مايك المنتدى

يا عيني على الكلام الراقي مثل صاحبو

يسلم تمك و نحنا منحبك و منحب كل شخص بيساهم معنا .

أنا ما بعاتب حدا على التأخير ، كل إنسان وإلو ظروفو ، و الحمد لله ما شفت منك إلا الكلام الحلو .

و إن شاء الله تكون خلصت الأزمة يلي كنت فيها و الله يوفقك كمان .

أهلا و سهلا فيك بيناتنا ,

اهلا وسهلا

ابو اسامة الورد. تسلم يا غالي والله هاد من زوءك يا عسول وان شاء الله مارح تشوف مني غير الحكي الحلو
لانك ما بتستاهل الا كل خير

وشهادتك شرف كبير الي وبحب الك انك مبدع وخفيف ضل ودم كمان عندك روح دعابة محببة كتير من الاعضاء

بالمنتدى من وراك

واهلا وسهلا ومرحبا

بدكتورتنا الامورة روبي رو المشرفة المتالقة والمبدعة دوماوالله انا بشهد بتألقك وابداعك وعطاءك المتواصل

شوبدي احكي علم في راسه نارووووووووووووووو روبي رو مع التحية

وللاستاز الفاضل الحبوب الرياضي الاول بالمنتدى اكيد الكل عرفو زمن ... مذيع ومراسل قناة الرياضية للعلوم المالية والمصرفية بالمنتدى خخخخخخخخخخ

بحب الو تسلم على التفاعل الدائم بالمنتدى الي الكل بيشهد بهالشي الك مني احلى تحية

واكيد ماني نسيان الامورة الحبوبة الضريفة القمر اللامع صديقة الكل بدون استثناء الامورة ملاكي

بحب قلها انو لاتعليق ابداع *ابداع *ابداع وبحييكي كمان على هالروح المرحة الي عندك

والابداع المتواصل واللامع المشرق للمنتدى وربي يوفقك يارب

وبنجي هلا للانسة الخجولة الزهرة الخجولة الي مو بي هيك هي بستان بحالو وبحب قلها كل سنة وانتي

سالمة وان شالله العمر كلو فرح وسعادة

وللمبدعة المحامية محامية المنتدى سالي الحبوبة في عندي كم قضية بدي وكلك فين بس في شغلة كمان المدعى عليه بدو يوكلك حليا ما بعرف شلون بس لازم اربح القضية انا هههههههههههه

وسوبر جيرل الامورة صاحبة الالبوم الكوري بس بدي اعرف كوري جنوبي ولا شمالي ههههه والحلوة ونونا المبدعة الامورة الحبوبة طبعا غير لانك عطاء *ابداع

ومشان ما انسى كل التحية للاستاز ابو الوليد دوت كوم وبحب قلو انو مواضيعو كتير حلوين
ولكل عضو او زائر بهالمنتدى ربي يوفق الجميع وينول كل شخص الي ببالو يارب امين

واكيد في اعضاء مبدعين وحلوين بس لا تواخزرني جل من لاينسى

ومع التحية

وببعت بطاقة شكر مع باقة تحايا

ل طارق

بلال

وامير الورد

والاميرة الحلوة

وبحب قول شغلة

لنو في اعضاء عم نشوف اسماؤن مسجلة بالمنتدى

بس ما عم نشوفلن مشاركات ولا مواضيع ليش لازم الكل يشارك وحتى لو بي صغير مع الايام بيكبر

وان بالقريب بنشوفن

لازم نوصل منتدانا للقمة

وبحب قول انو انا اشتركت بكتير من المنتديات وبدكن الصراحة فين مواضيع ومساهمات اكتر من منتدانا بس بحب قول للكل انو متل اعضاء هالمنتى ما شفت ربي يخلينا لبعض

ويوفقنا جميعا ومرة تانية اسف اذا نسيت حدا وحقكن كلكن على راسي

وبحب سلم المايك

للمبدعة ملاكي
مشان تتحفنا بابدع وحكياتا الحلوين

ومع التحية

مرحبا شباب وصبايا

انا سلمت المايك لملاكي

بس ملاكي ماعم تقدر تفوت عالمنتدى ياريت حدا من الادارة او المشرفين يحلال هالمشكلة حرام صارلا كميوم وما حدا عم يرد عليها ما بيصير هيك

بتمنى حدا يحلل المشكلة وملاكي من الاعضاء المبدعين والمتواصلين دموما مع الامنتدى

وبسلم المايك لل زهرة الخجولة

مع التحية

شكرا على كلامك حبيبي النجم الحزين ,

و بانتظار الزهرة الخجولة أو ملاكي ما بعرف مع مين المايك هلأ ههههههه

بسلم المايك لروبي رو

مع التحية

اهلين ربا شو هالرجعة السريعة

شغلة الشغل بدها شوية صبر وان شا الله ما بروح تعبك بالدراسة عالفاضي وبتلاقي وظيفة منيحة

وان شالله اختك بترجع بالسلامة هي وابنها الله يحميلكن ياه

مشكورة

اهلين وسهلين ربا

ربي يوفقك ويرجعا بالسلامة يارب

ويخليكن لبعض

ومشان العلاقات الواحد هوة الي بيحدد العلاقة

بس اكيد في ناس فضوليين كتير وراح يجي معن وجع الراس

مع التحية

بسم الله الرحمن الرحيم

بداية نشكر الآنسة روبي رو على كلامها الجميل ، و تسليمها المايك إلي .

في السابق عندما قدمت أول لقاء اذاعي أو أول فرصة اذاعية على قناة منتدانا ، لم أعد أراها هههههههه

كأنها ضاعت بالأرشيف ، بسيطة على كل حال ، تتغير الأمور و الأحوال و يتغير الكلام .

بداية أعتقد أن الكل بيعرفني إذا قرأ البيانات الشخصية تبعي تحت اسمي ، و المعلومات صحية بدون غش و مهزلة / مثل ما منعرف البعض بحب هيك يعمل حركات . !

يما إني بعيد عن سوريا أقدم عزائي لكل من فقد شخص و إن شاء الله يكونون من المقبولين عند الله سبحانه و تعالى من الشهداء و أن يدخلهم الجنة ، و الذين يسعون لخراب الأرض حسابهم عند ربهم و أذكرهم أن هنالك يوم القيامة لا مفر منه .
ومن قتل نفسا بغير نفس فهو في جهنم خالدا مخلدا فيها أبدا .

أسأل الله عز وجل أن يفرّج عنا و يصبرنا على ما حل بنا ، و أن ينتهي هذا الأمر بأقرب وقت إن شاء الله .

نبقى مع النشيد العربي السوري أتمنى من الكل يردده و يفهم معناه .

رأيي بالمنتدى ...!

مثل ما نعرف أن لا شيء يدوم على حاله ، و إذا كان بعض منكم قرأ تعليقاتي الماضية و الموضوع الذي وضعته من أجل بعض المشاكل الحاصة ، فستعرفون ماهو و كيف هو ردي .

لأني بالحقيقة مزعوج جدا لعدم الاهتمام و التواصل من قبل الإداريين على المنتدى و أعضائه .

و كنت قد أرسلت رسالة خاصة لكل واحد منهم و اليوم الرابع على التوالي ( لا رد ) !!!

و لولا أني أحب الأعضاء هنا و أحب التواصل معهم و أتمنى الازدهار لمنتدانا ما تكلمت بهذا الكلام .

لن أعمق أكثر بالكلام ، لكن أحب أن أشكر كل من ساعدني و حاول مساعدني و مساندتي بهذا الشيء .

و الشكر الجزيل للأعضاء النشيطين الذين يتواصلون و يناقشون المواضيع و الأمور مع بعض ما يخلق مجتمع صغير محبب للجميع .

أعضاء المنتدى الكرام ,

صراحة أحبكم جميعا و سعيد بمعرفتي فيكم عن طريق المنتدى ، عادة تكون علاقتي مع الأشخاص الأكبر مني سنا ، و لكن هنا كنت من الأعضاء الأكبر سنا و سعيد جدا بمشاركتي معكم معلوماتي و خبرتي و الاستفادة منكم بمواضيعكم و المعلومات التي تقدموها و الطرفة التي تضحكنا و تسلينا و النقاش معكم و مشاركة الآراء و الأفكار .

طبعا لكل منكم وجهة نظر خاصة و طريقة خاصة ، و أحب التزامكم بقوانين المنتدى و أكره أن تمتد الأمور لتصبح مشاكل و نزاعات ، لأن والله مو ناقصنا ، كل واحد عندو همو الله يعينو عليه .
جايين نرفه عن حالنا شوي و نستفيد بمعلومة جديدة ....

سأحاول أن أتكلم عن بعض الأعضاء لأن ما شاء الله عنكم صرتو كتار ....!!!

اسمحو لي أن أبدأ بالكلام عن إنسانة الكل يعرفها بنشاطها بالمواضيع و كلامها الحو و مشاركاتها الأحلى .

و هي الآنسة ملأكي ، و لا يخفى القمر .
تكلمت عني بالبداية عندما كان المايك معها أني ساعدتها عندما شاركت معنا ، يعني بالحقيقة أنا قدمت ما أعرفه و غايتي مساعدة الجميع بما أعرف و تقديم النصيحة إن واجهت نفس الموقف سابقا .
على كل حال أتشكرها على كلامها .

و هي كأغلب البنات حنونة و لطيفة و غيورة ... و بتفوت على الئلب و كتير عزيزة عليي .
طبعا لم ألتقي بها ، و تكلمت معها عن طريق الماسنجر ، و أصبحت من المقربين لي .
يقولون أنه إذا اثنان كانا مع بعض فهذا يعني أن هنالك أمور مشتركة ، ولكن العكس أفكارها و ما تحب تختلف عني كثيرا ، و لكن أنا معجب بها و بمعتقداها و تحليلاها مع عدا التحليل الزايد عن اللزوم ...! يسبب لي المرض .

نأتي لتقديمها طلب بالغاء حسابها ، يعني هذا الحدث الأهم بالوقت الراهن .
اجتمعت عدة أمور بنفس الوقت ، عدم استطاعتها الدخول للمنتدى إلا عن طريق مساعدة دائمة من الإداريين .
غيابها عن المنتدى من دون رد أو مساعدة أيضا .
أمور و ضغوط خارجية و تدييق على ما أعتقد . من أشخاص قادرين على الهاكرز ...!!!
أعتقد أنا كان لي دور هههههههه على حسب ما فهمت من أفكاري التي لا يتقبلها الناس حتى أصدقائي و لكن هي أمور خاصة فيني و هناك الرأي و الرأي الآخر .
و شيء آخر له تأثير مباشر تشترك فيه أغلب البنات ، السوريات خصوصا لن نأتي لذكره أيضا .

رأيي بالذي يحصل : أولا: لا أرضى أن تترك المنتدى بسبب بعض الأعضاء المزعجين و أنا منهم / على الرغم من أني مزعوج منها لبعض الأمور ههههههه
ثانيا : عليها الانتظار لبينما يأتي أحد الإذاريين و يشرح السبب و يبين الخلل بالمشاكل .
ثالثا : مناقشتها مع الأعضاء ، لا تعكس بالضرورة ما يحدث .
رابعا : سماع رأي الأعضاء و الأخذ بمشورتهم و تفهم آرائهم قبل اتخاذ أي قرار يضر بالطرفين .
خامسا : الابتعاد عن الأنانية و أخذ الأمور بروح رياضية ، لأنه ليس هناك فائز و خاسر .
سادسا : الصراحة و الوضوح ليس دليل الكذب و الخداع ، تفهم جنس الطرف الآخر مهم .
سابعا : أنا أعتذر لثالث مرة و الأخيرة عما حصل و يحصل مع ملأكي و هي حرة و أتمنى لها التوفيق .

وبهديها غنية حكم الئلب ،
نبقيكم أعزائي الأعضاء مع هذا الفاصل الغنائي .

برافو روبي

شوهاد مية من مية

ان ما تعصبي بحياتك ههههههه

وربي يسامح الجميع يارب

ومع التحية

منور ابو اسامة

ونحنا بنحبك وكتير

والله مواضيعك ومشاركاتك ورودك كمان حلوين وبحس الواحد فين نكهة غير

ولا تخاف لساتك شباب بكير لتختير خخخخخخخخخخخخ

حاضرين ابو اسامة ان شاء الكل بيلتزم

وان شاء ما تشوف هم بحياتك وان شاء كل الهموم بتفرج والعمر كلو بسط وسعادة

درر يا ابو اسامة

ربي يوفقك ويسلمو علىالاهداء

أولا: بتشكر نجم




ثانيا:

حديث أبو أسامة كتير حلو ومهضوم بطريقة حكيو
خصوصي الفواصل الغنائية يلي عم يهدينا ياها

بتمنى تنحل كل المشاكل يلي صايرة بالمنتدى
ونرجع متل ما كنا
وتنحل مشكلتك يا أبو أسامة
ومشكلة صديقتنا ملاكي
صح نحنا قلال بالمنتدى
بس عم نشارك ونحكي ونتناقش بشكل كتير حلو ومفيد بنفس الوقت

والله يرجعك بالسلامة لأن صعبة الغربة

Best of regards

السلام عليكم و رحمة الله

صباحكم خير و بركة من إذاعة منتدانا معطر بريح العطر و البخور (لأنو أنا بالإمارات) لأن مافي ياسمين .ههههه
أهدي لكم تحياتي من الخليج العربي ، و أيضا مديرة الإذاعة و المايك لا ننساها الآنسة ملآكي في المبنى الرئيسي لها كل الشكر .

عدنا لكم أعزائي المجاهدين في العلم و الرزق و الساهرين على الدراسة و الفيس بوك .

أتتنا بعض الإتصلات خارج الهواء من بعض المعجبين و المعجبات ، نسأل لهم السرور و المسرات . و كانو :

السيد النجم الحزين : صديقي في الشباب و معا نحو الختيرة ، أبدى تذوقه بإذاعتنا و عدم معرفة النكهة
طبعا بسبب بسيط إنو صار ختيار هو الثاني ، تنمنى له القوة و الصحة .
منتشكر مشاركتك و التزامك معنا و إن شاء الله وراء كل عسر يسر .

زعيمتنا روبي رو : مع فنجان قهوة الصباح ، رايقة و خفيفة الظل .
ولاحظت أنها تتكلم بشكل غير مباشر عن الإفطار ، معناتو بعد القهوة في فطور اليوم ... إذا كان فطور بريطاني يفضل .
نحن مسرورين معكي و نرجو أن تنحل جميع المشاكل و المشاحنات , و إن شاء الله قبل ما ارجع بتكون نحلت مو بس مشاكل المنتدى و مشاكل البلد كمان ، آمين يا رب .

الكوتش زمن...؟ : نشكرك على مداخلتك و نحن سعدانين معك كمان ... اسمو أنا لابس لفش ئلبي : هههههه
قصة مو على بعضي في عدة أمور .
الشغل ، الرواتب ، الرفقات ، البلد ، المحبوبين ، و الأهل .
كل شي إلو مشاكل ، لكن إذا إجو مع بعضهم مصيبة ، بتخلي الواحد مو على بعضو ... نسأل الله التفريج .

شكرا لكم مرة ثانية ، بانتظار مكالماتكم و اتصالاتكم على الرقم الخاص تبعي على الشريط الإخباري 0552300498 هههههههه
أو بالمشاركة عن طريق منتدانا بالرسائل الخاصة ، و فيكم بالتعليقات على الموضوع الظاهر أمامكم على الشاشة مباشرة ولكن احذروا من المشرفين و الإذاريين المخفيين ...

نترككم مع الفاصل المختار من قبل مديرتنا
أحد أغنيات راشد الماجد