نتائج المذاكرات

أحلى نهفات المعهد التقاني للمحاسبة والتمويل أنو الطالب بيدرس بيدرس وبعدين بيطلع مالو مرشح للفحص

طيب كيف الطلاب بدها تعرف إذا هيه مرشحا للفحص وتعرف علامة المحصلة تبعيتها والفحص بعد كم يوم
والأحلى انا اللي صار فيني السنة الماضيه انو درست إحدى المواد لأجد نفسي قبل يوم فقط من الفحص ( يعني قبل يوم طلعت نتائج المذاكرات من فحص الماده ) أنني غير مرشح
ههههههههه
كان فيني ادرس غير ماده بها الوقت
بس إداره بتجنن عنا المعهد

هذه بسيطة بالنسبة للسنوات السابقة ولبعض المواد لكن هذه السنة في تتطور عشان ماحصلنا على درجات الترشيح ولا لأي مادة يعني عم ندخل الأمتحان واحنا مش عارفين مرشحين للمادة او لا

قصدك أنو الإمتحااااااااانات خلصت وقدمناها ونحنا مامنعرف إذا نحنا مترشحين للمواد اللي قدمناها

:a1: ارحموا إدارة المعهد

على شو بدنا نرحمها أذا هي مش عم ترحمنا أبد.............

لو إدارة المعهد بدها تصدر النتائج وبس
كانت صدرت من زمان
وكانت نسبة النجاح %22
بس هي هلأ عم تعمل مراجعة لكل الأوراق ورقة ورقة مشان ما تظلم حدا
لأنو عنا بالمعهد في طلاب كتير مابتعرف شو يعني أتمتة وشو يعني قلم أتمتة
حتى ما بتعرف تظلل رقمها الامتحاني

طيب اوك بس طلاب السنه التانيه بيعرفو شو يعني أتمته ومن زمان كمان بقى ليش ماطلعو نتائجنا لهلأ
بس إداره فاشله
المفروض هي الورقه الحمره تبع الأتمته تدخل على أله وهي الآله هيه اللي بتصححها
مو الأساتذه اللي بصححوها
ولو متل ماقلت حضرتك انو طلاب السنه الأولى مابتعرف شو يعني اتمته مشان هيك تأخرو
كان كل سنه صار هالشي مو بس هالسنه
بقى ليش هي السنه بالذات تأخرو فيها كتييييييييييييييييييييييييييييير زياده عن اللزوم يعني الوضع لا يحتمل صار

الأساتذة ماعم يصلحوا الورق وبس كمان عمان عم يطابقوا الاسم معالرقم وشوفو البلاوي
وبالنسبة للسنة الثانية عم يطلعلن مواد شوي شوي
ومنيح يلي عم يطالعو درجات الاعمال
لك نقلة المعهد من مكان لمكان لحاله معضلة

تسلم يارجائي على كلامك
وبدي قلك يامحمدأحناقدمنا الأمتحان بالمعهد الجديد مو بالمعهد القديم وبعدين كمان منيح مو منتقل المعهد على محافظة ثانية شو كانو عملوا

على كل الأحوال شوماعملت الإدارة بتضل مقصرة بنظر معظم الطلاب

هاد النقاش عقيم أنا برأيي انو أي معهد جديد ممكن يصير في هالمشاكل أنا ماما مدرسة وبعرف انو بعانو كتير وقت الامتحانات بتصحيح الأوراق وماما مدرسة بمدرسة فما بالكم بمعهد في 3000طالب وطالبة

انا رح قول بصراحه ليش كان تأخير النتائج
التأخير كان مو من مدير المعهد ولا تقصير منو
بالعكس المدير كتييييييير منيح
بس شو اللي صار انو المعهد كلو معتمد على آلة وحده بالتصحيح
وعليها مهندس واحد بيعرف يشتغل عليها
بقى هي الآله كانت منزوعه
والمدير بعت كذا كتاب على الوزارة مشان يصلحوها
او يبعتو غيرها
بس الوزارة كانت مطنشه على الموضوع
بقى المدير بالأخير راح وصلح هي الآله على حسابو

بس كمان في شغله انو نحنا 8200 بالسنتين
الأولى والثانيه
معقول معتمدين على آلة وحده
ليش مايكون في كذا آله للتصحيح

على كل حال في عندي صدمه لطلاب السنه الأولى
انو رح يصير تأخير بنتائج الفحوصات تبعتكن لأنو تم توقيف تصليحهن لحتى يخلصو نتائج الفحص تبع الراسبين مشان الراسبين اللي قدمو موادهن يعرفو شو رفعو من الفصل الثاني
وبقدرو يعملو مذاكرات بالفصل الثاني
وبعد مايخلصو من الفصل الثاني رح يبلشو بمواد الفصل الأول تبع السنة الأولى

طبعاً انا مبسوط انو بلشو بمواد الفصل الثاني لإني من الراسبين وبدي اعرف موادي شو وضعها

يا سلام عالشرح
والله يجعلنا من الصابرين

[شكرا بس شو مشان الفصل التاني [/color][/b]

يا ترى لامتى رح نستنى الوزاره لحتى تعطف علينا باله تانيه
رح نستنى لمذاكرات الفصل الاول السنه الجايه
بس لنطمن كم سنه رح نضل منورين المعهد

ا

ههههههههههه
الحق معك

شكرا
بس بظن انو مو رد مقنع
بعرف انو الله يعينكم
بس كمان اذا بدنا ننطر المسؤل عن التطوير والتحديث بالبلد
معناتها رح ننطر ل 2010-11-12---------------20
الله يعطيكم العافيه على كل حال

لك خليكن متفائلين
هي نزلو درجات أعمال السنة الأولى كلهن

الله يخليلنا المعهد وإدارتو ***
حزرو شو طلع معهن
طلع معهن انو انا مالي مرفع الثقافه واني غير مرشح
رغم انو انا مرفعها من السنه الماضيه ... وفوق المعدل الأساسي للماده بشي 5 علامات
يعني مو شحط ...
والسجلات عندي تبع المعهد تبع السنه الماضيه ورجعت شفت اني مرفعها ولا لأ
بس طلعت مرفعها .. بقى شو صمشفر معهن إدارة المعهد مابعرف
... على كل حال إذا أصرو إني مالي مرفع الماده
رح يصير شي بالمعهد ماحدى بيتوقعو ... لإني رح اطلع من المعهد هي السنه ..إذا بحمل 4 مواد
الله يخليلنا إدارة المعهد ومفاجأتو الحلوه :shock:

صلي على النبي
عادي رفيقتي بالمعهد تلت ارباع المواد ما طلعلها فيهم مادة عملي
مشان هيك روق
وقدم اعتراضات وانشاء الله بتنحل

اي بس انا مرفع الماده من السنه الماضيه
كيف هلأ بقولي انو مالي مترشح للإمتحان وانا مرفعها من السنه الماضيه

رح احكيلكن شغله بضحك قلي عليها رفيقي وماصدقتو لحتى شفتها
رفيقي طلعلو علامتو بالمذاكره ام بعد شوي عم يقرأ
لقى اسم ابوه معاطينو علامه كمان
ههههههه
وأحلا شي انو رفيقي مو حاطينلو رقم امتحاني بس لاقى رقمو عند اسم ابوه
وعاطينو علامه لأبوه كمان

ام طلع على الإداره وقلهن انو شو هالخطأ اللي بضحك تبعكن

قالولو خلص انو خطأ بصير وين ماكان
ام قلهن طيب انا بدي العلامات اللي حاطينها لأبي ضيفولي ياها
صار يضحك عليهن انو إداره بتجنن هيه وأخطائها

2na 2dmt mozakra bl readeat wknt 27dr mo7adrat 2m w2t 6l3et nta2eg drgat al 23mal 76ole bdal 3lamte 56 6b3n hada al7ke b3d ma 2dmt f7s almohm 2dmt 23trad bnfs aleom wsrlo hl 23trad shhr wma kan e6l3 bs 2na lazem ersh7one e3ne 2dmt blmozakra wknt 27dr 2eza 7da 3ndo 2e m3lomat 3n hl 7ke mtmna esa3dne .

مرحبا ( أب ليث ) إذا بدك ساعدك بدك تكتبلي العربي أو بالإنكليزي بس انو تكتب عربي بأحرف لاتينيه .. ماكتير بحبذ هي الطريقه
بس على كل حال انا عندي تدريب جامعي من 3 / 8 ل 19 /8 يعني مارح اقدر فوت على النت وقتها
سلااااااااام

انا بالنسبه الي طلعت روحي على ماأعرف هل النتائج على النت ملها حضاره

بس وعد الكون اني مارح اياس والله يصبرني ويصبر الجميع وبتمنا يجي لحظه افتح فيها على الموقع واجد النتائج :farao:

إنشالله بتلاقي نتيجتو وإنشالله نحنا كمان يسمحولنا ناخد نسخه ونحطها على النت
وهيك بصير أسهل للطلاب انو يعرفو علاماتهن
بس القصه مو من عندي ...
القصه من عند إدارة المعهد اللي بتخاف تعطينا نسخه ... مابعرف ليش ..!!
وأحياناً مابتطعتي للهيئه الإداريه نسخه كمان..

يا شباب اهم شي انو نصبر ونعمل مظاهرات بركي نتسلا شوي
وبعدين منروح منعتصم عند الادارة وبطريقنا منفطر ومنتغدى
واخر شي منروح عالجامع والكنيسة والسيدة زينب ومندعي انشالله يحنوا علينا بشي 15 الة تصحيح
وشي بوفيه اومطعم مرتب
ااااااااااااامممممممممممييييييييييييينننننننننننن

» برنامج المذاكرات لقسم الأسواق
» نتائج التصووووووويت
» نتائج الامتحان