نصائح للعشاق (الذكور حصرا)

لا تحاول الكذب على المرأة لانها ستعرف انك تكذب من صوتك

لا تهمل المرأة وهي في قمة حاجتها لك

لا تسألها عن مدى حبها لك الا عندما تعبر انت اولا عن حبك لها

لا تخن المرأة لان قلبها كالزجاج اذا انكسر فلا يمكن اصلاحه

ان ضحكت فاعلم انها ارتاحت بصحبتك

ان اتصلت بك فاعلم انها حزينة وارادت ان تسمع صوتك لترتاح ولو لم تعبر عن حزنها

قلب المرأة لايحب الا اذا وثقت به

وفي النهاية
كن لهذه المرأة الصديق والاب العطوف والاخ الحنون والعاشق فان ارتبطت بك فانها قد ضحكت باغلى الشخاص لديها

واختارت مصاحبتك عن مصاحبتهم

واعلم ان احبتك المرأة ستعيش سعادة ابدية

(ولو انو من وجهة نظري الشطر الاخير مو دقيق وبتمنا اراءكم حول هالشي)

والله مو ضوع بيجنن
وبصراحة على هوا ما افهمت انا في وحدة من هدول يمكن صح وصارت معي
يلي هي
ان اتصلت بك فاعلم انها حزينة وارادت ان تسمع صوتك لترتاح ولو لم تعبر عن حزنها

نصائح بتجنننننننننننننننننن
عنجد مافي احلى منها وكل رجل لازم يئراها
يعطيكي الف عافيه
لا تهمل المرأة وهي في قمة حاجتها لك

لا تسألها عن مدى حبها لك الا عندما تعبر انت اولا عن حبك لها
وهدوول الجملتين مافي منون
:merci:

زائر

قلب المرأة لايحب الا اذا وثقت به

المقولة جدا جميلة وصحيحة ومشكورة عالموضوع الله يديمك :شكرا :

عنجد موضوع حلو كتيييييييييير يسلمو اديكي
لا تسألها عن مدى حبها لك الا عندما تعبر انت عن حبك لها
هيدي عجبتني كتيييييير

MBL

والله الشباب ما ئصرو اكلام بجد شي حلو
انا عجبني هادالمقطع لانو للاسف عنا بعض الشباب ما بينتبهو لقيمتو

لا تخن المرأة لان قلبها كالزجاج اذا انكسر فلا يمكن اصلاحه
وهاد كمان لا تسألها عن مدى حبها لك الا عندما تعبر انت عن حبك لها
بصراحة الموضوع كلو بجنن

والله الموضوع بشكل عاااااااااام حلو
مشكووورة

موضوع روعة كتير كتير حلو
لا تحاول الكذب على المرأة لانها ستعرف انك تكذب من صوتك

ان ضحكت فاعلم انها ارتاحت بصحبتك

زائر

مشكورة كتيييييير
عنجد موضوع حلو
بس يا صبايا الموضوع محطوط للذكور حصرا أنتو ليش بتحبو تحشرو حالكم بالموضوع
عم أمزح طبعا
ما بدي طول بس في شي صح من يلي انحكا وفي شي غلط
أكتر شي صح <<<<<<<لا تخن المرأة لان قلبها كالزجاج اذا انكسر فلا يمكن اصلاحه

والشي يلي مو صح هو انو البنت وقت تحب مو بالضرورة تعيش الشب بسعادة أبدبة
وانا عم أحكي هالشي عن تجربة

(ان اتصلت بك فاعلم انها حزينة وارادت ان تسمع صوتك لترتاح ولو لم تعبر عن حزنها)
بدك الصراحه هاد الواقع لانو البنت بدق وقت بتكون مضايقه ومزعوجه ووقت البسط
بتنسى وما بدق ولا بتسال
هي الصراحه للأسف ..

والله كلامك مظيوط يا حبيبي أبو أسامة وشكرا عالصراحة الي ما عاد شفناها بالردود بس في شوية زيادات بد إحكيها

........

هلئ الحكي من الناحية العملية مظبوط الى حد مين لانو هاأفكار اندست براسنا من نحنا وصغار

بس في نقطة نحنا دائما منتجاهلة انو المرأة هي بشر متلها متل الشب وفي شوية نقط حابب إحكيها عن تجربة وبيضل لكل واحد ريوأ

لا تحاول الكذب على المرأة لانها ستعرف انك تكذب من صوتك
ههههههه هالحكي مو دائما بيصير لانو في ناس اخدى الكذب احتراف وما حدى ممكن يكشفها وهاد ماعدى انو في اوقات بتضطر تكذب فيها وهاد الي سمو الكذب الأبيض لانك ما بتربح من وراه شي بس بترضي فيه الطرف التاني
لا تهمل المرأة وهي في قمة حاجتها لك
هلئ هاد الحكي الكل بينفزو لا إردايا لانك مافيك تشوف شخص بنت او شب لانك مافيك تشوف شب او بنت بيعنولك شي وهنن بحاجتك وانت تتهرب إلا إذا كنت ـــــ
لا تسألها عن مدى حبها لك الا عندما تعبر انت اولا عن حبك لها
هاد أكتر سؤال بيتكرر بين كل تنين ومافي شي إسمو عبر عن حبك لانو ما حدى عندو طريقة ليعبر عن حبو بشكل كامل وفي عامل ما بتعرف تعبر أصلا يعني انا لو بدي عبر بحرق الدنيا وبلاقي حالي مقصر :حب:
لا تخن المرأة لان قلبها كالزجاج اذا انكسر فلا يمكن اصلاحه
لا تعليق ــــــــــ
ان ضحكت فاعلم انها ارتاحت بصحبتك
بالعكس بتكون عم تتضحك عليك لانو البنات شغلتون المألسة والضحك عهاد وهاد
ان اتصلت بك فاعلم انها حزينة وارادت ان تسمع صوتك لترتاح ولو لم تعبر عن حزنها
إي هي الشغلة مظبوطة لانو البنت ما بتتزكر انو عندها حبيب غير وقت تنداق وتبكي أما وقت البسط فإنســــــــــــا نشالله باليوم تحكو دقيقة او دقيقتين والباقي صدقني مشغولة و ــــــــ
قلب المرأة لايحب الا اذا وثقت به
هون الحكي لسى بيقولو انو الشب يحب غالبا وكثيرا والبنت تهوى قليلا ونادرا فهاد علاك مالو أساس مو كل واحد سمع كلمة عجبتو بيساويه قدوة وأية قرانية وبيمشي عليها فاذا هي حجتكون ففي الف والف غنية ومتل عن البنات وما بدكون مين يعطيكون دليل لاني متأكد انو اول ما قريتو هالجملة صار المثال براسكون لان البنت بتحب بع

الحب وقبل الحب يعني أغلب البنات بيحبو ليملو فراغ وأصلا نس العالم اذا مو كلون وانا معكون ما بيعرفو شو يعني حب ــــــــ..........ـــــــ
ـوفي النهاية
كن لهذه المرأة الصديق والاب العطوف والاخ الحنون والعاشق فان ارتبطت بك فانها قد ضحكت باغلى الشخاص لديها
ـوهاد الحكي مو مزبوط ابدا لان البنت عند اول تخيير بين الشب وبين اصغر شغلة بحياتها حتضحي بالشب بعد 5 جقائق تفكير لك بتخلو الواحد يحكي غصب عنو

لك البنت بشو بتضحي يستر أختكون بتروح من بيت أهلها معززة مكرمة لبيت جوزها الي عملو عراحتها وين معنى كلمة التضحية ؟؟؟؟

الشب جيش وشغل وبيت وسيارة وحرق دم وأعصاب كل ما سمع بسيرة خصبة وعرسان لك حاج طلعو من راسي قال تضحية قال
واختارت مصاحبتك عن مصاحبتهم

واعلم ان احبتك المرأة ستعيش سعادة ابدية

شي طبيعي سعادة ابدية ما دام فرشت بيتها عكيفها وغيرت عاداتك عكيفها وعاشت عيشة عكيفها فليش لتتدايق اصلا ؟؟؟؟

وبتمنى من الأعضاء يتقبلو مروري وشكري الخاص لكاتب هالموضوع لانو تعبان عليه بجد بس ياريت نحنا شباب وصبايا عبعض ومافي داعي انو وقت نشوف حكي الكل ينظر وقلبو محروق وعرفو حالون الي عم احكي عنون مع إحترامي لاراء الكل بس ياريت نحكي بصدق ومصداقية ومنحترم الي كاتب هالموضوع وتعبان عليه حتى نوصل لشي مفيد نتعلم منو مع إحترامي للجميع ــــــــــ

والله حكيك صح يا ايادو وكنت بدي كمل هاد الحكي بس انته بقلبي وكملتو عني
لانو بصراحه ملينا من الحكي المبروظ ويلي من برا لبرا ولازم ندخل بالواقع والحقيقه
والتفاصيل بكل شي .....

اول شي شكرا لكل مين رد ومر عليه

تاني شي حابة علق على كلام متيم فرح
لاني ما كان قصدي بموضوع مجموعة كلام منمق بس انت اخدت الموضوع بجوانب سلبة كتير
لان العشاق قبل ما يفكرو بالارتباط بكون همن السعادة والتوافق مع الطرف التاني
بغض النظر عن فكرتك الي اكترها كانت بتدور حول الارتباط اولا
والشباب يلي بيتسلو تانيا
مو العشاق الحقيقين يلي انا عم احكي عنن

اسمحيلي قلك انو اجباري الحكي بدو يدور عالارتباط لانو الواحد وقت يفكر يفوت بعلاقه جديه وجد عشق فاخرها ارتباط فمشان هيك حكينا كان عالارتباط ..
وتاني شغله للاسف مو شرط متل مو العالم بتقول الشب بيتسلى ياما شباب اكلين مقالب من بنات وهنن جد بحبو والبنت بتحاكي الشب وبتحاكي عشره معه بنفس الوقت يعني النسبه منقسمه بين شباب بيتسلو وبنات بيتسلو...
بس حديثنا كان عم يدور عالشخصين يلي اخدين العلاقه بجديه ومو تسلايه طبعا ..
ومنرجع منقلك الله يسلم ايديكي عالموضوع ...

هلا اولشي مررررحبا
الموضوع عجبني وحلو
بس متيم فرح وستار نازي معهم حئ كمان
مو دائما الشب هو الي بيتسلى
والبنت بشو عم تضحي انا برايي بولاشي
لاتئولولي : انتي ماعشتي ولا ئصة حب ولا بتعرفي شو يعني عشئ
الشباب بيتعبو وبيشتغلو والبنت بتجي مرتاحة مو مطلوب منها غير الطبخ والتربية
اكيد هاد شي مو سهل
بس الي مطلوب من الشب اكتر واصعب
وين المساواة بين الرجل والمرأة
اذا بدنا نساوي مالازم نحط كلشي ع الشب ولاتنسو الجيش والبيت و و وو و

بالنهاية شكرررررررررر ع الموضوع والنئاش كتييييير حلو:محرج:

» فقط للعشاق
» للشباب حصرا وينك ياماما..... يسمح للبنات بالضحك
» نصائح من ذهب