حب ما تعمل كي تعمل ماتحب

لعله من ابرز العيوب فينا هو عدم تقدير قيمة العمل ، ففي مجتمع كمجتمعنا يتطلع للنمو والتقدم، يتوقع ان يكون هناك تحفيز على العمل واحترام للعاملين وتشجيع مستمر على الانتاج واطلاق القوى الكامنة لدى الناس لمزيد من العطاء والاستمرار فيه. لكن واقع الحال غير ذلك، فالغالبية من الناس ينظرون الى العمل كأمر مكروه، يمارسونه على الرغم منهم لأنه السبيل الوحيد امامهم للحصول على المال .
ويرون أن الانسان الحصيف متى توفر لديه ما يكفيه من المال بادر الى الكف عن العمل الذي ليس منه سوى جلب المشقة والجهد. ولعله لهذا السبب نلحظ احيانا ان من يتقدم به السن وهو مازال مستمرا في ممارسة عمله ينظر اليه الناس شزرا وكأنه يرتكب جريمة او يمارس اثما، وربما وصفوه بحب الدنيا والتهالك على جمع المال واخذوا يتهامسون من حوله لائمين له متهكمين على اصراره على الاستمرار في العمل.
ولا ادري لم يلام الانسان على الاستمرار في العمل متى تقدمت به السن؟ وما الضرر في ان يستمر يمارس العمل متى رغب ذلك؟ العمل حياة وقوة، والعمل هو الذي يعطي للحياة معنى وقيمة، وطالما أن الانسان يتمتع بالصحة والقدرة على ممارسة العمل فلم لايعمل ويكون منتجا؟ ان الذي يعمل ينتج ومن ينتج خير ممن لاينتج لأنه يضيف ولايكون عالة على جهد الآخرين، ومن مصلحة المجتمع أن يكثر المنتجون ويقل العالة الذين لاينتجون ويعيشون على جهد غيرهم، بصرف النظر عن مرحلتهم العمرية.
واذا كان ضرر بطالة الشباب يتجسد في الفقر والفراغ الذى يهدد بالانحراف ، فإن البطالة عند الكبار الأصحاء تهدد بالوقوع في الاكتئاب والانطواء وفقد الأمل وعدم الاستمتاع بالحياة، لأن البطالة و فى كل المراحل السنيه دائما ما تكون تجسيد للعجز و مرادف للضعف .
و فى النهايه اتوجه بتساؤلاتى الى اعضاء المنتدي الكرام:
هل ترون ان استمرار الكبار فى العمل يقلل فرص العمل و يساهم فى زيادة البطاله بين الشباب ؟
نظرية (اذا لم تستطيع ان تعمل ما تحب فحاول ان تحب ما تعمل)
هل يمكنك تطبيقها على نفسك ؟
انتظر دائما مروركم و استمتع بقراءة تعليقاتكم و استفيد من تنوع ارائكم..

والله مو دائما فيك تعمل ما تحب
لان الظروف الحياة صعبة
و ما فيك تعميل يلي بدك
المهم احيانا تلاقي شغل
لان ما كل ما يتمناه المرء يدركه تجري الرياح بما لا تشتهي السفن
بس منحاول قد ما فينا نعمل يلي منحب
مشكور كتير

زائر

مممممممممممممممممممممممممممممم
والله كلام درر وعنجد في جزء كبير من الصحة

يعني بستغرب من شخص لسا بكامل صحتو وقوتو ومع هالشي بيطلع ع التقاعد
بس بظن قوانين الدول بتلعب دور كبير بهالموضوع
وكتير أحيان بيتقاعد شخص هو لسا حابب يعطي للشركة يلي كان عم يشتغل فيها أو لسا عندو شي يعطي

وبالنسبة لموضوع أنو لازم نحب شغلنا
بهالشي مفروع منو بغض النظر إذا كان هو الشغل يلي منحلم فيه او لا
لأنو بالنهاية هو الوسيلة يلي بتعكس جهدنا بالمجتمع

شكــــــــــــــــــــــــــراً كتير يحيى ع الموضوع النقاشي المميز

ينقل إلى قسم سيرة و أنفتحت

زائر

نظرية (اذا لم تستطيع ان تعمل ما تحب فحاول ان تحب ما تعمل)

هون عنا مستحيل لأن مافي شي بتعمله على كيفك ولا رح تقدر تحب يلي عم تعمله

وهالحالة بتبلش من البكلوريا الطالب بيصير مثل غلاندايزر لحتى يوصل للي بيحبه

وطبعا هو وحظه يا بتنقش معه يا بتروح عليه

بس الحمدلله على كل شي لان مو كلشي منشوفه منيح بيطلع منيح

مشكووووووووووووووووور

والله ه اذا لم يوجد تفاعل وحب بينك وبين العمل لن تنجح بس هي العبارة مستعارة من فلم عربي
هههههههههههههه

حلو كتير موضوعك حبيب

أكيد العمل عبادة و شي مهم كتير العمل
و خاصةً بهاد الوقت اللي صارت فيه العمل حلم
و أكيد مع إنو الواحد يحب العمل

بس لو عكست العنوان كان أحلى و أظرف

إعمل ما تحب لتحب ما تعمل

مشكور خيي و الله يعطيك العافية

الدول الغربية سبقونا بكل شي
حتى عندهم بيعملو دراسه للطفل من هو وصغير
وبيدرسو ميلوله
وبعيدن بقررو شو لا زم يشتغل

ما شرط الانسان يحب عمله او دراسته حتى ينجح
ليش اصلا مين يلي بحب الشغل
الا اذا كان مشروع جديد
ووقتها بيشتغل فيه وبتعلق فيه بس ما لدرجه الحب

مشكور يا غالي
انا حبيت اضيف بعض الاراء الشخصية

لا انا بظن انو طالما ما في الواحد قدرة على العمل والتواصل مع الناس ما في داعي لانو يترك عملو لانو خبرتو اكيد مو متل خبرة شب اول مرة بيشتغل والنظرية هي نظرية مو صحيحة 100% لانو اذا عملنا شي ما بنحبو اكيد ما رح تنجح فيه وطبعا انا مستحيل اني طبئها على حالي مشكور على الموضوع يعني انا اول مرة بفكر بهيدا الموضوع وشي جديد تسلم يا YEHIA60

» طابعة تعمل بأقلام الرصاص
» ابتكار بطارية جديدة تعمل بالإهتزاز