يلي بدو يضحك على نكت بايخة يدخل إلى هنا

--------------------------------------------------------------------------------

ملاحظة هامة: اللي بيعاني من أي مرض في الدم ما يقرا هي النكت يعني اللي عنده ارتفاع ضغط أو انخفاض أو حتى عنده دم من أصله ما يقرا شي وبلا يشيلني ذنبه لأنو أنا مالي ناقص.... وقد اعذر من انذر....

-

في صخرة وقعت من فوق بناية وفي تحت البناية لوح بللور ما انكسر ليش ؟
لأنو ما وقعت عليه

-طيب في جيجة كانت عم تقطع الشارع وفجأة ماتت ليش؟
الصخرة وقعت عليها

- طيب ليش الحمصي بيحط جنبه كاسة الشاي قبل ما ينام ؟
لأنو الشاي منبه

-طيب فهمنا, ليش بيحط كاسة قهوة جنب الشاي ؟
مشان إذا ما رن الشاي

-طيب ليش يحط جنبه كاستين مي وحدة فاضية ووحدة مليانة ؟
لأنو بيصير يشرب وبيصير ما يشرب

-وليش بيحط سكر على الكرسي قبل ما يقعد؟
مشان تصير القعدة حلوة

-شي أبيض طاير في السماء وبيقول مياو – شو هو؟
قطة بيضاء مرفوسة

-طيب شي أسود طاير في السماء وبيقول مياو--شو هو؟
غراب عم يتبايخ

-طيب في شي بني طاير في السماء ومابيقول شي –شو هو ؟
حذاء الرجل اللي رفس القطة

-طيب شي أسود طاير في السماء ومابيقول شي---شو هو؟
غراب عاقل وما بيحب البياخة

-شي أزرق طاير في السماء—شو هو؟
دبانة لابسة بنطلون جينز أزرق

-طيب شي أسود وفيه خط أحمر وطاير في السماء من الشرق للغرب –شو هو؟
دبانة لابسة فستان سوارية وحاطة حمرة ورايحة ع عرس وحدة رفيقتها

-طيب شي أسود وفيه خط أحمر وطاير في السماء من الغرب للشرق -شو هو؟
نفس الدبانة بس كني نسيانة شي و رجعت ع البيت مشان تاخدو

- نقطة سوداء على الحيط شو هية؟
دبانة

-نقطتين سوداوين على الحيط شو هنن ؟
فيشة كهربا

-ثلاث نقط سود على الحيط أشو هنن؟
فيشة ودبانة

- خمسين نقطة سوداء على الحيط أش بيصيروا؟
ما بيصيرو شي بس يمكن دهان الحيط عم يقّشر

شو عكس تلميذات؟
don`t tell me that

شي ماشي على الارض وبيعمل زززززززززز- أشو هو ؟
صرصور راكب بسكليت

طيب ناس دخلوا بيت فعرفوا إنو فيها صراصير – هاااهااا شلون عرفوا بقا ؟
شافو البسكليتات مصفوفة جنب السيفون

- بتقدر تقلي فرقين بين الليمون والزيتون؟
1- فيه ليمونادة بس ما في زيتونادة
2- بتقدرتقول: الناس لامونى, بس ما بتقدر تقول: الناس زاتونى

-بتقدر تقلى 4 فروق بين البطة والوزة؟
1- تقدر تحلق شعرك زلبطة بس ما بتقدر تحلق زلوزة
2- في رحالة اسمو ابن بطوطة بس مافي رحالة اسمو ابن وزوزة
3- كلنا بنتغطى بالشتا ببطانية و ما بنتغطا بشي اسمو وزانية
4-هي الوزة كانت بطة من زمان بس الشيطان وز في عقلا فصارت وزة

- بتقدر تقلي 5 فروق بين الفيل والنملة؟
1- أجر الفيل ممكن تنمل لكن أجر النملة مستحيل تفيل
2- البيت ممكن يكون فيو نملية بس مو معقول يكون فيو فيلية
3- تقدر تاكل سمك فيليه بس ما بتقدر تاكل سمك نمليه
4- كل واحد ألو بروفيل بس مالو برونملة
5-you can feel but you can`t namla

- شو الفرق بين الفيل والبرغوت؟
الفيل ممكن يتملى براغيت بس البرغوت مو معقول يتملى فيلة

- اشو عكس زمان؟
the woman
يلي عجبو يكتب رد

ههههههههههههههههه
والله حلوين
صحيح بايخين بس تغير جو
مشكور كلك زوء

مع انو يا شريك مو محرزين بس انت يلي بتحرز
شكرا الك وحلوين ما بهن شي
مع تحياتي
لورد

حلويييييييين و مو مملين أبدا أنا بهوى هيك شي مشكووور نايس مان فعلا انك نايس ألوت

:عين وحده:

هههههههههههههههههههههههههههههههههههههههههه
وانا كمان بئول مو بايخين بالعكس كتييييييييير حلوين وبضحكو كتيير
عنجد شكرا ودائما جبلنا نكت
:merci:

ههههههههههههههههههه حلوين هن شوي مملين بس شكرااا كتير

مشكور نايس مان

هههههههههههه
حلوين ومو بايخين
شكراااااااااااااااااااااااااااااااا

والله شي رائع
وضحكت من ئلبي

لعما اذا بايخين وفرطنا من الضحك كيف لو مو بايخين :مبسوط:
ال بايخين ال :متفاجئ:
لك حلويييييييييين وانت احلى حبيب قلبي :merci:

MBL

ههههه
مع إنن بايخين

» نكت بايخة
» حاجة مواشيع بايخة...اقرأ وهات رايك
» شر البلية ما يضحك