العزة والكرامة

مرحبا
الموضوع اليوم يلي حابة تشاركوني فيه بيتعلق
بالعزة والكرامة
لما بتكونو بتحبو حدا كتير وهاد الحدا كتير بيعنيلكن
ممكن تتنازلو عن شي مشانو؟
ممكن تغيرو المبادىء مشانو؟
ممكن تحاربو الناس مشانو؟
ممكن تعملو المستحيل حتى يرضى وينبسط حتى لو كان على حساب مشاعركن؟
أنا رح شارك برأي الشخصي
أنا ما بنكر أنو الحب تضحية
أنا حبيت شخص كتير لدرجة اني صرت شوفو أهم حدا بهل دنية
واجهت أهلي مشانو
دافعت عنو لما الناس كانت تكذبو
عملت المستحيل مشانو
كتير ليالي تمر وأنا أبكي منو
ما كان يحس فيني
كان عندو قصص كتير متلو متل أي شب
معارفو كتيرة
أنا عندي رفقة ومعارف كتيرة
بس لما عرفت انو هاد الشي بدايقو
خففت علاقتي فيون
بس هو ما كان عندو استعداد يعمل أي شي مشاني
حبيتو بصدق واخلاص
والنتيجة
لاحدا ينصدم
خطب ويلي خطبها بنت من معارفو القديمة
الله يوفقو
ويسعدو
ويهنيه بس هلاء السؤال
يا ترىبأمن بحدا تاني ؟
او عاد اتنازل لحدا تاني
بالنسبة لالي مستحيل
لانو من اليوم ورايح
أنا وبس
وما عاد صدق حدا
ولاعاد أعطي أهمية لحدا

بس أحلى الشي لما بتلاقي انو أهلك بهي المحنة ما تخلو عنك
ووقفو لجنبك
بالرغم من اني زعلتن مشان حدا ما بيستاهل أبدا
والأحلى لما تلاقي رفقاتك يلي نصحوك كانو جنبك ودعموك بكل خطوة
لكل الناس يلي زعلتها أنا أسفة
واهم حدا رفيقة دربي
يلي ضلت عم تنصحني
لما تلاقي رفيق بخاف عليك حافظ عليه
بتمنى تجربتي يلي حكيتها تفيد غيري
لاتصدقو حدا بأجل المواضيع

زائر

مشكورة اول شي على طرحك
بس برأيي مو كل اصابيعك متل بعضا
هلق كمان مو تتنازلي كتير و تأمني فورا
بس كمان مو انو ما عاد تصدقي حدا بالمرة
انا ضدك بهاد الشي

زائر

ممممممممممممممممممممممممممممم
والله يا لولو ما بعرف شو بدي إلك
أنتي بتعرفي رأيي مظبوط بظن
بس مافي مانع عبر عنو بغير طريقة

لما الإنسان بحب بصدق
بحب متل ما أنتي حبيتي
بحب بكل جوارحو و عواطفو و أحاسيسو
بحب بكل كيانو و بيعطي الشخص يلي بحبو كلشي كلشي
وهاد الشي الغلط
لأنو القلب و العقل لازم يمشو مع بعض
ولازم ما حدا منن ياخد دور التاني
وأنتي هالمطب يلي وقعتي في
ما رح عيد حكي ممكن كتار يلي يعيدو هلئ
إنو هالشب حقير و ما بيستاهلك في حال كان واعدك بالزواج
وإنو منيح يلي بين هلئ ع حقيقتو قبل ما يصير شي رسمي
وإنو يا لولو مو كل أصابيعك متل بعضها أكيد
وبهالدنيا في الصالح و في الطالح و في المنيح و في العاطل
أهم شي لازم تعرفي هو إنو الحياة مدرسة منتعلم فيها من تجاربنا
وإنو الأهل و الرفقة المنيحة ما لازم نتخلى عنهم منشان شو ماكان مهما صار

سألتينا إذا فيكي تحبي مرة تانية
أي فيكي و انا متاكد متل ما شايفك إنو فيكي
يكمن هلئ تقوليلي إنو لا مافيني لأنو قلبك المجروح يلي عم يحكي
بس المنطق بقول إنو فيكي و أنا عم أحكي هالحكي عن تجربة صدقيني
إلك شو فيكي تحبي
بس الحب يلي لازم كنت تحبي من أول
حب القلب و العقل مع بعض
الحب يلي بيخليكي سعيدة و مرتاحة
وبما إنك تعلمتي من التجربة الأديمة فالمفروووووض ما تكرري نفس الخطأ مرة تانية
والشاطر ما بيوقع بنفس الجورة مرتين

أســــــــــــــــــــــــــــــــــــــــــــــــــــف كتير ع الإطالة
بتمنى منك تكوني مبسوطة و مرتاحة متل ما بعرفك ع طول
والله يخليلك أهلك و رفيقتك يلي مافي منها وإنشالله تضلو رفقة ع طول
وإنشالله عن قريب بتلاقي الشب يلي بيستاهلك و بيقدر قيمتك مزبوط
شكـــــــــراً كتر

امممممممممممممممممممممم
والله شي بيحير
يعني متل ما بيقولو حيرنا الحب معو
يعني ما في حب بدون تضحية بس كمان احيانا مندفع التمن غالي
حلوة التضحية
بس اكيد مو توصل لدرجة انو خفف من علاقاتي شو ما كانت وحتى البنت
ما بفرض عليها شي لانو كمان هي انسان
واذا بدك رايي بصراحة وعلى اعتبار مارر بشي بيشبه الي مريتي في
غلط نعطي ثقة لشخص مو متاكدين منو ومتل ما قلتي انو الكل كانو معارضين هو صحيح الحب بيعمي الواحد احيانا
بس كمان لازم نشوف الي حوالينا شو بيقولو
والاهم من هالشي انو نتعلم من الغلطة الي غلطاناها وما نكررا مرة تانية
بحيي اهلك الي ما تركوكي وكمان رفقاتك لانو ما بيضل بهيك مواقف الا الي بيحبوكي ليوقفو جنبك

مشكورة عالموضوع المميز

هلق بصراحة انا معك لا عاد تصدقي حدا
وانا هيك صرت متلك لفترة
بس بعدين فهمت انو مو كلشي متل بعضو
في يلي بحبك من قلبو وفي يلي ما بحبك
بس انت يلي لازم تفرقي
وبعدين بدي قلك انو اهلنا شو ما عملنا بضلو بحبونا
وانا مو معك لما فضلتي اللي حبيتيه على اهلك
ونسيت بثانية انو هنن يلي تعذبو مشانك
وبدلتيون بشخص عرفتي بوقت اكيد اقلل من يلي
حبيتيه
بس جربي تثقي بحدا تاني
بس مو بسرعة لحتى تتاكدي
هلق الحب بدو تنازل بس كمان بدك تلاقي تنازل من الطرف التاني بالمقابل

وشكرا على مشاركتنا بقصتك

مشكورين كل الأعضاء
بس ياريانا
انا مافضلتو على اهلي
بس خوف ماما علي هو يلي خلاني اني اتحداها وأثبتلها أنو في حب
أمي من النوع يلي مابيصدق وأحلى شي عنا بل عيلة أنو نحن كتير صريحين مع بعض
ما عنا شي مخفي يمكن كتير منكن مايصدق هل صراحة بس نحن متعودين أنو نكون صريحين ويمكن هي من الشغلات يلي علمونا ياها أهلينا بس ماعلمونا أنوالصراحة مو حلوة بكل الأوقات
وهيك يارفقاتي
بشكركن على هل اضافات

ممكن تتنازلو عن شي مشانو؟
ممكن تغيرو المبادىء مشانو؟
ممكن تحاربو الناس مشانو؟
ممكن تعملو المستحيل حتى يرضى وينبسط حتى لو كان على حساب مشاعركن؟

جوابي : اي ممكن ليش لأ ، و أنا كتيير قدمت تنازلات بالنسبة إلي ، وأنا رضيان ، لكن من ناحية ثانية عرفان النتيجة !!

سؤالي إلك : إنت اعترفتي بحبك إلو ؟
هو اعترف بحبو إلك ؟ كان مأمن حالو ؟ يعني يلي بدي أعرفو حبيتو بعض عن تفكير لما هيك ، ربي يسر ...!

تقبلي مروري,

مشكور
يلي بحب الك ياه هو يلي بادرني بمشاعرو هو يلي اعترف
اي شخص لما بحب شخص بيعترف بحبو لالو
كان مامن حالو اي
هو مو شب صغير عمرو 30
تاجر
عندو محل وبيت
حبينا بعض عن تفكير؟؟؟
شو رايك انت
ولا الحب بيجي هيك
بس الشي الوحيد يلي ماكان عاجب اهلي انو مالو دارس
وانا طالبة جامعية
وعفكرة اهلي كلن بيعرفو بقصتي معو

طالما هيك قصتك ، تقريبا كل شي متوفر و موجود .
فأنا بقول بهيك حالة (إنو مافي نصيب) ، لا تفكريني مثل العوام من الناس ، لا بالعكس
طالما إنت قلبك صافي و عملت كل شي عليكي و وكلت أمرك لله تعالى ، فكل شي عم يصير معك قضاء وقدر.
وما بتعرفي رب العالمين بيخترلك شي شخص يكون أحسن منه و تنبسطي بالحياة معو أكثر .

أنا آسف مشان الحب عن تفكير : لأن في كتيير ناس بحبو بدون ما يفكرو !!!!

تقبلي مني,

عادي مشكور

» الكويت والكرامة في نهائي كأس الاتحاد الآسيوي