الصداقة التي تتحول الى حب

انا بعاني من هالمشكلة بحكي مع عالم على اساس انو اصدقاء وفجأة بحس انو عم يحذروني من هالعلاقة وبيبلشو يلمحولي بتصرفاتي انو مابيصير .............وانو احنا اصدقاء .............ومالازم تتحول الضدقة لحب لانو رح نخسر بعض وبكتشف انو انا الغلطانة وماني حاسة بحالي بدي اعرف شو يلي بيخليهم يحسوا بها الشي جاوبوني لو سمحتوا

هو أكيد ممكن نفستك وتصرفاتك بتخليكي أتقربي كتير من رفقاتك وهو يلي بحسسهن بشي غير الصداقة ..أو مثلا بتكونو قاعدين شلة بتحكي وبتفضلي شب على تاني أو هيك شي ...ما بعرف ما فيني أحكي أكتر من هيك

اوك كتير احيان بتصير الصداقة حب بس هلأ انت الحق عليكي عفوا يعني اذا هالتجربة تكررت معك اكتر من مرة ف انت الحق عليكي يعني الصداقة الها حدود وانت بتكوني خليتي يتخطا هالحدود
هاد رأيي

وانا رايي من راي ميرنا
والله يكون معك

أنا رأي من رأي حيدر
بالظاهر إنت إنسانة طيبة وقلبك أبيض

كلكن معكن حق بس لانو انت البك طيب وحبابة بصير معك هيك وهي شغلة طبيعية بس تقرب الشباب منك بيتوقف على طريقة فهمون للموضوع وهي مالامشكلتك انو حبوك بعدين اغلب الشباب بهالمرحلة من العمر بفكرو هيك ومشكورة على هالموضوع بساعدنا كتير

أنا رأي انو اكيد هنن حسو هالشي من تصرفاتك بس انتي ما قصدك شي بهالتصرفات بس لأنو نحنا قاعدين بمجتمع شرقي فأي كلمة بدو ينحسب حسابها لأنو احياناً سلام بس بيتعبرو الطرف التاني بمثابة اعجاب فلازم الوحدة منا كتير تاخد حذرها وهي عم تحكي مع شباب حتى لو كانت معتبرتهم هي أصدقاء

هلا الصداقة بين شب وبنت ممكن تتحول لحب
بس انتي فيكي ماتخليها تصير حب بايديك كلشي
فيك ضلي تئولي لشباب كلمة اخي كل يومين مثلا
وحتى الصداقة الها حدود وخصوصا مع الجنس التاني
شكرررررررر ع سؤالك

هلا لقلك ليش اذا صداقة تحولت لحب ممكن تخسرو بعض لانو للاسف تفكيررنا تجاه الحب قاصر تفكير تجاه الحب متل يلي بدو يستأثر بحبيبو ويتركو الو وبس ووقت يديق خلقو منو بيتركويعني بالحب انتي محاسبة من قبل شريكك ة بكل حركة ونظرة وكلمةبينما بالصداقة انتي حرةهلا في غيري بيسموها حقوق الحبيب لحبيبو انا بسميا السكين يلي بتقتل الحببس يلي بينقذ الوضع هو الثقة يلي بسمي انا الحب الحقيقي هلا اذا في ثقة بين الاصدقاء كبيرة موغلط تتطور الصداقة لانو بالنهاية الحب بيبلش بقلبنا بشكل صغييييير واذا كبر حرام ندفنوالا في حال عدم وجود الثقة وانا هاد رايي

زائر

لا انسة نيفين
الواحد مو بأيدو بيتحكم بالصداقة انو ما تتحول لحب\
لانو لما الواحد بينضرب على قلبو وبيحب ما بيكون حاسس على حالو ما بيلاقي حالو إلا طابس

بس على فكرة مافي اروع من انو تتحول الصداقة الى حب بس من الطرفين
اما اذا كانت من طرف واحد فأكيد ما رح تستمر ابدا العلاقة حتى صداقة

موضوع حلو كتير شكرا زهرة البنفسج

اشتنقنااااااااااااااااااااااااااااااالك تيمو
هلأ مو غلط يتحول الحب لصداقة وشي حلو
بس المشكلة وقت بتكوني ما عم تفكري غير بالصداقة والطرف الآخر بفكر بشي تاني وبيقتنع انك بتفكري متلو
وما بيفهم انو هو مجرد صديق وهاد اللي صار فيني وعانيت منو
فلازم الواحد يضل عالطويل مع اي صديق ليتأكد أنو هي مجرد صداقة طبعا اذا هو ما بيرغب بانها تتحول لحب
مشكوووووورة تيماء

كتير علاقات صداقة تتحول لحب :حب:
بس موكل علاقة بتنجح

....بالعكس يمكن تكون العلاقة بين شخصين فترة الصداقة افضل بكتير من فترة الحب scratch

والمفروض منا نعرف حدود صداقتنا مع الاشخاص لانو هيك علاقة يمكن تأثر علينا على اصدقائنا بس بدون مامنعرف :نجوم:
لازم نفكر كتير قبل اتخاذ هيك قرار اوك بتمنالك التوفيق :78:

كتير علاقات صداقة تتحول لحب :حب:
بس موكل علاقة بتنجح

....بالعكس يمكن تكون العلاقة بين شخصين فترة الصداقة افضل بكتير من فترة الحب scratch

والمفروض منا نعرف حدود صداقتنا مع الاشخاص لانو هيك علاقة يمكن تأثر علينا على اصدقائنا بس بدون مامنعرف :نجوم:
لازم نفكر كتير قبل اتخاذ هيك قرار اوك بتمنالك التوفيق :78:

هلاء اهم شي الاحساس بتتعلئ بهل شغلة من ناحية العلاقة وانا بقول انو مالازم الشخص يتعلئ بلتاني مشان اذا لا سمح الله صار شي لاي من طرفين مايصير حزن وزعل

انا متلك هيك بصير معي
مشان هيك ما بعرف شو بدي احكي
بتمنالك التوفيق
وتمنيلي ياه

الموضوع معقد شوي ولازم تديري بالك
يعني أي علاقة صداقة بين الشب والبنت وكانت نهايتها حب فهاد الحب حيكون أروع أنواع الحب
لأن هاد الحب هو يلي بيدوم على الأغلب

بس إنو اتكوني عم تعاملي الناس بكل طيبة قلب وهنة يفهموك غلط فهي مة مشكلتك

بس نصيحة مني إلك لازم تديري بالك على كلماتك

وممكن حدا يغلط نعك بكلمة مة مشكلة بس المشكلة الكبيرة إذا ما عرفتي تردي الغلط عنك

والموضوع كبير وإلو استثناءات
وبتمنالك كل التوفيق

زائر

أهلين تيماء والله إشتقنالك
وين هالغيبة

الشي الطبيعي أنو علاقة الصداقة بين البنت والشب تتحول لعلاقة حب
وهي الصيرورة لا بد منها طبعاً إذا كان في قبول و إستعداد من الطرفين
هلئ ببداية علاقة الصداقة إذا كان عندك إستعداد لتحبي و تنحبي فأنتي لحالك بتصيري بتتصرفي تصرفات تقوي العلاقة بدون ما تحسي
لأنو الإستعداد النفسي إلو دخل كبير بهالموضوع

انا بشوف الصداقة الي بتتحول الى حب بتكون اقوى من اي حب يعني اقوى من الحب الي بيقولو الحب بعد الزواج
وبمرحلة الصداقة بيكون الواحد او الوحدة تعرضو لمواقف واكيد راح يوقف معك مو لانك زوج او اخ بس لانك مجرد صديق فبتكون الحب وانا بشوفو حب صادق وحقيقي
وحب صادق لانو بيجمع بين الحب والصداقة

يسلمو
زهرة البنفسج والله موضوع حلو ربي يسلم هالانامل

مع التحية

» شوفوا الفرق : الصداقة بين النساء و الصداقة بين الرجال
» الصداقة....
» الصداقة