عاشقة النجوم على كرسي الاعتراف

سلام لكل الشباب والصبايا
اسعد الله اوقاتكم اينما كنتم على امتداد الوطن العربي
santa

منتابع مع بعض حلقات كرسي الاعتراف وضيفنا اليوم عاشقة النجوم
وانا شخصيا ما بكون مبالغ ان قلت انو ضيفنا هو ارق واطيب قلب بالمنتدى
بضيف لهالشي تميزها واحترامها للاخرين
وتالقها الواضح بين المشرفين
وجبنا لعاشقة النجوم كرسي من تصميم فرنسي ونحت ايطالي وابداع عربي
santa

وجهزنا معو احلا قعده حتى تكون مرتاحه ورايقة وهي عم تجاوب على الاسالة

عاشقة النجوم على كرسي الاعتراف 8dc1c4a6ae

والى جانب الكرسي احلا صحن فواكه وفنجان قهوة
Wink

عاشقة النجوم على كرسي الاعتراف Fruit-platter_400

وهلق بترك المايك مع الاعضاء وبنتظر منهم التفاعل متل ما عودتونا بهالمنتدى الرائع
وبتمنى لعاشقة النجوم فترة استضافة موفقه
واي خدمات تانية
كاسة مي
شاي
وخلافو انا جاهز
santa

تحياتي للجميع
امير الورد
ابو السوم

وانا ببلش باول الاسالة
عجبك الكرسي اولا؟؟

ومين كان بدك يكون على هالكرسي ان ما كنت انت؟؟

ييييييي
اول الشي بدي اشكرك كتيييير
عفنجان القهوة كتيير طيب
وصحن الفواكهة كمان اطيب
وعلى الإستضافة الحللوة منك
عنجد شكرررا كتييير خجلتني يعني

هلأ
مع انو الأعدة مو سهلة بنوووب
بس الكرسي كتيييييييييير حللو
تسلم ايديك
اكييد مكلفك كتيير مو هيك :?:
اي بس لا تستغرب اذا لقيتني نايمة عليه

ومين كان بدك يكون على هالكرسي ان ما كنت انت؟؟

هلأ مين كان بدي
بصراحة كان بدي انت تعد عليه
لازم نحطك شي مرة

لك اهلا وسهلا ابو السوم
بانتظار أسئلتك التانية يلي اكيييد
ما لح تكون صعبة مو هيك

وبانتظار اسئلة الاعضاء كمان بكل سرور

عندي شوية وقت لبعض الأسئلة :

1- من وين جاية اسمك (عاشقة النجوم) ؟
2- شو أكثر المناطق بتحبي تروحيلها ؟
3- متى كان آخر مرة انفصلتي فيها عن صديق أو صديقة ؟
4- شو اسم آخر شخص حبيتيه ؟
5- شو بتعبري تفكيرك (مزاجي ، لين ، صارم )؟
6- إذا خيرتك بين لونين (أبيض أو أسود) أيهما تختاري . ؟؟
7- إذا شب مسكلك إيدك !! شو بتكون ردة فعلك و إحساسك ؟
8- في روحة على مطعم و روحة سيران على حديقة ، شو بتختاري ؟!
9- آخر شخص انفصلتي عنو رجع حاكاكي ؟! شو قرارك .
10- في شخص بتحسي غليظ بالمنتدى ، عطينا أول حرف من اسمو .
11- شو العمر يلي بتحبي تصليلو ، الله يطول بعمرك .
12- إذا أبوك نوى يتزوج وحدة ثانية ، بتروحي على عرسو !!!؟
13- عطينا أكثر ثلاث أشياء بتحبيها و أكثر ثلاثة بتكرهيها ؟ طبعا غير أسئلتي ؟!!! هههههههههه
14- قربنا على آخر سؤال ، شو طموحك بعد 3 سنوات ؟
15- إذا حدا وقفك بالطريق و طلب رقمك بطريقة مؤدبة ، شو بتعطيه (موبايلك ، بيت أهلك ، رقم خطأ ، ما بتعطيه )
16- شو مواصفات فارس أحلامك ؟
17- ماهو الرقم المحبب لقلبك ، و أي الأسئلة عجبك أكثر شي ؟
18- إذا عندك قوة خارقة بتحسني تساوي شغلة وحدة بس ، شو هي ؟
19- حاجة بقى ولعية ، خلي مجال لغيرك ، !!!!!!!
20 - السؤال يلي ما بيعجبك بتمنى تركو فاضي بدون جواب ، مشان الصراحة ...!
21- آسف إذا زودتها ، بس هيك خطر على بالي حالياً .

طبعا إنت من الأعضاء يلي معجب فيهم بالمنتدى و كتير بحب مشاركاتك و مواضيعك .
22- بكلمتين بس وصفيلي رأيك بوسام ، أمير الورد بصراحة ...!!!!!!!!

ولكم جزيل الشكر .
مع تحيات أبو أسامة ,

اهلا وسهلا ابو اسامة
الوقت كللو معك

1- من وين جاية اسمك (عاشقة النجوم) ؟
هلأ بالنسبة لإسمي
انا بحب كتييير النجوم وعلى اساسها حبيت سمي هالإسم
يعني هيك مو بس النجوم بحبها كل شي بالسما بحبو

2- شو أكثر المناطق بتحبي تروحيلها ؟
المناطق يلي بحب روحا اممممم
بحب روح على قاسيون كتيير
منظر عنجد كتيييير حللو

3- متى كان آخر مرة انفصلتي فيها عن صديق أو صديقة ؟
انفصلت عن صديق ما عندي اصدقاء شباب
حتى انفصل عنهم
اصدقاء بنات اخر مرة من شي 8 اشهر على ما اعتقد

4- شو اسم آخر شخص حبيتيه ؟
اسم اخر شخص حبيتو هههههههههه
كانو يعني انا حابة اكتر من شخص
يعني هو كللو واحد والاخير
ومستحييييل عيدها
اسمو احمد

5- شو بتعبري تفكيرك (مزاجي ، لين ، صارم )؟
لا تفكيري مزاجي بس
بعض الأحيان لين

6- إذا خيرتك بين لونين (أبيض أو أسود) أيهما تختاري . ؟؟
هلأ انا بحب اللونين
بما انو اختياري فبختار الأسود

7- إذا شب مسكلك إيدك !! شو بتكون ردة فعلك و إحساسك ؟

ههههههه
هيك يمسكلي ايدي بدون احم ولا دستور
ما بعرف ولا مرة صايرة معي والله
احساسي ولي بيكون انعدم الإحساس عندي
هههههههه لح اتدايق كتييير كمان

بس اكيييد اول لح اسحبها وبعدين الي تصرف تاني

8- في روحة على مطعم و روحة سيران على حديقة ، شو بتختاري ؟!
اممممممم
وين ما كان المهم اطلع

9- آخر شخص انفصلتي عنو رجع حاكاكي ؟! شو قرارك .
هلأ اذا هو نفسو الشخص يلي تركتو
بدير وشي وبغير طريقي
وما بحاكيه ولا كلمة
ابدااااااااااا
واذا عالتلفون ما برد

10- في شخص بتحسي غليظ بالمنتدى ، عطينا أول حرف من اسمو .
هههههههههه
غليظ
ما في حدا غليظ على سلامتهم كلون
حبابين

11- شو العمر يلي بتحبي تصليلو ، الله يطول بعمرك
العمر يلي بحب اوصلو ما بعرف ولا مرة
فكرت بهالسؤال والله
بس يعني لو بيصحلي هلأ ما بقول لاء

12- إذا أبوك نوى يتزوج وحدة ثانية ، بتروحي على عرسو !!!؟
شووووو
شو روح على عرسو ما روح
لاء ما بروح
انت بتروح :?:

13- عطينا أكثر ثلاث أشياء بتحبيها و أكثر ثلاثة بتكرهيها ؟ طبعا غير أسئلتي ؟!!! هههههههههه
3 شغلات بحبها
بحب النت كتييير
بحب الاصدقاء الكتار
وبحب احكي عالتلفون كتيير
هههههههه
هلأ يعني ما فيني لخص كل شي
بحبو بتلت شغلات
في كتيييير شغلات بحبها
هلأ 3 شغلات بكرهها
اول الشي الكذب
تاني شي يلي بيحكي على من وراي
تالت شي
اني احكي مع حدا ويتجاهل كلامي

14- قربنا على آخر سؤال ، شو طموحك بعد 3 سنوات ؟
طموحي اممممممم
هلأ لازم يكون بعد اربع سنوات
اني كون متخرجة من كلية علم النفس
واختص برمجة عصبية

15- إذا حدا وقفك بالطريق و طلب رقمك بطريقة مؤدبة ، شو بتعطيه (موبايلك ، بيت أهلك ، رقم خطأ ، ما بتعطيه )
ههههههههه
ما بعطيه شي
وما بحكي معو اصلا بضل ماشية بطريقي

16- شو مواصفات فارس أحلامك ؟

اول الشي يكون صاحب دين
يعني اهم الشي يكون بيصلي وبخاف الله
تاني شي قلبو طيب وحنون
بحبني كتييييييير هي اهم الشي
يعني شوي تكون حالتو المادية ماشي حالها مو عدم
ويكون عندو بيت لحالو
وما يدخن بس هي يعني مو شرط
ممكن تتغير اذا بحبني

17- ماهو الرقم المحبب لقلبك ، و أي الأسئلة عجبك أكثر شي ؟
الرقم المحبب 7
واكتر سؤال عجبني
كمان الرقم 7
هههههههه

18- إذا عندك قوة خارقة بتحسني تساوي شغلة وحدة بس ، شو هي ؟
قوة خارقة ايوه
اي
اني رجع الزمن لورا وصلح اغلاطي
وكل شي سئ صار معي

19- حاجة بقى ولعية ، خلي مجال لغيرك ، !!!!!!!
ههههههههههههه
ههههه عادي
في عندك اسئلة كمان انا جاهزة
ما في مشكلة

20 - السؤال يلي ما بيعجبك بتمنى تركو فاضي بدون جواب ، مشان الصراحة ...!
لاء كلون جاوبت عليهم وبكل صراحة كمان
ما خبيت شي

21- آسف إذا زودتها ، بس هيك خطر على بالي حالياً .
لاء عادي
ما فيها شي شو اسمو كرسي اعتراف لكن
حاليا التلي يعني ممكن يطلع ببالك
هههههههه
على كل اي سؤال حابب تسألو فأنا جاهزة

طبعا إنت من الأعضاء يلي معجب فيهم بالمنتدى و كتير بحب مشاركاتك و مواضيعك .
تسسلم كللك زوووووء والله

22- بكلمتين بس وصفيلي رأيك بوسام ، أمير الورد بصراحة ...!!!!!!!!
وسام وما ادراك ما وسام
هلأ ما لح اقدر اوصف وسام بكلمتين
يعني هو فوق اني اوصفو
بس بكلمتين بس
صاحب اجمل واروع ردود ومواضيع وافكار كمان
افكارو روووووووعة
قلبو طيب وحنون
سريع الغضب
ههههه
طبعا مو بس هيك متل ما الت هو اكبر من اني اوصفو
بس انت الت بكلمتين بس صارورا عشرة
هههههههه
بس جد انا ما بقدر اوصف لوسام يعني يلي بقلبي
اكبر من اني طلعو واكتبو
بعدين صفحات المنتدى كلها ما بتكفي
هههههههه

بصراحة اسئلتك عجبتني يا ابو اسامة
حللوة كتييير واستمتعت فيها كمان
ارجو انو تلاقي الشي يلي بدك ياه بأجوبتي
وأي اسئلة تانية ما عندي مانع
اسأل والك الوقت كللو

3-

عجبتني اساله ابو اسامة وعجبتني الاجوبة

فيها نوع من الصراحه والجرأه

ما الي تعليق هلق بس الي رجعه ان شاء الله

بانتظار أساله الاعضاء

شكرا كتير عاشقة النجوم على اجابتك على اسئلتي !

و بتشكر وسام على الفكرة الحلوة للموضوع .

في سؤال خطر على بالي :

شو اسمك الكامل ؟!؟!؟!؟!؟!؟!؟!

انت الت اذا فيه سؤال مالي حابة جاوب عليه
اتركو فاضي

اي اسئلة تانية انا جاهزة

مزبوط الحكي .

برافو عليكي صحيانة تمام ...!

سؤال:
إذا بدك تعطي المنتدى علامة من 0 إلى 10 شو بتعطيه ؟؟؟!

اي لكن شو

هلأ بالنسبة لسؤالك على العلامة
8من10

أي أسئلة تانية انا جاهزة

يا سلام عاشقة النجوم عندنا يا مرحبا يا مرحبا

الأسئلة:

1.بما أنو عيد ميلادك قرب شو بتحبي تجيكي هدايا؟
2. مين قدوتك بالحياة؟
3. رضيانة عن حالك؟
4. عم تدرسي منيح مشان البكلوريا؟
5. قدامك شخصين واحد بدك تقليلو شكرا والتاني أسفة . مين الأشخاص؟
6. شو كان أول تعليق أو مشاركة إلك بالمنتدى؟

بس هدول الأسئلة حاليا انشالله ما كون تقلت عليكي

سلااااااااااام يا شطورة

لك يا مرحبا فيكي يا حللوة
اي شو هالأسئلة الحللوة هي
عنجد حللوين كتييير متلك

1.بما أنو عيد ميلادك قرب شو بتحبي تجيكي هدايا؟

ما بدي لا هدايا ولا شي بيكفي انو في مين عم يتذكرني بعيد ميلادي ويعايدني
هي اهم من مية هدية عندي

2. مين قدوتك بالحياة؟
امممممم
ما عندي قدوة
بس انا بعتبر كل مين وصل للنجاح
واتحدى كل الإعاقات ليوصل لهدفو
هو قدوة بالنسبة لإلي

3. رضيانة عن حالك؟
لا والله مالي رضيانة عن حالي ابدااااا

4. عم تدرسي منيح مشان البكلوريا؟
اي يعني ماشي الخال
الحمد الله

5. قدامك شخصين واحد بدك تقليلو شكرا والتاني أسفة . مين الأشخاص؟
هلأ واحد بقلو شكرا وسام( امير الورد )
وواحد قلو اسفة ما في حدا ابدا

6. شو كان أول تعليق أو مشاركة إلك بالمنتدى؟

هلأ اليلي شو اكلت مبارح ما بتذكر بدك
ياني اتذكر اول مشاركة لإلي
اممممم
يمكن اول مشاركة كانت
موضوع اسمو هذا انت ايها الرجل
هاد هو على ما اعتقد

لا والله ما تقلتي علي ولا شي
اسئلتك كتييير حللوة
وانبسطت فيها كمان
اذا عندك اي اسئلة تانية
انا تحت امرك يا حللوة
انا بالإنتظار

ايواااااااااا عاشقة النجوم هنا وماحدا بقلي
اي ماشي

لنبلش نتف بهل الجاجة الحلوة
هههههههه
بس عنجد متمنية من زمان هل القعدة لحتى اسالك كم سؤال
وانشالله يكونو خفاف و مو سئلة متلي

يالله استعدي ضعي حزام الامان لشوف
لح نبلش مع اول سؤال يا رب

1- شو الموقف يلي عملتي وبعدين اندمتي عليه؟

2- شو أكتر شي أثر بحياتك سلباً أو ايجاباً؟

3- مين الشخص القريب عليكي كتير وما بتخبي عنو شي؟

4- شو الطريقة يلي بتفضلي تتجوزي فيها زواج الأهل أم الزواج عن حب؟

5- هل أنت عصبية أم هادية بطبيعتك؟

6- شو أكتر موقف انحرجتي في قدام اهلك؟

7- برأيك شو الشي الحلو بحياتك هلأ؟

8- كيف كانت سنة 2010 عليكي وكيف بتوصفيها؟

9- شو أكتر مادة بتحبيها وأكتر مادة بتكرهيها بدراستك؟

10- شو الشي يلي ما بيعجبك بشخصيتك وبتحبي تغيري؟

11- اذا معك الفانوس السحري وقلك اتمني أمنية وحدة بس، شو هي؟

12- شو رأيك بكل من:

وسام
نبيل
الكابتن(برهوم)
بيرلا
رمروم
مهند
أبو اسامة
أبو الوليد
وسيم
سكسسفول غيرل(راما)
نونا
الزهرة الخجولة
سندريلا الحب
روبي رو
عسولة
سالي
ريما
وأخيرا عاشقة النجوم

انشالله تكون سهلة عليكي هل الاسئلة واذا خطرلي شي الي رجعة

وشكرا الك سلف

ههههههههههههه
ههههه
انا جاجة ما حسابك بعدين

هلأ انتي سئيلة لا والله على سلامتك
ما في منك انتي

حطيت حزام الامان وهلأ لح انطلق
يلا يارب

1- شو الموقف يلي عملتي وبعدين اندمتي عليه؟
اممممممم
اني حبيت وندمت كتيييييير

2- شو أكتر شي أثر بحياتك سلباً أو ايجاباً؟
اكتر الشي اثر بحياتي سلبا
كمان اني حبيت شخص ما بيستاهل
وفشلي بالبكالوريا كمان اثرت على حياتي

3- مين الشخص القريب عليكي كتير وما بتخبي عنو شي؟
اممممممم
بنت خالتي ما بخبي عليها
هي اختي وصديقتي وكل شي

4- شو الطريقة يلي بتفضلي تتجوزي فيها زواج الأهل أم الزواج عن حب؟
ههههههههه
هلأ انا من بيئة بترفض اني اتزوج عن حب
للذلك زواج الاهل افضل لانو اذا غير هيك
بيصير مشاكل
وانا مو ناقصني والله
بس اذا اجيتي لرأي ما بفضل الزواج عن حب ابدا
لأن والله كلو وجع راس بوجع راس
بس يعني اذا كان الزواج عن حب فورا بدون ما تكون في فترة طويلة
قبل الإرتباط فأنا مع الزواج عن حب
اما اذا كانت فترة طويلة كتييير متل ما معم يصير هلأ
انا ضدو يعني خلص اذا تنين بحبو بعض لييش يستنوا
حتى لو الظروف مو مناسبة على الأقل تلبيس خاتم
بيكونوا معروفين هدول مخطوبين

5- هل أنت عصبية أم هادية بطبيعتك؟
هلأ انا هادية بطبيعتي
بس مو يعني اني ما بعصب بعصب
كتييير كمان
ههههههه

6- شو أكتر موقف انحرجتي في قدام اهلك؟
ادام اهلي امممممممم
لما عرفوا اني بحب واحد وبحكي معو
من وراهم
بس كانت النتيجة الرفض ثم الرفض بعدها انتهاء العلاقة

7- برأيك شو الشي الحلو بحياتك هلأ؟
ههههههه
ما في شي حللو بحياتي
لهلأ
ممكن يكون السنوات التانية يكون فيها
شي حللو ما بعرف

8- كيف كانت سنة 2010 عليكي وكيف بتوصفيها؟
زفت بزفت
ما كانت بالمرة سنة خير علي
كانت غيمة سودة
ان شاء الله تكون هي السنة غير السنة يلي مضت

9- شو أكتر مادة بتحبيها وأكتر مادة بتكرهيها بدراستك؟
اكتر مادة بحبها الفلسفة
واكتر مادة بكرها امممممم
ما في مادة بكرها ممكن تكون غلبيظة شوي
القومية

10- شو الشي يلي ما بيعجبك بشخصيتك وبتحبي تغيري؟
امممممممم
ضعف الشخصية
بتنمى انو تتغير

11- اذا معك الفانوس السحري وقلك اتمني أمنية وحدة بس، شو هي؟
امنية وحدة
انا عندي امنيتين
بتمنى انو يتحققوا ان شاء الله السنة هي
اول الشي اني اخد البكالوريا وفوت كلية علم نفس
واختص بالفرع يلي بحبو
التانية
بتمنى اني اخد الإجازة
بالقران

12- شو رأيك بكل من:

ولي هدول كلون بدي قول رأيي فيهم
ههههههه
طيب بس بشكل مختصر ما لح طول
لان اكترهم ما بعرفهم غير بالمشاركات
هلأ
وسام
سبق وحكيت رأيي فيه
بسؤال ابو اسامة
ما لح ارجع احكي تاني مرة

نبيل
شخص كتييير حباب
وعصبي شوي
ما بيحب حدا يزعل منو
قلبو طيب وصادق مع غيرو
وبتمنالو سنة خير علي وعلى احبابو

الكابتن(برهوم)
اممممممم
شخص مثالي عنجد
كلامو الحللو وردودو الأحلى والقافية يلي بيجيبها
بتجننننوا
مثقف لابعد الحدود
وعندو نظرة حللوة بحياتو
وبتمنالو كل خير

بيرلا
والله ما كتيير بعرفها
هي كتيير حبابة
من خلال ردودها
وومهضومة ما بعرف

رمروم
كمان ما بعرفها
ولا مرة حكيت معها
مميزة بمواضيعها الحللوة متلها
وردودها كمان
راقية
بس معت شفناها ابدا
بتمنى ترجع وتشارك
لان ما حللو بدونها

مهند
شخص كتييير محترم مهضوم
ما بيزعل من حدا ومخلص
الو بالمنتدى بصمة رائعة
من خلال مشاركاتو وردودو
الله يوفقو ويسرلو الجيش وما يتعذب
ويطلعوا شعراتو بسرعة
اشتقنا لمشاركاتو الحللوة

أبو اسامة
شو بدي احكي عن ابو اسامة
مثقف وقلمو المبدع
بالمنتدى رووووعة
محترم بيمشي حسب الاصول

أبو الوليد
بحس انو شخص جدي شوي
ما بيحب المزح الغليظ
يعني متل ما بمزح معو انا اياما
اجتماعي وبحب الكل

وسيم
شخص كتييير حباب مهضوم
ما بيحب يزعل حدا
قلبو طيب وبحب من قلبو
يعني بيحكي بعفوية
ما عندو تكلفة بالحكي
او يفكر شو يكتب

سكسسفول غيرل(راما)
راما كتييير حبابة
وكلامها حللو وراقي بكل معنى الكلمة
ما بتحب تزعل حدا
وبتتمنى الخير للكل
بتحب رفقاتها كتيير
وطيوبة

نونا
في شي بقلبها حللو ما بيقدر حدا يطلعوا
او يكتشفوا
اياما بتتسرع شوي بقراراتها
هي قلبها طيب بس ما حدا بيعرف هالشي
جريئة وما بتحب حدا يدايقها

الزهرة الخجولة
يييييييييي
هي احلا شي فيها قلبها الطيب وحنيتها
وعفويتها
انا بحبها كتييير وبعتبرها احلا اخت ورفيقة

سندريلا الحب
بنت قلبها طيب
بتحب الإخلاص
جريئة كتييير
وغيورة كمان

روبي رو
صديقة مخلصة بتحب رفقاتها من قلبها
وما بتحب تزعل حدا
قلبها طيب

عسولة
كتييير ظريفة ومهضومة
بس معت شفناها
وينها يا ترى :?:
والله يوفقها بحياتها

سالي
سالي ما بعرف عنها شي بصراحة
حتى مشاركات ما كا كتييير مشاركة من وقت ما سجلت
بس بعتقد هي ناجحة بحياتها
وشطووورة

ريما
هههههههههه
ريما الحللوة
شو بدي الك على هالسؤال هاد
عنجد احرجتيني ما عرفت اكتب شي
بدك تاكلي اتلة بس لشوفك
هههههههه
عم امزح اوعك تصدقي بس

لح احكي رأيي فيكي بصراحة وبدون مجاملة
ريما مهضومة كتييييير
متفائلة بحياتها بتحب الخير للكل
قلبها طيب متلي وما بتحب حدا يزعل منها
وغيووورة شوي
عندها احساس روووعة
ورقيقة وفي شي بجواتها بيجنننن
بتمنالها عنجد كل خير يارب وتحقق كل يلي بدها ياه

وأخيرا عاشقة النجوم
ههههههههه
بدك رأيي بحالي
طيب انا بشوف حالي عادية
قلبي طيب
وشخصيتي ضعيفة شوي
ما بحب حدا يزعل مني ابدا
ولا بحب زعل حدا حتى لو بدي جامل
يعني هيك هي بالمختصر

لك اي شو هالأسئلة هي
بيجننننوا متلك بس اخر سؤال
انحرجت فيه لانو ما فيني اكتب رأيي بحدا
يعني ما بقدر عبر بالكلام
بس بقلبي بعرف هالشي وبس
على كل جاوبت عليه
ان شاء الله يكون تمام
ما في شي

انا بشكرك كتييير ريما
على الأسئلة الحللوة عنجد حللوة
كتيييييير
واذا عندك اي سؤال تاني انا جاهزة
بس مو متل السؤال الأخير
بإنتظار اي اسئلة تانية

اي شو هاد يا عاشقة النجوم دخيلو انا لي بيعرف يحكي
والله اجوبتك كتير حلوة وعجبتني
وبتعرفي امنيتك التانية كتيييير حلوة
وعنجد انشالله تحقق لانك لح تشعري بشعور تاني غير
مافي احلى من حفظ كلام الله

والله شايفتلك السنة لي مضت كلنا مو طايقينا
مدري شو علتها انشالله بهل السنة بتشوفي الخير والسعادة
وبتحقق كل امانيكي
شكرا كتير على اجاباتك الحلوة والصريحة والاكيد عفوية جدا

بس شو مشان بدك تقتليني بهون عليكي انا خلص بطلت اجي لعندك هههههههههه
لا عم امزح حدا بصحلو يشوف الحلو ويقول لا

يالله الله يوفقك يا رب ويكتبلك الخير بحياتك

الله يسلمك يارب
وان شاء الله كمان الله بيوفقك ويحققلك كل شي ببالك
يارب وتكوني اسعد وحدة بالدنيا كلها
اميييييين

ما شاء الله شايف الاساله غزيرة ومكثفة

يلا تابعو شباب برجعلكم ان شاء الله

شايف بالله أديش عزيرة ومكثفة
هههههههه

وانا بالإنتظار كمان
عم استنى الأسئلة

هااااااااااي عاشقة النجوم
بدي أسألك كم سؤال مارح طول عليكي

س1: إذا طلعلك بالمفاضلة المعهد التقاني للعلوم المالية والمصرفية يعني معهدنا وماطلعلك غيرو بتفرحي ولابتضايقي ورح تدخلي ولا رح تعيدي البكالوريا؟

س2: بتحني لحبيبك السابق أحمد وبتتمني ترجعوا لبعض؟

س3: بتحبي تشتغلي بشي وظيفة بعد ما تخلصي دراسة ولا بتفضلي الأعدة بالبيت ؟

س4: إذا في شخص حبك كتير ومعجب فيكي رح تحاكي وتعطي فرصة ولا رح ترفضي ؟

س4: إذا بكرى بالمستقبل صار عندك بنوتة حلوة إن شاء الله وحبيت شو رح تعملي ؟

س5: بتأمني بالأبراج وبتسمعيون يوميا ؟

بانتظار أجوبتك .........وعفوا إذا زودتها

هااااااااااي عاشقة النجوم
بدي أسألك كم سؤال مارح طول عليكي

اهلا وسهلا فيكي
انا عنجد بعتذر منك كتييير كتييير لان ما قدرت فوت وجاوب عالأسئلة بوقتها
والموضوع كتييير طول لان ما كان في مشاركات كتييير

انا لح جاوب على أسئلتك
س1: إذا طلعلك بالمفاضلة المعهد التقاني للعلوم المالية والمصرفية يعني معهدنا وماطلعلك غيرو بتفرحي ولابتضايقي ورح تدخلي ولا رح تعيدي البكالوريا؟

هلأ تطلع النتيجة وعلي خيير
هلأ اذا ما في غيرو بدي اتضايق كتيير
لانو عدت البكالوريا مرتين وما يطلعلي شي بدي جن ساعتها

س2: بتحني لحبيبك السابق أحمد وبتتمني ترجعوا لبعض؟
لااااااااء ابداا
بكرهوا كتييير هلأ وما بتمنى اني اسمع بسيرتو

س3: بتحبي تشتغلي بشي وظيفة بعد ما تخلصي دراسة ولا بتفضلي الأعدة بالبيت ؟
لاء اكيد بدي اشتغل ان شاء الله

س4: إذا في شخص حبك كتير ومعجب فيكي رح تحاكي وتعطي فرصة ولا رح ترفضي ؟
ما في حدا اصلا لح يحبني
ما بعرف بس علأغلب لاء

س4: إذا بكرى بالمستقبل صار عندك بنوتة حلوة إن شاء الله وحبيت شو رح تعملي ؟
ما بساويلها شي شو بدي ساويلها الحب ما فينا نمنعو عن حدا ابدا
بس طبعا بحدود

س5: بتأمني بالأبراج وبتسمعيون يوميا ؟
لاء ما بامن فيهم ولا بسمعهم

انا بدي اعتذر مرة تانية عنجد وبتمنى من مشرف القسم يقفل الموضوع
لان حاجتو او خليه لوقت تاني
لان انا ما بقدر فوت الا لبعد 3 اشهر
لحتى اخلص فحص

وبدي اشكرك روبي رو عالأسئلة الحللوة متلك
وبتمنى من الكابتن انو يقفل الموضوع اول ما يشوفوا
وشكررااااااا كتيييير سلفا

أممممممممممممممممممممممم
والله كان لازم إسألك أنا كمان
بس عنجد ماكنت منتبهلو بنوب
و كان عندي كم من الأسئلة حلوين و قوايا كمان

بس بما إنو هي رغبتك خلص ولا يهمك
و تكرم عينك

تم قفل الموضوع

بس في إلي تعليق صغير مشان إذا فتتي تقريه وبس

؟........................؟

كتير أحيان بنقرا ردود بهيك مواضيع ممكن تكون شوي طايشه
و خارجة من صاحبها من دون وعي
و بشكل مو طبيعي أنت دارسة الأسئلة و آخدة وقتك منيح
و عم فتش على غلط ما لقيت مو لشي بس لأكتشف مدى تركيزك بالكرسي و الموضوع
بعتقد " عاشقة النجوم " إذا خلينا العلامة من 10 إلك فيني أعطيكي 1000
و بتمنى إلك كل خير و كمان تكوني مبسوطة و ماتطولي علينا بالغيبة
لأنو ما إلنا غنى ردودك المميزة
و رووحك المفعمة بالرقة و الحنية و الواقعية و الأدب و الموضوعية
و فيني قلك إنو الدبلوماسية بردودك شي مو طبيعي أكيد هاد نابع
من قدرة هائلة على فهم النفسيات و أطوارها بكل مكان و زمان
شخص قليل كتير إنو عنو إن هو بس عضو
لااااااااا أنا و كل الأعضاء بنعرف و متأكدين أنك أكتر من مجرد عضوة
و بالنهاية بتمنى إلك النجاح و التقدم بالحياة
و إن شاء الله ما بتندمي على ولا شي بحياتك
و بصراحة أنا شايف أسألتك أقوى بكتير من أسئلتي
و تحياتي للمعشوقة من قبل النجوم و الشمس و الأرض و كل كواكب المجرات التانية

شكراً عاشقة النجوم

» عبورة على كرسي الاعتراف
» ملاكي على كرسي الاعتراف
» البرينس على كرسي الاعتراف