اطلب المساعدة

مرحبا

انا جديدة هون

بدي سجل بامعهد أول سنة بس في كتير أشياء ماني عارفة من وين بدي جيبها

حتى عم ضيع بهالموقع كمان (من كتر الألوان ) فيا ريت حدا يساعدني

و بدي أعرف كتير أشياء عن هدا المعهد

و الأهم من كل هدا الحكي وين لوحة أسماء المقبولين بالمعهد

وانشاء الله ما نكون عم نعذبكم معي

و الكم جزيل الشكر

اهلا ,فيكي نور معنا بالمعهد وهون بالمنتدى
ياريت تقولي شو الاسئلة الي عندك وانا وباقي الاعضاء راح نساعدك انشالله

MBL

وين الاسئلة ؟؟؟؟؟؟
اسماء مقبولين بالمعهد يمكن ما بحطو او ما بعرف
بس فوتي على موقع مفاضلتك وحطي رقمك هنن بحطو شو طلعلك
واذا كان طالع اسمك انو بالمعهد التقاني للمحاسبة والتمويل فبتروحي بتلائي اسمك هنيك
بس بدك الاوراء المطلوبة وبس

قالولي بالمعهد انو لازم شوف اسمي بالمقبولين بالمعهد بلوحة الاعلانات
بس انا ما شفت شي الظاهر انو ما هلاء بتطلع

شوفي هلئ بالمعهد في كتير اماكن منشان تشوفي الاعلانات
او سئلي واحد من يلي عم يسجا انو اسماء المقبولين وين
وانا نازل الاحد عالمعهد بعتيلي اسمك برسالة خاصة هووووون
وانا بشفلك يا انشالله

طيب يعني هلاء التسجيل أكيد بعد 15 شهر 9 و الدوام أمتى يبلش ؟

هلا مشان اسماء المقبولين انا اليوم كنت بالمعهد وقالو انو الاسماء بتنزل يوم التلاتا يعني بعد بكرا بتاريخ 8/9
اما مشان الدوام كمان قالو انو ب6/9 بس طبعا مافي حدا والتسجيل بيبلش ب1/10 تقريبا
واطمنو اذا في شي جديد اكيد ح ينزل وانشا الله نئدر نساعدكون قدر المستطاع

شكرا و انشاء الله ما نكون عذبناك معنا

هلاء طلاب السنة الثانية كمان أمتى ببلش دوامهم ؟
و أمتى ببلشو يعطو محاضرات للسنتين ؟

هلئ ببلش دوامنا على اساس 6 \ 9
بس ما بظن نبلش غير لبعد العيد
بعد العيد ببين معنا كل شي

:شكرا : الك كتير كتير
و انشاء الله تتخرج بدون حمل اي مواد

اليوم بمعهد الميكانيك و الكهرباء قالو انو التسجيل و الدوام بكرة عندهم

يا عيني حاج تحكو عالدوام
يعني الشغلة عقليا ما ببلش ئبل العيد
هوة الدوام بلش بس مافي طلاب ولافي حدا

أي شي بدك ياها يا زهرة شام طلبيه مني أنا بشرحلك كل شي

يسلم ايديك أنا هاليومين نازلة عالمعهد بفهم منهم كل شي
بس كل هالحكي كان من التوتر قبل الدوام
و شكرا الكم جميعا

لا تتوتري ولا عبالك
انتي فايتة عمعهد تباع لوزارة التعليم
مو على مدرسة
يعني ان كان في دوام ما بئثر شي عليكي
ومتل ما حكت نرمينو يعني شو ما بدكون مو بس انتي الكل
منشرحلو تكرموووو

تسلم والله ما عم تقصروا

خلص اليوم الحمد لله اليوم نزلت عالمعهد علشان التسجيل و قالوا التسجيل جاري حتى 10\10 للسنة الأولى

الدوام الفعلي شكل والدوام اللي بحددوه شكل يعني بدك داومي بدون ماتاخدي محاضرات أنزلو من هلأ
لأنو نص الدكاتره والمحاضرين مو موجودين لسا
يعني بدو شوي لسا لبين مايزبطو هالقصص كلها بس خليكم عم بطلطلو عالمعهد بتتسلو شوي وبتاخدو عالجو

لو سمحتو بدي أعرف اذا في مذاكرة ما قدمتها أامتى بقدمها؟
و اذا قدمتها و رسبت فيها بقدمها السنة القادمة ؟
كم رسوب و الواحد بيعيد السنة بكل موادها ؟(انشاء الله ما نكون منهم )

رجاءا يلي بيعرف يردلي خبر بسرعة و بدي حكي أكيد و الكم جزيل الشكر

هلأ اذا في مذاكرة ما ادمتيها راحت للسنة الجاية كان كان لازم تشوفي قبل الفحص بيعملو للمتخلفين عن المذاكرات مذاكرات جديدة

بتقدري تحملي اربع مواد بالسنة
والمواد يلي عاملة فين مذاكرات كلون بتنزل علاماتن قبل ما تقدمي امتحان فين

والسنة الجاية بتعيدي بس المواد يلي مو مرشحة فيهن يعني راسبة بالمذاكرة ومو مقدمة فحص
المواد يلي نقدمة فيها فحص اذا رسبتي فيها لا سمح الله بتقدميها بالصيف بالتكميلي

عفوا انا قصدي اذا ما قدمت امتحان او رسبت فيه كيف بقدمها بالدورة الصيفية او السنة القادمة

لو سمحتو ادا طلع شي علامات خبرونا
و امتى ببلش الدوام للفصل الثاني

اذا كنتي مرشحة للفحص وما أدمتي المادة وأت الفحص أو حملتيا لا سمح الله
فيكي تأدميا بالدورة التكميلية بالصيف بهي الدورة كل المواد يلي حاملينون الطلاب بأدموون فيا
بالصيف بينزل برنامج بيشمل كل مواد الفصل الأول والتاني والطالب بشوف تاريخ موادوا يلي حاملون وبروح بأدمون طبيعي و ما في داعي يأدم طلب
أما اذا كنتي مو مرشحة للفحص فبدك تستني للسنة التانية لتعملي مذاكرة وتترشحي للفحص

بالنسبة للفصل التاني الاسبوع الجاية بيفتح المعهد عالأغلب

ارجو مساعدتكم
اخواني انا مسافر خارج سوريا وانا سجلت عالمرسوم الي نزلو سيادة الرئيس بس هلق سؤالي انا للمستفيدين بالمرسوم لازم ينجحو بكل المواد الي رح يقدموا يعني انا بقيان علي 6 مواد من السنة الاولى لازم انجح بجميعهن ياريت بس حدا يعطيني جواب لانو ماعندي حدا بالمعهد بعرفو وانا كنت طالب من زمان بالمعهد
وشكرا لكم جميعا

» أريد المساعدة
» ممكن المساعدة ؟؟؟؟؟؟؟؟؟؟؟
» ممكن المساعدة من طلاب المعهد؟؟؟؟؟؟؟؟؟؟