حرب بين الشباب والبنات

تذكير بمساهمة فاتح الموضوع :

سؤال لكل الأعضاء وبمنتهى الصـــــــــــــــــــراحة وبتمــــــنى كل عضو يكتب جوابه وبصراحة مشان يفيد ويستفــيــــــد
أول شي أسئلة الصبايا:
شو الصفة المشهورين فيها الشباب عموماً سواء كانت الصفة سلبية أو ايجابية وممكن تتقبلي هي الصفة إذا كانت سلبية....
شو أهم صفة بتدوري عليها بالشب..
وشو أكتر صفة بتكرهي انها تكون في..ه
وهلأ الشباب كمان نفس الشي :
شو الصفة اللي بتشوفوها عامة عند معظم البنات سلبية أو ايجابية وكمان ممكن تقبلها أو لاء....
شو أهم صفة بتدور عليها بالبنت ..
وشو أكتر صفة بتكره تكون فيها ....
وشكراً عالصراحة ويلي شاكك بجوابه لا يجاوب مشان مايلخبط غيره

مشكور روميو عالمرور وبتمنى يكون الموضوع عجبكن وتحاولو تستفيدو من آراء البعض

بالبداية مريحبا
هلأ انا يلي بهمني بالبنت العقل الكبير والفهم والتربية
وطبعا يلي ما بحبو بالبنت انو تكون اليلة عقل وجدبة او على نياتها
اما الجمال فمو مهم لانو كل البنات يلي بقابلهن وبصير بيناتنا علاقة قبكونو حلوين كتير
ومشكورة علىالموضوع

مشكور عدانان عالمشاركة وعنجد بتمنى من كل قلبي تلاقي اللي بتدور عليه

إلى غيث: هات لشوف شو بتعرف عن عبد

انشر غسيلو شو ما سك عليه ... خبرنا ....ههههه

إلى جميع البنات : بخصوص الشباب لي بيكذبوا ، أنا برأيي الكذب ضروري ! و اسمعو مني خليهم يكذبو أحسن ما يحكو الحقيقة !!!
ملاحظة : أنا ضد الكذب بس مع اللف والدوران ... (كتير بلاقي حلو ومناسب وهيك ما بكون كذبت) شو رأيكم..؟

إلى ريتا: سؤال: شلون يعني الشباب بنقو !!! و كمان على حسب علمي إنو صفة اللائامة للبنات ، كيف زبطة معك للشباب..؟!!

اي برافو ابو اسامة عم تبرر لحالك ولأخوانك بس الكذب وقت بينكشف بيعمل كتير مشاكل لأن الطرف التاني بحس حاله كتير غبي وقت بينكذب عليه وبعدين انتو رجال وما بتخافو من شي فليش لتكذبو اذا ما في داعي "والله نحنا البنات حبابين وما منقطع راس حدا" والشخص مالازم يعمل شي يخاف منه ..... هاد رأيي

إلى الأماني : أنا ما عم حفز على الكذب ، بس أنا مع اللف والدوران

و عيب على الشب يكذب ، بالاضافة كل الأديان بتكره الكذب وهو صفة مذمومة عند الناس ...

و حكيك مزبوط ما لازم نعمل شي نخاف منو ...! بسسسسسسسس

نورت ابو اسامة واسفة اني طولت بالرد بس الي فترة ما دخلت
والكذب متل ما حكيت انت صفة منبوذة بس احيانا منتضر نغطي ورا اسم تاني بس هاد مو مبرر طبعا ومنحاول دايما نبعد عنه وبدون بسبسة

ما في مشكلة يا ستي ، إن شاء الله خير ,
طبعا مو مبرر إنو الواحد يكذب ، وما عم أعطي اسم ثاني للكذب .
من ناحية ثانية ما بحسن ما بسبس !!!!
بس المخاتلة حلوة و أنا كتيير بحبها , و معنى المخاتلة : إنو ما تعطي الطرف الآخر الجواب مباشرة ، و خاصة إذا ما بدك تفلوليلو ،،، وهيك بتلفي و بتدوري حول الموضوع لحتى تغيري السيرة....!!
شو رأيك ...؟

والله أنا كتيير بستخدم هالطريفة بس كمان مو مبرر

بكره بالشباب انو بشوفو حالون يا ارض اشتدي ما حدا قدي
مشان ما اظلم مو الكل بس الغالب
وبس ليحكو مع بنت كانها شي شغلة صارت ملكن الن بس وما حدا دخلو فيها غير هو الامر الناهي

نورتي رينا والحق معك بس اذا شوية تقل معلش بيطلعو حلوييين

[quote="ريانا"][color=yellow]بكره بالشباب انو بشوفو حالون يا ارض اشتدي ما حدا قدي[/color]

[color=yellow]وبس ليحكو مع بنت كانها شي شغلة صارت ملكن الن بس وما حدا دخلو فيها غير هو الامر الناهي[/color][/quote]

بععععععععععععععع

شو الصفة اللي بتشوفوها عامة عند معظم البنات سلبية أو ايجابية وكمان ممكن تقبلها أو لاء....

يعني البنات أكتر شي روح قلبون يعملوا حالون مو شايفين الشب رفيقون لأن مفكرين إنو واجبوا إنو يروح هوة يسلم
عليهون وبينسوا موضوع المساواة بين الرجل والمرأة

وتاني شي البنات الخجولين أروع بنات بالدنيا

هلأ مشان موضوع السلااااام أنا مضطر أقبلو بس مو مع الكل ومو على طووول

شو أهم صفة بتدور عليها بالبنت ..

أهم صفة بدور عليها بالبنت إنو تكون محترمة ومتفهمة وبتفكر بعقلها مو بعقل الناس والبيئة يلي حوليها
ولا مانع من بعض التأثر لأن ما حدا معصوم

وشو أكتر صفة بتكره تكون فيها ....

أكتر بنت بكرهها البنت السترجلة

عبد كونك بتحب البنت الخجولة فممكن يكون من خجلها تنطر لحتى انت تسلم
قصدك المسترجلة...؟ وكيف بتكون هيك؟؟؟

» مقارنة بين الشباب والبنات
» شو بيصير إذا كان الشباب والبنات بنفس الصف
» سؤال خاص للشباب والبنات تحدوانفسكم وجاوبوا بكل صدق