بعد مرور عام على وجودي معكن .(العقرب حيدر.)

مررررحبا للجميع ما بعرف منين بدي بلش ..بس أنا بالصدفة اطلعت من فترة على تاريخ تسجيلي وبشوفو أنو بكون

5/12/2008 ..يعني بمتل هاد اليوم من سنة ..أنا فتت عالمنتدى وسجلت ..

هلأ يمكن حدا يقول أي وشو هالشغلة الكبيرة يلي صارت ..بس والله عنجد من الشغلات الحلوة بحياتي ..

أنو تتعرف على ناس يحبوك وتحبهن ..أنا بس حابب بهالموضوع بس أحكي شو صار معي بالمنتدى بهي السنة ..

أنا بمتل هاد اليوم فتت عالمنتدى وسجلت ..وما بتعرفو أديش كانت لفتة حلوة من نيرمين بهداك الوقت أنو تنزلي موضوع ترحيب ..صحي بهداك الوقت ما حدا رد عليه غير عامر ..بس جد وقتها امبسطت ..ورجع صخر من فترة رجع الموضوع وكانت حركة حلوة منو ..

موضوع الترحيب

وأكيد هاد خلاني اشتغل للمنتدى ونزلت موضوع بعتبرو أنو من أحلى يلي نزلتو بالمنتدى وهو أنو نزل صور من المعهد ..ونزلت موضوع على حلقتين ..وأكيد لقيت ردة فعل حلوة من الأعضاء ..
صور منوعة الحلقة الأولى

صور منوعة الحلقة التانية

ومن الشغلات الحلوة يلي ما بنساها بالمنتدى ..هو لما استلمت اشراف القسم الرياضي أنو حسيت أني عم أعمل شي حلو بالمنتدى لحتى استلمت مشرف ..

موضوع تسليمي الاشراف الرياضي

وما بنسى أكيد وقفة الأعضاء وقت كنت بدي أعمل عملية ..يعني ما بتتخيلو أديش حلو تلاقي الكل عم يدعيلك وأنا عم اقرا كل هاد من الموبايل قبل ما فوت على غرفة العمليات بساعة ..وأكيد كلو ضل عم يطمن عليي حتى بعد العملية ..

موضوع ما قبل العملية .

هلأ من نجي للفترة الأخيرة ..وهو أكيد موضوع عيد ميلادي ..يلي بجد اتفاجئت بعدد الأعضاء يلي فاتت وعايدتني هاد غير يلي عايدوني شخصي ..وبنفس اليوم كانت مفاجئة حلوة من رجائي واستلمت الاشراف العام للمنتدى..

موضوع عيد ميلادي

موضوع تسليمي الاشراف العام

وما حدا بيعرف شو حسيت وقت فتت على الصفحة الشخصية تبعي ..وقعدت شوف المواضيع يلي نزلتها من سنة لهلا ..والرسائل يلي وصلتني كمان ..

وبالأخير أنا ما بفوت للمنتدى مو لأنو المنتدلا أنا بفوت وبشارك مشان الأعضاء ..

يلي كتير منهن راحو ..متل متيم فرح ..ساوند لوف ..سوان ..سويت كات ....وكتييير بس هدول يلي متذكرهن.

بس أكيد ما بنسا رفقاتي يلي اتعرفت عليهن ولهلأ قراب مني وبالقلب ..

المايسترو عامر ..عصام ..أسامة ..يارا ..طارق ..ريتا ..زهرة البنفسج تيما ..أنس ..مهند..آسف اذا نسيت حدا .

بس أكيد أكتر رفيق قريب مني هلأ ويلي اتعرفت عليه من النت ..هو المايسترو محمد ..

وبالأخير أسف اذا طولت عليكن ..مع حبي للجميع ولأحلى منتدى وأحلى أعضاء ..

حيدر

والله يا شريك الموقع حلي بوجودك ووبوجود الكل
وعنجد شريك نحنا منفتخر بشخص من امثالك يعني انت من المؤسسين بالموقع والقدامي ويلي فضلون كبير كتير عالموقع
منتمنا انك اتضل معنا وتفيدنا بمواضيعك الحلوة ويلي نحنا مستناها
وانشالله بصرلك 100 سنة مو بس سنة
عراسي عمي حيدر
والله
وانشالله نضل صحبة واخوة ورفئة وعراسي يا حبيب
مع حبي المايسترووووووووو

والله انت كنت مثل الي بفترة دخولي القصيرة للمنتدى
وشجعتني انو ضل بهالمنتدى
عن طريق ردودك الحلوة واللطيفة
وفعلا بدونك المنتدى ما بيسوى شي

ومتل ما قال المايسترو
انشاء الله تضل 100 سنة مو سنة
كل عام وانت
بالمنتدى
بعد مرور عام على وجودي معكن .(العقرب حيدر.) Icon_lol

انشاء الله تدوم سنين وسنين
وسنين

زائر

صدقني يا حيدر المنتدى بدونك حيكون بدون طعمة او لووون
قدرت تترك بصمتك والإنطباع الحلو عنك بأيا زاوية و أيا موضوع و أيا رد بهالمنتدى

شكراً لك
وإنشالله من سنة لسنة ومن عطاء لعطاء

وانا بضم صوتي لصوت الشباب
مشان ما عيد الحكي
بس والله انت ياحيدر جوهرة والكل بيعرف هالشي
وانشا الله بضل معنا طول العمر
تقبل مرورييييييييييييييييي

فكرة حلوة منك حيدر وانا بقول مع الشباب انشالله العمر المديد بأشياء مفيدة اكتر واكتر
وانشالله تكون بالدنيا ناجح جدا
والك مني احلى تكريم لمسيرة احلة عضو بالمنتدى

كنت رائع و الان رائع و ستكون رائع

زائر

والله انت بتستاهل كل خير يا غالي
وانا بشكر رجائي انو عمل هالمنتدى حتى اتعرفنا على كتير عالم منو
ومشكور عالموضوع

رغم من انه اول اسبوع كرهت المعهد بس بعدين حبيتو وكان من اهم الاسباب الشباب والصبايا الي كانو مثل الاخوان لي واكثر اصبح احب لمواد شي شي وهسة اقضي وقت اكثر من الوقت الي اقضي مع اهلي

لك تسلمولي كلياتكن والله كلماتكن بعتز فيها ..وكل يلي حكيتو وسام بحطو على صدري..

عامر ..نبيل زهرة الساحل ..غيث ..عصام ..عدنان..أسامة ..أحمد توم كروز وأحمد البرشلوني ..
بالفعل مروركن نورني ..

وانشاء الله كل عام ونحن أخوة ورفقة ..

اول الشي انا اسفه بس صرلي زمان مافتت على المنتدى
وهلأ شفت الموضوع
تاني شي عنجد حيدر وجودك بالمنتدى عمل كتير شغلات حلوه
وعنجد مو حلو المنتدى بدونك
وانت من انت من اعز رفئاتي
وموضيعك كانت من احلى الموضيع خصوصي تبع الصور ههههههه
ونا عنجد بدي اشكرك لانو موضيعي كلا انت كنت ترد عليها
يعني مو تقرأ وطنش هههههه
وانشاء الله دائما بضل منور المنتدى
"يارا "

ع راسي أحلى حيدر والله ذكرياتنا بهالمنتدى وحدة
يعني أنت من أحد الأعضاء المؤسسين بهالمنتدى
بس ما حكتلنا شلون استدلت ع المنتدى
هههههههههههه

لك أحلا يارا ونيرمين ..والله نورتوني بهالكلام الحلو ..
ألف شكر اكن على هالمشاعر الحلوة..

زائر

اي شوووووو هااااااد يا حيدر
يا اخي انجازات انشالله يا رب تدوم المحبة اللي شفتها من الاعضاء
لانو فعلا ردودن كانت كتير حلوة و مو بس الردود
انا عم شوف هل شي بعيني بالمعهد
موفق يا شريك والله انت سكرة و بتستاهل

انا مع المقوله يلي بتقول(ان تاتى متاخراا خير من الا تاتي ابداا)يعنى لو ردي تاخر شوي بس اكيد معزتك بقلوبنا
كل عااااااااااااااام وانت منور

حبيبي محمد تسلم يا غالي والله يديم المحبة بين الجميع ..
ورد الغالية عنجد شكرا على هالرد الحلو وأكيد لو بترد على موضوع صرلو سنتين بتكون نورتي ألف شكر على ردك .

انشا الله طل هيك
ظريف ومهضوم
وطل تحجزلي كمان
كل سنة و طل احلى عقرب للمنتدى
وطل تكون انت و محمد احلى ديو

لك أحلى حنان والله تسلمي هاد من زوئك ..

عبد الرحمن طعجتني بردك تضرب أنت وهالرد..

لك والله أنت يا حيدر ما في منك أخ غالي عليي كتير مع أنو أنت ابتعرف
كيف اتعرفت عليك بالمعهد هههههههههههههههه بلا فضايح هلأ ههههههههه
بس والله بالنسبة ألي كانت كتير فرصة حلوة أني اتعرف على شخص متلك
بتمنالك من كل ألبي التوفيئ بحياتك ودراستك

هههههههههههه أكيد بتذكر شلون اتعرفنا على بعض حبيبي وائل مشكور على مشاعرك الحلوة نورتني ..

» تعملها بالسلامة يا حيدر العقرب
» من رآى منكم العقرب وهي تلد ؟
» العقرب على كرسي الاعتراااااااف (الحلقة السادسة)