رأيك \في منتدانا مهم بالنسبة لنا

بدنا كل عضو من الاعضاء يحط رأيو بالمنتدى وبكل صراحة

منشان نشوف الاراء ونئدر نشتغل سوا بتحسين منتدانا

اوك منيح اني اول واحد
والله يا صديقي رح اختصر كتير مشان ما ديق خلق حدا المنتدى كفكرة كتير حلو وكمواضيع مسلي ومفيد وكأعضاء اكابر وظراف كتير وكمشرفين ممتازين و بجننو وكمواضيع كتير في افادة ومعلومات حلوة وبتسلي وكشات في مشاكل كتير وكنت المشاكل اكبر وكسرعة بزفت وكألوان عماني اللون الاسود وكتخطيط مقت و بأسي
واما كأدارة ف ولييييييييييييييييييييييييييييييييييييييييييييي وافهمها انت
بس بشكل عام بالنسبة الي لو ما بحبه ما كنت شفت ردي هون
مع تحياتي الك وبلا هالاسئلة المحرجة
لورد

أول شي بدي أشكر عامر لأنو سئلنا عن رأينا

وأنا بالنسبة إلي المنتدى كتير حلو من كل النواحي كأعضاء محترمين وأكابر

وكمواضيع مفيدة ومسلية بس عم تتكرر وكتخطيط حلو وسهل وألوانوبتعمي شوي بس منيحة

والادارة والمشرفين ماعم يقصروا والله يعطيهن العافية

ومتل لورد لو مابحبو للمنتدى ماكنتو شفتو ردي هون

بتعذر عالإطالة ومشكوررررررررين

انا بصراحة بحب اللون الاسود كتييييييييير مع انو بيوجع العيون بس والله حابو
اما بالنسبة للاعضاء عنجد محترمين واكابر مو مجاملة والله
اما المشرفين في 2 منهم تصرفاتهم غريبة كتييييير بيفكروا حالهم انو اذا مشرفين يعني شي شغلة كبيرة وبيتحكمو بالاعضاء ع كيفهم
مابدي اذكر اسماء بس اكيد مو عامر ولا عصام ولا صخر

بس بشكل عام كل المشرفين عم يقومو بشغلهم والله يعطيهم العافية
انا عضو بأكتر من منتدى و بالادارة بواحد منها
بالرغم من هيك اغلب وقتي بهيدا المنتدى لأن عنجد احسن منتدى عرفتو
ولأنو بعض اصدقائي بالمعهد فيه
ولو مابحب هالمنتدى ماكنت اهتميت بالرد ع المواضيع فيه
بعرف اني طولت شوي يعني مو شوي كتير
مشكور لأنك اخدت رأيي بس هيك بقيت بلا رأي :محرج:
يلا فداك وشكرا ع الموضوع الرائع :78:
MBL

والله انا بفرح وئت اي عضووووو بيطرح اي فكرة
منشان نحسن ويصيرمنتدانا احسن من المنتديات تبع الكليات والمعاهد التانية
ووين البائي بالاراء

المنتدى ما في منو وكتير مميز عن باقي المنتديات
الأعضاء مميزين وكتير محترمين
والمواضيع راااااائعة وغريبة وجديدة
ما عندي أي تعليق
مشكوووووووووور عامر عالموضوع

المنتدى حلو وحلو وحلو

مشكووووور عالاستفقادة عمووووووور
انا مع الشباب لو مو عاجبني المندتى كنت ما لقيت عندي ولا مشاركة في
الشباب والصبايا كتييييييييير رواق والمشرفين كمان تسلمولي جميييييعا

أنا أكيد لو ما حبيت المنتدى ما شفتوني هون بس في مشكلة وحدة وكبيرة ..
بس والله يا شريك حلها صعب ومو بهالسهولة بس لح قولها ..ويمكن كتير يدايقو منها ..
أنو عميل نظرة سريعة عالصفحة الرئيسية بتشوف 3 ادارة ما في غير عامر بفوت ..2 اشراف عام واحد بفوت ..
في شي عشرة مشرفين نصهن يلي بفوت ...في 2 في أي بي واحد مهن ما شفتها ولامرة بالمنتدى والتانية صرلها فوق التلت أشهر مو مبينة ...
أكيد أنا كل يلي حكيت عنهن هنن رفقاتي وحبايبي ..بس أذا حكي في شي غلط يا ريت حدا يحكي ..
ألف شكر عامر على فتحك للموضوع وانشاء الله ما تكون ادايقت بحكي ..

هلئ المنتدى كتير كتير حلو
والله يعطي العافية لكل واحد شارك في
بس أنا عندي رأي واحد بقصة نشر الموقع لأن عن جد مو كتير معروف وبتمنى يكون نشروا أكتر وخصوصة ضمن المعهد

اول شي منشان اخي حيدر
نحنا عم نصفي المشرفين المهملين شوي شوي يعني اسف على كلمة مهملين بس هية الكلمة صح
يعني يا حيدر شوي شوي عم نحاول نحل هالقضية.
نايس مااااااااان
يا غالي انا والله عملت جهدي لانشرو وبعدين بلشو المشرفين والاعضاء لحتى ينشرو
والنشر بدو يكون عن طريقنا نحنا كلنا بشكل عام
يعني ايد وحدة ما بتسئف بئا خلينا كلنا نسئف سوا ولازم يصير منتدانا احسن من المنتديات التانية سواء كليات ولا معاهد هون بسوريا الحبيبة
مع حبي ..............
شكرا رهام ( ليونة ) شرف5تي ونورتي
وعراسي يا انوووووس

:47:
وانا معك يا عموري انت سلمني الادارة العامة واتريك الباقي علي

والله مو نصيحة يا لورد لو بتعرف قديش بتتعب الادارة لكرهت لقب الادارة لانو عنجد اصعب شغلي بالمنتديات الادارة وسآل مجرب ولا تسأل حكيم
وانا مو من الادارة مشرف بس بعرف منبح قديش الادارة بتتعب ومشكورة

مرحبا انا جديدة هون

حابة اعرف كتير أشياء عن المعهد

بس أول شي بدي أعرف أمتى بتطلع لائحة اسماء المقبولين الجدد بالمعهد

وانشاء الله

شوف الخير على وجه هالمعهد

ارجو الرد وشكرا

أول شي أهلا وسهلا فيكي معنا بالمعهد..وبالمنتدى .
وانشاء الله بكون خير عليكي..
هلأ والله أنا ما عندي فكرة بعرف بتطلع المفاضلة التانية ساعتها فيكي تسجلي بالمعهد..بس اذا عرفت شي من عيوني..

اذا طلع اسمك بالمعهد من المفاضلة التانية دغري بتروحي بتاخدي ورائك ودغري عالتسجيل
سواء كان موازي او حكوووومي
وانا حطيت موضوع منشان استفسار الطلاب الجدد بقسم المعهد

00000000000000000 بصراحة انا فتت عل المنتدى بل الصدفة: وكانت صدفة كتير حلوة حابب يكون لي اصدقاء من المنتدىshockحلو كتير وبيطير العقل :شكرا : : 0000000000000

والله يا عامر المنتدى اكتر من رائع
معقول تحط ايدك بشغلة وما تطلع بتعقد

بس لقلك شغلة انو يلي محلي المنتدى تنين

الاعضاء يلي بتحسون كانو عيلة وحدة

والمشرفين يلي بيتقلو بالدهب

والله عراسي يا عمي طارئ هادا من زوئك والله
واهلا فيك يا اقتصادي نورتنا

برأي المنتدى حلو بدون أي اضافات او تعديلات حالية و المستقبل أكيد أفضل و الادارة روعة و الأعضاء فاعلين و مميزين و المشرفين عم يقومو بالواجب و
تحياتي للكل

بالصراحة المندى حلو هيك والمشرفين والمدراء عسى أحسن
والمهم انو يكون الكل راضي عن أعمال المنتدى
وشكراً
A.S

زائر

مرحبا انا جديد هون مشان هيك ما بعرف كتير
بس المنتدى كتييييييييييير حلو
و الناس اللي فيه متل ما قال مهند كتير اكابر
و مواضيعو بتجنن بس الشات بيأسي
و كمان متل ما قال مهند اللون الاسود بيجنن

أنا برأي هاد المنتدى حلو كتير و الناس يلي فيه ظراف كتير ولونه الأسود حلو كمان هذا من الناحية الايجابية
أما من الناحية السلبية انو ألوان الكتابة كتيرة و مزعجة للناظرين و قليل ما نلاقي موضوع فيه صور
و انشاء الله ما تكونوا انزعجتوا برأيي

أهلا وسهلا فيكن جميعاً بالمنتدى وتشرفنا بمعرفتكن ونرو المنتدى بالأعضاء الجداد
وأكيد بمساعدتكن ح نقدر نطور المنتدى أكتر وأكتر

المنتدى كتير بس ما عم اعرف اشتغل فيه مدري اني جديد او هو مو منظم كتير وشكرا لكم على مجهودكم

فيك تسأل أي حدا من الإدارين بالمنتدى عن أي شي بيصعب عليك
وأنا جاهزة ساعدك بيلي بدك ياها

» ما رأيك ادخل وشع رأيك
» ماهي الشخصية الجذابة بالنسبة لك
» انواع النساء بالنسبة لمدخن