البيئة في خطر

يمكن نحنا مو حاسين بالخطر يلي عم نسببو للبيئة أو يمكن ما منعرف شو هو هالخطر أو منعرف بس مطنشين كالعادة.
ويمكن اغلبية الناس ما بيعرفو انو مثلا إذا كبوا محرمة بالطريق بيكونو عم يأذوا البيئة , ليش؟ لأنو إذا كل واحد كب محرمة بالطريق (وبيقول : اي كلا شئفة محرمة ) عدّو بقا كم محرمة بالطريق , وبيّطّروا الزبالين يلي ما حدا ملتكشون وماحدا معبرون انو ينضفوا الشوارع من وسخ غيرون ,يعني والله عيب, العالم وصلت عالقمر ونحنا ما عم نستوعب كيف نكب وسخ بالسلة. بقا عرفتوا ليش؟ و غير يلي بكّبو بالنهر (نهر باب توما مثلا ) وبكّبو بالجناين مع أنو السلة قدامو و حاطين بكل مقعد سلتين مو وحدة بس للأسف سلل الزبالة عم تلمع أكتر من الأرض ومع هيك شو بيقول الأخ معقول أنا كب بالسلة شو وين عايشين نحنا بأوروبا؟) لأ عايشين بسوريا .وبكّبو وبكّبو وين ما صحلون بكّبو ما عدا سلة الزبالة. هدا سبب من الأسباب يلي بيأذي و بضر بالبيئة و في أسباب كتير متل الدخان يلي ما عم نلاقيلو حلة بس هو في 100 حل : مثلا هون بالشام شو أكتر شي بيضر بالبيئة ؟ طبعا الدخان قصدي دخان المعامل والمصانع والسيارات طيب مو ضروري نلغيون أصلا ما فينا لأنو صارو من اساسيات الحياة بس نخففون , يعني مو ضروري إذا بدك تروح تجيب غرض تروح بالسيارة روح مشي أو بالبسكليت بتوفر على حالك وبتنشط جسمك وما بتأذي البيئة هدا مثال من الأمثلة. وفينا نحد من التلوث عن طريق العرق الأخضر قصدي إذا كل شخص زرع نبتة أو شجرة يعني حسبوا سكان سوريا عشرين مليون يعني عشرين مليون شجرة أو نبتة جديدة هدا بيكفي لحتا يحد من تلوث مدينة بكاملا .
وفي كتير حلول للحد من تلوث البيئة والأحتباس الحراري و أكيد الكل بيعرفا وبتمنا اتطبئوها.
مشان هيك خلونا كلنا نبلش مع بعض لحتا ننسا هالمشكلة ويصير التلوث من ماضينا .
وشكراً

واخير واحد نبه الى الموضوع الي احنا به والخطر الي عم يلحق بنا من كل جانب ونحن واقفين في نفس المكان

لك والله كبير يا أبوالجوج وانا خلص التوبة ماعاد كب شي بالطريق لأن إلي عادة كب بالطريق

عنجد

شكرا على الردود
بس بالنسبة بدي قول لـــ NaBeELoOo يعني بتكون كتير جنتل اذا شافوك العالم عم تكب محرمة بالطريق ؟
بالعكس بتكون جنتل اكتر و بيحترموك العالم اكتر اذا كبيت المحرمة بالسلة
وبالمناسبة اي انا ما عندي هم غير البيئة و مالح اتراجع ابدا عن موقفي وبالعكس
وشكرا على التعليقات

شكرا على الردود
بس بدي قول لـــ NaBeELoOo يعني بتكون كتير جنتل اذا شافوك العالم عم تكب محرمة بالطريق ؟
بالعكس بتكون جنتل اكتر و بيحترموك العالم اكتر اذا كبيت المحرمة بالسلة
وبالمناسبة اي انا ما عندي هم غير البيئة و مالح اتراجع ابدا عن موقفي وبالعكس
وشكرا على التعليقات

a;vh
شكرا