* بكلوريا وجامعات وعوجة * عوجة *

عندما تســــأل أي والد عن مصير ولده بعد صدور
نتائج الشهادة الثانوية ( البكالوريا )

وفي حال كان الولد جايب علامات بتسود الوج
أو
ناجح تشــــــــحيط
( هادا إذا كان ناجح كمان )
* بكلوريا وجامعات وعوجة * عوجة * 111748

ســــــيجاوب الوالد ومن دون تردد :

ســــجلناه بدورة انكليزي و دورة كمبيوتر
وبشهرين زمان
راح نلاقيلو شي وظيفة بشي شركة من هالشركات المرتبة .
* بكلوريا وجامعات وعوجة * عوجة * 39458

يا عيني

وعلى هذا المنوال ... يبدأ المشوار في حياة أي شاب ( أو فتاة )
لم يستطع دخول فرع من فروع الجامعة .

وبالتالي :

يبدأ بالملاطشة والتخفيق من معهد لمعهد , ومن دورة لدورة

حتى يصبح بعد أقل من نصف عام ( بنظر أهلو والعائلة الكريمة )

أهم متــــــــرجم فوري للغة الانكليزية
وعـــــــــالم في علوم البرمجة والصيانة والتصميم والشبكات ...
وبالتالي سيكون بالنسبة لهم ( فردة ما إلها اختها ) و وجه السحارة

وستتهافت الشــــركات والمكاتب عليه , لكي تستفيد من علمه وخبرته
التي كونها من خلال ترجمته
لإحدى قصص الأطفال ( تبع أخوه الصغير )

أو مســــــاعدة أحد الأقارب في تطبيق كمبيوتر له وتنزيل البرامج عليه .

وعندما يتم السؤال عن اسم معهد اللغة

ســـــيأتيك الجواب : المدرسة الأمريكية , وإذا بتلحق القصة منيح
ستجده يدرس في معهد دار العلوم للغات والكمبيوتر

أما إذا تجرأت وسألت عن ما يعرفه في مجال الكمبيوتر .. ولييييي ..

عد الدورات على أصابيعك ( إذا كفو ) :

-دورة ويندوز 98 و اكس بي و انترنت وايميل
و وورد و ايكسل و صيانة و فك وتركيب و ماوس وشاشة وماسحات ضوئية وطابعات ... و ... و ... الخ

وطبعا هدول كلوهون بيكونوا بدورة واحدة ومكثفة
وبألف ليرة
وليرة مع إمكانية الإعادة مجاناً للشخص إلي ما بيفهم وما أكثرهم
( حاشا القارئين )

و طبعا في معهد المأمون للحاسوب سيكون العرض مغرياً
لأنهم سيعطونك دورة مجانية في الفوتوشوب والرسام

ولف المحركات والسندويش

وســــيكون في أثناء ذلك قد قام بطبع كروت باسمه للتعريف
على أنه ... آينشتاين زمانو

وطبعا سيكون قد قام أيضاً

بســـلخ إعلان في أكثر من وسيلة إعلانية على أنه مستعد
لإعطاء دروس خصوصية في كل المجالات .

وبعد انتهائه من الدورات سيخرط لنا سيرة ذاتية باللغة الانكليزية
( بكون شي حدا عامللو إياها )

مكونة من عدد من الأوراق شاكك فيها كل ما يخطر على بالكم
من الدورات التي تم ذكرها ( مع رشة بهارات ... للنكهة طبعاً )

لينشــــــرها في شـــركات ومكاتب البلد باحثاً بذلك
عن المكان الذي سيفجر فيه مواهبه الخارقة .

وبعد عدد من الوسايط ســـينجح في الحصول على الوظيفة
وبغض النظر عن الوظيفة
وباقي مسيرة حياة هذا الشخص الناجح ( جداً ) .

ســــنجد أنفســـــــــنا أمام عدد من الأسئلة
التي لا جواب لها
إلا

الهز بالرأس ( وغير شي ) :

شو سر هالانكليزي أو الكمبيوتر بها البلد ؟؟؟

ولك , بس بدي افهم , مين هادا إلي فنن هالتفنينة ؟؟؟

و ليش العالم مفكرة
إنو كل الشغلات المرتبة هي بس انكليزي و كمبيوتر ؟؟

ومفكرين إنو إذا بتجيب حمار ( أجلّكم ) وبتعلمو دورة كمبيوتر
بيصير ( بيل غيتس ) ؟؟؟

ألم يصبح موضوع الإنكليزي و الكمبيوتر مرض منتشر في كل مفاصل المجتمع ؟؟

كل شي زاد عن حدّو انقلب ضدّو ... مو هيك يا جماعة الخير

بدي اطرح سؤال هون :

هل برأيكم أصبح تحصيل الشهادة الجامعية عمل ثانوي ( وبلا طعمة )
أمام تحصيل شقفة ورقة مختومة من معهد صاحبو ما معو يمكن شهادة بكالوريا ؟؟

من بعد إذن شوارب الشباب .... وكحل عيون البنات

أنا راح افلت وجاوب ... لهيك ما حدا يمسكني

طبعا التحصيل الجامعي ... سوف يتحول إلى عمل ثانوي
بلا طعمة وبلا ريحة

لأن المشكلة تكمن في مسارين .... لا وادي بينهما :

لنتوجه إلى جماعة ... الجامعات الحكومية
* بكلوريا وجامعات وعوجة * عوجة * 726605

أول شيء سيصطدم به رأسك ... هو منهاجك الحزين ... الذي يقف على أطلال ليلى في العصر الجاهلي

يرندح و يقول : أنا لحالي ... يا ناس عوفوني لحالي .
* بكلوريا وجامعات وعوجة * عوجة * 14917

منهاج ... والله العظيم طلعت ريحتو ... ( وعلى كش دبان وقمل يا معلم )

لهيك بتلاقي ... طالب الجامعة
... مطبل بالدنيا ... مزمر.. انشا الله ... للآخرة ...
* بكلوريا وجامعات وعوجة * عوجة * 57751

ويا عيني ... على دروس النظري ... أصلا الأساتذة ...
... رب النظري والتنظير الشعاعي ...
... و لن تعرف أيها القارئ أين راسك من رجليك ...

والأحلى من هيك ... إذا لم تظهر للأستاذ ... أنك تعمل ...
مسيح بويا ل**** ... ما تحلم .. تنجح بالمادة

و شوف كيف بدك ... تظبطها ... و وقتها ما عندك إلا حلين : لا عاشر لهما

يا واسطة

( يعني تلاقي حدا بمون عليه ... مو راس كبير ... أوعا ...
انتبه .. لأنو الدكتور ... راسو أكبر وما بيجيه حدا من فوق ...
ولأنو معو حصانة وفرس ... والخ )

أو عليك الالتزام تحت شعار :

( ادفع بالتي هي أحسن )

والأكثر من ذلك ... أنك تجد كل طالب
ليس له أية علاقة بالفرع الذي يدرسه

يعني مثلا : طلاب الأدب الإنكليزي ... إشتهيت لاقيهم
عم يحكوا مع بعضون ... إنكليزي ... يا سيدي لو تلطيش رضيان ...
متل أخوانا الهاي كلاس

مثلا بقلك .... واحد هاي كلاس يا خي :
بكرا أنا بشوفك .... بالويك اند .

ويك إند وتعني (نهاية الأسبوع ) أي ( العطلة )

والله منيح التلطيش .... باللغة ... مو أحسن من العدم .

أو شو بدي احكيلكم عن جماعة السيوف العربية

طبعا قصدي طلاب هندسة العمارة ... والله شي بهوي ...
... و كما تعرفون ...
أن أهم شيء لتنال شرف حمل السيف العربي
هو ...مجموع الشهادة الثانوية .... و اجتياز فحص المقابلة بنجاح...

وفي هذا الفحص ... يتم امتحانك عن طريق الرسم

ولما تنجح هالعالم .... بتقول .. يا الله ... قديش هالطلاب رسامين
لحتى نجحوا بفحص المقابلة ... وهنا يقع قطرميز المكدوس على رأسك
* بكلوريا وجامعات وعوجة * عوجة * 998868

لتكتشف أن الأغلبية السحاقة قد نجحت لأن لديها واسطة
من ..... ؟؟؟ ....... وحتى آذن الجامعة ...والذي يعتبر
( مفتاح كل بابٍ عسير )
* بكلوريا وجامعات وعوجة * عوجة * 389911

طبعا بعتذر من الكل .... لأنو مو فاضي اذكر ... كل الأفرع ....
و لأنو مليت ... صراحة من طلاب الجامعات الحكومية .... ولأنو بدي نط ما رح انتحر لا تخافوا

لطلاب الجامعات الخاصة
* بكلوريا وجامعات وعوجة * عوجة * 502735

( وين رايحين ... مو معقول نحكي على الجامعة الحكومية
.. وما نحكي عليكم ... تعوا لا تخافوا ) :

طبعا نجد أن الجامعات الخاصة ... أفضل بكثير من الجامعات الحكومية

من حيث المنهاج والكتب المعتمدة ... ومخابر التجارب ...
والعمليات التفجيرية
... وما إلى هنالك ... من أدوات ومعدات .

بس يا خسارة هيك ... تجهيزات ... بهيك طلاب ...

لأنو
* بكلوريا وجامعات وعوجة * عوجة * 46766

كل طالب ... ما عم يعجبوا العجب ... و ليش ؟؟؟؟؟

لأنو... ياي ... المنهاج .... وساعات الدراسة مكثفة ... ومملة

أكيد مملة طالما ... أنك تعودت أن تقضي معظم ساعات نهارَك أو نهارِك

بالسيارة والتشفيط

أو بالزيارة الدائمة ... لمحلات الأزياء و المكياج

و بآخر السهرة
... بالقهوة ... وعلى ضحك ونارة يا معلم .

والأكثر سخريةً.... أن الأغلبية ... لا تعرف ... سبب انتسابها ...
لهذا الفرع أو ذاك الاختصاص ... قصدي تحت عنوان :

راح نقي الاختصاص ... الأشد طرباً في اللفظ

يعني عندك مثلا : علاقات دولية و دبلوماسية :

أي والله ... أنا لما ذكرتها ... حسيت حالي موظف بالخارجية
أو سفير بالأمم المتحدة الاستعمارية .

لأنو أنا بفهم ... شغلة مهمة ...
طالما أنك يا ابن الطبقة المخملية ... والصحون الألماسية ...

و طالما أن المادة لا تعني لك شيء
وأن الدروب ميسرة أمامك
وما عليك
... سوى الانتقاء والاختيار ...

فلماذا لا تختار ... فرعاً أو اختصاصاً ... يمكن أن تبدع فيه ...
متل الخلق والبشر
...هل من الضروري ... أن يكون اسمه يلمع ...

وليس كل ما يلمع ذهباً

والعلة الأهم .... الموجودة في كلا الجماعتين الحكومية والخاصة

أن كل طالب تجده يمسك الكتاب ...
وفي خبايا نفسه اكتئابٌ لا بعده ولا قبله اكتئاب
يمارس طقوس دراسته وحفظه .... لدرجة ترى الكتاب يناجي ويقول:
* بكلوريا وجامعات وعوجة * عوجة * 733945

احموا أوراقي من هذا الاهتراء
فقط من أجل أن ينجح في الامتحان ... انشا الله تشحيط
* بكلوريا وجامعات وعوجة * عوجة * 733945

يا أخي الطالب طالما أنك تمارس طقوس الحفظ والاستعباد
على هذا الكتاب ...
افهمه بطريقتك .... لعله يرسخ بعقلك ...
ولن تنساه بعمرك ... و لتستفيد منه بحياتك .

ولكن عبث.

والأحلى من هاد كـــــــــلو :

هالمنهاج .... إلي عندو .. وكأنه أحد الكتب السماوية المقدسة .

وأنه من الكفر والإلحاد ... أن تخرج عنه .

يعني :

اشتهيت ... شي حدا عم يدرس فرع معين ... انو يطالع بهالفرع
من خارج
موجودات الجامعة .

كأن يتعرف على آخر تطورات هذا الفرع
أو يقرأ أي كتاب ... متعلق بفرعه
... بس عبث ...
... كل واحد بقلك ...

يا ريت خلِّص إلي عندي .... لحتى اتثقف ... واطلع فهيم .

طالما هالطاسة ضايعة .... وهالطلاب مشتتين ...

بدي اسأل سؤال تاني :

هل المقارنة صحيحة من قبل الشركات والمكاتب ...
بين حاملي الشهادة الحكومية وبين حاملي الشهادة الخاصة
وبين حاملي شهادة معهد المأمون؟؟؟

أريد أن أختم المقال... بالجواب عن آخر سؤال
لأردَ
... بردٍ مقنعٍ ليسَ عليهِ أيُّ غبار ...

العالم في الخارج .... يختصون في اختصاص الاختصاص

ونحن والحمد لله ... نختص ... أن لا نختص بشيء

وكــــــــــأن العــــــــــــــــــــالم
... لا يخصنا ...
لا من اختصاص بعيد ولا اختصاص من قريب .

وبالمشـــــــــرمحي :

أنَّ أيُّ CV أو ما يدعى بالسيرة الذاتية
لأي شاب يجب أن تكون ممتلئة بالخبرات والشهادات ... والخ
حتى يتم قبوله بأي وظيفة

أما عند الفتيات ... فيكفي أن تكون الفتاة نفسها ممتلئة
( بأي شيء عدا ما تم ذكره )
لتنال الوظيفة بجدارة وبدون حتى أن تتقدم بـ CV

غرييييب ؟؟
* بكلوريا وجامعات وعوجة * عوجة * 39458

.
.
خالص أنا , والمقال
.
.
و عوجة.
.
و ســــــــــــــلام.
.
و بشوفكم بهزة بدن جديدة.
* بكلوريا وجامعات وعوجة * عوجة * 951187

( العبد الحقيقي ... هو الذي لا يستطيع أن يعبر عن رأيه بحرية )

* بكلوريا وجامعات وعوجة * عوجة * 337733

تحياتي للجميع

أوووووووووووووووووووووووووووووووووووووف والله الهييئة الحكي طالع من حرقة قلب..
والله أنا معك بأغلب يلي مكتوب ...يعني بظن أنو ثقافة مجتمع بالكامل بدها تغير..
ألف كشر عالمساهمة

له له له الله يسامحك نحنى منعجبك ومنعبي العين

يا اخي كلام نظامي
يعني غريب الشباب مو معلقين عالموضوع
بجوز من العجقة ما انتبهو
بس والله للصراحة الموضوع
مبين انو طالع عن حرقة قلب
ولازم يصير هيك نقاش
انا بالنسبة الي سالت حالي هالاسئلة وصفنت اكتر من مرة
بس عنجد يا اخي عوجا
او بالاحرى زي ما انا بقول بالعادة الدنيا مقلوبة
بس تجلس كل شي بيجلس
مشكوووووووووووووور حب

عنجد حلو ة كتير وحرام ينحذف بس مو هون مكانه للأسف
بس ما امحي ولح انقلو

مرسي

ما حدا عم يعلق لأن ماحدا بدو يواجه حالو

» الفرق بين جامعات الامارات وجامعات سورية--بالصور