ارتفاع نسبة العنوسة في البلدان العربية

كشفت دراسة شاملة أن معظم الدراسات عن تأخر سن الزواج والعزوف عنه تتفق على استفحال المشكلة في السنوات الأخيرة في البلدان العربية التي تشهد أزمات اقتصادية أو أمنية.
وأوردت قناة الجزيرة أن الدراسة أظهرت إنه "مع تزايد نسبة الطلاق في البلدان العربية تطل مشكلة أخرى وهي العنوسة وبإصرار مبرزة عدم القدرة على الزواج أو العزوف عنه لمن هم في السن القانوني له".

ولفتت الدراسة إلى أن "أسباب العنوسة وتبريرات عدم الزواج تعود إلى الأعباء التي تلقى على الشبان من قبيل الحروب والهجرة والمهور المرتفعة وتكاليف الأعراس الباهظة ومسؤولية العائلات التي ترفض العريس لأسباب قبلية اجتماعية".

وكشفت الدراسة أن نسبة العنوسة وصلت في مصر إلى 9 ملايين عانس وأعزب وفي الجزائر تبين أن أكثر من نصف النساء في سن الإنجاب أمام خطر العنوسة ووصلت النسبة في الكويت إلى 30 % والبحرين إلى أكثر من 20% وفي الأردن هناك أكثر من 100 ألف فتاة فوق سن الثلاثين دون زواج حتى نهاية عام 2007 .

وبينما وصلت نسبة العنوسة في كل من عمان والمغرب 10 % وفلسطين 1 % فقط لأن التوالد يعتبر من سبل مقاومة الشعب الفلسطيني للاحتلال الإسرائيلي وفي العراق هناك 85% ممن بلغن سن الزواج وتجاوزن سن 35 سنة من العمر هن من العوانس لأن الحروب والاحتلال والحصار التهمت ملايين الرجال أو هجرتهم.

أبو أسامة,
طبعا من المعروف أيضا أن النسبة زادة مؤخرا في سوريا ، وحتى أنه لا تخلو عائلة إلا وفيها عانس أنثى على الأقل ...
ومن هنا أدعو إلى تخفيف أعباء الزواج أولا على الطرفين ، و ثانيا و الأهم : أشجع على تعدد الزوجات بسبب تزايد عدد الإناث على عدد الذكور على الصعيد العالمي و ليس العربي فقط ....

ممممممممممممممم
والله يا خيي أبو أسامة أنا برأي أنو الموضوع متعلق بدرجة كبيرة بالقدر و القضاء
يعني بالنهاية الشغلة مو بإيدنا و الموضوع قسمة و نصيب
و كمان شغلة الأومة العالمية الإقتصادية ضارب الوضع شوي
يعني مشان هيك أغلب الصبايا بيكبروا ع سن الزواج معروف فيه نحن العرب
و منطقة الشرق الأوسط بشكل عام

والله يا حبيب
في أمور كتير بتتعلق بموضوع تأخر الزواج أو عدم الزواج من أصلو
يعني في ذوق الشاب اللي صاير صعب شوي
و كمان تكبر البنات و صدها للشباب بطرق بلا مبرر
يعني أنا برأيي هلاْ كتير شغلة المصاري بتلعب دور
و معك ليرة بتسوه ليرة ما معك شي ما بتسوى شي
للأسف
أنا أقول البعض وليس الكل
مع إحترامي الشديد لكل المعتقدات و العادات
بعدين شغلة الزواج من زمان كانت أسهل بكتير من الوضع الحالي
يعني من زمان مثلاً بيحكو أهلنا عن طريقة زواجهون كانت بسيطة
يعني كم معزوم و سهرة صغيرة قد حالها و خلصنا
أما إذا بدك تقارن بالوضع الحالي
ههههههههههههههههههه
للأسف ما حدا بيرضى لا البنت و لا الشب
بس شو ممكن نساوي
والله ما بنعرف شو ممكن يصير و كمان إذا صرنا عرسان

بدي وجهلك تحية من صماصيم قلبي
لأنك سلطت الضو على وحدة من أكبر مشاكلنا نحن بالعالم العربي
و ألف شكر عالطرح المفيد و الحلو
و تقبل سلامتي إلك و لكل مين حبك و بدو يحبك
أو عم بيحبك
مشكور يا .................؟
والله أي كلمة قليلة و ما رح تعبر عن شعوري بالوقت الحالي

تقبل مروري المتواضع
الكابتن برهوووم

اي خليهون يعنسوااااااا

لا شــــــــــو هالحــكي
نحنــــا هــــــــون وحـــــــــدن بــــــــدو يعنـــــس
lol!

انــــــا بــــدي اخــــــد 4 لســـاهـــم شــــــوي بالحـــــد مــن هيـــدا الشــــي

مشـــــــــــــكور ع الخبـــــــر ياحبـيــــــــــب

زائر

هههههههههههههههههههههههههههههههه
أنا عجبني تفكير هنووود
يا سيدي الله يخليك ذخر لهالوطن

متل ما قال برهوم الموضوع قسمة و نصيب
بس الشي يلي صاير إنو حتى لو في قسمة و نصيب ،أوضاع الشباب و ظروفهم الحالية صارت صعبة كتير
لك البيت بالنسبة للشب السوري على سبيل المثال صار حلم يصعب تحقيقه
هاد غير إرتفاع سعر الدهب و تجهيزات العرس و و و
لك حتى مهر البنت صار أكتر بكتييير وكأنو بنات الناس صارت سلعة متل كل هالسلع..غليت مع الماوت
هههههههههههههههه
أنا أسف ع التشبيه بس للأسف هاد الشي يلي صاير
يعني بدل ما يسروها أهل البنت عم يعسروها

شكـــــــــــــــــــــــــــــراً كتير أبو أسامة ع الموضوع اللذيذ
يعطيك ألف عافية

هههههههههههههههههههههه
هلا القصة يلي كاتبو رب العالمين بدو يصير
لهيك اذا البنت ما اجا نصيبها ما لح تتزوج
وبكون ما كاتبلها ربنا نصيب تتزوج
انا هيك رايي
وهلا من ناحية انو صارت الاعباء كتير كتيرة على الشب
بهي معك حق مليون بالمية
اصلا الحق مو علينا الدنيا كلها غليت
وانت بدك تواكب هل الدنيا يلي عايش فيها
وما في اب ولا ام بيعطو بنتون لواحد ما عندو بيت
شو بدون يخلصو منها ويعيشوها بالعذاب هي وزوجها
شو جابها لعندو ليعذبها
لهيك الاحسن الو والها انو يامن حالو ويركز وضعو مشان ما تصير مشاكل
وهيك بيعيشو مرتاحين وما في هم على قلبن
بعدين يلي ببيت اهلو على مهلو
لحد الان انا ضد الزواج بهل السن لسى بكير
لاني ما لح اعرف اختار صح برأي بهل الوقت
ما شفت شي بالدنيا وما عاملت حدا لسا
لااعرف نفسيات العالم وشلون بتفكر
اسفة على الاطالة
بس كان بدي عبر عن رايي بهيك موضوع
مشكور كتير ابو اسامة موضوع جدا رائع

خلص شباب كل واحد يتجوز أربعة وخلصونا من هال مشكلة فتحوا سيرة تانية الموضوع إنتهى هون لأن هاد الحل الصحيح

والله بعتقادي انو السبب الاكبر الاهل وتصعيب الزواج على الشباب هو مشكلة كبيرة في الوقت الحالي

» تراث الحب في بعض البلدان
» لقد أثبتت الدراسات النفسية الحديثة ان نسبة كبيرة
» ارتفاع عدد المصارف الأمريكية المفلسة إلى 72