هل تتزوج بفتاة كنت على علاقه بها ؟

هل تتزوج بفتاة كنت على علاقه بها ؟

--------------------------
سؤالي للشباب :

س : هل تتزوج بفتاة كنت على علاقة بها سابقا عن طريق النت أو مكالمات أو مقابله وتطورت الامور الى حب ولو كنت واثق منها ؟

سؤالي للفتيات :

س : اذا كانت لك علاقه مع شاب عن طريق النت أو مكالمات أو مقابلات وتطورت الى حب هل اذا اتى شخص آخر لخطبتك توافقين او تنتظرين من تربطك به علاقة ليأتي لخطبتك ؟

س : اذا كانت لك علاقه مع شاب عن طريق النت أو مكالمات أو مقابلات وتطورت الى حب واتى لخطبتك وبنفس الوقت اتى شخص اخر يخطبكي ايهما تختارين؟

ارجو من الجميع أبداء برأيه بكل صراحة لأن الهدف هو تكوين فكرة عامة

أنا برأي .. مافي مشكله عندي أبداً لأنو التعارف على النت مثلا متل ماكانو يعملو أبائنا وأجدادنا لما يتعرفو على بنات أو العكس عن طريق المراسله وحتى كانو يتعرفو على بعض وكل واحد بدولهوأنا أكتر من واحد بعرفو تزوج عن طريق مراسلات هيك من زمانوالنت فينكن تعتبروها طريقه شبيها بالرسائل وهي القصه بالنسبة لإلي كتير عادي

راي انا اوك مافي مشكلة أذاجبته جاء وخطبها بس قبل هذا لازم تفكر منيح وتجسبها أكثر خاصة اذا كان من دولة ثانية ومش كل العائلات يرضون يعطون بناتهم لشباب من خارج دولتهم وطبعا مش معقولة تتخلى عن أهلها اللي مابيتعوضو بزوج وعن وعاداتها الي تربت عليها

اي صح انا معك بهاد الموضوع يعني مو معقول الشب او البنت تتزوج شخص من المغب مثلا أكيد مارح ينبسطو مع بعض لأختلاف العادات والتقاليد بس ممكن إذا كانت الدولة قريبه مثلا لبنان او الأردن أو فلسطين فبظن انو مافي مشكله

هلأ اذا كان هذا الشخص من الغرب اكيد اكيد ما أحد يرضى من العائلة لكن كمان أحكيك احنا عنا بالشام للأسف الأهل مايرضون يعطون بناتهم لشخص غريب لو كانت دولة قريبة مثل ماتقول وانا أجكيك على نسبة كبيرة من أهل الشام بتصور

مو غلط التعارف عن طريئ النت خاصة ادا كان الشب والبنت بحبوا بعض ومتفئيين علي كل شي حتي ولو كان من دوله بعيده وهيدا الشي انا بوافئ عليه
ما تفهموني غلط هدا من وجهة نظري

هاااااااااااااي
أأكيد يلي لح يفكر يرتبط ما لح يرتبط بشخص عرفوا عن طريق النت
والزواج مو لعبة هو تحمل مسؤلية ويلي بيرضى يرتبط ببنت شافها أو سمع صوتها أو حتى كاتبها عالنت فأكيد مالو حق أنو يطلب الزواج يعني هي تعتبر تصرفات مراهقة
والبنت يلي رضيت تحكي معو وتسمعو صوتها وتورجيه صورتها فلح تسمح لهالشي يكون مع غيره
وباختصار الزمان تغير...........؟
وشكرا على هالموضوع الحلو
مع تحيات:A.M.K

حابة قول ان هذا الموضوع كتير مهم كون كتير من الشباب والصبايا عم تشوش افكارهم كون هذه الطريقة صح او خطأ ومشاعر كتير بلحظة بتدمر وقت الشخص بيصحى انه هو موجود خلف شاشة من صعب ان الأشخاص الأخرين يتقبلو هذة العلاقة وان كانت صادقة.................لللأسف

بتعرف وقت بدي اتزوج ما رح اتزوج شب اتعرفت على شب كان اساس علاقتي في كلام
لان دائما التنفيذ غير الحكي
ورح يكون بالنسبه قلي وقت التنين بيخطبوني التنين نفس الشي
لا حرام
يلي على النت
على اساس بعرف شوي من افكاروا
بس على كل الاحوال الانسن بيتغير بين دقيقه والتانيه
وما بتعرف الحب شو بيعمل
وقت حب
بقول

لم تعجبني أغلب الردود لأنها بعيدة عن الصدق والحقيقة.
حتى نستطيع الإجابة عن مثل هذا السؤال يجب أن نأخذ بعين الإعتبار نقاط كثيرة ومهمة
1-إن كانت تلك الفتاة قد تعرفت عليها ببيئة سليمة وكانت العلاقة طاهرة ولم تتم لأسباب قاهرة فنعم أرتبط بها إذا استوى االحال.
2-في حال كان التعارف عن طريق النت والتشات فمعظمنا يعرف أن الشباب والشابات الذين يلجأن لهذه الأساليب إنما يقومون بذلك للتسلية وحتى لأبعد من ذلك من دون علم إحد وهنا لا يسمى الحب حبا وإنما هو للتسلية لاأكثر ولا أنكر أنه قد تقع هناك قصص حب حقيقة ولكن مصيرها الزوال .........ففي حالات الإرتباط التقليدية يبدي كل طرف للأخر أجمل وأحلى ما لديه وإن كان مزيفا وما أكثره ويخفي كل سيء وما أكثره فما بالك إن كان التعارف من وراء حجب ..
ففي هذه الحالة لا أحبذ هذا الإرتباط ولا أقوم به.
3-يبقى الحب قبل الإرتباط من أجمل وأرقى الحالات التي يعيشها الإنسان وأنا أفضل أن أعيشها ولكن في حدودها المشروعة.

شكراً على ردك وعلى رأيك
ونحنا أكيد الكل عم يحكي رأيو الشخصي ومنحب أكيد الصراحه متل الشب maher حكى بكل صراحه
بس بدي رد على شغله
مو كل العلاقات تبع النت حتى ولو كانت حب للزوال
انا عندي اصدقاء كتير بنات وشباب من النت وبوشفهن وبشوفوني ومنحكي مع بعض على التلفون وتعرفنا على بعض بالنت
اما الحب بقى انا شاهد على علاقة زواج اخو رفيقي من تعارف بالنت وهو شب مثقف وهيه كمان ودارسين وماكانو عم يلعبو عالنت كانت علاقه جديه
يعني بكل شي في الشي السلبي وفي الشي الإيجابي

انا من رأي
ما في حب عن طريئ النت
الا اذا شافو بعضون وحكو مع بعضون وفهمو بعضون
محتمل يصير هالشي
مشكوووووووووووووووووووور
موضوع حلووووووو

ممشفروط لازم بعد تعارفهن عالنت لازم يشوفو بعض ويعرفو بعض على الطبيعه واللي بيتعرف على النت هو مجرد وسيله بيناتهن للتواصل بس لازم يعرفو بعض على الطبيعه

اي انا ما عندي مشكله اني اتعرف على واحد على الإنترنيت وبعدين تطور لصديق وبعدين لحبيب
بس مو اي واحد ممكن يقدر يحكي معي على الانترنيت
يعني إذا حسيتو شب غبي او فاضي أكيد رح اعملو بلوك
بس إذا كان شب مميز وافكارو حلوه وواعي وشخصيه
هاد اللي رح يلفتلي نظري لإني اتعرف عليه على الحقيقه
وممكن ارتبط فيه إذا عجبني

بصرحة ما بظن انو بحسن اتزوج وحدة كنت على علاقة معها قبل الزواج

» كيف يتصرف الرجل إذا أعجب بفتاة .؟
» فتاة من أب أردني تتزوج ابن شقيق بوش (صور)
» لا تتزوج وحدهة شعرا طويل(منقول)