ناقش معنا

موضوع: ناقش معنا الإثنين مارس 15, 2010 8:08 pm

هل تعرف ماذا تريد منك خطيبتك في فترة الخطوبة وكيف تكون فارس احلامها..؟؟

عندما يرتبط الشاب بفتاة , هل سأل نفسه يوما ما ,ماذا تريد هذه الفتاة , ماهي مواصفات فارس أحلامـــها ...وخصوصـــا في فترة الخطبة

كثيرا من الشباب يغفل عن هذه الفترة المهمة في تنمية مشاعر الفتاة تجاه , لاتقول خطيبتي خجولة لاتتحدث كثيرا ,أو خطيبتي جدية أو ........الخ

فالدور الأساسي أنت الذي تلعبه خصوصا في هذه الفترة , هي الان مثل العجينة في يدك شكلها كيف تريد هل تريدها رومانسية , هل تريدها حنونة .....

غالب الفتيات يكون لديها خجل شديد , وفي بعض الأحيان يمنعها هذا الخجل حتى من التعبير عن ارائهـــا ومشاعرها تجاهك , لاتجعل الخجل يسيطير عليها أجبرها انت عن التحدث عن مشاعرها

لاتنتظر من الفتاة ان تأتي هي بنفسها للتعبير عن مشاعرها أو بالتحدث مايجول بخاطرها مهما طالت فترة الخطوبة .....

لاتقل ان فترة الخطوبة ليست مهمة , بل إن الأهم فترة الزواج .. فلكل مرحة جمالها ورونقها .. عش كل مراحل حياتك باستمتاع معها ...

ولو سألت أغلب المتزوجات ما أجمل مرحلة في حياتك , لقالت أيام الخطوبة والمكالمات والهدايا .. لأن المرأة عاطفية بطبعها

الآن سـؤالي من وجهة نظر كل عضو : ماذا تتوقع أن تريد منك خطيبتك في فترة الخطوبة , وكيف تكون فارس احلامها ؟؟؟؟][b][center]

زائر

ههههههههههههههههه
قلتيلي متل العجينة أماني
بصراحة أنا بأمن بالمتل يلي بقول الطبع يغلب التطبع
يعني إذا أخدتها خجولة رح تضل خجولة و إذا أخدتها جريئة رح تضل جريئة
ما حدا بيكون متل العجينة بإيد حدا بعمر فوق ال18
تحت هالعمر ممكن

شو بتوقع تكون بداه خطيبتي مني بفترة الخطوبة......
مممممممممممممممممم
هلئ بظن اجوبة الأعضاء تقريبا كلها رح تكون وحدة
بتوقع من خطيبتي يكون بدها تشوفني وتسمع صوتي بشكل يومي
كل ماشوفها قدملها هدية أو باقة ورد أو أسوارة دهب أو شي مفاجئة
المهم ما تكون إيديي فاضية ..هههه بعدين بتقول عني بخيل من اولها
وأكيد بدها تطلع و تفوت معي .مشورها سيارين و اخدها ع قراني مو طالعة عليهم قبل هالمرة
وأكيد الحكي الحلــــــــو
ومع هالشي كلو عندي قناعة أنو الأنثى من الصعب جداً إن لم يكون من المستحيل إرضائها
لذلك نصيحتي لكل شب عميل يلي عليك وما تندم ع شي عملتو حتى لو ما لقيت الإستحسان من الطرف الاخر

شكــــــــــــــــــــــــــــــــراً أماني ع الموضوع النقاشي المميز
وأسف ع الإطالة
تقبلي مروري

زائر

والله يا اماني انا برأيي انو المفروض الشب يقدم اكتر ما بيقدر من الحب و الحنان بهي الفترة
يعني الهدايا و المفاجئات كتير حلوة بس لحالا ما بتكفي
بس الاهم يا ترى انا شو بدي من اهل خطيبتي؟؟؟؟؟؟
بدي يقومو ينامو على بكير و سهر معنا مافي
يا اما فقسوها و بلالي هل قصة
مو يقعد عمي قدامي و يتتاوب ساعة على اساس نعسان
ايوااااااااااااااااااااااااااااااااااه

موضوع: رد: ناقش معنا الإثنين مارس 15, 2010 9:54 pm

والله انت قلت من فارس احلامها
وعطول فارس الاحلام هو الامير الغني صاحب الشخصية القوية
محبوب من قبل الناس الايجابيات عنده كتيرره
وراكب هالحصان الابيض ياعيني
هاد من زمان
هلق راكب هالاودي ام البابين والكشف
ههههههه
بس مع الخطبه بدها تستنتج ان هاد كان حلم وشو ما عمل هيهات يوصل للمطلوب
وبعد الزواج بتستنتج انو ما كان موجود غير بالحكايا
هههههه
مشكوره أماني
شو هالمواضيع الرائعه يلي عم نشوفها

موضوع: رد: ناقش معنا الثلاثاء مارس 16, 2010 12:31 am

هي الان مثل العجينة في يدك شكلها كيف تريد هل تريدها رومانسية , هل تريدها حنونة .....
ههههههههههههههههههههههه
عجبني هالحكي
بس برايي
هلق اذا وصلنا لفترة الخطبة
يعني رح يكون في حب قبل
والحب بيصير بين تنين
بيعجبو ببعضون وبيتقبلو الصفات الحلوة والي مو حلوة بالشخص التاني
لهيك بعتقد انو كلامك عن البنت انو متل العجينة مو بمحلو
لانو انا خطبت البنت الي عجبتني متل ما هي
وبعدين هيك عم تضلمي حالك اماني شو نسيتي انك بنت كمان
يعني هيك كانك عم تقولي انو البنت بتصير بالشكل الي بيعجب الشب
مو متل ما هي طبيعتها
وانننننننناااااااا ضد هالشي ابدا لانو شو ما صارت البنت
هي بالاخير انسان
عندو عيوب وعندو شغلات حلوة
مشكورة اماني

زائر

انا برأي انو الواحد لازم يقدم قلبو كلو مو نصو كلوووووووووووووووووووووو
يقدم روحو كلشي بيملكو
لانو هي البنت رح تكون نصو التاني
يعني كلشي عم يعطيها ياه رح يكون الو بالنهاية

بس اهم الشي انو ما يصير في كذب
وما يكذب عليها ابدا

هيك بيكون قدر انو ياخد قلبها بعد كلشي قدمو

انا هيك رأي ومنكم نستزيد

ومشكورة كتيييييييييييييييييييييير على الموضوع يلي بيجنن
لا تحرمينا من مواضيعك

موضوع: رد: ناقش معنا الثلاثاء مارس 16, 2010 10:01 am

يا ستى موضوع حلو و رائع جدا ...

بس ليش عم تعقدي القصة طالما في بنات عنا بالمنتدى فليش ما ناخد رأيهم شو بحبو يجبلهم خطيبهم بالمستقبل
و إن شاء الله يجي نصيب الكل .
وهيك منعرف شو بحبو البنات
ملاحظة : الطلبات و الخيارات بالمعقول يعني هه ما تخلو الشباب يطفشو!!!!

زائر

هههههههههههههههههههههههههه
معك حق سيد ابو اسامة
بكلشي قلتو

واهم الشي
ملاحظة : الطلبات و الخيارات بالمعقول يعني هه ما تخلو الشباب يطفشو!!!!

موضوع: رد: ناقش معنا الأربعاء مارس 17, 2010 3:35 pm

نورت غيث بس متل ما حكا محمد هاد مو كل شي اكيد
ميرسي محمد وانشالله يكون عمك متل ما بدك
نورت احلى وساااام حلو الحلم والاحلى يصير حقيقة
نورت نبيل انا ما قلت انو يمحيلها شخصيتها بس شوية وقت بيمشي الحال
ميسري عبد هاد الرأي الصائب نهورت

زائر

أكيد اماني مو كلشي
بس أنا حكيت بالعموميات تقريباً

أهم شي متل ما قال محمد يكون في حب بين الطرفين
وباقي القصص كلها شكليات
بس صدقيني بتأثر ع جوهر العلاقة نقسو

تقبلي مروري
وشكــــــــراً مرة تانية ع الموضوع الحلو

موضوع: رد: ناقش معنا الخميس مارس 18, 2010 7:22 pm

اكيد غيث ونورت مرة تانية

موضوع: رد: ناقش معنا الخميس مارس 25, 2010 3:42 pm

مشكووورة أماني ..........بس والله لسه ما خطبت و ما بعرف شو الشعووور
آسف كتير

موضوع: رد: ناقش معنا الجمعة مارس 26, 2010 6:39 pm

الله كريم ابراهيم انت دور حواليك واكيد بتلاقي هههههههه
بس انا مغزى الموضوع انك تعرف قبل ما تخطب مشان تعرف شو تعمل بعدين لان وقتها مالح تكون فاضي تفكر ...ونورت

موضوع: رد: ناقش معنا الأحد مارس 28, 2010 4:40 pm

أمممممممممممم
أهم شغلة بفترة الخطوبة من وجهة نظري أكتشف الشغلات يلي أنا بعرفها بالبنت هل هية حقيقية أو لأ

لأن من المفروض تقريبا البنت أكون قبل ما أخطبها أكون بعرف عنها مواصفات
معينة أنا بهتم إلها وكون مشانها خطبت البنت

وكمان بتحلي أتقرب من البنت لحتى أكتشف الشغلات المخباية فيها
وبتوقع هاد الشي يلي البنت بتتمنى من خطيبها أو حبيبها يطالعو منها لأن هية بحد ذاتها ما بتكون بتعرفو
وبتتمنى فارس أحلانها يجي ويكتشفو

يا جماعة أهم شي بالدنيا المشاعر ووالله كل شي بيجي مع الأيام بس المشاعر وهال لحظات الحلوة
مابتجي غير بفرص وأنت وخبرتك مع التعامل مع الناس ومشاعرون وتعرف أنت شو بتحب
وتعرف الناس يلي بحبوك وتضل تحافظ على محبتون إلك وتعرف كيف تحب يلي حوليييييييك
والموضوع أكبر من تعليق

ومشكووووووووووووورة أماني يا ريت تضلي عم تحركيلنا تمنا مشان نحكي بشغلات حلوة
وشي ناهي علي الجيرة أنت بلشتي تشغلي الفانوس وتأبدعينا

موضوع: رد: ناقش معنا الأحد مارس 28, 2010 10:49 pm

مشكورة كتير أماني
لأنك فتحتي النقاش بهيك موضوع
وترى آراء الشباب
ياعيني ولا أحلى من هيك
هههههه
اللي راح يقرى ياريت يطول باله)أوكي....)........
مشان الطلبات :
لازم يكون عنده بيت وسيارة ومو كيف مكان من أحسنه
وأكيد رصيد بالبنك مشان اصرف عكيفي ومشان الذهب والألماس
ورد لا شو بدي فيه بدو ينرمى
وطبعاً لازم يكون رومانسي وبحبني وحلو كمان
ولازمممم يقلي شعر ويتغزل فيي وياخدني مشاوير
مممممممم
يعني هيك شي تقريباً
كيف ياشباب مو شي مو
الصراحة وعنجد
هو بيكون على حصان أبيض وبعدين للأسف بكتشف انه هذا الحصان مبخوخ ومن أول مطرة ببين لونه
وعلى الأغلب مانه حصان؟؟؟؟؟؟؟؟
البنت اللي بدها ياه رجال يحترمها ويصونها ويصون مشاعرها مو لأنها نصه التاني
لأنها راح تعيشو جوات روحها وتعيش هي جوات روحه
فكل الهدايا والماديات اشياء بلا معنى وهي زائفة بالعكس وردة منه أوحتى بوسة بتعطيني كل حقي
وبالنهاية هنن شخص واحد
وبهي المناسبة بقلو لهذا الشخص انك معي بالجنة ولو كنت حالياً مابعرفه
بس
الله كريم
آسفة اني طولت عليكم وبتمنى ماكون دايقت حدا
تحياتي للجميع

موضوع: رد: ناقش معنا الإثنين مارس 29, 2010 3:19 am

تحياتك وصلت مع أحلى كلام مشكورة يا عروس والله يطعمك العريس يلي ببالك ياااااااارب

موضوع: رد: ناقش معنا الأربعاء مارس 31, 2010 8:35 pm

والله اهلا بعبد كلام جواهر يعني هاد المطلوب تقريبا واذا مشيت الامور هيك بكون عال العال
نورتي مارية والله يبعتلك ياه على حصان ابيض أصيل كمان وماتشوفي خداع بحياتك
نورتوووو

موضوع: رد: ناقش معنا الخميس أبريل 01, 2010 3:19 am

اي الحمد لله إنو هاد هو المطلوب

موضوع: رد: ناقش معنا الخميس أبريل 01, 2010 8:45 am

غالب الفتيات يكون لديها خجل شديد , وفي بعض الأحيان يمنعها هذا الخجل حتى من التعبير عن ارائهـــا ومشاعرها تجاهك , لاتجعل الخجل يسيطير عليها أجبرها انت عن التحدث عن مشاعرها

ملاحظة وتعقيب : اشتهيت شوف حدا من رفقاتي خاطب و خطيبتو خجولة !!! يعني شوي تانية بتسب رفقاتو الشباب هيدا غير الأفكار يلي بتلعب فيها بعقلو ، بتلاقي الشب قلب فوقاني تحتاني ، حتى كنا نناديلو مثلا (أبو أحمد) ساوتو (أبو خالد) كيييييف شلللللووون ما حدا بيعرف ، هذا كلو بالخطبة !!!!!
فكرو شوي هاد كلو ضحك على اللحى ..... كيف بقى بعد الجواز ، بتساوي خطيبها (الحصان) الأبيض تبعها و يمكن تكونه على كيفها ... هههههههههه

شوفو يا جماعة (مارية) ما أحلاها على هي الطلبات . روحي يا مارية الله يبعتلك عريس مثل ما بدك ...

سامحيني تراني : بس هيك صاير مع رفقاتي .
تقبلي مروري ,

موضوع: رد: ناقش معنا السبت أبريل 03, 2010 10:22 pm

لا أبو أسامة شو مشانك معقول كل هالشي يعني بعرف الخجل بيكون موجود غالبا بس ما بعرف كيف حظك انت...؟؟؟

موضوع: رد: ناقش معنا الأحد أبريل 04, 2010 7:39 am

يا تراني : المشكلة عرفت وين !! المشكلة برفقاتي ، لأن كتيير مدللين خطيباتهم و صايرين مثل الخاتم بالإصبع !!!

مع إني عم كبر بعقلهم بس مثل (التو تو )

لاتقل ان فترة الخطوبة ليست مهمة , بل إن الأهم فترة الزواج .. فلكل مرحة جمالها ورونقها .. عش كل مراحل حياتك باستمتاع معها ...

هي أنا موافقك 100% عليها أحلى شي مع إني ما جربتها لسى بس يلي حوليي كتيير مبوسطين !!

موضوع: رد: ناقش معنا الأحد أبريل 04, 2010 8:43 pm

اي الحمد لله وانشالله انت كمان بتكون مبسوط بحياتك وكل الأعضاء الموجودين هون لأن الكل بيستاهل الخير

» انت لاعب معنا صح ..؟
» رحبوا معنا ب <<remoo>>
» هم معنا لكنهم لا يشاركونا