لكل الطيبين .....

موضوع: لكل الطيبين ..... الأحد فبراير 20, 2011 9:46 am

بتشكرك يا كابتن ع الشي الحلو يلي عملتو معي.........أنت الشخص الوحيد يلي عرفني ع شخصيتي أكتر...
وصدقني بدي غير حالي بس عم لاقي صعوبة ....بعرف حالي بنت مغرورة وماحد بيحبني......بس ما بعرف الحل........أو مابتقبل فكرة إني أتخلص من غروري......كتير تعبانة نقسيتي ....شو أعمل قلي كابتن......وكل الأعضاء بتمنى يساعدوني......وشكرا للكل

لكل الطيبين ......!

ممكن توضحي سؤالك ؟!

لأن باين موضوع شكر أكثر من إنو سؤال !!! يعني للأسف مو مفهوم كتير .

باين إنك مدايقة و مزعوجة من غرورك ! بس ما فهمت شو القصة ؟!!!

أول شي كتير نقطة مهمة إنك عرفانة إنك مغرورة و إلا ما رح يكون في حل
من الواضح إنك شايفة كل العالم بطرف و إنت بطرف لسبب واحد " هو الغرور "
هلق حسب ما بعرف من الناس اللي شفتهون مغرورين غالباً بيكونوا غير محبوبين من الأغلب
ولو إنو بعض الناس بتحب هيك نوع من الشخصيات ما بدي إتفسلسف كتير بس برأيي لازم تقرأي هالكلام

وبما إنك عرفانة إنك مغرورة برأيي إنحلت 3\4 المشكلة
و الربع الباقي بيكون منك و بيجهد صغير فقط و الموضوع رح يكون محلول إنشاء الله
و إلك هالكم نصيحة مني أنا و بتمنى يفيدو ....!!!
1 : لازم ما تكبري كل مشكلة و تعطيها أكبر من حجمها لسبب واحد لو إرجعتي فكرتي بالموضوع
رح تلاقي إنو كتير تافه و لا يستحق هالتكبير
2 : لازم تقولي لحالك دائماً إنو وراء الصبر الفرج و خليكي شوي صبورة و إستهدي بالرحمن
3 : واضح إنك مدللة و هالشي مأثر فبتمنى منك تعتمدي على حالك بكل الشغلات أو أغلبها إذا فينا نقوول
4 : بأوقات فراغك بتمنى منك تتذكري أخطائك الماضية و المشكاكل اللي ساوتها إلك الغرور لا تفكري فيها
بس لازم تاخدي منها درس مشان الجايات من الأيام و ما توقعي بنفس الأغلاط
5 : " تبسم في وجه أخيك صدقة " صدقيني غرامو إذا بتطبقي هي الجملة بتغتيكي عن كل شي
لأنو إذا إبتسمت لجارك و للسمان اللي بحارتكون و لأم طوني " جارتكون " أكيد رح تحسي براحة نفسية
و خاصة إذا هنن ردوا كتييير رح ترتاحي و تنبسطي و جربي ما رح تخسري شي
6 : لازم تغيري روتين حياتك جربي لأسبوع واحد تغيريه و شوفي الفرق بالراحة لأنو الروتين بيدبح
7 : لازم دئماً تتذكري إنو كل الشخصيات اللي نجحت و برعت بالحياة هي أشخاص متواضعة
8 : وفي مقولة للنبي "صلى الله عليه وسلم " لا يدخل الجنة من في قلبه مثقال ذرة من خرذل من كبر
و هون الكبر يعني الغرور و التكبر
9 : وبرأيي هي أهم نقطة بكل الموضوع " القناعة "
مهما تكوني حلوة و أمورة و ذكية و غنية و فهانة ...... دائماً في بالحياة أكتر منك بقا لا تحمليها
و كوني قنوعة والله غرام القناعة كنز لا يفنى و أنا كتير بحترم هالشخصيات القنوعة و بحبها كمان كتييير
10 : بتمنى منك ما تقطعي الدعاء و الأمل بالله عز وجل لأنه إن إراد شيئاًُ أن يقول له كن فيكون
و دائماً تكوني بصلة معو و ناجيه و إحكيلو كل همك والله رح تكوني مبسوطة
جربي بس إسبوع واحد الشي اللي قلتلك ياه و الله العليم أديش بدك تتغيري إذا طبقت الموضوع بكل جدية

و بالأخير إسمحيلي قلك إنك بالفعل أكتر عضو جريئة هوون
و كمان بدي قلك إنك بهالفترة ضايعة و متلبكة و خاصة على أبواب زواج " إن صح التعبير " يعني الموضوع خطير
لازم تكوني على دراية لأنو الزواج مع الغرور كتير فيه مشاكل
و كمان ما بدي شائمك لأنو واضح إنك محتاجة لحدا يوقف جنبك بتمنى هالحدا يكون خطيبك
أو أمك .... أو أي حدا بتكوني إلو الأيد اليمين يعني كل شي

مشكورة كتير غرام و إنشاء الله رح ضل ساعدك كمان و كمان
و بتمنى شوف ردود الأعضاء كمان لأنو رأيهون مهم كتير
ولا تواخذيني إذا كبرت بالكلام أو كترت حكي بس والله موضوع كتير محتاج لصفحات مو صفحة
و شكراً مرة تانية عالكلام الحلو اللي قلتيه بحقي أول شي

بتمنى كون فدتك

ربي يسلم ايديك يا أحلى كابتن بالعالم كلو......

أبو أسامة ..

..بصراحة غروري عاملي مشاكل مع العالم ....الكل بيعاملني بشكل رسمي .....واي كلمة بحكيها ومو قصدي شي تفسر غرور وشوفة حال.....أنا من جوا قلبي طيب كتير.....بس يمكن بتعامل بجدية لأنو هيك طبعي.....جد أنا مابحب المزح كتير بحبو بحدود.......ومابحب أحكي كتير طبيعتي هيك ...بس في ناس بيقلو عني كلام قاسي.

..لأنو أنا موهيك.....بحب ألبس وأحلى شي ...حرام يعني....الله بيحب يشوف نعمتو على عبادو.....وإن الله جميل يحب الجمال......وين المشكلة؟ ولكون صريحة أكتر أنا أبدا ما بيهمني رأي العالم في يعني أهم شي راحتي ومابسأل ..مثلا....أنا بدخن سيجارة وقدام العالم.....ما بيكفي إني واضحة............المشكلة مجتمعنا سيء كل الناس همها تحكي على بعض ..

....واسمحلي قول ....هالشي بيخلي الغرب يتميزوا.....لأنو مابيوقفو على أشياء سخيفة........ومشكلتي متأزمة مع خطيبي لدرجة عم فكر أتركو...

..والله هلكني.....مرة رحت أنا وياه ع صالة مفروشات.....مالقيت طلبي.....وقلتلو منشوف غير محل......عصب علي وقلي أنو أنت همك الوحيد المظاهر.....ورح تعذبيني معك......وتزاعلنا.. حزين

....صدقوني ياشباب ماني متكبرة ما حدا قادر يفهمني!!!!!!!!!!!!!!!!!! حالتي النفسية سيئة كتير.......ومحتارة شو أعمل....... قال بتفرح البنت انخطبت .....بس لما بتشوف عمايل خطيبها مدري شو بيصرلها؟

حسبي الله ونعم الوكيل أحسن شي...

ولكون صريحة أكتر أنا أبدا ما بيهمني رأي العالم في يعني أهم شي راحتي ومابسأل ..مثلا....أنا بدخن سيجارة وقدام العالم.....ما بيكفي إني واضحة............المشكلة مجتمعنا سيء كل الناس همها تحكي على بعض ..

....واسمحلي قول ....هالشي بيخلي الغرب يتميزوا.....لأنو مابيوقفو على أشياء سخيفة........

كلام منطقي و واقعي
بس إسمحيلي قلك إنو غلط اللي عم تفكري فيه
لأنو بالنهاية نحن عايشين مع بعض و كلنا بدنا نتآلف سواء رضينا أو رفضنا
و كلامك عن إنو ما بيهمك رأي العالم لازم يتغير لأنك بينهون و منهون و ما بيصير تغيري شي
لأنو الزمن و الوقت ما بيستنى حدا ولا بيسأل على حدا
و كمان الغرب متقدمين عنا لسبب واحد بس هو الإخلاص بالعمل و بس فقط لا غير
و كمان بحب قلك إنو الغرب كلووو عندو نسب إيدز و أمراض غريبة بتتعلق
كلها بهالحرية الزائفة اللي عم تحكي عنها حضرتك
بس والله يا غرام إذا شفتي وسخهون و قذارتهون رح تقرفيهون أكيد
ولا تغرك هالبس اللي عم يطلعوا فيه و لا الشيك اللي بيتمتعوا فيه
لازم تحمدي ربك 100000000000000 و أكتر عالنعم اللي عاطيكي ياها
بكفي إنك حلوة ... " حسب ما فهمت " و لا تقولي إنو الله بيحب يشوف نعمتو على عبادو
لأنو كلام آثم و ما بيجوز الجمال حلو لكن بإعتدال و رقي و بلا سذاجة و لا إسراف
لأنك هيك عم تخربي كتير عالم معك مو بس إنت والشباب كمان اللي بيشوفوك
و أنا واثق " مع الأسف " إنك بتاكلي شي 100 تلطيشة باليوم من شب قد .... ما بيسوى شي ؟؟
عيدي النظر بتصرفاتك غرام
إنت فتاة بتستاهلي كل خير و واضح إنك بمشكلة صعبة و كمان
حاولي تفهمي خطيبك و تتفهميه
لأنو مجتمعنا صعب و ما بيتقبل فكرة إنو إبنون يطلع مع وحدة فاسخة خطبتها
" آسف إذا الكلام قوي " بس لمصلحتك حطك بالصورة مشان ما تنصدمي بقادم الأيام

و ما قلتلي شو رأيك بالكلام اللي حكيتو
أنا منتظر إجابة منك و من الأعضاء كمان
لأنو موضوع خرج النقاش و حلو كتير و منها بنحل مشكلة أختنا غرام بكل وضوح و بنساعدها

بإنتظار ردك

حكيك ريحني ونبهني لكتير أشياء ..

...أكيد رح عيد النظر بتصرفاتي لأنو هيك لازم.....لازم كل واحد يحاسب حالو ع كل شي فيه حتى ترتقي ذاتو ويحترمها أكتر وأكتر ويفرض احترامو على الأخرين......شي حلو كتير أنو نكتشف أخطأنا ونتعلم منها.......كلامك كابتن لا يعلى عليه......كلو حكمة ودبلوماسية.....بتشكرك من كل قلبي.......ومتأملة شوف نصايح منك كمان ومن كل الصبايا والشباب......
تحياتي للكل.....