دعوة للمصالحة بين الاعضاء بتمنى الكل يفوت

مسا الخير للجميع
حبايبي واخواتي
يمكن شفتو كلكون الي صار بالمنتدى من فترة او من كم يوم
من مشاكل وخناقات وحقد بين الاعضاء وماشاء الله نحنا كلنا هون منحكي ومنرد بحقاو غير حق
على كل
وعلى اعتبارنا بمنتدى بيحترم الراي وببلد بيحترم الراي كمان وببلد ابرز سماتو المسامحة والرقي والحضارة
وعلى اعتبار كلنا من هالبلد ومنحب هالبلد
انا اليوم بدعيكون للمصالحة
يعني خلصنا بقى كل واحد حكى وفش قهرو وحكى الي الو والي علي
وبعتقد صار لازم نرتاح ونريح قلوبنا ونرجع هالمنتدى متل ما كان مكان للمرح والتسلية والفائدة
وعلى هالاساس انا بدعي الكل مشرفين اعضاء ادارة
الي الون دخل بالمشكلة الي صارت والي ما دخلون
يفوتو لهون ويعلنو الي بقلبون
يعني انا بفوت وبحكي كل شي بقلبي على اي عضو وطبعاا بدون تجريح ومسخرة
وبهالطريقة هي بيفش كل واحد الي بقلبو للكل
بعرف انها صعبة والي مو حابب يفش قهرو ويحكي
يا ريت يبينلنا رايو اذا هو من وقت الي فات على الموضوع نسي كل شي مشاكل وقال وقيل بين الاعضاء
وبعتقد انو كلنا بدنا هالشي
مشان يرتاح راسنا
يا ريت الكل يلبي هالدعوة
وانا من ناحيتي
اليوم وبهي اللحظة فعلا وعنجد نسيت كل شي صار من قبل مع اي عضو
وما في بقلبي اي حقد او ضغينة على اي عضو او مشرف
والي حابب يعمل متلي يا ريت يحكي هالشي

وشكراا للكل سلفااا وانشاء الله الكل يكونو قد المسؤولية

ياسلام حلوة الفكرة كتير

يلا انا مسامحة الكل

ههههه

لاء اكيد انا مادخلني بكل القصة بس إلي يومين عم شوفها بمنامي

انشالله بيرجع المنتدى متل ما كان واحلى اكيد بوجود غيث وكل الاعضاء المميزين الجدد والقدامى

وهي دعوة مني للصلح لانو المسامح كريم ولا تنسوا انو رمضان جاية يعني شهر الخير والمحبة

انشالله بتم الصلح على ايديك يا نبيل .

والله انا ما بحب المشاكل
وبحب اعتذر من اي عضو اساتلو
او غلطت بحقو لان ما كان هل الشي عن قصد
وانا ما بتذكر لاي حدا اي اساءة وبتمنى كمان الاعضاء
ينسولي اي اساءة اسائتلون فيها لان ما بحب زعل حدا مني
وكل اعضاء هل المنتدى قراب على قلبي
وما في شوفون زعلانين من بعض او زعلانين مني
يا ريت تسامحوني وما تكرهوني وانا عنجد اسفة لكل عضو غلطت بحقو
وما بدي حاد يحط بقلبو يجي ويحاكيني وانا بكل ود والاحترام بتقبل راييو

وشكرا الك نبيل موضوع رائع فعلا ويا ريت كلنا ننسى الشي يلي صار
ونرجع اهل ورفقات واصحاب

زائر

يعـــــــــني بصراحة بظن ما كان في داعي لهالموضوع
لأنـــــــو أنا وريـــما من الأصل مو مدايقين من بعض
وسبق أنا أعتذرت منها و هي أعتذرت مني..وحلينا سوء التفاهم يلي كان موجود
وأنـــــا حكيت مليون مرة بالقصة
أنا مشـــــــــكلتي مو مع الإعضاء..لأنو كلهم محترمين وأكابر ومافي منهم

مشــــــــــكلتي مع الإدارة الغير عـــادلة و الشبه غائبة
ومشــــــــكلتي إنو بهالمنتدى ما بينحط الشحص المناسب بالمكان المناسب
يـــــــعني أنا بعد كلشي عملتو مكانـــي الطبيعي بين أعضاء الإدارة..بقومو بكسرولي رتبتي بهالطريقة المهينة؟؟!!
مشــــكلتي بقرار الإدارة مو بتكسير الرتبة بس بطريقة تكسيرها بالوقت يلي انا أكتر واحد عم أقدم لهالمنتدى
هي المشـــــــــــكلة الحقيقة يلي ماحدا رضيان يشوفها

بعدين سؤال أخي نبيل
يعني حاسس في تناقض بالشي يلي عم تعملو
إنــو لسا من خمس دقايق حطيت تعليق طويل عريض (معلقة)هاجمتني فيها بموضوع طلب حذف عضويتي
وهلـــــــئ جاية عم تقول مصالحة وأخوة و و و و
يعــــــني حاسس في تناقض بالحكي يلي عم ينحكى
وع العموم متل ما قلت..كلنا أخوة وهون ما حدا بيزعل من حدا
وانا عنجد ماعندي مشكلة مع أيا حدا
مشـــــــكلتي مع الإدارة و قراراتها الغير عـــادلة >فقط لا غير<

وأنـــــــا مســـــــتحيل أرجع ع المنتدى بعد الشي يلي صار
وسبق ووضحت هالشي اكــــتر من مرة
تكســــــــير الرتبة حمل معو كتير امور مهمة بالنسبة إلي
أهمها إنو الإدارة ما عم تقدر قيمة الشغل يلي عم أشتغلو بالمنتدى
وهاد شي أبداً ما برضاه ..وكتير جرحني من جوا

لهيك بتمنى إنو تنحذف عضويتي بأسرع وقت..وأنا مصر ع هالشي
لأنو ما حدا بيرضى يشوف تعبو و جهدو عم يروح ع الفاضي و يسكت
وياريت كل الأعضاء تحط حالها محلي وتقدر موقفي
رح أشتقلكم كتير
تذكروني بالخير

وانا معـــــــــــك نبيلــــو

يعنـــــــــــــي جاي رمضان وماحلــــوة تضل هالمشكلة

عنجــــــــــــد بشــــــــــكرك على هيدا الموضوع

ورمضـــــان كريم علينا وعليك

زائر

لهلأ أنا مالي زعلانة من حدا ولا مدايقة من حدا
بس إذا حدا انزعج من طريقة حكيي
عن غيث ما بعرف
انا أكتر شي زعجني طريقة المعاملة يلي صارت لـــ غيث
يعني كل واحد يتخيل حالو بدالو

إذا اساءت لحدا طول ا لفترة يلي قضيتها بالمنتدى يجي يقلي
واذا كان الحق عليي بعتذر منه ماعندي أي مشكلة

زائر

انا ماني زعلان من حدا ولا بدي ازعل
والكل بيعرف مين باد بوي
صح اما لا
ويلي ما بيعرف
يسأل مهند ما بدي قلكم غيث
لا يسأل مهند مين باد بوي
يلي ما بيزعل من حدا

تاني شي
اذا ملاحظين اني ما حكيت شي ولا كبرت القصة
بس لما البعض حاول انو يكبرها
انا حاولت رد عليه مشان صغرها
بس هيك مو اكتر

على كل حال الصلحة حلوة
بس في شي لازم يتصلح قبل الصلحة

والله يا شريك الوضع مو سهل بنوب حلو التناقض ما ......؟
على كل حال حلوة الأكابرية اللي طلعت فيها بس ‘كرامة الناس مو لعبة بإيد حدا
و إذا اليوم غيث بكرا أنا و إنت يا شريك

رمضان كريم علينا و عليكون
و مشكور يا غالي عالتوضيح الرائع
و أنا من جهتي مافي مشكلة مع ولا حدا و الكل صحابي و الكل بيعرفوا و الكل أكابر و ظراف
بقا ليش المصالحة ........؟
ليش شو صار ماني عرفان ......؟
مممممممممممممم
مممممممممممممممم

تابعوا باب الحارة الجزء الخامس على قناة الأورينت

سلاااااااام صحاب

" مشكور حبيب "

* Prince Of Silent * كتب:: بهالمنتدى ما بينحط الشحص المناسب بالمكان المناسب

good

اي هيك من الاول
دخيل ربكون
شو حلوين
وانشاء الله ما بتضلو غير هيك
ورمضان كريم على الكل
منورين يا حلوين

أي والله يا شباب مو حلوة. .

الدنيا شوب .. ورمضان جاية وكل عام وانت بخير . .

ملك عمي نبيل

» بتمنى الكل يقروه.....
» بتمنى ا تفو تو
» لماذا تحول لون البحر إلى اللون الاحمر!! (يلي قلبو قطيعة لا يفوت)