رأيك بالشخص التاني

يا شباب بدنا نلعب لعبة
هي أنو كل واحد بيقول رأيه بشخص تاني من المنتدى
لو كان ما بيعرفه بشكل شخصي يعني عن طريق كتاباته
إن شاء الله تعجبكن بس ما بدها زعل وبدنا نقول رأينا بصراحة

لح بلش أنا
أنا بدي قول رأي بالمدير العام الكابتن رجائي
شخصية حلو كتير مسحكمة مسييطرة ومتحكمة
وجرئي جداً وشايف بالدنيا لمصدي
وأنت شو رأيكن باقي الشباب

حلوة اللعبة شو رايك انو الشخص اللي بيحكي عليه التاني
الشخص التاني يقول رايه فيه
انا لح احكي عن عامر هو شخص كتير مؤدب وجنتل وبينحب
واهم شي انو بيعرف معنى الصداقة
مع حبي يامايسترو

شكرا على اللعبة الحلوة
انا لح قول رأي بنيرمين بما أنك انت يلي بلشتي
يعني من كتاباتك بحسك عندك شخصية قوية صريحة و قلبك طيب.

انا رح قول رأي بمازن .. طبعا بتعرفوه مو
تفكيره واعي وفهمان ومقفل كتيييييير
بيعرف شو يعمل بالحياة
بس حاسو ناقصو شي لحتى يكمل الشي اللي بدو ياه
وبدي قلو شغله
بس فكر بمستقبلك البعيد أكتر يا مازن

وشكرا نيرمين على رأيك فيني وكنت بدي قول رأي فيكي بس حسان سبقني
يلا بركي بعد شي صفحتين بقولو
ههههههه

شكراً يا حسن هذا من زوقك

رأي بوسيم يلي هو MYTH
شب أكابر بكل معنى الكلمة وظريف كتير ومخلص لرفقاته
ومحترم يعني بجد مو لأنو رفيقي أو لأنو بوجه بس يلي بيعرفه أكيد رأيه هيك فيه
أما مايسترو يلا بقول بعدين بيكفي رأي واحد باليوم

انا بدي بلش بواحد واحد طبعا كلكون غوالي بس بدي بلش بعيسى :
عيسى راقي بينحب وبالفعل بحسو خرج يكون رفيئ وصديق واخ كمان
نينو شكرا لعبة حلوووة كتير
والمرة الجاية سيموووو.......

العبة كتير حلوة انا
رح قول رأي بشكل عام كل اعضاء المنتدى محترمين كتير وروحهم رياضية كتير
انا ما بعرف حدا شخصيا او عن طريق الموقع غير رجائي وهو شب كتير هادئ وطيب القلب وهو اول شخص شفتو بالمعهد اما نيرمين فهي بنت كتير لطيفة وشخصيتها قوية اما المايسترو حسب ما قرات من تعليقاتو على الموضيع بحسو شب فهمان وواعي انا كان نفسي كمل حكي عن الباقي بس للاسف ما بعرفهم

اللعبة كتير حلوة
أنا ما بعرف حدا معرفة شخصية
بس أفكار مايستر وتعليئاتو بتعجبني
ومواضيع نيرمين كتير مفيدة
وحسن دائما منور ما شالله
أما رجائي فأنا بسمع عنو من أخي وابن خالي
وقطقوطة المنتدى فأكيد رح تكون مفيدة لأنو ماشالله عنها مبين إنو متابعة
والله يوفق الجميع

أول شي ميرسي نرمين ع الموضوع الحو
وبحب اشكر رفيئي عامر لأن عنجد الواحد ممكن يعتمد عليه وصديق وفي وكفو
ونرمين بتتصف بتعلقاتا الجريئة والمنطقية وطيبة ئلبها
وبدي خلي باقي الشباب لبعدين لأن اسم الله كتار
with my love to all

:بكاء:

انا اليوم واعدكون بوسيم
وسيم انا كتير صحبة انا وياااااا وفي بيناتنا خبز واركيلة
هههههههه
وسيم بحسو رااقي واكابر وبحب الصداقة وبعدين صاحب شخصية ئووووية
طبعا انا ما بعرف جامل
والقادمة نيرمين.........

اليوم اياد
اياد شب كتير ظريف وروحو مرحة وصاحب مبدأ وكفو
بس ليش مو معلق شي ع الموضوع اياد

والله أنا بدي حط رأيي بالمايسترو عامر..

والله أنا بشوفو شخص حباب ودبلوماسي بشكل كبير محبوب من أصدقائو حسب ما شفت.
يعني هاد بشكل عام
مع التحية

Doctor loveأو عيسى
فعلاً اسم ع مسمى شخص رومنسي وفعلاً بحسه دكتور بالحب وهادي وفي غاية من الكابرية
الله يخليه لأهل ولرفقاته لأنو بصراحة هو من الرفقات يلي ما بيتعضو

ميرسي إلك يا قطة الشام طبعاً بشرفني كتير اتعرف عليك بالمعهد وإذا بدك بعرفك ع باقي الشباب بالمنتدى كتير ظراف وحبابين
منحكي مع بعض مشان نترف إذا بتحبي

اليوم بدي احكي عن نيرمين ..........
نيرمين يلي عجبني فيها كتير الشخصية تبعها يعني بحسها ئد حالها
بعدين بتحب رفئاتها وبحسها حنونة
القادم العقرب حيدر

هلئ كلنا إخوات ورفقة وبالشكل العام منحب بعض والصداقة عنا شي كتير مهم
بس إذا بدي إكتب رأيي بكل واحد فيكون بدو جريدة وأنا بفضل إنو بكتب مساوء بعض
هسك بيصير للموضوع فائدة اكبر للطرفين الواحد بيشوف شو ناقصو
وكيف شايفتو الناس
بس لح إكتب رأيي بإلي بعرفهون وطبعا بالشكل الإيجابي
بس بتمنى تنظرو برأيي بتحويل الموضوع

عيسى رومنسي هادي خجول بحب الجمعة والبسط وإسم معلم الرومانسية هو إسمو
نيرمين قلبها طيب كتيييييييير وحنونة وأخر همها حالها وإسم الأم الباكية هو إلها
والكابتن رجائي واعي صاحي بيعرف الحياة كتير منيح وبيعرف يوصل لإلي بدو ياه فيها وإسمو قاهر الزمن
مايسترو إجتماعي وبحب البسط لأبعد حد وإلو شخصية قيادية وإسمو الوزير الطامح
ريم مرحة واعية ومتفهمة للحياة وبتحاول تبسط حالها وإسمها الملاك الباكي
مروة ناعمة رومانسية وهادية وقلبها طيب كمان وإسمها زهر البنفسج
ووسيم قوي صاحب أفكار جديدة وإلو شخصية طموحة بالمزيد وإسمو قائد الأحلام
غيث شب حباب وأكابر وبيعرف الواجب وبحب الصحبة كتير وإسمو صائد الفرص
وعدنان شب طيب بيحب الحياة والتفوق وبيعطي كل شي حقو وإسمو نجمة الليل

وهيك بكون خلصت وبتمنى إسمع رأيكون فيني
أنا بعتذر ما تزكرت كلشي وإذا في شي ناقص مو معناها مو موجود بس أكيد نسيتو وإعزوروني قصرت بحقكون

إياد أحلى شباب المنتدى والمعهد قلبه كبير وبيسع الكل
بتاخود منه نصائح كتير مفدة بس للأسف هو ما بيطبقها ع حاله كمان بينسى حاله كتير
بحب فرح كتير وعندو ياها بالدنا ((طبعاً فر بتكون حبيبتو )) الله يخليهن لبعض شيطان وقت الجد بيحب رفقاتو كتير وبحب يكونو ا مبسوطين لو ع حسابه الشخصي من الشباب الكفو يعني قبل ما تكمل الطلب يلي بدك ياها بيكون لباك

وهو أخي ورفيقي وكتير بعزه أنا......يعني شو ما حكيت عليه شهادتي مجروحة فيه

اياد اجمل واطيب واحلى و اهضم شب بدني شخصيته رائع و عنجد نيالك يا فرح وبتكوني هبلا اذا بضيعي من ايدك
نرمين بنت كتير طيوب وقلب بسع لك و ديما بيتوقف مع رفقاتها قد ما بتقدر وعنجد هيه رفيقه حقيقيه
عيسى شب كتير حباب وطيوب بيدخل قلب بسرعه وكتير اكبر ومحترم وبحترم صداقه
مروى ارق و اطيب ملاك بدني وعنجد هي اجمل صديقه الي
رجائي انسان جدي وطموح وكتير حباب وبحترم رفقه
عامر المعقد نفسي عم بمزح هو عنجد شب كتتتتتتتتتتتتتتير مهضوم وخدوم و طيوب وبحب رفقاتو كتير
وسيم شب طموح واكابر كتير وبخاف على رفقاته وبحب مصلحتن يعني ما اناني متل ما مبين اول ما تعرفن عليه
غيث شب خدوم وكفوا ومهضوم ومخلص لصداقه

عنجد انكن شله بيتجنينوا و نيالن على بعض وعين تحرسكن اليه

:بكاء: خجلتوني
الله يخليلي ياكون يا رب
بس لازم نبلش نحكي بلشغلات إلي مو منيحة وبلا زعل لأنو قصدنا نصلح بعض

رجائي شب طموح وفهمان الحياة مظبوط وبيعرف شو بدو مايستروووشب كتير حباب وقلبو طيب وبحب رفئاتو واكابر وباين عليه مخلص وبآمن بالصداقة وما بحب يشوف حدا زعلان سيموو صديق عزيز على قلبي وجنتل كتيرر وبخاف على رفئاتو وشخصيتو قوية غيث شب اكابر وظريف كتير بس ما بعرفك بما فيه الكفاية انس باين عليك حباب وطيب واكابر وكمان ما بعرفك كتير ابو العيس شب رومانسي وقلبو طيب واكابر كتير ومحبووب وهادي ومزوء عدنان شب طموح وحباب وظريف مالك بحب يسمع مشاكل غيرو وبحاول يساعدهم ومتفهم وظريف اياد اطيب قلب شفتو بحب الكل وبخاف علينا كتيرر هو بيعرف انا شو بعتبروا هو اقرب انسان الي أخ بكل معنى الكلمة وانا بحكيلو كتير وهو بسمعني وبنصحني بحس كل الصفات الحلوة فيه ظريف وحباب واكابر وحبوووووب كتير والله يخليه لفرح هاد كان رأي بالشباب وبكرا بئلكم شو رأي بالبنات وان شاء الله ما كون نسيت حدا واذا نسيت سامحوني وعلى فكرة انا بحمد الله على هل الشلة الكتير حلوة مروة

انا رح احكي على الشباب يلي بس بالمنتدى ومو كل الشلة
ورح رتبهم من الاقرب لفلبي الى الابعد
وسيم اياد عامر عيسى حيدر حمادة(ايفان سيث)ورجائي مروة نيرمين ريم
كلهم قريبون الى قلبي ومشان ما طول كتير رح احكي الشي المشترك حبابين وطيوبين واريبين للقلب محترمين وطبعا كل شخص يتميز بشئ عن الاخر افضل الاحتفاظ به له
بس ولله انا بحبكم كتير وبفديكم بيلي بدكم ياه ويلي مو مصدق بس يجربني
صحيح انا مو كتير اريب الكن وهاد لانو اعدتي معكن مو كتيرة بس انا عم حاول اد ما فيني
وكلكن بنفس المستوى من الحب
وانا اسف اذا نسيت حدا وهاد لانو اسمو ما ورد لذهني
وشكرا يا نينو على هالموضوع
مع كل الحب yogi

شباب انا تعرفت عالبعض منكم يوم الأربعا كتييييييير حلوين و
بصراحة بين معي إنو ماشالله عنكون بتحبو بعض وئلوبكن على بعض الله يديم المحبة
احلى اعضاء والله
مايسترو/ المير/ رورو/ انجل/ الدكتور/ العقرب/ يوجي/ ستارنازي
انشالله ما نسيت حدا
الله يسعد الكل

مرحبا مسا الخير للكل هلا انا ما رح اقدر احكي قد ما الكل حكى لانو انا مالي بالشله كتير كتير بس صرلي بعرف تقريبا كم شخص من فترى قصيره هلا عامر شب كتير ظريف ومرح وبتحسو بلم الكل حواليه عيسى متل ما قال الكل بتحسو محب كتير ومرتب المدير شب عاقل كتير وظريف نيرمين بنت قويه جريئه بس بنفس الوقت قلبها كتير طيب وبتحب تشارك الكل باي شي رورو لوف شفتا مرتين بس مبينه انو حبابه وظريفه ومحترمه وبرينغ مي تو لايف انا ما بعرف اسمو بس تعرفت عليه من يومين لقيتو شب حباب كتير ومتفقين انا وياه بشغله اياد شب رايق كتير وماشي بالدنيا وبتحسو شو ما بتقلو بيتقبلو وممكن يعملو وظريف كتير انا هاد يلي حسيتو وعرفتو عن الشباب وان شاء الله منتعرف عالباقي ...

» ما رأيك ادخل وشع رأيك
» إن كيدهن لعظيم (الجزء التاني)
» ما رأيك؟!...