الوزان بل نظارة وزمور السيارة

مرحبا
موضوع جديد وظاهرة كترانة بين الشباب والبنات





الوزان بل نظارة والتشخيص فيها
كل شب بهل جامعة بيمشي وهو حاطط النظارة وعم يوزن فيها ويا ارض اشتدي ماحدا ادي

لك بيلبقلكن يا شباب
الموضوع مو هون
الموضوع انو يفوت عل قاعة او المدرج وهو لسى عم يوزن
ويحضر لمحاضرة فيها هي تخينة
فمنا برات المدرج وامر الله وجوا شو؟؟؟؟؟؟؟؟؟؟؟؟؟؟؟؟؟؟
حدا يشرحلي

اما السنيورة
كمان توزين بس هون باختلاف
شو نوع نظارتك
بردون شو الماركة
لاتواخزوني يعني اذا ماكانت ديور واو شو بلدي

طيب مو هون نقطة النقطة انو بتعرف ماركة نظارة الشب وشو الماركة ومن وين جايبها
ولي انا بحلقات البحث تبعي مو ملحقة للحق على نظارة الشب شو ماركتها

سوري صبايا انا مع لموضة بس مو لهون







وهلاء شو قصة زمور السيارة

الشب صاير بيزمر بل زمور كير ليش
مو لانو اشارة خضرة ولا لانو

عم يقول لتاني تحرك

بس دخيل الماما مشان يلفت نظر



هاي حلوة سيارتي


ههههههههه

وشو سيارة






واوووووووو
مدري من اي عصر





اسفة بس ظاهرة غريبة


مو





مابعرف هاد راي

بعتذر على الغلاظة



بس شي عم حسو غليظ صاير

ههههههههههههههههههههههههههه
وهلئ شو أنطر نبيل ولا رد؟؟؟؟!




بس برافو عليكي الموضوع بالقسم الصح
تلاتة واحد إلي
هههههههههههههههههههه

الله عليكي يا أم اللول
مهما قيل فهو قليل
كل ما قول خلص هاد احلى موضوع تقاشي بتنزليلنا يا
منشوف مواضيع ما بتقل حلاوة وجمال عن يلي قبلها
عنجد موضوع نقاشي ولا أروع
تسلم إيدك لولو

أول شي حابب قول إنو ما عندي سيارة ولا ببلبس نظارات
هههههههههههههههههههههه
لهيك الموضوع ما بيشملني لا من قريب ولا من بعيد
ومنشان هيك رح أخد حريتي و أحكي بكل صراحة و عفوية و بدون خطوت حمرا

...................
منبلش بموضوع النظارات عند الشباب و البنات
هلئ أنا بفهم إنو شب لابس طائية فما بيقدر يشلحها جوا المحاضرة منشان ما يتنكش شعرو قدام رفقاتو
بس النظارات عنجد تخينة وتخينة كتير
يعني الأجدب ما بيعملها لأنو لا رح يقدر يشوف الدكتور و لا رح يقدر يشوف السبورة
أصلا أصلا الإضاءة عنا بالمدرجات و الهنغارات معتّة خلئة
بيقوم هو بيزيد الطين بلة و بحط نظارات منشان يبطل يشوف بنوب
وللأسف هالشي كتير صاير موضة بالكلية متل ما قالت لولو
هلئ بشكل عام يلي صاير أنو النظارات بتعطي جمالية أكتر للوج
وخصوصي إذا العيون ما كانو كتير حلوين
لهيك بتلاقي الشباب والصبايا بيلبسوهم وين ما راحو
بــــــــــــس أحياناً عم يستخدموها الشباب لأغراض إنسانية و انا بهالحالة بالذات بقدر ظروفهم
فالشب مننا بيكون نعسان و بدو ينام ومو حابب يغمض عيونو قدام الدكتور منشان قدرو و قيمتو
لهيك بيحط النظارات و بهالحالة ما بيعود مبين شي
ههههههههههههههههههه
ومنشان البنات
لولو بصراحة يعني إذا بدك في مواضيع أتفه من هيك بكتير بيحكو فيها البنات
فما وقفت ع النظارة وماركتها
طبعاً عم احكي بشكل عام
بس للأسف 90% من البنات ثقافتهم كتير سطحية و اللبس و الموضة و الأغاني شغلهم الشاغل
وكأنهم عايشين منشان هالقصص
وانا بزعل لما شوف بنت حلوة و لذيذة وكمان متعلمة عم تشغل عقلها بشغلات بلا طعمة
وشغلة تاااااااااانية
كتيـــــــــــــــــــــــــر بحب لما تستخدم البنت النظارات بدال القوس
بيعطيها أنوثة زايدة
.....................
بالنسبة لموضوع السيارات
فمتل ما قلتي الشاطر بيصير بدو يفرح بحالو إنو معو سيارة
وأنا باكدلك هالنوع من الناس عندهم عقدة نقص حتى عم يعملو هيك
عندهم حاجة للظهور و إشباع الذات
فبيلاقو ذاتهم بهالطريقة
وياريت موقفة هون وبس
شوفي قدام مدارس البنات وقت الإنصراف شو بصير
بتلاقي الشب فكر حالو "مايكل شوماخر"
لو سباق فورمولا ون مو هيك
لا وشو البنات من صغر عقلهمة بتنبسطو بهالحركات
أخخخخخخخخخخخخخخخخ الواحد شو بدو يحكي ليحكي

أســــــــــــــــــــــــــــــــف كتير ع الإطالة
وشكــــــــــراً كتير أم اللول ع هالمواضيع الحلوة يلي دائماً بتقدميلنا ياها
تقبلي مروري

شو مشان فضحتوني انت واياها
ههههههههههههههههههههههههه
لعمى والله بعتذر عالكلمة الي قلتا لك رد يا غيث مشان الله رح تعملي مشكلة مع لولو
هههههههههههههههههههههههههههههههههههههههه
المهم
فعلا لولو انتي وردة ووردة كتير حلوة كمان
يعني دخيل عيونك عم تحكي بمواضيع ما بتفكر بنت تحكي فيها لانو للاسف صار في قسم كبير من البنات
وللاسف عقلون فاضي
وبالنسبة لموضوعك
يعني النظارة والله ما حبيتا للشب اوك للبنت بتطلع حلوة عليها وحرام عيون البنات مشان الشمس لو انو النظارة من الد اعدائي لانو ما بتخلينا نشوف عيون الصبايا منيح
هههههههههههههههههههه
بس للشب بحسا كتير تافهة يعني اذا بدك بيصغر من عيني الشب الي بيلبس نظارة وشايفها ومو مسدء
يعني كانها يا لطيف من دهب
وبيضل حاططا وين ما رراح حتى لو ما في شمس بس ليورجي الناس انو هو كتير موديل وبيلبس نظارة
لك حتى لو راح عالحمام
يعني كل شي زاد عن حدو نقص
والسيارة كمان حلو الواحد انو ينبسط بسيارتو ويهمتم فيها
بس السيارة كل عمرا وسيلة نقل مو منفخة
ولا بيعجبوني هدول الي بيهتمو بسياراتون كتير وبيضلو كل النهار عم يتفتلو فيها
وحاطين من ورا دبب وقطط كبيرة على اعتبار انو هو كتير مهضوم
اي يقطع عمرك وعمر الي عطاك حق هالسيارة
واذا بدك كمان
انو صارت الشباب بالجامعة ينقسمو قسمين
قسم معو سيارة وقسم ما معو
وحتى القسم الي معو بينقسم لقسمين سيارات حلوة وسيارات مو حلوة
يعني بالمختصر صار الشب ينقاس مكانتو ووضعو بين رفقاتو من نوع سيارتو
هههههههههههههههههه
الله يسترنا
وبالاخير ان كانت النظارة او المنفخة بالسيارة
ما بيعبرو غير عن شغلة وحدة بس
عقد نفسية ونقص بالذات عم يحاول يعوضو من خلال النظارة او السيارة
والملام الوحيد بهالموضوع هنن البنات الياي
ههههههههههههههه
يعني البنات الفاضيين والي ما بيهمون غير المنظر حتى لو كان الداخل فاسد
مشكورة لولو
يوم بعد يوم عم اتعلق بمواضيعك
مشكورة

هههههههههههههههههههههههههه
أي طييييييييييييييب
بأمرك أنا نبيل بيك
شو كم نبيل عنا

لك أم اللول قلبها طيب ما بتزعل من حدا

هههههههههه بس للتعقيب
لولو خانم مو بس وردة هي بستان ورد جوري و فل و ياسمين


بالنسبة للنظارات والله كمان حلوين للشب
بس متل ما قلت الشي الزايد عن حدو بيقلب ضدو

هههههههههههههههههههههه
له يا محمد
رايك كتير بهمنا
يعني حتى ردودنا بتكون ناقصة وردك بيكملها

مشكورة لولو