موضوع خطير جداًاًاًاًاً

أنا بدي أسأل سؤال من موضوع كتييييير مهم وكل مالو عم يكبر ويتفرع ولازم نتناقش بهل موضوع ونعرف أسبابه مشان ما نوقع فيه ونتعلم من أخطاء غيرنا السؤال هو...........
أنو شو اللي بخلي الشباب او البنات يغلطوا بكتير أمور مثلاً شو اللي بخلي الشباب تنحرف او تعمل شي غلط متل السرقة او القتل او الادمان او .....................؟؟؟؟؟
بتمنى كل واحد يفكر منيح ويعطينا الجواب لنتناقش بالموضوع
الحق على مين برأيكم ؟؟؟؟؟

زائر

هلا اذا شب سرق او قتل او ادمن او عمل اي شي فانا براي انو السبب تربية اهلو هي العامل الاساسي
العامل الثاني هو لبيئة يلي بيعيش فيها
العامل الثالث هو رفقاتو

موضوع مهم كتير مشكورة نوارة الشام

والله أنا برأي قريب لرأي عبد.
يعني أنا بظن أنو بهاد الوقت تيارات الفساد الاجتماعي ما في أكتر منها يعني بس واحد ينوي الشر بتلاقي مية أيد ساعدتو بهالشي..
يعني اذا ترباية الأهل غلط ومو دائما هي السبب ..
الواقع الاجتماعي إن كان فقر كبير وغنى كبير..
الرفقة هي الأساس برأي ..
موضوع حلو وأكيد في كلام كتير بس هاد يلي طلع معي ..
تقبلي مروري العقــــرب حيدر

موضوع: هام الإثنين سبتمبر 07, 2009 9:58 am

نا رايي قريب من رايكن بس بحب ركز على عدة عوامل هي (برأيي) اسباب الانحراف
1 ـ تراجع دور الأُسرة
2 ـ تراجع دور المدرسة
3 ـ ضعف الوازع الدينيّ
4 ـ وسائل الإعلام
5 ـ الفراغ والبطالة
6 ـ قرنـاء السـوء
7- الجـهل
8-الفقر الشديد والثراء الشديد
9- الحرية العمياء

وشكرا كتير على الموضوع المهم والراقي نوارة الشام ...تقبلي مروري

موضوع حلوووو
هلئ في كتير اسباب لهشي والاول والاهم هوة الرفئة
يعني الاصدقاء متل ما بئولو الصاحب ساحب
وطبعا الاهلي بس برأي بيجو المرتبة التانية
لانو احيانا بتلائي الواحد بيسمع لرفيئو اكتر من اهلو
مشكوووورة نوارة
الموضوع ينقل للمكان المناسب ......................

انتي ذكرتي اكتر من مشكلة (سرقة ومخدرات القتل و..)
وكل واحد بينعد موضوع بحالو والاسباب كتيرة وكبيرة
بس فيني الك اهم سبب هوي غياب الرقابة من الاهل وعدم المبالاة

وانا برأي متل رأي الكل
الاهل والرفقا
بس اول شي الاهل هنن اهم شي من وئت ما يكون صغير

والصاحب ساحب كمان متل ما قال عامر

بس كمان على حسب نفسية او شخصية الواحد

يعني في عالم بنوووب ما تتأثر من يلي حوليها

وفي عالم كتير يلي بيتأثرو
وانا كمان مع لوورد بحكيوو
ومالح ارجع عيدوو

موضوع كتيير حلو شكرا نوارة لازم نتناقش عليه

شكراً كتيييييييييييير على ردودكم الحلوة
هلء أنا برأي أتنو السبب لأغلب الشباب انو ينحرفوا انو ما عم يلاقوا شي يسعدهم بهل حياة يعني يا اما الاهل بكونوا متشتتين او ما بكونوا هنن الاسرة يلي خرج انو الولد يتكل عليهم
والسبب الاهم هو الفقر هاد اكتر سبب عم يخلي الشباب تنحرف انوالواحد عم يفيق عالدنيا يلاقي حالو عايش بفقر ومحروم كل شي وفوق كل هاد احياناً بلاقي اصحاب الاموال عم يعاملوه بطريقة مو منيحة فبالتالي بدو ينحرف
او الظروف والمجتمع بيجي كلو عليه وكل الناس بتجي ضده لسبب ما فهو ما رح يلاقي بوشو غير الطريق الغلط
وبعدين بقى بيجو رفاق السوء ببلشو يلعبوا دورهم
يعني المختصر المفيد انا ما بحط الحق على هيك شباب ابداً لأنو كل اللي عملوه مالهم دخل فيه جبرتهم عليه الظروف والقسوة والاهل

الكلام حلو
بس والله عزيزتي نوارة الشام
آخر جملة الك حسيت
كانك عم تعطي مبرر لهيك تصرفات يعني طيب
هو الشب انظلم وفي ناس غلطت بحقو
بس الله خلقلنا مخ لنفكر في ونعالج الخطأ بصح
مو الخطا بخطأ
اما ليش هيك شغلات عم تصير فانا بركز على دور الاهل طبعا وبعدين على قناعة الشخص
وبعدين تأثير القرين من الصديق او الصديقة
بس اذا العامل الاول الاهل يعني كانو مراقبين صح ومربيين صح
بنظري ما في داعي لهيك اخطاء
مشكووووووووووووورة نوارة طرحك حلو والفكرة لازم كانت تنطرح
حطيتي ايدك عالوجع

انا مالي عم اعفيه من الخطأ بس انا عم بررله بأسباب واقعية وما بدي انو الظروف تكون قاسية على هالشباب لانو الشب بهالعمر بكون بحالة عدم استقرار ومستعد يلحق اي بصيص نور طبعاً بصيص النور هو هاد الغلط برأيه

ما هو الإدمان؟
الإدمان حالة مَرَضية من الاعتماد النفسي والجسدي على مادة تحتوي عناصر مسكّنة أو منبّّهة، وهاد الشي بعود للاسرا وللمجتمع يلي عايشين فيها الشباباو البنات
الكمبيوتر
الإدمان على الكمبيوتر بحسب الدكتورة فيصل «يصيب الكبار كما يصيب الصغار ويشمل الذكور والإناث، والمدمن على الكمبيوتر يهمل نشاطاته الأخرى ويسخّر كل وقته للجلوس أمام الشاشة فيقع في دوّامة تحمله على الهروب من الواقع ليعيش في عالم معلوماتي خيالي (كألعاب الڤيديو أو الألعاب الإلكترونية).
والكمبيوتر ايضا هية من العوامل الهامة بلالدمان وقلو علاقة بالنحراف اذا ما الواحد عرف يستخدمو لشي منيح
اما السرقة فانا بشوف انو من التربية الاخلاقية عن الشباب والبنات يعني متل مابقول المتل مافي دخان بلا نار
وبشكرك يا نوارة على مواضيعك الحلوة

هلق الانسان هوي يلي بيختار الطريق ولكل شخص لازم يكون الو مرشد يوجهو عالطريق الصح مو شرط هاد الشخص يكون من سيد او نكون نحنا عبد لالأو لا عال على العكس تماماً لكل شخص عظيم واديب كان الو متل مأدب او مرشد يوجهو
وهلق منشان الاسباب كتيرة بس ما رح اذكرها لاني اكيد رح عيد شي كتير من يلي زكروا الشباب والصبايا بس بحب ضيف انو الفقرابدا ما كان سبب للأنحراف ولا حتا الغنا لانو الفقر والغنى مو مقياسس للأنحراف
بعدين ممكن انو آنسة رياضيات تتجوز من حرامي أكيد رح يطلع الولد شبه منحرف ههههههههه آسف بس اذا نظرنا عالمثال هاد رح منلاقي انو اكيد الشخص رح ياخد من الاهل بس كمان لكل شخص الو عقل بيشتغل بطاقة بتختلف كلياً عن اي انشان تاني وشكرا فيني احكي لبكرا بالهلموضوع بس بكفي مبدأياً
شكرا لهمناقشي

من زمان ما سمعنا رأي حدا

? اي والله بس ممكن توضيوح أكتر وسمعونا رأيكون هههههههه

شو يعني؟؟؟؟؟؟؟

والله أنا رأي أنو بترجع لقابلية الشب ع الانحراف يعني في شباب بيكون أهلن مسيبنهن ومضينهن وبتلاقيهن متفوقين بدراستهن ومتفوقين بحياتن
يعني السبب الأول والأخير إذا أنا عندي قابلية لانجرف وراء أي شي بيمر من جنبي وبعدين رفيقي هو بيأثر فيني
يعني بشوف رفيقي عم يدخن بصير بدخن متلو من دون ما أعرف شو بساوي الدخان بحياتي

يعني مو كل شي لازم نعملو لازن نحط اللوم ع أهلنا لأنو أهلنا بالأول وبالأخير بدهن مصلحتنا مو هن يلي ح يدفشونا لنعمل الخطأ
طبعاً هذا مجرد رأي

شكراً لمرورك

والله انا براي المجتمع بيلعب دور اكبر من دور الهل ولا الشب بالنسبة للانحراف
لانو اذا انا معي مصاري ليش لاسرق هلا اوكي بيجوز لو معي مصاري اسرق بس نااااادرةوبالنسبة للادمان اي يمكن قابلية الشب بتلعب دور او ظروفة لانو المبسوط ما بتعاطا غالبا

» مشان موضوع اللغة الاجنبية لطلاب السنة الثانية ومشان موضوع التقديم من 100
» مرض خطير جدا ً........احذروه
» فيروس خطير جدا يستهدف 120 دوله