للجرئين فقط...2

موضوع: للجرئين فقط...2 السبت نوفمبر 22, 2008 9:41 am

مرحبا يا شباب
متل ما بتعرفه طرحنا موضوع الأسبوع الماضي عن معنى الحب وصرنا نعرف انو
الحب هو أحلى شعور بالعالم وأنه عالم تاني ما فينا نتخيله وأنو شي مقدس
بس نحن ما نعرف نفرق بين الحب والإعجاب

طيب هلق بدي اعرف شو رايكم بالصداقة طبعاً بين الشب والبنت
وكمان بتمنى منكم إجابة صريحة واضحة وبتمنى كل يلي عم يدخلوا يعطيني رأيه ولو بكلمة واحدة

اول كلمة بئولها إنا بأمن بالصداقة بين الشب والبنت

وطبعا الصداقة حلوووووة كتير الواحد يفش ئلبو لصديقو سواء كان بنت او شب

ومحتمل تتحول هالصداقة لحب

بس مستحيل تتحول لكراهية وئد ما صار نقاشات ومشاكل بين أي صديق وصديقة الا ما يرجعو بصدائتون لبعض

وانا بظن انو فترة الصداقة اطووووووووووووووووووووووول بكتير من فترة الحب

مشكورة لطرحك الموضوع نيرمينو

ومنتمنى تزيدي كمان وكمان بالنشاط الحلو

MAESTROoO

ممممم بصراحه ....
انا كمان بأمن بالصداقه ...بس
بس على حسب البنت
في بنات كتيييييير حلوه صداقتها
وفي بنات مافيكي تكوني صديقه لإلها ...
بس الصداقه الحقيقه بين الشب والبنت كتيييييييير حلوه
وانا عندي صداقات كتيره مع بنات
وصداقات حقيقيه مو مجرد زميلتي بالجامعه
عندي اصدقاء جواة وبراة جو الجامعه هي صداقه حقيقه
انو بدي قول من كل هالحكي انو انا كتير بأمن بالصداقه بين الشب والبنت

شو وين يا شباب
ما تكملو نقاش
ما عم اسمع رأيكن

انا صراحة لا اؤمن بالصداقة بين الشب و البنت
يعني لحتا يكون الشخص صديقي لازم افتحلوا قلبي بكلشي و فوت بمواضيع من الصعب اني احكي فيها مع بنت
انا بحكي كتير مع بنات بالمعهد بالعمل و لكن لا يتعدى حدود الزمالة

انا من جهتي بؤمن بالصداقة مع البنت
حلوة الصداقة مع البنت و مع الشب و برأي لازم الواحد يكون عندو الصدقاء من الجنسين
تقبل مروري

عن جد موضوع كتيييييييير حلو
وانا اول مين برفع ايدي وبقول انو الصداقة حلوة بين الشاب والبنت وكتير كمان
بس انو الواحد يعيشها صح ويكون ما في اي حدود بيناتهن
وبس كمان غلط كتير انها تتحول لحب لانو نحنا قدام اصدقاءنا من الجنسين منكون كتاب مفتوح بس قدام حبيبنا منكون عن نحاول نظهر احلى ما عنا فلح يكون في نوع من الحدود ببعض المواضيع
وتقبلو مروووووري

هلئ يعني صار في عنا تقريبا نسبة منيحة انو الاغلبية بحبو الصداااااااااااااااااااااااااااااقة بين الشب والبنت
كلام حلوووووووووووو
الله محييكون يا عالم
عامر

تمام يا شباب
متل ما قال المايسترو
الأغلبية بيشجع الصداقة بين الشب البنت
بس يا ترى قول وفعل
والله بس ع حالهن
وما بيهون عليهن أخواتهن يصير عندهن أصدقاء

سؤال حلو يانيرمين
انا من جهتي ماعندي مشكله انو اختي يكون عندها أصدقاء بالجامعه
أنو اكيد رح يكون عندها بس تدخل جامعه
بس بشرط ضمن حدود الصداقه
بس هلأ هيه بالثانوي
ممكن يكون عندها أصدقاء شباب بشرط اني اعرفهن .. يعني اعرف مع مين ومين هو وإبن مين

يا ترى يا كابتن أنت بعلاقتك مع رفقاتك بالمعهد محدودة وضمن الحدود
متل ما بدك أختك تكون هبك
طبعاً برأيك

طبعاً بصراحة متل العادة

شو شايفة يا كابتن ما ردت
شو خايف تقول الصدق
:ملعوبه:

انا برضى يكون لاختي رفقات متل ما انا الي بس المفروض اني اعرف طبيعتن يعني مين هن وشو تفكيرن

أنا مع الصداقة بين الشب والبنت بس بشرط ما تتعدى حدود الأخوة

يعني الشب يعتبر البنت متل أختو وينظر ألها ويعاملها كأنو أختو مو أكتر ولا أقل

المفرض اية بنت يكون عندا اصدقاء من كلا الجنسين
بس كمان لازم اخوها يعرف طبيعة اصدقائها ومين رفقاتا
مشان بالمسقبل تكون أدرة بالأعتماد على نفسا

أما عن رأي فأنا مع الصداقة الصادقة بين الشاب والبنت وماتتجاوز اكثر من الصداقة
لكن ضمن حدود اللي تربيت عليها وانا مقتنعة فيها

نيرمين هي هي المواضيع يل ناطرينها....
انا برأي الصداقة شي كتير حلو ....بس احكي بواقعية شوي...انت وقت تقعدي مع شب على اساس صديقك قد ما كان علاقتك اخوية معو....بس بيضل من الجنس الآخر بالنسبة الك.....يعني هون بتدخل الفطرة.....والغريزة إذا بدك......يعني اكيد الصداقة حلو...بس لازم الطرفين يعرفو حدودهن...
ولاحظي كمان شغلة
اغلب الصداقات بين الشباب والبنات بتتحول لحب
شكرا الك...
angel cave

أكيد ماعندي مشكله انو تكون عندها أصداء شباب ... بس ماتتعدى حدود الصداقه
وإذا بكون بعرفهن بكون أحسن
بقصد انو تعرفني عليهن
وانا عم عامل معظم البنات بالمعهد متل مابحب يعاملو اختي
بس في بنات مافينك تعامليهن كأخوات .. أو حتى أصدقاء
بدك تعامليهن بغير نظره ومافيكي تبعدي عنهن لأنو بكون في مصلحه مشتركه بيناتكن بشي معين
ومافيكي تتعاملي معهن غير بطريقه تانيه

انا ضد الصداقة بين الشب والبنت
وبرأيي اذا عرفت يلي بدو يكون صديق اختي ابن مين ومن وين
فهاد الشي ما بيفيد

أنا برأيي أنو الشب والبنت هنن يللي بحددو نوع هالصداقة وهالصداقة ما بتتحول لحب لحالا ولكن هنن يللي بحولوها اذا بدهم لحب اذا لقوا بعضهم متفاهمين

وأنا كمان مع الصداقة بس كمان طبعاً بحدودها .

وانا بشجع العلاقة مثل ما قالوا الشباب بحدود وبعدين هيك علافات ممكن تكون نهايتها الزواج وعلى كل حال كمان هيك علاقات بتعطي البنت معرفو وثقة وقوة وخبرة عن الشباب لذلك هيك علاقات مفيدة و للجنسين

انا مع الصداقه وبفضل ضل العلاقه بين الشب والبنت صداقه وما تتطور لحب لان هيك ممكن يخسروا بعض اذا صار اي مشكله اما الصداقه بضل طول العمر وانا من جهتي
عندي اصدقاء من الجنسين ومابدلون او استغنى عنون بكنوز الدنيا وشكرا نيرمين على هلموضوع

وانا كمان بفضل الصداقة تبقى صداقة وما تتحول لحب

أنا كمان مع صداقة البنت مع الشب طبعا القائمة على الاحترام المتبادل ومو على المصلحة وبس يعني ازا الواحد صار معو شي بيقدر يحكي بدون خوف لرفيقتو وياخد رأيها