سؤال ممكن ينطرح على الناس بيعرفوني مو أنا

7- شو الشي او الهدف يلي عم تسعى لتحققو وتصلو؟
إني عيش حياة كريمة
و كون مبسوط و تكون شريكة حياتي كمان بخير و صحة
كمان طبعاً إنو ندخل الجنة مع الإبرار بإذنه تعالى

8-كيف بتشوف الاسئلة يلي سالتك ياها بصراحة تامة؟
بشكل عام
كتييير حلوين و خرج الكرسي والله
و بيقربوا عالحس بأكبر درجة " بيخاطبوا القلب "

9- واخيرا شو الامنية يلي بتتمناها بحياتك ؟
إني ماخون ولا رفيق من رفقاتي مهما كانت الظروف
و إنو أهلي يكونو رضيانين عليي
و تكون " حبيبتي " عندي أهم شي بحياتي

بدي إشكرك من كل قلبي عالأسئلة الحلوة و اللي بتخاطب القلب
و أنا بعرف أديش الحب و الحنان بياخدو من حياة البنت فكيف إذا كانت البنت هي
........ ريما .........
أكيد مافي تعليق على رقة و جمال و رونق أسئلتك كمان

1 - انت شخص كتير طيب يا ترى بالحياة بتعامل الناس بنفس الطيبة الي منشوفها هون

إتأكد تماماً نبيلو إنو هوون تماماً متل البيت و متل المعهد
و مافي عندي شي خبيه و لا أي شي
بالعكس أنا هوون أكتر جرأة و بحكي كتير " بلعي " هههههه بس بالحياة العامة
أنا كتير هااااادي لأ بعد درجة

2 - انت مرتبط شي او حابب او عشقان شي امورة
بصراحة ...... لا
لأنو بالوقت الحالي
يا أنا ما بهمت على هالبنات يا هنن ما بيفهوا عليي

3 - اذا مرتبط انت غيور شي وقدي بتعطي حالك بالغيرة من عشرة

قلتلك لا ... و بعطي من عشرة
0\10
و ما بتصدق أديش ممكن إتقبل العالم لأنو نحن بالبيت هيك ربينا بلا راس كبير يعني

4 - اذا انت مرتبط بتحب انو تكون حبيبتك معك هون بالمنتدى
بصراحة كتييييييييير
لأنو هون ممكن الواحد بكتير أحيان يحكي شغلات بقلبو
بالحياة العادية مافيه يقولها
و هووون خلف هالشاشة العميانة كلللو بينكشف أنا هيك رأيي
" طبعاً ببعض الأوقات مو كل الحديث "

5 - كمان اذا مرتبط بتقبل انو حبيبتك تحاكي اي عضو بمشاكلها الخاصة وعلاقتها فيك
( صداقات غير عادية (
لا طبعاً .,,,..........
مهما كنت حدا مثالي ما برضا بهيك شي لأنو إنت عم بتقوول مشاكل خاصة مو كلام و سلام و بس

6 - بتقبل انو شي عضو يتحركش بحبيبتك ههههههه ويحاول يتقرب منا على حسابك
و الله إذا رح تكون هبلة و على نياتها
فليش لا و بعدين إذا بدي حب " الثقة " خط أحمر
و مو لازم حدا منا يتجاوزو

7 - ايمتى رح نشوفك :?: :!:
ههههههههههههه
هههههههههههههههه
حلو هالسؤال كتير
والله أنا سألت العقرب عن موعد اللقاء الجاي و ماردلي خبر
بس إيمتا ما بدك أحد ... تلاتاء و .. خميس .. أنا بالمعهد
و فووق بالطابق الأخير بالعادة
لأنو ما بحب العجئة بشكل عاام
يعني كفتيريا ما كفتيريا " مو جوووي بنوب "

لك شو هالنبيل و الله إنك فلجة
بصراحة كانوا إسئلتك قووية كتير
و بشكرك من كل قلبي على نوعية الأسئلة و أكيد المحبوبة تبعك
رح تكون مبسوطة كتير منك و بتحبك كمان
لأنو كل أسئلتك عن المحبوبة فأنا شاكك إنكط بتحب حدا من الأعضاء
أوكي على كل حال الله يوفقك حبيب و إنشاء الله عن قريب رح نلتقي هيك إحساسي و بالغلط كمان

تحياتي لقلمك الراقي حبيبي نبيل الملك

أولا :

اذا انت طلبت ايميل حدا من البنات وما رضيت تعطيك ايميها . انت شو ردت فعلك يعني( بتدايق _ولا بتاخدها بروح رياضية ) بصراحة يعني

أكييييييييييييد رح إتقبل الموضوع
بعدين مين أنا لحتى أدايق ولا شي
بالعكس كتيير موضوع ما بيدايق و على فكرة صارت معي كتير و هون بالمنتدى كمان
بس أكيد مافي مشكلة ولو بدي أزعل كنت قدمت طلب حذف عضويتي
لأنو أكتر من وحدة رفضت الموضوع
لااااااااااااااااااااااااااااااااااااااااااا
عادي و أقل من هيك بنضل أخوات و أصدقاء بعهد رب العالمين

ثانيا :

هلأ انت ماشي بالطريق وفجأة شفت حبيبتك ماشية مع واحد تاني وعم تضحك معو
ومو هاممها شي(بغض النظر عن انو انت ما بتختار وحدة ممكن تساوي هيك ) كمان شو ردت فعلك :?: :?:

أكيد أول شي رح فرجيها حالي " إنو تعرف إني شفتهون "
و رح إطوي القصة و ممكن إسألها كمان مين هو .. ؟ شو السبب الضحك ...؟
و بعض أسئلة ... تانية كمان
بس إنو دغري إقطع لها كرت متل ما بيعملوا شباب هالإيام
لاااااااااااااااا أبداً لأنو هي كمان أحاسيس و مشاعر و إذا أنا منقص عليها أي شي
رح تروح و تاخدو من غيري هاد شي طبيعي و سنة الحياة هيك ماشية

ثالثا :

شو أحلا الشي بتشوفو بحياتك ؟؟
وشو أسوأ الشي مر بحياتك
الصداقات اللي بعملها
بحسها نادرة و مافي منها و ما بتتخيلي أديش بعرف ناس من كافة الأطياف و الأديان
و كبار و صغار و مسؤولين و عاديين و كل نوع حدا
" من كل قطر أغنية "
أما أسوأ شي فبعتبر " كذبة رفيقي كانت أسوأ شي "
لأنو غيرت مسار حياتي كلها

رابعا :

شو أكتر أكلة بتحبها

هههههههههههه
ههههههههههههههههه
ملوخية
بموووت فيها

خامسا :

شو هو أكتر موقف بتحبو وبتتمنى انو يرجع

إمممممممممم
روحتي عالحج ...
أكيد ما بنسى ولا لحظة من هديك الرحلة

سادسا :

عبر عن مشاعرك بكلمة واحدة او اكثر لكل من.....

وسامو أمير الورد ... بحبوا كتيير و توأم روحي بالمنتدى

رمروم ..... إدارية من أعلى الطراز و طيوبة " قوية كمان " ههههههه عم إمزح بالحق طبعاً نعم

نبيل ....... قلمو كتير رائع و هو الأفضل حالياً من نوعية المواضيع الموجودة

أبو اسامة .... صديق إلكتروني

ريما ..... بتمنى أعرفها أكتر لأنو بحس عندها كتييير شي حلو بقلبها و الله يهنيها طبعاً

وراما (سكسفول )......... العصفورة راما و الله ماصرلي زمان بعرفها بس طيوبة كمان

.... وووووو الكابتن انت يعني
هههههههه
هههههههههههههههه
شو مشان .... بدي قللو هدي شوي و كلو بيتصلح

وأنا (عاشقة النجوم )
... أكيد مو ممكن عبر بمجرد كلمات عن حدا كتير فاجأني بنوعية الأسئلة اللي طرحتها
لكن برأيي المتواضع إنت بتخلطي بين الحب و المرح و الجد و الواقعية بحياتك بشكل عام
بتتقبلي الرأي الأخر و نوعية ردودك محترمة بلا جروح بلا كلام فاضي متل كم وحدة عنا هوون " دون ذكر حدا "
لأنو ما بستاهلوا .. و كمان إنت نوعية من الناس اللي ما بينسوا بسهولة
و مرحة متل ما قلت و عندك شي كمان كتير حلو بقلبك و الصدق هي أهم صدفة بألأنسان الخالد ذكروا أكيد
و بدي قوول شي غريب معليش ,......؟
بدي قوول للي بيحب " عاشقة النجووم "
دير بالك عالجوهرة اللي بين إيديك لأنو عنجد ما رح تلاقي متلها
و الله يهنيكي عنجد فرحتي قلبي اللي يفرح قلبك

سابعا واخيرا :

شو أكتر سؤال حبيتو كتيير
من بين كل هلأسئلة
السؤال الأخير
مهضوم و جريئ

وبس
بس في سؤال صغير
انت حبيت اللوك الجديد بالمنتدى
شي :?:
لااااااااااااااااااااااااا
من قبل كان أحلى
لأنو كنت لون بالأحمر و الأصفر بس هلق بدي حوول للأزرق و الأحمر
ألوان نادي برشلونة
هههههههههههههه
ههههههههههههههههه
رجعنا للرياضة

أولا بحب أشكرك على أجوبتك الحلوة والواضح
وتبين معي أنك كتير أنسان منيح
وبدي أسئلك كم سؤال:
1. شو هو شعارك بالحياة؟
2. مين مثلك الأعلى؟
3. ايمتى أخر مرة بكيت وليش؟
4. رتب الأشياء التالية حسب الأهمية: الأهل , الصداقة, الدراسة, الحب
5. ندمان أنك دخلت المعهد أو كنت حابب تدرس شي تاني؟
6. حابب تنسأل عن شي لسا ما سألناك عنو؟

بس هدول انشالله ماكون تقلت عليك

1 ... شعار الحياة
" إعمل لأخرتك كأنك تموت غداً ...... و إعمل لدنياك كأنك تعيش أبداً "

2 ... مثلي الأعلى
أكيد أبي و بفتخر إنو عندي هيك أب

3 ..... سؤال البكي
ههههههههههه
هههههههههههههههه
ههههههههههههههههههههههه
سؤال غريب بس كتير بحب جاوب عليه
يا ستي آخر مرة بكيت كانت من خمس شهور
و كانت أول مرة بيحكيني فيها رفيقي بعد ما إتخانقنا
" تنذكر و ما تنعاد "
و الحمد لله الوضع هلق تمام و كل شي بخير بيني و بينو

4 .... الترتيب حسب الأهمية
الأهل
الصداقة
الحب
الدراسة

5 ........ الندم على دخول المعهد
نعم ندمان بس ما طلعلي غيرها
و بصراحة إتفاجئت كتير لما بلشت داوم
لأني كانت صورة المعهد عندي متل المدرسة
بس الحمد لله طلعت كتييير متل الجامعات و أنا بشوفها أحسن منها

6 ....... السؤال غير المسؤل
والله يا راما ما بعتقد الشباب و الصبايا خلو شي
بس بعتقد إنو إنسألت أسألت كتيير حلوة
و بشكل عااام لااااا مافي حالياً

بدي قلك شي راما
أول شي أنا بدي إشكرك على الأسئلة الحلوة و المزوقة كمان
و كمان على رأيك فيني
و بدي قللك إنك من خلال قلمك فهمت إنك رقيقة لأبعد حد
و بتتقبلي الغضب بالبكي و الحزن بالسكوت
" يعني بعكسي "
نورتي الموضوع و بجد أي كلام مارح يوصف مشاعري و أنا عم إكتبلك هالشي
و بتمنى إنك تنزلي عالكرسي بأقرب وقت ممكن و إنشاء الله رح تشوفي الأسئلة الحللوين
و أكيد أنت حدا من الأعضاء المميزين عنا بالمنتدى هوون
و الله يوفقك بس ممكن تخففي رقة و حنية لأنو هالزمن والله ما بيعيش بخير إلا
" إبن الحرام "
آسف عالكلمة بس كتير مزبوطة بهالوقت طبعاً الأمر ما بيخلى من ولاد الحلال
" بشكل عااام "
بس حتى هووون بالمنتدى في ناس ولاد ...!!! بكل معنى الكلمة
لأنهون ما بيعرفو وين بيوقف كلمتهون و لا بيعرفوا شو ممكن تسبب ضرر لألو
بس يالله مو رايحة غير ولاد الحلال متلك أكيييييييد

نورتي الموضوع و الصفحة " صديقتي "

والله شو بدي قلك

مافي كلام بعد يلي كتبتو بهنيك

الكابتن على صدق صراحتك

وكلامك الرائع

وشفافيتك كمان يلي ما لها مثيل

وعلى طيبة قلبك

وشكرررررررررررا كتييير

كابتن

الك على رحابة صدرك

وصدقك بالأجوبة

تسلمي يارب ست عاشقة النجوم
و الله نورتي الصفحة بالتوقيع المميز
و بشكرك على رأيك اللي بجنن فيني

نورتي الموضوع مرة تانية
ورتقبلي تحياتي الحارة إلك

والله يا ابراهيم بدي اشكرك كتييير
فعلا اجوبتك كتير صريحة وعفوية وبتدل
على شخص كتير طيب وخرج يكون صديق
بشكرك على صراحتك
الكابتن على كرسي الاعتراف 529718

أهلين بالملك نبيلو والله
عيوني إلك ..... ولو
بعدين أنا جاوبت عالإسئلة و كأنو أعز أصدقائي عم يسألوني ياها
بالفعل كتير فرحت بعد ما خلصت جواب عليهون كلهون
و تسلم شريك عالرأي الرااائع
و نورت الصفحة حبيب القلب
بس وينك نحن بدنا نلتقي عالقريب العاجل
و أنا هيك حاسس

مشكور عالطلة البهية

صديقك برهوووم

الكابتن برهوم حبيب أنا حابب أتعرف عليك شخصي
شو رأيك
مارح أسألك لأن الشباب والصبايا كفو وفو
؟؟؟؟

الكابتن وما ادراك ما الكابتن

بصراحه الاساله يلي عم نشوفها كتير رائعه
والاجوبة واضح انو صريحه وجراية وما فيها اي نوع من التهرب

لفت انتباهي اساله عاشقة النجوم
اسأله حلوة ورائعة وانا من هلق بنصحك تدرسي صحافة
santa

منرجع لاخي الكابتن
مع كم سؤال بمعية شورابك يا طيب

الاول
في عضو احرجك بسؤال معين وترددت قبل ما تجاوب عليه؟؟ وشو السؤال ان وجد؟؟

مين اكتر عضو وبصراحه لحد هلق حبيت أسالتو ولفتت انتباهك واحد وبس؟؟

الكابتن شو هي اهدافه وطموحاته بالحياة
؟؟؟
لا تقولي بدي اخلص دراستي والعسكرية واتزوج وخلف صبيان وبنات
هات من هدول يلي مخبيهم جوا

؟؟

كيفك انت والماده بالحياة
وشو بتعنيلك العملة والمصاري؟؟
وهل انت مع المتل القائل معك ارش بتسوى ارش
وما معك ارش ما بتسوى شي

دارج هالايام

منتابع استضافة الكابتن واي عضو حابب يسال شي
الكابتن لساتو عنا
وبوجه شكر لكل الاعضاء يلي تعاونو معنا وشاركو معنا
مشكورين جميعا يا احلا اعضاء

بالنسبة للملك أبو الوليد
أنا بتشرف أكيد أني إتعرف على أي حدا من الأعضاء هوون
و مافي مشكلة أكييييييد بالعكس كتير هالشي بيفرحني

و إنشاء الله رح يتم الموضوع عن القريب العاجل

و نورت حبيب القلب
مشكور

و منرجع للورد و أبو كل اللوردات
إممممممممممممم بالنسبة للمقدمة الحلوة الصفرة بشكرك كتير و معك حق أكيد
بموضوع الصحافة لأنو العاشقة عنجد فلجتني بالأسئلة

بنرجع للأسئلة اللي بتشرف بالجواب عليهون

السؤال اللي أحرجني غير موجود
بس سؤال " نبيل " عن الغرور صدمني مو خلاني إتردد
لأنو أكيد ما إلي علاقة بالغرور و كل شي بيعرفني بيعرف أديش إبراهيم عااااادي

و السؤال التاني ........ العضو المميز بالأسئلة
والله كلهون مبدعين و أسئلة غاية في الدقة و الحساسية
بس ممكن أسئلة " عاشقة النجوم " حلللوة كتير
و أنا بحب هيك نووع من الأسئلة اللي بتدمج بين القلب و العقل و ما بتتناول واحد فيهون و بس
هاااد لأنك قلت بدي إسم بس أكيد كلهون حلوين و إنبسطتت بأسئلتون و إنت أولهون أكيييد

السؤال التالت ..... " هات من اللي بخبيهون جوا "
ههههههههههه
ههههههههههههههه
شو مشان
و الله إنت أكتر حدا من المنتدى بتعرف شو الوضع
بس أكيد نو مشكلة رح قووول
1. إني ماخون ولا بني آدم على وجه البسيطة ولا حدا يخوني .... لأنو الخيانة و الظلم .. أكره شي بالحياة
2. أي شي ممكن يأذي حدا بيخصني فأنا رح إبعد عنو شو ماكان و بأي وقت و بأي مكاان
3. إني موووت و عندي صديقين أو تلاتة بالكتير يذكروني بالخير بعد موتي
4 . إني ماكون أذيت أي حدا من ناحية " الحب " و " الصداقة " و ما عتقد من ناحية الحب في حدا
إلا إذا هو مفكر بالأساس إنو علاقتنا ممكن تكون حب أو شي هو بيتصوروا و من الصداقة " سبق و حكيت "

طبعاً هدول بعد كل شي ذكرهون اللورد بالبداية
و بعد كل شي مذكور بالسابق من ياللي حكيتو

السؤال الرابع .... المادة .؟
هاد السؤال من الأسئلة اللي رح وقف عندها معليش لأنو عندي هو خط أحمر

أول شي بالنسبة لسؤالك .. كتير ملفت و حلو و إجا بوقتو
و بالنسبة لأني مادي أو لأ من خلال كلامي رح تعرف .... تابع.؟!!@#

بدي قوول شي كتير مهم لكل مين عم يقرا هالكلام
يا شباب يا صبايا مافي حدا بالدنيا ما بحب المصاري لأنو هي أهم شي بالأيام الحالية " للأسف "
لكن بتختلف طريقة حب كل واحد منا
و من إعجاب ... لحب ... لهيام ... لغرام .... لوله .. لجنون .. لمرض حياتي
آخر نوع هو أكتر نوع منتشر بهالأيام و بطبيعة الحال أنا ضدد كل الأنواع اللي ذكرتهون
إتفاجأتو ما ... هاد لأنو العملة و المادة هي بالنسبة " للكابتن " برهووم " أنا " وسيلة و ليست غاية
و يا لطيف شو عم نسمع سمعات هالأيام عن أب دبح ولادو و أخ ترك أخوه و عم طلق مرتو و ....و....,و....و
إلخ.................؟؟!!@@!#!#!##!##!###!#!#
هي الرموز أكيد إن دلت فبتدل على شي أنا عم إحترق من جوا عليه
الوضع قااسي أكتر ما إنتو و أنا متصورو ما بدي قوول إنو الحياة بلا مصاري بتمشي لاااااااا
هاد الكلام مرفوض جملة و تفصيل و أي شي بينحكى غير هيك بكون تمسيح جوخ
الحياة فيها الحلو و فيها المر و فيها السالب و الموجب و أكيد نفسنا بتدعونا للجانب السالب " بكل شي عامة "
و بموضوع المصاري كمان كل أصدقائي و أهلي و معارفي و الناس اللي بعرفهون بيعرفوا الشي المادي شو بالنسبة لألي
متل ما قلت أكيد أنا الوسيلة هي " المصاري " لتعيش و مو العكس متل المتل اللي أنا كتير بحبوا و بحب إسمعوا دائماً
في ناس بتعيش لتاكل " المصاري " ............ وفي ناس بتاكل " المصاري " لتعيش
بدك تقلي شو الفرق ... ؟ بدي قللك مافي مجال للمقارنة إرجع عيد الجملة أكتر من مرة و رح تعرف شو الوضع

بالأخير بحب قلك أنا مو ضدد إنو الواحد يجمع مصاري
لكن خلينا بالعقل نوزن كل شي و أي حدا رأيو بالحياة صدقني رح يكون من خلال المصاري
و أي صديق برأيي بدو يقول مبارح أنا جبتلك هي و بعتلك هي و إشتريتلك هي .......إلخ
هاد مو صفر على شمال .... هاد من حياتي ما إلو وجود

بعدين خلينا واقعيين
الواحد فينا إديش بدو يعيش أكتر شي ممكن .....؟ 60 سنة صح أو لأ " هاد متوسط أعمار اللي عم بيموتوا
طيب هلق أصغر واحد عم يقرا هالكلام عمرو مو أقل من عشرين يعني التلت
طيب فيك تتذكر شي موقف من المصاري أسعدك
إمممممممممممممممممممممممممممممممممممممممممم ؟
أكيد مافي بس فيك تتذكر مليون سعادة من بوسة لحدا مرضان أو هدية لأختك بعيد ميلادها
أو وردة بتعطيها " للعصفورة " الحبيبة و خلتها فرحانة قد الدنيا
" طبعاً بهالوقت أقل بنت بدها موبايل سنتو لتحبك أو شي 2000 وحدة باليومين لتحكي فيهون معك " ملاحظة كانت هي "

و آآآآآآخر شي بدي قوول مشكور وسامو عالسؤال الخيلة
و اللي بصراحة كان أكتر سؤال جاي على بالي جاوب عليه

و شكراً و تحياتي لكل مين قرا الرد كلللو
و منورين حبيبات الكابتن كلللللكون

مع تحيات اللي عم يجاوب " برهووم "
بكل صدق والله والله والله العظيم

موضوووع كتيررر حلووووو

يلااا بس يصير دوري قولولي وانا حاضرة باذن الله

» عبورة على كرسي الاعتراف
» ملاكي على كرسي الاعتراف
» البرينس على كرسي الاعتراف