دوري الماسنجر .. للشباب والصبايا

مرحبا شباب وصبايا

الفكرة بسيطة كتير!!!!!!!!!!

دوري الماسنجر:

الفكرة هي انو تجري مباراة بين فريقين محدد موعدها مسبقا هون ومكان المباراة هو غروب عالماسنجر انا اخترعتو

قوانين اللعبة على الشكل التالي:

-)كل فريق مكون من ستة مقسمين 3 شباب و3 صبايا
-)مهمة اللاعبين هي محاولة احراز الاهداف او الدفاع عن المرمى
-)كيفية احراز الهدف للفريق هي بانو يبعت هالفريق 3 ردود متتالية من لاعبيه طبعا كل رد للاعب مختلف بهالحالة بينحسب هدف للفريق
-) الرد يقتصر على كلمة (هجمة) ورقم الهجمة
يعني لحتى يحسب غول لفريق مكون من ايمن واحمد وياسر لازم ايمن يكتب

هجمة 1
واحمد يكتب
هجمة 2
وياسر يكتب
هجمة 3

-)طبعا بيفشل الفريق باحراز هدف لما الفريق المعادي يكتب كلمة (صدة ) قبل اكتمال الردود

-)المباراة مؤلفة من شوطين كل شوط الو وقت محدد مع استراحة
-)الحكم هو اللي بيبت بصحة الهد وهو اللي بيحسب النتيجة طبعا
-)صلاحيات المدرب:

اعلان تشكيلة فريقه المكونة من 6 اساسيين
وبيبعتلي ياها قبل المباراة بيوم ت

-)اخيرا اذا عجبتكن الفكرة او عندكن اي اقتراح لتحسينها بتمنى تردوا عالموضوع

ولارسال طلبات المشاركة بالدوري ياريت تردو على لموضوع

طلب بيتضمن :
-)لاي فريق بتحبوا تنضموا
-)شو بتحبوا موقعكن يكون مدرب او لاعب او حكم

إيليلي هو

rajaionline@hotmail.com

الفرق هي

1 برشلونه

2 ريال مدريد

3 انتر ميلان

4 جوفانتوس

5 مانشيستر

6 أرسنال

طبعا اذا اللعبة مو م فهومة رح ساوي مباراة تج ريبية عن قريب

ويبقى خبروني إذا في أي تعديل أو أي إقتراح على اللعبه

ملاحظة : انا مع برشلونه

وهي شعاري من هلأ

إذا كنت كتالوني فإفتخر ... وإذا كنت ريالي فإنتحر

شريك انا مخي سميك
ولووو
شرحلنا اكتر شريك ومع اني ما فهمت اللعبة
بس انا ريالي
وشعاري من هلأ
انا ريالي وافتخر وان كنت برشاوي سانتحر

شوووو وين باقي الأعضاء ؟؟؟؟

والله وانا مع المايسترو
ريال مدريد وبس :كرة قدم:

انا و الله ما فهمت اللعبة يا ريت شوي شرح
و انا مع برشلونة

على فكرة كلشي بيشجع برشلونة او الريال بيكون ضعيف لانو عم يشجع فريق بدون لعب بس انا بشجع مان يونايتد ويلي عندو اي تعليق يحكي لانو نحنا الابطال هون

وأنا كما ن مع المايسترو ريال مدريد
بس كمان ما فهمت اللعبة

له ياباطل
قال ريال قال
ياحراااااااام أكلين كم بريال مدريد

محمد الشعار هلأ انتبهت شو كتبت
اي ياشريك بكرا منشوفكن
:لعاب بعيد:

هااااي
والله الفكرة حلوة كتير
ولعبة حلوة
انا مع برشلونا اكيد مابدها تنين يحكو فيها
ئال ريال ئال يا حرام
جد العالم مخدوعة فيه
انا بحب كون من اللاعبين
بس هلئ امتحانات وااااااااااااااااااع
مافينا نلعب

ولي جوجو انتي مع البرشا
اي خليون ينفعوكي

له يا جوجو و انا كمان ما حبيتا منك انو تكويني مع هيك فريق
الريال وبس
:كرة قدم:

لك بعد البارسا مافي
لك صحي انا المانية الانتماء بس هون مافي نوادي المانية ليييششششششش
اه
بدي ارفع دعوة للفيفا
بس اكيد بارسا
لك مايسترو انت دايما مع الفرق الخسرانة
وهي دكتور لوف معك كمان
ههههههههههه

على راسي حارتك والله ياجورجينا
نحنا بفريق واحد

وبدنا نكسر روسهن للريال

وبضل عند شعاري

إذا كنت كتالوني فإفتخر ... وإذا كنت ريالي فإنتحر ...

هلا ادمن
انا ازا فيها تكسير روس جاهزة ع الاخر
يعني رح جيب المقلاية معي
هههههههههههههه
لك كلشي لعيون البارسا بهون
بس مع التذكير
قلبي مع الالمان

تضربي انتي والمنتخب الالمااااااااااااااااااني
والبرشاااااااااااااوي
الريال وبس

رياااااااااااااااال وبس
:VV:
تحيا الريال :كرة قدم:

مين غير ماتبدأ اللعبة بدأتو ببعضكم كيف وقت تلعبو
خلو فيكم روح رياضية.............................مثل مابيقولو

:مبسوط::مبسوط::مبسوط:
هدووول الريال مو شاطرين غير بالحكي
أرجونا حالكن باللعبه يبقى
ونحنا فريق البارسا بالمنتدى اكبر من انو نرد عليكن
:جكر:
وبكرا منشوف باللعبه مين بدو يربح
بس ياهبه انت ماأخترتي مع اي فريق انت

هبة الحكم
هههههههههههههههه
ريال وبس حبي

مين انا الحكم مبلا...................... مابنصحكم
خليني من المشجعين...أحسن

اوكي مشجعين بس مع ايو فريق؟
ليكي هبوش احسن شي الريال :كرة قدم:

خليني أفكر ......بعدين كمان بدي اعرف مين أعضاء الفريقين وقوتهم
عشان ما أتحسر على حالي بالخسارة وأخرتي أصفي بالمشافي

انتي ئولي الله ولا يهمك
انا ومايسترو وميث كلنا رياليا هون
يعني مارح تندمي
يلا شدي معنا :VV:
الريال وبسسسسسسسسسسسسس
:كرة قدم:

يا شباب لعبوني معكون
بليييييييييييز

بس انا ما بعرف لا برشلونة ولا ريال مدريد

انا بشجع ايطاليا وبس

» نقاش للشباب والصبايا
» بكبسة زر فقط حل مشكلة تحديث الماسنجر 8 وبتوافق تام مع الماسنجر بلاس
» اهلا بالشباب والصبايا الجدد