سؤال للشباب ..&.. وسؤال للبنات...؟؟؟ الصراحة

سؤال للبنـــات..والأخر للشبـــاب
<< بكل صــراحه

اسئــله أعجبتـني نقلتها لكـم من منتدى

واتمنى منكـــم الاجابه بكــل صــراحــه

سؤالى للبنات ؟

هل تفضلين الزوج بصاحب المال والثراء ام الزوج

صاحب الحب والحنان حتي ولو كان فقيرا ؟؟؟

: سؤال الشباب:

من تتمني الزواج منها --- صاحبة القلب الحنون

والحب الجارف ام صاحبة الوجه الجميل الفاتن ؟؟؟

سؤالى للجميع ؟؟؟؟؟؟؟؟؟؟؟؟

هل.........?

تفضلون الزواج بالطريقه التقليد يه أم عن قصه حب ؟؟؟؟؟

الموضوع مطروح للنقاآش

تقبلوو تحياتي
اليتيم>ومشووورين سلف<

انا فضل صاحب الحب و الحنان
لانو بالحنان يمكن تجيب المال
اما المال ما بيجيب الحنان

زائر

اكيد صاحبة القلب الحنون
لأنو الجمال مو كلشي بهالدنيا
مشكور خيي

انا مابقدر اتزوج صاحي المال بلا حنان ومابقدر اتزوج الحنون بلا مال

موضوع رائع لماذا لا ينجمع صفتان بان واحد
اليس من الممكن
باعتقادي ممكن
باعتقادي انا
المال كل شي في هذه الحياة لكن المال لا يدوم
تصور تزوجت شخصا فقيرا بعد برهة من الزمن اصبح غنيا اسيظل الحب على حاله لا اعتقد
اسيظل الحنان لا اعتقد
ليس خلافنا هنا بل خلافنا ماذا بعد
باعتقادي الطبقات الاجتماعية مختلفة اذا تزوجت فئة غنية من فئة فقيرة سيكون هناك اذلال
طرف سيربح واخر خسران لا محالة المال لاشيئ باعتقادي
حدثت معي حاثة طريفة باعتقادي
كنت قد سئمت من حياتي بان واحد طلبني شخص غني عمره60 عاما واخر فقير26 عاما صار هناك مقارنة ابلغت الشاب الفقير بما جرى اتدرون ماذا قال لي قال تزوجيه
وبعد وفاته انا من سيتزوجك
لم ارضى بكلا الطرفين لان كلا الطرفين موت بكل معنى الكلمة
هذا راي
قد طولت عليكم
تقبل مروري

MBL

مشكووووووووووور ع الموضوع حبيب
هوي شرط نتزوج ليش ؟؟؟

زائر

هلق مشكور شريك
والله يا نور هاد الشب اللي طلب ايدك زكي هههههههههه
هلق شريك انا ما رح جاوبك عن حالي بس رح جاوبك عن الكل تقريبا
نسبة كبيرة من الشباب رح يفوتو و يقولولك بدنا وحدة قلبها حنون لانو الجمال مو كل شي
و بنفس الوقت البنات معظمهن رح يقولو بدنا شب فقير بس يكون حنون و بيحبني لانو المصاري مو كل شي
يعني رح تكون اجابات نموذجية بكل معنى الكلمة
و انا برأيي هيك مواضيع غير قابلة للنقاش لانو مع احترامي للجميع
برأيي ما حدا رح يفوت و يكتب الحقيقة انا بعتذر من الكل
طبعا و انا أولكن

زائر

هلئ انا مع محمد إنو كتار رح يجاوبو أجابات تموذجية
يعني الشي يلي بيشوفو صح
بس مو بالضرورة كلشي منشوفو صح نعملو

هلئ انا بصراحة ما رح أحكي بالمثاليات وقول إنو القلب الحنون هو كلشي بالنسبة إلي
لازم يكون في قدر معين من الجمال
أنا مع بيت الشعر يلي بيقول
ليس الجمال بأثواب تزيننا ....إن الجمال جمال العلم و الأدب
وهون بحب أكد إنوالجمال معيار نسبي
يعني انا ممكن حب بنت بنظر العالم كلو بشعة بس بنظري ملكة جمال
بس مو ممكن حب بنت بنظر بعض الناس حلوة و بنظري مو حلوة
أبدا ما رح أقدر حبها و كمل حياتي معها
لازم شوفها بعيوني حلوة

بالنسبة للزواج ما بفضل الطريقة التقليدية أبدا
انا بس حب بنت او أعجب فيها
ببعت أهلي بيروحو بيخطبوها
بس مو روح أفتل عالبيوت متل يلي عم يدور عشي سلعة ليلاقي طلبو
هي مستحيل أعملها

مشكووووووووووور عالموضوع
يعطيك العافية

موضوع: الجواب الثلاثاء ديسمبر 29, 2009 7:33 pm

اولا المراة الحنونة والزواج بطريقة تقليدية

يا سيدي انا بدي التنين

وهلق مشان الزواج
مو غلط بالتنين كمان
يعني الطريقة التقليدية ما بها شي يعني عبتثبت انها الطريقة الصحيحية للزواج
والزواج عن حب
احلى واحلى
تشكرررررر

سؤال للشباب ..&.. وسؤال للبنات...؟؟؟ الصراحة Aa11

سؤال للشباب ..&.. وسؤال للبنات...؟؟؟ الصراحة Aa11

اكيد صاحب الحب والحنان كتيررررررر منيح وحلو
بس كمان ليش ما يكون ثري مو ثري لدرجة معو مال قارون
بس يعني ماشي حالو
بس والله اذا انا حبيت واحد وبموت فيه وتعلقت فيه وكان فقير ما بتركو حتى لو كان فقير
ج 2
الطريقة التقليدية اذا اتعرفواعلى بعضون و اتفقوا وحبو بعضون ليش لا منيحة
واذا عن حب احلى واحلى متل ما قال الزميل نبيل
شكراا

زائر

مشكوووووووووووووووور عالموضوع
بتمنى بس يكون فيه صفة الصدق والاخلاص لانو ما صفي حدا بايامنا هي هيك

قلب حنون قال

زائر

اكيد و100 اكيد
صاحبة القلب الحنون
والحب الجارف

لانو لما هيك بتكون بتنسا انت الصفات يلي مو حلوة فيها
ومع انو هي مو حلوة بس بتصير بتشوفها احلا وحدة بهي الدنيا

والجمال الخارجي برأي انا مو اهم من الجمال الداخلي
بس اذا اجتمعو مع بعضهم
تمااااااااااااااااااااااااااااااااام

انا بفضل الزواج عن قصة حب بس ما بعرف ليش بيقولو انو اذا كان الزواج على هي الطريقة بيكون فاشل على الاغلب

شكرا كتير على الموضوع ويلا شباب ردو لنشوف آراكم

والله بدور عالجمال الداخلي اولا بعدين بدور عالجمال الخارجي
وماعندي مشكلة بالزواج التقليدي بس فترة الخطوبة لازم تكون طويلة والحب بجي

حكينا بصراحة يا شباب معقول ما في حدا يفضل صاحبة الجمال الخارجي....؟

يعني إذا خيروكن بين نانسي عجرم و جارتنا فهمية بتختاروا ..........جارتنا

هاهاهاهاهاهاهاهاهاها................................لا عم أمزح

بنت الجمال الداخلي أكيد.....................................؟

و الله البنت كيف ما كانت حلوة بس ما تكون نكدية أو هبلة ..........................................ولي

...................؟؟؟؟؟هاهاهاهاهاهاها

زائر

طب ليش بتسأ لو لبنات عن لمال ولشباب عن لجمال مع أنو وبيناتنا لكل بهمه لتنين بس بنسب متفاوتة

وبلنسبة ألي بدي من كلشي كفايتي مع أنو بعرف صعب

وبلنهاية أكيد لحب أهم شي ومعو ممكن نغير كتير قصص كنا متمسكين فيها

مممممممممممم والله يا اليتيم سؤال بدو تفكير يعني اغلب البنات بقولو انا باخد الشب الحنون مع احترامي للكل بس وقت بجد الجد وبصير في مال بالموضوع رح ينسو الجانب الاهم ويلي هو الحب والحنان وانا عم احكي عن اغلب البنات مو كلون وكمان نفس الشي للشباب يعني كمان اغلب الشباب اكيد بحبو المظهر الخارجي للبنت مافي شب والا بحب تكون شريكة حياتو حلوة
بالنسبة الي انا بفضل يكون حتون وبحبني بس بنفس الوقت يكون مرتاح ماديا يعني مو فوق الريح بس يقدر يعيشني ويعيش ولادي ولو عيشة بسيطة بس نكون مرتاحين ومانحتاج لحدا
يعني الصراحة خلينا نكون واقعيين شوي الحياة صايرة صعبة كتير ومطلباتها كتيرة والمال ضروري بهالزمن بس الضروري اكتر من المال لتكون العلاقة الزوجية ناجحة هو الحب اكيد يعني اذا البنت اخدت شب على مالو وغناه ومافي حب بالموضوع وتزوجو وبعدين فلس اي وبعدين طلعت خسرانة من كل النواحي لا مال ولاحب
الصراحة هالسؤال هاد ماحدا رح يقدر يجاوب عليه لحتى يجد الجد لانو وقتها رح تتحرك العواطف ورح تكون البنت مضطربة بعواطفها ومالها مرتاحة بتفكيرها شو تساوي وشو تعمل توافق ولا لاء وكمان نفس الشي للشباب مو متل هلق هلق البنت مرتاحة نفسيا فطبيعي تقول الشب الحنون ومابهمني المال والشب يقول بهمني الداخل مو الخارج
ولازم ماننسى شغلة مهمة كتيييييييير انو المال بعمرو مابيشتري حب حقيقي وبالمقابل الحب بهالايام مابكفي يعني والله المعادلة صعبة كتير ومتل ماقلت مابتنحل المعادلة ليصير الجد بهالموضوع
وبالنسبة لطريقة الزواج فانا بفضل تكون تقليدية

انا بعتذر طولت عليكم ومشكور اليتيم كتير مواضيعك كتير حلوة وبتشدني كتير للنقاش
الله يعطيك ألف عافية تقبل رايي

إلى اليتيم : كيفك ؟ أنا لح إجي معك ...!

سؤال الشباب:
من تتمني الزواج منها --- صاحبة القلب الحنون
والحب الجارف ام صاحبة الوجه الجميل الفاتن ؟؟

يعني أنا بس شوف وحدة شلون بدي أعرف قلبها حنون وحبها جارف ،،شو هلحكي,,,, لك اليوم مالي عرفان شو صاير معي متنشط نشاط مو طبيعي (احزر ليش!) سبب كتير بسيط (وأنا بالسيارة شفت وحدة روسية عم تسوق سيارة كامري ، ولي ولي لح تصيبني نوبة قلبية ، قلت للشوفير بلا الشغل اليوم خلينا نعرف وين بتشتغل ، طبعا ما لح أوصفلك ياها مالي شاطر بالتعبير بس بخبرك ما عم تروح من بالي.)

2- إن شاء الله لح اتزوج اثنتين ,,, الأولى على الطريقة التقليدية ، و الثانية تعارف..
بعدين بعطيكم خبرتي ..!!

مشان سؤال البنات : أنا موافق راما و زهرة الساحل
بعدين مزبوط وقت بيصير الوقت و بجد الجد بتتغير جميع المقاييس ..

للشباب فقط: ضروري تكمل للنهاية .!!
مابدي زعل حدا ، بس هاد الواقع و بخاصة للشباب ...
البنت وقت بيجي نصيبها فبيكون في أكثر من شخص خاطب بنفس الوقت و طالب البنت ..
وهون بيصير في مفاضلة يلي بيحصل نقاط أعلى فهذا يلي بيفوز من جميع النواحي لاتنسو تأثير الأهل ..
طبعا و نحنا الشباب هيك مشان ما تزعل البنات بس أمورنا أبسط لأن من قارن بأمور جمالية أكثر من غيرها... مثل سمينة و نحيفة ,,,,,!!! وهكذا,

آسف للإطالة ، بس في فائدة ..
يلي بدو يناقشني و يأخذ معلومات إضافية يراسلني ,,
أخوكم أبو أسامة,

شريك انا برأي صاحبة الجمال الفاتن لانو هي ممكن تلاقيها اما النوع التاني فنادر الوجود
واما بالنسبة للزواج فخليها على الله

باختصار أفضل الزوجة التي عندما انظر اليها أشعر بالسرور

وبالنسبة لي دينها مهم و لن اطيل أكثر

مشكور شريك يمكن هيك بكون وصلت فكرتي بشكل واضح مشان ما احكي بالممنوعات

سؤال للشباب ..&.. وسؤال للبنات...؟؟؟ الصراحة Icon_wink

تقبل مروري

موضوعك حلو كتيــــــــــــــــر بس بينزع حلاوته المثاليات اـاكد انو في كتير ماكتبه رأيهم الصريح ....يمكن يكونو هيك مفكرين حالهم بس وقت الجد بيكون غير ..........تحياتــــــــــــــــــي

انا بدي كلن............ههههه
شكرا الك

نورتوني كلكون
أكيد إذا لم نختلف فلن نتفق

مشكور شريك

هل تفضلين الزوج بصاحب المال والثراء ام الزوج

صاحب الحب والحنان حتي ولو كان فقيرا ؟؟؟

المال ياتي ويذهب
طبعا الحب واي طريقة بفضل
يمكن بايامنا هي الطريقة التقليدية افضل

» سؤال للشباب؟؟؟.....سؤال للبنات؟؟؟....بصراحة
» للشباب حصرا وينك ياماما..... يسمح للبنات بالضحك
» سؤال خاص للشباب والبنات تحدوانفسكم وجاوبوا بكل صدق