للامرأة انوثتها وللرجل رجولته

لـ حوآء سحرأنوثة يذيب كل من يقترب منها

ولآدم أيضا رجولية تأسر قلب حواء وعقلها

فسبحآن الذي خلق منا أزواجا لنسكن إليهم ..

الرجولية بعين حوآء .. ليس فقط

ملآبس أنيقة وإتكيت..

الرجولية ..

هي أن يستطيع
أن يحتويها في لحظة ضعفها
وأن يكون لها
ذآكـ الجبل الشآمخ

الذي يبقى
صامد ما إن انكسرت وسقطت دمعتها
..

الرجولية ..

أن يكون كريماً يحبها قدر ما يستطيع
معطاءا كالسماء تمنح بسخاء

فالبخل كالأرض
الجرباء لن ينبت
بها زرع

الرجولية ..

أن يكون لها
الأمان إن اجتاحها الخوف

يكفي أن يمسك
يدها ليكون كل شيء على ما يرام
..
الرجولية ..

أن تصدق معها في حديثكـ

وأن توفي بوعودك لها

فالرجل لآ
يكذب بحديث قطـ

وإذا كذبت مرة
.. وكنت صادق مرارا

فلن تصدقك
إطلاقا

ولن تشعر
مَعَكَ بالرآحة طوآل حيآتها

الرجولية ..

أن تشاركها
طفولتها وشقواتها

وتشاطرها
هدوءها و صخب جنونها

وتسمع معها تغريد العصافير

وترقص معها
تحت المطر دون أن تخاف أن تبللكـ قطراته

لرجولية ..

أن تجد بك في
وقت الضيق الصديق
الذي يسمعها
بلا ملل .. وأن تجد بك الأب إن اخطأت عاقبها بحكمة
وعندما تحتار
تكون لها الأخ الذي يسمعها ويكون بجانبها دوما

وأن تكون لها
الحبيب عندما تحتاج لـ لحظة دفء و حنان

حوآء أرق من
الوردة لمن يعتني بها

ولا تبرز
أشواكها إلا لمن يسيءمعاملتها

وتذكروا وصية
رسولكم الكريم عليه السلام

" رِفقاً بالقوارير"

أرجوا أن تصل كلمآتي لكل رجل
يشعر بأن المرأة مخلوق
يصعب التعامل معه أو فهمه

[/size][/size]

زائر

والله يا ريما يلي صاير إنو البنت بهالأيام
للأسف ما بدها رجال
بدها حدا يقلها حاضر وأمرك وشو ما بدك أنا بعمل
وبدها شخص ما يقلها وين رحتي ووين أجيتي وشو عملتي شو ساويتي
بدها واحد يقلها أنتي دائماً الصح و أنا دائماً غلط
يعني بإختصار90% من بنات هالأيام للأسف طبعاً
ما عاد دوروا ع الرجولة
يمكن بس ع العضلات
ههههههههههه

شكــــــــــــــــــــــــــراً كتر ريما
مهما قيل..فهو قليل
أبدعتي

زائر

يا حبيبي كانو لازم الموضوع يكون اسمو للرجال رجولته وبس

يعني كانو كلشي شو لازم يكون الرجال
طيب شو لازم تكون المراة

شكرا انسة ريما

زائر

والله ياعزيزتي أجيتي على الوجع

الكل بيفكر أنه نحنا فارغين من جوا لا بالعكس

تعليقا على كلام غيث
البنت أو الشب نحنا يلي منصنعه وطبعا الأشخاص يلي عم تحكي عنون نتيجة مجتمعاتنا
وقنواتنا العربية يلي الله يخليلنا ياها عم تجود فساد أخلاقي

كلامك صحيح غيث بس النسبة يلي حطيتها كتييييييير مرتفعة

يعني هلأ لو قلبنا الحكي وحكينا عن الرجال

أنا مابظن النسبة 90 %

أهم شي بشخصية الإنسان الهدف والصراحة والتواضع

لما بتنوجد الأشياء هي أنا بقلك رح تلاقي ( شب أو بنت ) الشخص يلي في هي الصفات

وما تستعجلوا على شي كلشي بوقته حلو

ويلي حكيتي ريما كلام منطقي جدا وكل العادة أنا معك 100%

أبدعتي ياقمر

زائر

هلئ معك حق نبيلة
يمكن تكون النسبة عالية شوي

بس صدقيني هاد الواقع
وأنتي بنت و بتعرفي كيف صاير تفكير البنات
وأكيد متل ما قلتي
المجتمع و ووسائل الإعلام بشكل خاص لعبو دور كبير بتكوين هالفكرة الخاطئة عن الرجولة

شكـــــــــــراً مرة تانية ريما
يعطيكي العافية

هلق في عنا كتير مقومات بعالم الرجوله ما احكيتي عنها
والرجل يلي زكرتيه انت هو يلي لازم يكون
عاطفي وحباب ومدري شو
لا لا لا
انا براي ان الرجل ما لح يقدر يتعامل مع طبيعه المراة غير بالشده
والحزم وما لازم يمشي مع ارادتها الا ان قدرت تقنعه فيها
غير الكلام يلي قاله غيث ويلي انا بايده تماما
مشكوره ريانا
الله يعطيك العافية
موضوع متميز

هلا نورتو كلكن
ولح علق على كلامك غيث
يمكن معك حق في نسبة كتير كبيرة من البنات هيك
او بالاحرى صارو هيك
بس انا عم قول من وجهتي نظري الشب شو لازم يكون
وانا بحب يكون بهل لشكل
لحتى المرأة تشعر معو بالراحة والامان واهم شي المان لان هل الشي انفقد
ولا تفكر اذا الشب قلها للبنت اعملي يلي بدك وعلى راحتك لح تكون مرتاحة
هلا ما لح اجمل كل البنات لح قول بالنسبة الي
بحب اسألو ويجاوبني و يخاف علي
و يشاركني فرحو وزعلو وشاركو يا مو بس يحبني هيك بدون ما يحاكيني شي انو كلمة بحبك بتكفي
اياما تصرف بيتصرفو اكبر واعظم بكتير من كلمة بحبك او حتى بعشقك
بحب انو لما احتاج حدا يسمعني وفشلو خلقي او لما حتى هو يكون مدايق ما يلاقي يلي يسمعو
انو نكون موجودين لنشارك بعض همومنا وكمان فرحنا
يعني افرح لفرحو وهوكمان يفرح معي لفرحي وازعل لزعلو و خفف عنو و هو بالمثل
بشكر مرورك غيث منور

و عبد نورتني بس اهم شي بتحس في المرأة بانوثتها هو الرجل
و كيف اذا كان معا وحاسس فيها
فهي بنظري هي الرجولة هي يلي بتحسسها للبنت بقمة الانوثة

مشكور كتير على مرورك

اما نبيلة فأنا حكيت وجهت نظري وبظن انك متلي
و معو حق غيث يحكي هل الحكي
لان البنات هيك صايرة
بتحب تروح وتجي على كيفها
بس مو كل اصبيعك متل البعض

هلا سيد وسام هي وجهت نظرك وانا بحترمها
بس ما بعتقد كل الشباب متلك
متل كمان مو كل البنات متلي بفكرو
و بالنسبة بالبنت ما بهمها غير المعاملة يلي عم يعاملها الشب فيها
هلا معك حق في شغلات كتيرة بتعبر عن الرجولة
بس بنظر البنت هي قمة الرجولة
لما بتحس انو الشب سائل عنها و معبر عن هل الشي بتصرفاتو
وما بقلك في كتير بنات عندها الظاهر اهم شي
بس برجع بقلك مو الكل
اهم الشي الجوهر لان هو يلي بيبقىوكل شي ممكن يتغير بلحظة
نورت وسام

زائر

حلوووووووووو
ولله يا ريما عم تعبري عن البنات بشكل عام مو بس وجهة نظرك
هلأ أكيد في صفات تانية متل الثقة مثلا
بس بشكل عام حكيتي كتير اشياء حلوة وأنا بوافقك فيها
وبلنسبة لغيث بظن عم يحكي عن نسبة كتير قليلة يعني يلي عم يحكي أسمو عدم اهتمام
مو بس من وجهة نظري بظن نسبة كبيرةمن البنات هيك
شكرا كتير أبدعتي كعادتك

والله يا عبير معو حق يحكي هيك غيث
بس مو بهل النسبة الكتير كبيرة
يعني رحنا بين الرجلين
و انا بعرف انو في كتير بنات متلي مثلا انت
منفكر بالامان قبل اي شي تاني
نورتيني عبورة على مرورك الرائع

لك اخخخخخخخخخ من بنات هالمنتدى مفكرين حالكون انو بس انتو البنات الي بالمجتمع
يعني اذا ريما وعبير وراما وامني ونبيلو وسالي والباقي طيبين وقلبكون طيب
خلص يعني كل بنات الشام طيبين
لك انتو شو شايفين من البنات
يمكن الحكي اليبيصير بينكون يعني بين بنت وبنت
غير الحكي الي بينحكى بين بنت وشب

هلق هون بالمنتدى كم وحدة بتحكي عالتانية وبتحكي عن هادا الشب يضرب وهادا يقبر قلبي
وكل وحدة بترعف حالها
ههههههههههههههههههههههههه
لهيك انا بقول غيث معو حق بنسبتو بس لو خلاها 80% كان احسن واكتر واقعية
لانو بتعرف بنات المنتدى بيمثلو اكتر من 10 % من البنات بالبلد
هههههههههههههههههههههههههه
هلق اسمحولي رد على رموش
بحب اسألو ويجاوبني و يخاف علي
و يشاركني فرحو وزعلو وشاركو يا مو بس يحبني هيك بدون ما
يحاكيني شي انو كلمة بحبك بتكفي
اياما تصرف بيتصرفو اكبر واعظم بكتير من كلمة بحبك او حتى
بعشقك
بحب انو لما احتاج حدا
يسمعني وفشلو خلقي او لما حتى هو يكون مدايق ما يلاقي يلي يسمعو
انو نكون موجودين لنشارك بعض همومنا وكمان فرحنا
يعني افرح لفرحو وهوكمان يفرح معي لفرحي وازعل لزعلو و خفف
عنو و هو بالمثل

هلق معقول ما عم يعمل هالشغلات هي معك
هههههههههههههههههههههههه
اوك والله انا معك انتي بس
انو انتي بتفكري بهالطريقة وحلو يكون في بنت بتفكر هيك بههالايام
لانو هم البنات هلق يقبرني ليكي شعراتو شو حلوين وليكي عضلاتو شو كبار
وليكي سيارتو موديل السنة
ومن هالعلاك هادا

لهيك انا بس شفت بنات المنتدى كيف بيفكرو تعلقتن فيهون
مو لانو حلوين او اجسامون حلوة او شعراتون حلوين
هههههههههههههههه
لانو ما شفت حدا منون
بس حبيت تفكيرون وطريقة نظرون للشب
وطبعاا هي غير النظرة الي منلاقيها برا المنتدى
واسمحولي انو كتير بنات ما عاد طلعت والله انو ليكي شو حلو يا ريت يحاكيني
صارو يطلعو ويقولو ولييي شووو ..................... يا ريت يا خدني على بيتو
وما حدا يقلي غير هيك
لانو شايف مواقف قدامي

فا اسمحيلنا ست ريماا انو نشك بكلامك شوي
اذا عم تحكي بشكل عام
اما اذا عم تحكي عن حالك فا انا بعرف انو كلامك مزبوط وصحيح
لانو يعرفك منيح

شكراا الك رموش
والله مواضيع مميزة يا حلوة

انا معك مية بالمية
ولان هو هيك بعاملني فحبيت اعرف راي الاعضاء بهل الموضوع
وخصوصي عند البنات
بس تفاجأت كتير براي الشباب
يمكن معك حق نحنا مفكرين العالم متلنا
بس انا قلت مو كل اصبيعك متل بعض
لهيك ما حكيت عن وجهت نظر العموم انا حكيت عن وجهت نظري
و يا ريت كل شب بحب بنت
اذا كان بحبها من قلبو يعاملها هيك
لان وقتها عنجد بتحس انها بأمان و صعب تستغنى عنو
متل ما انا صعب استغنى عن يلي بحبو
مشكور يا احلى عضو نورتني والله
هلا تغير الموضوع وصار احلى
هو كان حلو بوجود الاعضاء التانين يلي نورو بس انت حليتو اكتر

مشـــــــــــــــــكورة ع الموضوع والابداع المتواصــــــــــل

منـــور مهــنــد
اهــــــــــلا وسهـــــــــــلا فيــــــــــك

والله ياريما أنا معك 100%
لأنو الرجال مو بس بخانق وصوتو عالي
لازم يكون عندو شوية حنية

مشكورة عالموضوع

منور عمر
وانا معك انو الشب لازم كمان يكونحنون
مشكور على مرورك العطر