عطوني رايكن

موضوع: عطوني رايكن الإثنين مارس 29, 2010 3:49 pm

فيه ناس تقول إن الزواج التقليدي هو الصح ! وفي ناس تقول إن الزواج الحب ليس خطأ ..
خلونا نحسبها وحده وحده ..
بس في البداية خلونا نتفق بـ شيء واحد ألا وهو إن الزواج قسمه ونصيب !
وان النجاح والفشل .. بيد الله سبحان وتعالى !
خلونا نعلق على زواج الحب ( المنتشر بكثره في أيامنا ) .. !!
أخواني أخواتي .. فيه ناس كثيرين مره يقولون إن زواج الحب فاشل بس لو تسأل أكثرهم تقولهم ليش تعتقد أنه فاشل .. بيطلعولك ثلاث أنواع من الناس والنوع الثالث هو النوع الفلسفجي ! ..
النوع الأول بيقولك " بيقولك " الزوجين قبل الزواج كانوا غارقين في حب وهمي ( النزوة ) . "
طيب .. على اعتبار الكلام هذا صحيح لح قول فيه شيء .. بس هذا ماله دخل بالزواج !
يعني الزوجين قبل الزواج كانوا غارقين في حب وهمي وفشلت العلاقة بعد الزواج بعد ما اكتشفوا أنهم ما بحبون بعض ..
بس هل فشل زواج الحب ؟ أم فشل زواج الزوجين ؟ ..
أعتقد الجواب , فشل زواج الزوجين فقط !
لان الحب لساه موجود
والنوع الثاني بيقولك " أنهم مايحبون بعض وإن الرجل ( ذئب ) والبنت ( كبش ) .. والولد يعلب عليها "
طيب ترد على السؤال هذا " هل هم تزوجوا أو فكروا بالزواج ؟ عشان تقول زواج فاشل "
وياليت تميز بين زواج الحب .. واللعب بـ عقول البنات !
لان يلي حابب يلعب بعقل البنت ما لح يفكر أصلا بالزواج
هلا نتكلم عن النوع الفلسفجي .. وشوفوا الرد !
" نعم , زواج فاشل لأنهم يحبون بعض وبعد الزواج حبوا بعض .. وبعد فتره أكتشفوا أنهم مايحبون بعض " .. !
طيب أنت يلي تقول هذا ..
هذا شيء ماله علاقة بالموضوع ! .. ياخي ممكن أنهم مايعرفون بعض وبعد الزواج حبوا بعض .. وبعد فتره تفرقوا بسبب أو بآخر ( الله ما وفق ) يعني هذا ماله دخل هم تزوجوا عن طريق الحب أو بالطريقة التقليدية .. !!
الفشل والنجاح .. يعتمد على شخصية الزوجين ! فقط بعد التوفيق من الله ..
فأنا أقول الزواج عن طريق الحب قابل للنجاح والفشل حاله من حالات الزواج التقليدي
والفرق بينهم اللهم أنهم حبوا بعض قبل الزواج بس .. !!
طبعا أنا ماقول .. رح حب وأرتكب الفاحشه والعياذ بالله ! ..
تكون بحدود معقوله ومعقوله جدا ..
وصدقوني إن الشخص اذا يحب وحده وهي مو زوجته بيحاول يتزوجها بأسرع وقت يقدر عليه !
اذا كانت هناك اي مماطله من الطرفين بسبب غير مقنع !
فهذا إسمه اللعب بالأعصاب واللعب على البنت .. او ان البنت لعابه !
طيب إلي يقول إن الزواج التقليدي أامن
أنا بقولها .. هلا مثلا
واحد أجا خطب فلانة .. وتزوجها !
وش بيضمن للرجال أن هالبنت ما سوت شي قبل ؟
وش بيضمن للرجال أن هالبنت عاقله بصدق ؟يمكن سأل عنها .. بس هل السؤال يكفي !يمكن ينصدم بعد الزواج !! ()
ونفس الشيء البنت !
شو بيضمن لها أن فلان عاقل ؟ ولا هو كذاب لان بفترة الخطبة ببين لها كل شي منيح وهي كمان !
فالزواج عن طريق الحب .. الزواج التقليدي ليش معيارا للنجاح أو الفشل !
النجاح يأتي من الله .. ومن ثم شخصية الزوجين !
طيب هلا انت برايك او رايك انو الزواج التقليدي احسن ولا عن حب احسن ؟؟؟؟؟؟؟
بدي رايك مو راي اهلك يلي حوليك وشو بيقلولك هنن ؟؟؟؟
--------------------------------------------------------------------------------
طبعااااا أنا فتحت هالموضوع بعد ما شفت كثير من زواج الحب الناجح وزواج التقليدي الناجح والعكس ايضاااااااااا موجود في كل الحالتين

زائر

شكـــــــــراً كتير ريانا ع الموضوع النقاشي الرائع
بصراحة كتييييير مواضيع حكت عن هالظاهرة سواء زواج الحب أو الزواج التقليدي
بس ولا موضوع من هالمواضيع قدر يطرحها بهالروعة هي

أنا مع او ضد؟!
مافيني أحسمها بهي الطريقة
كل نوع من هالنوعين إلو محاسنو و إلو مساوئو
ومتل ما قلتي اول شي يلي كاتبو رب العباد بدو يصير
وكلو بالنهاية قسمة و نصيب
شخصياً بفضل الزواج عن حب أكتر لأنو ما بقدر أرتبط بإنسانة ما بعرف شو شخصيتها و كيف بتفكر
وأكيد فترة الخطبة ما رح تكشفلي كلشي لأنو دوبنا نلحق حكي غزل

شكــــــــــــراً كتير ريانا
تقبلي مروري

زائر

مشكورة ريانا بس ماشالله عليكي
طرحتي الموضوع للنقاش و ناقشتيه
انا كمان برأيي اول شي التوفيق من رب العالمين
و الشي التاني انو ما دخل نجاح الزواج او فشلو بطريقة الزواج سواء كانت تقليدية او عن حب
و متل ما قال غيث كل طريقة الها مساوئها و الها محاسنها
بس انا من رأي غيث و بفضل الزواج عن حب

موضوع: رد: عطوني رايكن الإثنين مارس 29, 2010 7:52 pm

أول شي بدي اشكرك عالموضوع

هلق أنا رأيي متل رأي الشباب يلي قبلي أنو التوفيق من رب العالمين

بس أنا بفضل الزواج عن حب يمكن حسب ما بشوف بالافلام أو المسلسلات
لاني لهلق ما حبيت

عطوني رايكن Icon_wink

شكرا لرايك غيث وليون وعمر
رايكن بهمني وبنور موضوعي
وانشالله يا عمر تجرب الحب عن قريب
لانو احساس حلو وصعب بنفس الوقت

هلق ما اختلفنا من انو التوفيق من الله
والي كاتبو رح يصير

بس كمان شغلة الزواج التقليدي ما بتفوت براسي
مو للسبب الي قلتي
لالالالالالالالالا
بس كيف زبطت هي معنا
انو شب يحكولو عن بنت وتعجبو من حكي الناس وامو وعماتو
ويروح يخطب ويتزوج وطبعا هون رح يكون معمي على قلبو
يعني شايفها ومو مسدء
وبعد ما يتزوجو تطلع من نوع البنات الي هو بيكرهو
ووقتا اكيد رح يصير طلاق
وهاد بياثر على البنت والشب
هلق ليش بيصير زواج تقليدي
برايي في تلت اسباب
1... انو الشب كتير خجول ومتدين وما بيقرب على اي بنت يمكن حتى اختو ما بيحكيا مزبوط
وهاد النوع غالبا بينجح زواجو لانو بيرضى بالي كاتبو الله
2...الشب الي مو طالع بايدو يقرب على بنت يعني معقد من البنات او بالاصح عندو عقدة الماما يعني امو متحكمة في بكل شي
وما بيعرف كيف يتخلص من هالسيطرة وهاد النوع نص على نص
يمكن ينجح ويمكن يفشل حسب البنت عاد
3....والاهم
انو يكون الشب مفظع بحياتو مع البنات يعني مو مخلي بنت من شرو
ووصل لمرحلة ما عاد يوثق ببنت لهيك بيقول خلي امي خطبلي لانو هي بتعرف تنقي احسن مني
وبتكون مواصفات البنت الي بدو اياها
قطة مغمضة الها تم ياكل ما يحكي
وهاد النوع اكيد بيفشل زواجو الهم الا اذا الي تزوجا غبية

وبعد هالمقالة الطويلة العريضة
انا برايي انو لازم قبل الزواج يكون في حب مو حب مصاري او جمال
قصدي حب روحين لبعض
ويكونو بيعرفو كل شي عن بعض ومقتنعين انو هني التنين لبعض
وهاد الزواج الناجح بكل المقاييس
مشكورة ريونة
موضوع كتير حلو
ومتميز متلك

انا معك نبيل
بس النوع التالت يلي عم تحكي عنو
شو عرفو ما تطلع البنت عاملة السبعة وزمتها
وهي على اساس قطة مغمضة
وعلى فكرة بعرف بنات كتيييير هيك
على اساس مو بايس تمها غير امها
وبتكون مفظعة
وانا بصراحة بنتقد هيك نوع من البنات
مالو علاقة طلب البنت من اهلها او الخطبة العادية تكون البنت منيحة لا مو بالضروري
وشكرا على الرد الحلو متلك

» عطوني رايكون بهالعضو بصرررررررااااااحة