بليززز للكل انو يقرا الموضوع ويعطيني الرد

هاد الموضوع منئول من نيرمين يلي للاسف ماكان حدا يرد عليه غير الئليل منكون ولازم تئروه وتعطوني رد

بليز مو بس حكي لازم يكون ردكون قــــــــــــول وفعـــــــــــل
انا حابة ناقش هل موضوع

وكل واحد وهو وجهة نظرو
طبعاً هاد الموضوع هو الجزء التاني من ظاهرة لا تعجبني...
يعني نحن حكينا ع ظواهر كتير مو عاجبتنا
منها هي قلة النظافة
ويلي ما في أكتر منها بمعهدنا يعني الحمد الله الشباب والصبايا أصغر واحد فيهن عمرو 18 سنة والحاوية بنسبة إله هي تحتو أو أقرب مكان جنبو
يلي هو الأرض
هدا الشي ما بيصير يا شباب النظافة قبل ما تكون حضارة هي من الإيمان يعني إذا ما بدك تكون متحضر كون مأمون وطبعاً هاد الحكي مو بس للمسلين والمسيحية كمان لأنو أنت وأنتي لازم تكون مؤمن بدينك
والنظافة من الإيمان
يا ريت يا شباب ويا صبايا نتعاون كلنا ونبلش من هي الأسرة الصغيرة لنظف معهدنا أول شي ومن بعده حارتن وشارعن والبلد كلها
إذا نحن الشباب ما نضفنها وساوينها متل الفل مين يلي بدو ينضفها
الختيار يلي عمرو 50 أوة 60 سنة
هداك إذا كب وسخة بالأرض منقول ماشي الحال مو قدران يمشي للحاوية
بس أنت الشب يلي كلك حيوية ونشاط
شو بتخسر إذا خليتها بإيديك وكبتها بمكانها
يا شباب بلدكن أمانة برفبتكن أنا ما عم نظر عليكن بس
النظافة حضارةةةةةةةةةةةةةةةةةةةةةةةةةةةةةة
حضارة يعني رقي يعني بدّل ع البئية يلي جاية منها
أنت بترضى بيتك يكون منزبلة
أكيد ما بترضها والمعهد بيتك التاني
بتمنى الكل يئر الموضوع بكل كلمة فيه ويساعدن لنكون نضاف ع حالنا وع المعهد وع البلد
النظافة مو بس تتحمم كل يوم إذا كنت عم تتحمم وتبخبخلي بارفان مشان توصل ريحتك للحارة التانية
بهي الشغلات بتبين النظافة
يعني أنا وحدة من البنات لما بشوف شب عم يكب وسخة بالأرض بئرف قرب عليه
كيف بائي البنات
يعني مشان بريستجكن مو حلوة
طبعاً أهم شي سيجارتكن لا تسوهاا
هي أهم شي تكبوها بسلة
أمانة برقبتكن
أمانة بالسلة
لأنو من وراها الحمد لله لسى بدها تهب البلد بالحرئية

شكراً لأنكن تحملتوني لو طولت عليكن

شكرا الك عالموضوع

ـــــــــــــــــــــــــــــــــــــــــــــــــــــــــــــــــــــــــــــ
بتمنى الكل يقرؤه عنجد بتمنى الكل يقرؤه

شكرا كتير الك سوزي
والله مساهمة منك حلوة
وشكرا الك عالتذكير
تسلم ايدك حتى لو منقول
ونيرمين بتعرف انو نحنا بالشلة وراها بهالطريق
ونحنا بلشنا من زمان
بس بتمنا انكون تنضمو لهلفريق
برجع بشكرك سوزي عالمساهمة منك

مشكورة سوزي
ما بهم اذا تكرر الموضوع هون او هناك
انا برأيي خطوة صح واكيييييييييييييييد اكيييييييييييييييد حسب معرفتي المتواضعة عن نيرمين بس رح تكون مبسوطة من هالشي
لانو لما حطت الموضوع كان بدها توصل لنتيجة
وانشالله انتو ونحنا منوصل لنتيجة
مشكووووووووووووووورة سوزي
ومن قلبي كمان مشكووووووووووووووورة نيرمين
ما قصرتو

شكرا كتير سوزي على التذكير الضروري بالنسبة الي ما بكب بالأرض اي شي و لا حتى بالشارع و الحمد لله و اللي بدو يكب هاد الشي بيعكس عن أعمال متربي عليها و قلة اهتمام أو اتكالية على الأخرين يعني لازم يحس الكل بالجهود يلي عم تتأدم لتنضيف المعهد و القائمين على التنضيف بالمعهد قلال فلازم نراعي هاد الشي

يعني اذا كل واحد كب ورئة مننطمر بالورئ والكادر التنظيفي مو أدران يلم زبالتي و زبالتك

والأهم أنو هاد الوسط نحن اللي عايشين فيه و هوة بيعكس التربية الكلية لطاب المعهد التقاني للمحاسبة و التمويل

فبتمنى من هالتزكرة نلائي مفعول و مشكووووووووووووووورة
سوزي بجد لازمة و ألف شكر لألك و كل من رح ينفز و أرجو من الكل اذا شاف أي طالب رمى شي بالأرض ينبهو بالفعل شباب القصة ما بدها خجل بنوب

تحياتي للجميع

ميرسي عصام وميرسي انس وكمان ميرسي صخر على المشاركة
بس حبيت اكدلك بشغلات انت تركتا بمشاركتك واعطيك الاستفسارات تبعوتك على حذف الموضوع منبلش
اول شي : (اهههههههههههههه اذا على نيرمين ما ردوا مفكري عليكي رح بيردوا
بحب الك انو كل ناس خير وبركة ومافي فرء ولو انو كانت نيرمين هية الادارة هاد الشي مابيفرق عنا هية انسانة متلنا متلا
تاني شي Sad

وما في داعي لتكتبي موضوع هام ومو ضوع مدري شو اوكي
طبعا هاد الاسلوب يلي كل العالم بتتيعو بشرق الاوسط ولو فرضا كان اسم الموضوع النظافة من الايمان طبعا وانت بتعرف هل شي انو ماحدا لح يفوت يقرا غير القليل كتيررررر
تالت شي Sad

وبعدين اكيد انتي عندك ثقافة عالية غيري بالموضوع بصيغة تانية بقصد نفس الموضوع بس بصيغة تانية
الصيغة تانية طبعا مارح تكون احسن من صيغة يلي كاتبتا نيرمين يعني بقصد صيغة يلي كاتبتا نيرمين كاملة وبتشمل كلشي
رابع شي Sad

بعدين من كتابتك براس الصفحة الظاهر انك مفكري حاللك شي شغلة كبيرة اكبر من نيرمين لمعلوماتك
الاحسن لاللك انك تسكري الموضوع
ياعيب الشوم معئول انت هيك بتفكر انا مو احسن من حدا ولا انت احسن مني ولا انا احسن منك وبرجع بقول كل الناس خير وبركة بس للاسف في متلك كتير بفكرو بهل طريقة مشــــــــــــان هيك مجتمعنا مارح يطور
خلينا نكون ايد وحدة وتفكير واحد وهاد شي هوة يلي لح يوصلنا للافضل واذا نحذف الموضوع سوري انا ماعد فوت على لمنتدا يعني انا احذف حالي مع الموضوع وبرجع بقلك مسيو صخر ميرسي كتير على ردك يلي كلووووووو زوء

له يا سوزي شو هالحكي مستحيل هالشي يصير
وتطلعي مع الموضوع شو الشغلة شوربا
بعدين انتي صرتي منا وفينا
ما عاد بدي اسمع هالحكي
ونحنا كلنا منشكرك على مساهمتك الكريمة
وانا بعتذر منك علي صار
منتمنا نشوف مشاركاتك اكتر واكتر
تقبلي مروري
عصوم

شكرا

ميرسي عصوم على كلامك الحلو والمزوء ياريت العالم او بعض من العالم يتبعو اسلوبك الرائع بلتفهم مع المجتمع ميرسي نجمة المنتدا على المشاركة ميرسي Yany على مشاركتك

ماشي انا غلطان هيك بدكون ماشي انا غلطان بس معلش كان في طريقة احسن لتقول فيها منشان الموضوع وهوي انو تحط الرابط تبع نيرمين

يلي هاد هوي

ـــــــــــــــــــــــــــــــــــــــــــــــــــــــــــــــــــــــــــــ
بتمنى الكل يقرؤه عنجد بتمنى الكل يقرؤه

انا رديت عالموضوع
بس انا اتعودت الصراحة من نرمين على انو كل ما يكون معي ورئة او اي شي للكب كبها بالسلة
لانو بخاف اكل ئتلة من الزعيمة
ههههههههه
بعدين صارت عادة

معدل ...............

ميرسي على مروركون
وبدي ئول لعامر انو والله خجلتني على وصفك الي وبدي قول انت والمشرفين شمس المنتدا والنجوم مافيها تعيش بلا الشمس... بليززز للكل انو يقرا الموضوع ويعطيني الرد 950184

بليززز للكل انو يقرا الموضوع ويعطيني الرد 950184

زائر

مرحبا سوزي مشكورة انك عدتي الموضوع
و الموضوع عنجد مهم انا قريتو من وقت ما كتبتو نيرمين
و شكرا كتير الك و انا بصراحة من الاول بكب كل شي بالسلة
الا السجاير بس من هلق خلص
و شكرا الك و لنيرمين عل موضوع
ــــــــــــــــــــــــــــــــــــــــــــــــــــــــــ
الكلمة ليست رصاصة لكنها تقتل

يا صخر مافي داعي لكل هالمشكلة
وأنا صاحبة العلاقة ما زعلت أبداً ولا ادائيت ولا بحقلي ادائي
لأنو أنا كتبت الموضوع مشان كلنا نستفيد ونطبقه مو بس نئراها وبالوقت يلي بكتبوه أنا بالمنتدى صار الموضوع ملك الجميع يعني مو ملكي الخاص
أنا بشكر سوزي لأنو ساعدتني بنشرها أنا كان هدفي أنو الجميع يئراها والحمد لله الكل ائراها ويمكن مرتين مو مرة وحدة

بعدين يا سوزي أنا صحيح إدارية بس ما بفرق عنك بشي أبداً وبيجوز تكوني أحسن مني أنتي بكتير لنو ما في مين يحاسبك إذا غلطتي ومو محسوبة عليكي الغلطة بالمواضيع ولا بتعبيرك

وإذا كان عندك ثقة بنفسك هاد الشي مو عيب أبداً بالعكس هي صفة حلوة لازم الكل يكون عندو ياها

أنا بصراحة ما دريت شو صار سوء تفاهم معكن إلا بوقت متأخر وما كان فيني شوف شو صار
بس شو ما صار أنا ما عندي مشكلة بيلي صار أبداً حتى لو كتبتي نفس الموضوع ونفس الكلمات وباسمك
لأنو هدفي الموضوع وصلني وبس

لازم أتعرف عليكي شخصياً مشان انتساعد ع الحفاظ ع نظافة المعهد والحارة والشارع والبلد كلها

وبرجع بشكرك مرة تانية لأنو رجعتي فعلتي الموضوع وبطريقتك

» قصة رائعة مني للكل
» أتوسل إليك أن تجاوبي بنعم أو لا ......صراحة
» انذار للكل بشكل عام وللاخ كابتن بشكل خاص