معاملة البنت والشب بالسرفيس

المواقف يللي ممكن تتعرض إلها وانت بالسيرفيس
وانت طالع ممكن يخبط راسك بالباب لأنو ارتفاعو غلط
فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلون رح يضربو الشوفير لأنو الحق عليه ما اشترا سيرفيس الو كياس هوا مشان الصدمات
واذا كنت شب رح تسمع العالم عم تضحك وتقول العمى ضربو مالو شايف !!!!!!! يلا بيستاهل ..شوف وين كان عم يبصبص

وقت بتسكر الباب بهدوء تبعاً لتعليمات الاعلان يللي موضوع ع الباب وما بيتسكر
اذا كنت بنت … دخيل الله شو هالأنوثة ليك حتى الباب مالها نفس تخبطو
اذا شب …. ليك التشتوش ليك مالو حيل يسكر الباب تفه على هالجيل

وقت بتسكرو بقوة
اذا كنت بنت … يا حرام اكيد معصبة من شي شغلة الله يعينها
اذا شب …. هشششش فهمنا انك قبضاي خلعت الباب


وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تتطلعي نظرة وحدة لأي شب من يللي قاعدين بتلاقيه نط وقعد ع السفنجة يللي بعكس الشوفير
اذا شب دبر حالك عالدولاب وازا ما عجبك روح مشي شهههه نحنا بعمركون كنا نروح ع الحسكة مشي


وقت بيكون معك غراض
اذا بنت في مين يطالعلك ياهون وينزلون ويحطون بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الغراض
واذا كنت انت اخوها وجبت الغراض شو رح يقولو ؟؟ هوهوووووووو تعا حطون بحضننا !!! كلو مشان ما تاخود تكسي لعما ع البخل


وقت بدك تنزل وتقول للشوفير على مهلك وما يسمع بسبب الاغاني

اذا كنت شب بيتطلع فيك يللي جنبك وبيقلك بنظرة فوقية : ما سمع صوتك
واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلون بصوت واحد :على مهلك على مهلك ….. نزلها …. شو مالك سامع ؟

…. ع اليمين … نزلاااااااااااااااااااااا

والله هاد زمن البنات شو بدنا بالحكي



قال حرية المرأة قال .................... والله صار بدنا حرية الرجل هههههههههههه

ههههههههههههههههه
مرسي يا اماني
هيك بدنا ياك
عطول مع حرية الرجل
بس بصراحه البنات بيستاهلو
هههههههه

مشكووووووووووووووووووووووورة اماني عالموضوع الحلو بس نحنا البنات مهضوم كتير حقنا
وانتي بالموضوع هاد بينتي لنا انو ياحرام الشباب هننا الي لازم يطالبو بيحقوقهن


بكل الاحوال مشكوووووووووووورة

هههههههههههههههههههههههههههه
هالموضوع نزل من بنت مو من شب
وهالشي بالنسبة إلي كتير مهم لانو وأخيراً بلش الجنس اللطيف يحس أديش ظالمنا

وبتقلولنا مجتمع ذكوري
والله صار لازم نشكل لجنة أسمها العنف ضد الرجل
ونطالب بحقوقنا المهدورة

مشكووووووووووووووورة الاماني
عنجد موضوووع بيجنننننن
كتريلنا من هالمواضيع

ههههههههههه ولله أحلى أماني
مزبوط مية بلمية
بس شو شباب ضاقت عينكن عميزة وحيدة لألنا وصار بدكن حقوق شو بدكن كلشي لصالحكن

ههههههههه عنجد موضوع نظامي من أولو لأخرو ..

بس شو بدكن بالحكي والله شعبنا بيشتغل على مبدء عزبو الله بيرحمك ..ههههه

ألف شكر عالموضوع الرايق