استفتاء هام جدااااااااااااااااااااااااا_الجزء الرابع

مرحبا نأسف على التأخير
الجزء الرابع _
انتو بتثقوا بالمنتج الاجنبي اكتر من الوطني ؟
استفتاء هام جدااااااااااااااااااااااااا_الجزء الرابع Icon_question

اممممممممممممممم
والله احرجتيني
هلق ما فثينا ننكر انو الاجنبي افضل من الوطني الموجود باسواقنا
لانو بتعرفو انو البضائع السورية تبع التصدير هي من الافضل بالعالم
وكمان الوطني ما بو شي بس لازم يكون احسن من هيك لينافس الاجنبي بس اذا
بدي اشتري ما بتفرق معي شو نوع المنتج قد ما بيهمني شو هو المنتج وسعروو
وانشاء الله يكون من هونولولو ما بتفرق
مشكورة على هالموضوع الحلو

زائر

هههههههههههههه
أنا أول ما شفت عنوان الموضوع "إستفتاء"عرفت فوراً إنو لزمرد البحر
بالمناسبة اسم العضوية تبعك كتير حلو ورومانسي

منرجع لسؤالك
هل بثق بالمنتج الوطني أو بالأجنبي أكتر.؟
حسب المنتج بصراحة
هلئ في منتجات نحنا هون منصنعها أحسن من أمريكا متل معظم المنتجات الغذائية
بس كمان الواحد بيحكي يلي قلو ويلي عليه
أنا هلئ مايقلولي بنطلون شغل سوريا ولا بنطون تركي باخد التركي أكيد
لأنو القماشة بتفرق معي و القصة بتفرق و كلشي بيفرق
يعني بإختصار أنا مع الإنتاج الوطني
بس بتمنى منو يتحسن ليقدر ينافس باقي المنتجات الأجنبية بكل المجالات

مشكوووووووووووووووووووورة زمرد
تقبلي مروري

أنا بالنسبة إلي ...............نعم
أقولها و بصوت عالي كمان
كلنا يا ست زمرد بنعرف شو الأجنبي و شو المحلي طبعاً برأيي المتواضع مافي مجال للمقارنة
إذا بدك تقارني , نحن لازم نوقف نشتري البضائع الأجنبية
بس السؤال مو لينافس المنتج المحلي المنتج الأجنبي
طبعاً مو بس بمجال الأحذية و الألبسة في كتير بضائع أنا برأيي لازم يتم إعادة النظر فيها
مشان تتحسن و لازم طبعاً نعمل بقول
<إن الله يحب الإنسان إذا عمل عملاً أن يتقنه >
أكيد إنتي معي بهي الفكرة
و صدقيني مهما قلنا و حكينا الأجنبي أجنبي و المحلي محلي
أنا هيك مقتنع ممكن ما يكون صائب رأيي بس مو ممكن تتغير هي القناعات

مشكورة صديقتي و لا تحرمينا من هالأجزاء
والله حاسس حالي بباب الحارة
الجزء الرابع و بعد شوي الخامس
ههههههههههههههههه
منورة يا ست الكل

تقبلي مروري المتواضع

هلا برايي انو المنتج الاجنبي بالاسواق عنا افضل من المنج المحلي
بس لو اعتنينا شوي بمنتجاتنا والله لنكسحون ونكون افضل منن بمليون مرة
و انا اي بشتري المنتج الاجنبي بس اذا عجبني اياما بيعجبني المحلي اكتر
مو شرط اذا اجنبي يعني خلص خرطو الخراط وطب قلب مات
لا اكيد في منتجات منبدع فيها اكتر منهن
مشكورة كتير زمرد على المواضيع والاستفتاءات يلي عم تحطيها

شكرا كتير لكل يلي مروا
وعنجد ارائكن كتير حلوة يعني صحيح انو في عنا مستويات ماشي حالها بالمنتجات المحلية
بس بيبقى الاجنبي غير
بس كمان متل ما قلتو الواحد بدو يقول اللي قلو واللي عليه
يعني كمان السعر لأي سلعة اجنبية هديك الحسبة
بس متل ما بيقولوا الغالي حقو معو
وبدي شير لقصة تانية
انو نحنا منعرف انو المنتجات الاجنبية بتوصل لعنا لحتى يشوفوا أثرها على الكائن البشري استفتاء هام جدااااااااااااااااااااااااا_الجزء الرابع Icon_pirat

ولا شو؟؟؟؟؟؟؟؟

اما بالنسبة للأجزاء اقترحوا مسمى جديد لنغير الاجزاء
بالمناسبة قال ابو عصام راجع عالجزء الخامس استفتاء هام جدااااااااااااااااااااااااا_الجزء الرابع Icon_lol

بااااااااااااااااااااااااااااااااااااااااااااااااااااااااي

زمرد البحر كتب:: شكرا كتير لكل يلي مروا
وعنجد ارائكن كتير حلوة يعني صحيح انو في عنا مستويات ماشي حالها بالمنتجات المحلية
بس بيبقى الاجنبي غير
بس كمان متل ما قلتو الواحد بدو يقول اللي قلو واللي عليه
يعني كمان السعر لأي سلعة اجنبية هديك الحسبة
بس متل ما بيقولوا الغالي حقو معو
وبدي شير لقصة تانية
انو نحنا منعرف انو المنتجات الاجنبية بتوصل لعنا لحتى يشوفوا أثرها على الكائن البشري
ولا شو؟؟؟؟؟؟؟؟

اما بالنسبة للأجزاء اقترحوا مسمى جديد لنغير الاجزاء
بالمناسبة قال ابو عصام راجع عالجزء الخامس

بااااااااااااااااااااااااااااااااااااااااااااااااااااااااي

الاستهلاكي الوطني ,,,

التكنولوجي و الطبي الأجنبي ,,,

من ناحية ثانية لو متوفر كل شي منتجات منحسن نقارن و نختار ، بس الصيني كسح الدنيا ,

ممكن تفيديني و تخبريني شو عنا صناعات أو منتجات خرج نشوف حالنا فيها ، السؤال موجه لكل الأعضاء !!!
اعتبروني مو من البلد (غريب) وحدا منكم انسأل هذا السؤال ؟؟؟! شو جوابك !!!

شكرا عزيزتي ,

هلآ شو المنتج الوطني ممتاز بس أول طلعتوا بس أول دفعة بتطلع من المعمل
بس المنتج الأجنبي بيبقى على طول نفس الوتيرة

إن جميع صناعاتنا الوطنية حائزة بمعظمها على شهادات جودة عالمية وهي بالمحصلة ممتازة نسبيا
أي من المنطق التجاري فحسب
يوجد في كل دول العالم في أي منتج مهما كان عدة نخب أي نخب أول أو ثاني وهكذا ......
لأجل السعر الأقل والمضاربة والتنافس نجد أكثر من منتج مصنع وله نفس الميزات لكن المواصفات تختلف
وذلك حسب السعر
مثل أجهزة الموبايل .....السعر حسب مكان الصنع ...<< الجودة>>
إن المنتج الوطني يتطور نسبيا عند زيادة الإقبال عليه أي زيادة الواردات من الدخل بالنسبة لزيادة النفقات للمستورد خارجا
أي نحن نتحمل مسؤولية هامة جدا في هذا المجال يجب أن يتحقق المصدرات > من المستوردات
ذلك من أجله الرخاء وزيادة الدخل القومي للوطن
إن بلدنا حديثة العهد في مجال الصناعات ولكن تطورها سريع جدا بالمعاير الدولية
حيث تكلفة القطعة المصنعة محليا أكبر من تكلفتها عند الإستيراد
وذلك بسبب عدم توفر جميع الآلات أو غلاء ثمنها
وبالتالي زيادة التكلفة على المنتج الذي ينقلها للمستهلك إما مباشرة عن طريق رفع السعر
أو غير مباشر عن طريق التلاعب بالمواصفات وإبقاء السعر القديم
وذلك ليس محصور في بلد دون الآخر بل في أغلب البلدان
مثلا : تاجر معلبات << كونسيروا>>
إشترى آلة تكلفتها كبيرة نسبيا 20 مليون مثلا
وكان سعر المنتج 50 ل س
فلتغطية الخسارة النسبية له طريقان
إما زيادة 10% أي السعر الجديد 55
أو أن ينقص قطعة واحدة من كل علبة وهذا لا يؤثر بالمستهلك كثيرا
بينما تاجر آخر أستورد معلبات من بلد آخر وقام ببيع العلبة بسعر 50 دون أي تعديل
لو نحن أشترينا من التاجر الأول
خففنا العجز عنده وبالتالي سوف يقوم تلقائيا بتعديل السعر أوتعديل السلعة وتحسين الإنتاج
والإنتاج الوطني عندنا متميز ببعض المنتجات التي تلبي إحتياجات المواطن
أكيد لا نستطيع أن نتجاهل الصناعات الأجنبية خاصة التكنولوجية منها
وصفوة القول أنا سوري آه يا نيالي

مشكورة زمرد عالإستفتاء بتمنى الكل يقرو اللي كاتبو

تحياتي زمرد البحر

المنتج الوطني
تتميز المنتجات الوطنية الخام بالجودة العالية كالقطن و الزيت و الخضار و الفواكه
إلا أن عندما دخل التعديل الوراثي و اعطاء النبات جرعة من الهرمونات لتحقيق كمية اكبر و بوقت اقصر
و مبالغ ربح أعظمية وضع التقاليد و المشاعر الانسانية جانبا أودى بنى الى منحدر
أنعدمت فيه ثقة البشر
و حتى لو كانت المواد الخام من النوعية ذات الجودة العالية فإن اليد الخبيرة في مجال التصنيع
أصبح همها كمية الانتاج الضخمة و تحقيق المكاسب الفخمة
وليس هناك أهمية للجودة العالية بل الاهم تلف المنتج في أقرب وقت لتبديل بمنتج جديد
في الاصل قديم بعد اول غسلة بالنسبة للملابس
إلا ما ندر
أما المواد الغذائية كالتعليب والتجميد و التقديد و غيرها فهناك كميات عالية من المواد الحافظة
التي تفسد الطعم و تلغي الفائدة
ولو أردنا الاكمال عن باقي المنتجات سيطول الحديث و لن يقف اما الموضوع حاجز
فالوصف يحتاج لكتب و صفحات عظيمة
المنتج الأجنبي
بالبداية يكون المنتج الاجنبي ذات سعر مرتفع أنما هذا السعر يكون في الغالب هوة ثمن الفكرة العلمية و الابداعية
من قبل ذوي أصحاب الخبرات العالية
و ما يميزهم اكثر هوة التنافس بمن سينتج الأفضل
اما لدينا من سينتج الاكثر

يعود الفرق بين المنتجين برأيي
الغربي ناتج عن كثرة الخبراء و التوازي مع الايدي العاملة
المحلي ناتج عن قلة الخبراء و كثرة و عملقة الايدي العاملة الذين يعتمدون على التكرار و عدم الابتكار

» استفتاء هام جدااااااااااااااااااااااااا
» استفتاء هام جدااااااااااااااااااااااااا _الجزء الثاني
» تريكة يلي إبراموفيتش في ختام استفتاء الفيفا لأبرز الغائبين عن المونديال