حياة المواطن السوري قبل الدش

وكانت تعتمد على البرامج التالية :

-أرضنا الخضراء:ناس عم تفلح و تزرع و شو ذنبنا نشوفن؟ما بعرف! وبيصورولك
الزراعة كأنها شي صناعة ذرية تقولها!!!

-الايدي الماهرة: كمان وين في واحد عم ينكش بوابير,واحد عم يركب حدايد,
واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو
صناعة الصواريخ شغلة تافهة!وأحلى شي بيسألو بالآخر:"وين اليد الماهرة
بالموضوع"هادا عأساس متل سؤال أزلي!


مع العمال:و وين رحنا ووين جينا نحن العمال و شو عم يسوو بفرع الحسكة
و درعا بنادي العمال للدحل,و وين عم يتسيرنو العمال بادلب,و شو عم يساوو
مشان الباص الواقف بمعمل العلك بحلب,و صفقة الطواقي البحرية لعمال المرفأ ا
وغيرو وغيراتو....
-

نحن الطلبة:كلو رقص و دبك و انشطة اجتماعية و محاضرات و سيارين و شك
نصبات شجر....بس شو لاعن نفس الطالب,وين عم يتشرد الطالب ايام الدراسة
و ما بعد التخرج؟؟؟هيدي شغلات ثانوية..وعلى مهرجانات خطابية!!انا بفضل
يتسمى مع الدبيكة و رقيصة العربي!
-

أطفال هواة: و منين بيجيبو هالقرود ما بعرف!!و هاد شخوطلو شخطين بتلوين
تبع ال5 ليرات صار السعدان رسام!و هادا سجل جمعتين و نص بنادي كارتيه
بس ابوه جارو للمخرج جابوه ينط بخلقتنا!!وهادا علمو البابا الشطرنج و هو جايب
شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع: برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"خزيت العين
!و بدو يفرجينا عالتجربة اللي رح تغير وش الكرة الأرضية!...بطاريتين+سلك
كهربا+مصباح صغير!.."انظروا انه يشعل!!يطفئ!!يشعل!!يطفئ!!"
... اسم الله عليه!!بدو طابة زرقا مو خرزة!!