امانة كل شب وصبية من الدين المسيحي يقرأو

انا من النوع يلي بيحترم كل الأديان وكل الناس بس انا هاد الموضوع طرحتو لأنو بحس المسيحية عندهن نظرة خاصة فيها عن دينا الإسلامي...وعندي كتير صحاب مسيحيين بس ما بيجاوبوني عن هيك شي...

انا يلي بدي ياه شب او صبية من الدين المسيحي يحكو بكل صراحة شو رأي المسيحية بدينا وكيف بينظرولنا بكل صراحة.....هاد الشي بيخلينا نتقرب من بعض أكتر وننسى بقا شي اسمو تفريق ...لأنو بهيك نقاش يمكن كتير شغلات فهمانينها غللط تتصلح

مع الحب للكل

angel cave

شكرا

مرحبا
انا سألتلك بنت مسيحيه عن سؤالك وكان هاد جوابها

ما في اعتراض على شي بدينكون لا على العكس لانو نحنا بيهمنا بالاخير انو انتو ما تتعرضولنا بالسيء وانتو ما عم تتعرضو فالبنهاية نحنا تقريبا فيك تقول ما في اي نقط سود على الدين الاسلامي لا على العكس
و انا ما عندي اي مشكلة بالاديان يعني كل واحد حر بدينو

وطبعا بتمنى انو حدى تاني كمان يرد
بس خففو مواضيع الحكي بالدين
مابدنا مشاكل بين الأديان
نحنا كلنا أخوات بالأخير

بالعكس يا مدير.............الحكي بهيك قصص بيقوي العلاقات وبيلغي النقط السودا إذا كانت موجودة........[b]

الموضوع حلو كتير
و بصفتي شب مسلم انا بصراحة اتعرف بالمعهد على 5 بنات مسيحية و 4 شباب مسيحة
اول الشي بصراحة نحنا آخدين فكرة غلط عنهم بس تعاملهم معي خلاني صحح الفكرة عندي وعند غيري
بس في مشكلة في كلمات عندهم عادية و ببساطة بقولوها نحنا كأسلام مننزعج منها
و طبعا لأن المسيحية أقل بكتير من الاسلام بخليهم يعرفو اشياء عنا أكتر ما نعرف اي شي عنهم
وبالأخير لازم نضل أخوة و ما يكون في بينا اي خلاف
وانا بصراحة في وحدة مسيحية قالتلي انها كانت بمدرسة كلها اسلام بس المشكلة كان في بعضهم ما يعاملوها منيح
و انشا الله نكون عند حسن ظن كل الخلق و ما نكون عبئ على حدا .

انا بنظري كلنا اخوة و كل واحد على دينو الله يعينو

انا عندي الجواب الشافي

المسيحية بينظروا لدينا متل ما نحنا بنعطيهم صورة من خلال أخلاقنا وتعاملنا
وعلى هل اساس بشكلوا نظرة عن دينا
وانشاء الله كل واحد يعطي صورة حلوة عن دينوا

والله يا جماعة احلى الشي كلام مايسترو نحنا كلنا اخوات و عيلة وحدة

يا شباب نحن كلنا تحت سما واحد يلي هو سما الوطن
ولا تنسوا الدين لله والوطن للجميع
وبدي تعرف شي كتير مهمة أو بالأحلى مقولة كتير حلوة
"عامل الناس كما تحب أن تعامل"
ولا تنسى كمان أنو مو شخص واحد بيعببر عن مجموعة يعني أنا ما فيني كون مثال عن المسلمين كلهن ولا حتى عن جزء منهم أنا بمثل حالي فقط ونفس شي أي شب مسيحي ما بيعبر عن كل المسيحية .... وهكذا
وكمان شغلة مهمة نحن أشخاص عادين مالنا شيوخ أو قديسين يعني ما فيني قيم شخص أو حتى مجموعة أشخاص
وإن شاء الله تكون وصلت معلومة بخير وسلامة دون مطابات أو إساءات
وأنا بالنسبة إلي بحترم كتير الدين المسيحي أو دين آخر
وعلى قولة المايسترو كل واحد على دينه الله يعينه

يعني لازم ما نفرق بين الاديان لانو اخر شي كلنا منعبد اله واحد
ونحن اخوة شو ماكان دينا

يا ريتني مسيحي

انا برأيي أنو الدين معاملة وأما بالنسبة لتعدد الأديان فهو متل تعدد الطرق لعند الله يعني كل الطرق بتوصلك لعند الله

والله محبة سواء عند المسيحيين أو عند المسلمين

وأما بالنسبة للعضو الجديد أحمد صابر ممكن أعرف ليش (يا ريتك مسيحي ؟)

يا أخي متلنا متلكم بناكل نفس الاكل وبنشرب نفس الشرب

وعلى فكرة انا 70% من رفقاتي مسلمين ولا مرة تطرؤو معي لهالموضوع او عاملوني معاملة خاصة لأني مسيحي

وبالنهاية كلنا أخوة أبناء الله

يا عيني عليك جملو والله كلامك ع العين والراس
والله محبة عند الكل

نحنا مناخد الشخص على معاملة مو على دينو

انا يا شباب 40%من اصدقائي مسيحية ولكن عمري ما حسيت انو في فرق او انو هن مسيحية وانا مسلم و هن ما حسوا بالشي هادا وذلك برأي لانو نحنا ببلد واحد وعلى ارض وحدة وتحت سما وحدة ومنعبد اله واحد واصلا هن متلنا يعني في المنيح وفي العاطل
ومع ذلك نحنا كاسلام واجبنا نحترم الاديان كلها واولهم المسيحية لانو كلها اديان الله عز وجل
انا غلطان شي؟
وانا اسف على الاطالة بس يا ابو حميد ما حبيت رسالتك الاخيرة affraid

» مي عز الدين : لا نية للحجاب
» مي عز الدين: علاقتي بمحمد زيدان حقيقيّة
» بدي أعرف شو دخل الحكومة بعلاء الدين والمصباح السحري