العلاقات العاطفية

العلاقات العاطفية ((وتوابعها))

ماذا تعنى العلاقة أوالرابطه العاطفيه ؟
البنت والشاب هل احتياجاتهم واحده من العلاقه والا فيها اختلاف ؟

العلاقه العاطفيه ومرحلة الشباب

يعنى فى الى يشوفلها على انها مرحلة المشاعر فيها متقلبة ومرحلة التجارب ومرحلة الفضول والخياااال طبعا بالاضافه للحماس فى التعلق بالشخص
هل يا ترى العلاقه لى انتهت بزواج فى مرحلة الشباب الحب يستمر فيها والا يتحول لملل واحساس بانه مثلا من جهة الرجل يحس انها قيدت حريته وبعد فتره يبدا يحس انه استعجل

والبنت بيوصلها شعور انها اختارت غلط وانه الحب والكلام الاول كله معاش في منه وانها انخدعت واستعجلت وووالخ

او ممكن فعلا يستمر زواج ناجح ومبنى على تفاهم وحب واحترام؟

هل تعتبر ان اى علاقه عاطفيه فى مرحلة من المراهقة الى الشباب هى علاقه غير ناضجه ومشاعر متقلبه والا لا هى علاقه المشاعرفيها مستقره ؟

شنو تعنى لك العلاقه العاطفيه هل كان ليها تاثير على حياتك ؟

شنو الى يخلى الشخص يقدم على علاقه عاطفيه ؟
هل هو الطرف المقابل؟او حاجه مكمله أو نقص معين يدور عليه؟
هل العلاقه العاطفيه شى ضرورى يمر بيه الشخص فى حياته سوا كانت ناجحه والا فاشله والا لا ؟

مابعد العلاقه

طبعا اى علاقه... الطبيعى انها تنتهى اما بالزواج او الانفصال ((هذا كان ما انتهتش نهاية مأساويه طبعا ))
كيف يتأثر الشخص بالانفصال ؟
يعنى مثلا فى الى تلقاه لا ياكل لا يشرب لا يبى يخدم وحالته حاله وما عنداش خلوق لحد والبنت الى يشوفها كان يلقى يقتلها
والبنت حالتها النفسيه تبدا تاعبه ووحيده ووجهها اصفر وحالتها حاله وفاقده الثقه

والا مثلاالتشاؤم وهذا النوع الاكثر طبعا عندنا يبدا يقوللك مسكره فى وجهى وما عنديش حظ والبنات كلهم زى بعض والا البلاد يحط اللوم عليها
ومرات يخطرله حتى يسافر والا يصيرله احباط واكتئاب هذا كان ما تعقدش مره واحده من الجنس الاخر
طبعا على البنات والشباب انى نتكلم

كيف تاثر العلاقه على علاقاته بالناس ونفسيته ؟
باهى بعد ما يوصل للمرحله هذه كيـــــــــف يطلع منهااااا ؟؟
شنو ممكن تكون اهم اسباب فشل اى علاقه ؟
امته ممكن تقول لا خلاص انى معاش نقدر نستمر وهذه العلاقه ما تناسبنيش وما تريحنيش حتى وان كان فى حب وارتباط عاطفى ؟
شنو الى يخليك تقدر/ى تحكم على ان العلاقه حتنجح والا لا ؟


اخيرا سؤال مهم جدااا
حسب رأيك ....
هل يمكن لحب جديد وعاطفه صادقه جديده على حياة شخص تنسى الشخص تعب وفشل وحب وجرح علاقه قديمه ؟؟