هل يحق للاخ ضرب اخته

هل يحق للأخ ضرب أخته مهما كانت الاسباب ؟؟
للأسف هذه الظاهرة موجودة بيننا رغم التكتم عنها.
هذه الظاهرة بدأت تظهر على السطح بسبب وعي المرأة ورفضها إلى القهر والظلم والاستبداد من قبل الرجل.
هل يحق للأخ ضرب أخته مهما كانت الأسباب وهل تؤيد ذلك؟

هل يريد الاخ أن يبرهن لنفسه ولاخته على انه سيد البيت المطلق في ضل غياب الاب..
والاخت ليست سوى جاريه تطيع أوامر السيد ؟

هل الاخ الذي يضرب أخته أخ غير ناضج اوضعيف الشخصية؟

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟
هل يستمدّ الرجل جبروته من قوّته، أم من ضعف المراه ؟
هل المرأة لا يجب ضربها على الإطلاق، مهما كانت الظروف أو الأسباب؟؟
بني وبينكم البعض واعي والبعض الآخر (( لا )) ليش ما بعرف يمكن ( تخلف )؟؟؟

عطيني رايك ؟؟؟؟؟؟؟؟؟؟؟؟؟؟؟؟؟؟؟؟؟؟

أكيد لا يحق لأخ ضرب أخته مهما كانت الأسباب لأنها في النهاية إنسان يتمتع بكافة حقوقه

هل يحق للأخ ضرب أخته مهما كانت الأسباب ؟
لا
هل الاخ الذي يضرب أخته أخ غير ناضج اوضعيف الشخصية؟
ضعيف الشخصيه ولا يملك اسلوب التفاهم بالكلام

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟
في لحد الان ناس بكونوا متعلمين ومتحضرين ولكن للاسف بستخدموا الضرب ,
مو شرط اللي بكون المتخلف هو الوحيد اللي بضرب

هل يستمدّ الرجل جبروته من قوّته، أم من ضعف المراه ؟
الاثنين
هل المرأة لا يجب ضربها على الإطلاق، مهما كانت الظروف أو الأسباب؟؟
ربما لان الضرب بولد العناد ويمكن تكرر الخطء نفسه او تعمل شي اعظم منه

يسلمو ع الموضوع الحلو منكـ :)
وربي يعطيكـ العافيه :)

ماننحرم جديدك

زائر

هل يحق للأخ ضرب أخته مهما كانت الأسباب وهل تؤيد ذلك؟
نعم يحق له بس بحدود. بس انا من جهتي برفض هي الطريقة مهما كان السبب.وبفضل طريقة الحوار
وكمان انشالله بتنكسر ايدي اذا بفكر اضرب حدا من أخواتي

هل يريد الاخ أن يبرهن لنفسه ولاخته على انه سيد البيت المطلق في ضل غياب الاب..والاخت ليست سوى جاريه تطيع أوامر السيد ؟
نعم بس مو لهالدرجة انو تكون جارية يعني بلأخير هو رجال البيت بغياب أبوه

هل الاخ الذي يضرب أخته أخ غير ناضج اوضعيف الشخصية؟
ما بقدر احكم عليه لأنو بجوز يكون عم يضربها من خوفه عليها

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟

انسان متخلف . لأنو الضرب بعمرو ما كان مقياس للحضارة

هل يستمدّ الرجل جبروته من قوّته، أم من ضعف المراه ؟
من الاثنين معا

هل المرأة لا يجب ضربها على الإطلاق، مهما كانت الظروف أو الأسباب؟؟
ما بجوز ضربها

شكرا كتير عالموضوع

كلام سليم
لكن .........................!!!

أنا برأيي في حال عدم وجود الأب على الأخ أن يأخذ مكان الأب
بالشي التالي ...

بالبداية لازم يفهم رأيها و شو وجهة نظرها بالموضوع المختلف عليه
تاني شي إقناعها قدر المستطاع بالفكرة اللي براس الأخ
تالت شي محاولة كافة الطرق لتفهيمها بالصح " طبعاً الصح مو وجهة نظر خاطئة "
رابع شي إذا ماضل وسيلة ما إستخدمها الشب و فضلت على الخطأ

برأيي هون يلزم الضرب و لازم يكون الشب شوي واعي للضرب
لأنو في حال ضربها و ماكانت واعية ولا هو واعي
فالشي هاد بأدي لعواقب وخيمة ماحدا بيرجاها

ولما القرآن ذكر موضوع الضرب النسوان
أكيد هو ماقصد الضرب المؤذي و إنما الضرب المؤدب " بكسر الدال "
لأنو بالنهاية كل بني آدم بيحتاج للحظة يراجع فيها أفكارو
و يمكن الضرب هاد يكون السبب برجعة الأفكار عالراس

في نقطة مهمة جداً هاد الكلام كلللللو إذا كان الأب ميت أو غير موجود
و إذا كان الأب موجود فهالكلام ما إلو أي داعي ولا مبرر

لأنو الأب هو القائد لجوقة العائلة

بس والله يا وسيم حتى الضرب أحياناً و المبرح كمان
ما بيفهم المرة لما تكون يابسة الرأس ولييي إي هي حلال ذبحها
هههههههههههههههههههه
هههههههههههههههههههههههه

مشكور وسيم عالموضوع الرائع
و بالفعل موضوع نقاشي من الطراز الأول

هل يحق للأخ ضرب أخته مهما كانت الأسباب وهل تؤيد ذلك؟
لا يحق له .. وأكيد مابأيد هالظاهرة

هل يريد الاخ أن يبرهن لنفسه ولاخته على انه سيد البيت المطلق في ضل غياب الاب..
والاخت ليست سوى جاريه تطيع أوامر السيد ؟
نوعاً ما أي بجوز لأن الأهل طمعوه زيادة بهالنظرية .. بس هالشي مابجوز لان الكل
سواسية ، ومهما كانت الظروف لايحق للأخ بضرب أخته بحضور الوالدين

هل الاخ الذي يضرب أخته أخ غير ناضج اوضعيف الشخصية؟
بعتقد رح يكون ضعيف الشخصية وغير مثقف وغير ناضج فكرياً

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟
مســـتحيل يكون متعلم وواعي

هل يستمدّ الرجل جبروته من قوّته، أم من ضعف المراه ؟
اذا هيك الجبروت فهوي مو قوي بنوب بالعكس ضعيف كتير وماعندو اسلوب للتعامل

هل المرأة لا يجب ضربها على الإطلاق، مهما كانت الظروف أو الأسباب؟؟
اكيد لا .. كل حدا فينا بيغلط وبيتعاقب ع غلطو ما حدا معصوم عن الخطأ ..

*******

بتشــــكرك كتير وسيم عالموضوع الحساس
وللأسف هالشي عم يظهر بواقعنا ومجتمعنا
:!: :!: :!:

هل يحق للأخ ضرب أخته مهما كانت الأسباب وهل تؤيد ذلك؟
أكيد ما بحقلو وليش رب العالمين خلق بيناتنا لغة الحوار
لان في النا عقل يفكر و منطق نتحدث فيه

هل يريد الاخ أن يبرهن لنفسه ولاخته على انه سيد البيت المطلق في ضل غياب الاب..
والاخت ليست سوى جاريه تطيع أوامر السيد ؟
اي اذا كان عندو عقدة السيطرة بكون هيك تفكيرو الضحل والقليل العقل

هل الاخ الذي يضرب أخته أخ غير ناضج اوضعيف الشخصية؟
والله انا برأيي هاد اسمو ضعف شخصية ومحض كمان

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟
هلا بكون متعلم و واعي بس مو فاهم لان عدم المؤاخذة يلي بيعمل هيك بكون حمار
بعدين بكون السبب يلي عم يضرب اختو مشانو عامل الافندي أضرب منو وأدق رقبة
ليش ما يعاقب حالو ويضرب حالو ولا بس بيستقوي على أختو

هل يستمدّ الرجل جبروته من قوّته، أم من ضعف المراه ؟
والله حسب شو تفكيرو الجاهل بس بكلا الحالتين برأيي المرأة قوية غصب من عن راسو وهو الضعيف
ويلي عندو عقد بحياتو عم يفرغها بالضرب

هل المرأة لا يجب ضربها على الإطلاق، مهما كانت الظروف أو الأسباب؟؟
امممممممممم هلا أن معك في مواقف بتحتم الضرب بس هي المواقف تكون كبيرة كتير
يعني مو على الطالعة والفايتة قتلة واذا كان بدو يعاقبها يكون زوجها أو ابوها
لان أخوها ما دخلو بوجود ابوها

شكرا الك وسيم على هل الموضوع الرائع
ويلي عنجد لهلا عم تعاني منو كتير من العيل
بسبب الجهل والتخلف
والحمد الله لي ما عندي اخ والله يخليلي أبي شو حنون

لا ما بحق للأخ يضرب أخته مهما كانت الأسباب

ومو بالضرب ببرهن انو هو رجال أو سيد البيت هاد خطا
أفعالو وخوفو على أهلو وحمايتون هيك ببرهن أنو رجال
وهي شغلة أنو هو رجال البيت هي حالة نفسية

هلئ يلي بيضرب بنظري هو شخص متهور غير ناضج

أحيانا الرجال هو من أساسه قوي وغليظ وما بيقدر الواحد يحكي معو كلمة
او بشوف المرأة ضعيفة ورقيقة بيصير يتقاوى عليها ويتمرجل عليها وهو بلأساس ضعيف

بظن في وساءل تانية غير الضرب
لأن الضرب مارح يفيد بشي غير أذى المرأة

مشكور بلدينغ عالنقاش الواقعي يلي منتشر كتير صراحة

شو القصة والله ما عم اضربها
هههههههههههههههه

ليش بسترجي اضربها
ولي هاد يلي ناقص

ثم انا مع انو البنت تتدلل وبس
لا للضرب لا للضرب لا للضرب

الاخت لازم تتدلل
والزوجه لازم تتدلل
وكل جنس حوا لازم يتدلل

قال ضرب قال

مشكووور على الموضوع ابو السيم

أكيد الضرب مالو وسيلة للتفاهم وخاصة بين الاخوات لأنو في حدا أهم ممكن يحل الخلاف
هنن الام والاب لانو شو ما صار ما بصير اخ يضرب أخته حتى لو كان الاب والام غايبين

نورتوا الموضوع ياجماعة

GTII

سالي

زمن

برهوم

بيرلا

ريما

روبي رو

امير الورد

عمر

زاد الموضوع حلا بمروركم

على قولة أبي ليش لتضرب إختك إذا أنا موجود ....! الله يخليلي ياه .

و فهمكم كفاية .

شكرا بليدنع على الموضوع الحساس ,

نورت ابو اسامة الملك

شكر!ً حبيبي BLEEDING !

» شاب مزح مع اخته