حب البنت يعتبر خيانة لاهلها

لحب شي لا إرادي مامنئدر نتحكم بئلوبنا ولا بعواطفنا

.بس مجتمعنا الذكوري وعاداتنا وتئاليدنا بتحرم كل شي على البنت و بتحلل كلشي للشاب.

يعني بس نعرف انو واحد من اخواننا وئع بحب شي بنت بيكون شي عادي وطبيعي
اما لما نعرف انو وحدة من اخواتنا البنات حبت والها علائة حب بنشعر بالعار
والانكسار .

سؤالي هل حب البنت يعتبر جريمة بحئ اهلها ؟وهل هي خيانة لهم؟

والله سؤال صعب وهو سؤال يعبر عن ثقافة مجتمع ..وبما أني من هذا المجتمع ..فلح أحكي متلو ..
يعني أنا مثلا من جوي وجو يلي حولي مسموح يلاقو أهلي رقم بنت على جوالي ..وممكن أحكي قدام أهلي مع شوية تحفظ ..ولكن ممنوع على البنت أن ويصير نفس الشي حتى ولو تسييف رقم ..
بقا شلون لما نوصل لمرحلة الحب ..بظن أنو هي جريمة شريفة ويمكن في متعة بالنسبة للبنت ..بس بالنسبة للأهل ..!!!!!

هلء أكيد مجتمعنا بيرفض هاد الشي اللي هو انو البنت تحب بس هاد الشي غلط لانو رب العالمين خالقنا ونحنا فينا مشاعر بتتحرك بعمر محدد بس أنا بقول انو الشي الصحيح اللي لازم ياووه الاهل هو انو يسمحوا لبنتهم انو تحب لكن يعلموها بالاول الصح من الغلط واذا هي تعلمت الصح أكيد ما رح تغلط ورح تستشير أهلها حتى اذا حبت أنا برأي يكونوا الاهل شوي ديمقراطيين بهيك قصة مشان البنت ما تطلع عن طورهم وتعمل شي غلط بس طبعاً يكونوا ديمقراطيين لحد معين

زائر

ما بيعتبر خيانة لانو مثل ما قلتي الحب لا ارادي

بس لما الاهل بعملو هيك بيكون لانو خايفين عليها
مع انو الاهل لازم يخافو على الشب اكتر
بس ما بيخافو على الشب لانو رجال
بس شو الفائدة اذا كان رجال وما بيعرف حالو شو عم يعمل
يعني الشب لما بيحب وحدة هي بتحبو بعدين بيتركها هو مثل ال.....ما بيصرلو شي بس هي يا حرام بتضل سنة زعلانة ومكتأبة
مشان هيك نصيحة لكل البنات لا تحبو الا يلي بيحبكون عن جد
لانو يلي بيحب عنجد ما بيترك حبيبو

ان شاء الله يكون ردي عجبك انسة نيفين

هلأ بشكل عام الحب مو عيب ولا غلط لأنو هو مشاعر وأحاسيس
بس المشكلة بمجتمعنا هلأ الحب بكون خيانة للأهل على حسب نظرة الأهل للحب
بس الخيانة مو بالحب
الخيانة بالحكي مع الحبيب بالطلعة معو بالتفكير فيه لأنو بضلوا بقولوا
اللي بفوت من الباب مو متل اللي بفوت من الشباك
مشكوووووووووووورة نيفين

هلئ كمجتمع اي جريمة بنظر الاهالي
بس لما بنظر التنين يلي بحبو بعضوون ابدا مافي شي
بس متل ما حكيتي مافي حدا بيئدر يتحكم بمشاعرو
بس من نوع الخوف عالبنت لانو في شباب مناح وفي شباب مو مناح
مشكووورة
ينقل للمكان المناسب ....................

شكرررررررررررر لمروركون العطر

وشكرررررر ع الرد الحلو باد بوي

نوارة الشام كتب:: أنا بقول انو الشي الصحيح اللي لازم يساووه الاهل هو انو يسمحوا لبنتهم انو تحب لكن يعلموها بالاول الصح من الغلط

أنا معاكي بهاد الكلام وأنت كلامك صحيح
وياريت يكون في وعي من الكل نحو الصح
وكمان الأهل لايزم يعلموا الشب الصح من الغلط
حتى ما يغلط مع البنت وشكرااااا

شكرررررررر عمرورك الرائع عبد الرحمن

كل الكلام يلي قلتوه في وجهة نظر يعني ما رح عيد الكلام بس بدي قول ليش لما بنسال اهلنا كيف تزوجتوا بقولوا عن حب دام لفترة كذا مادام مسموح الهن انن يحبوا ليش ممنوع عنا

مايا كتب:: كل الكلام يلي قلتوه في وجهة نظر يعني ما رح عيد الكلام بس بدي قول ليش لما بنسال اهلنا كيف تزوجتوا بقولوا عن حب دام لفترة كذا مادام مسموح الهن انن يحبوا ليش ممنوع عنا

أي والله معك حئ يمكن في كتير أهل بيعتبروا ولادهون ما عندون مشاعر وبينسوا إنون بشر في عندون مشاعر وأحاسيس حب البنت يعتبر خيانة لاهلها Icon_mad

» ايهما اصعب خيانة الحبيب ام خيانة الصديق
» رومينيغه يعتبر قضية ريبيري ذات «دوافع سياسية»
» خيانة من غير كلالالام