هل انت مستعد لتتحمل ؟؟

المرأه بطبعها عاطفيه وضعيفه وسهلة الخضوع لأي نوع من المشاعر..

والشيء الأصعب في المرأه هو تناقضها..
فهل التناقض قد يبعدك أيها الرجل..

المرأه بحكم أنوثتها نجدها متقلبه في أحيان كثيره..

منها في الحب :
فقد تكون تحبك لأبعد درجات الجنون..وتتمنى منك الحب الكبير
ولكنك ان اعطيتها جميع ماتريد .. فأنك لاتجد منها الا الهرب .... لمــــــــاذا؟؟؟

ان تبعتها هربت وان اعرضت عنها تبعتك بكل جنون ؟؟

قالوا عنها: لو حصلت على فرصه في الخداع لما تراجعت عن ممارستها؟؟
هل هذا صحيح وقد ينطبق؟؟؟

المرأه تنسى كرامتها في الحب بل لاتبذل اي مجهود لتذكر ان لديها
ذرة كرامه.. من أجل من تحبه..
بينما في الغيره تنسى حبها وتكون مستعده للهجوم.. بأي وسيله

المرأه كائن ارق من الرقه ولكن قد ينقلب الى أوحش المتوحشين في حالة الخيانه او الخذلان..

قد تصيبك ايها الرجل بالحيره أو بالجنون ولكن في حالة انك كنت معها هل تتقبل تناقضها
أم انك ستنفجر وتهرب.. الى متناقضه اخرى..

فجميع النساء متقلبات ولكن قد لايتبين ذلك الا عندما تتعرض لموقف ما
يجعلها تعرض مخالب التقلب..
فهي ضعيفه وفي أشد حالات ضعفها لاتبين ذلك
فهي مستعده أن تقتل من أمامها ولكن لايكشف سر ضعفها..
(((رقيقه شفافه ولكن متكبره على نفسها)))..
ربما تكون قادره على قتل نفسها.. في سبيل راحتها هي..
ولكن كيف يأتي ذلك كيف تتجرأ على أن تفكر بهذا التفكير..

انها فعلاً متناقضه..

لو لم تكون متناقضه لماذا اذاً
تفضل الرجل الذي يهملها على ان تلقى جميع سبل الراحه.. لديه
لماذا تسعى لتغير من أمامها بأي طريقة كانت حتى لو كلفها عمرها ثمناً لذلك وعندما يتغير
تقول لا انت لم تعد كما انت.. لست من أعرفه..
لماذا تغفر لك ظلمها وربما خيانتها ولكن لاتغفر عدم اهتمامك بها؟؟

عزيزي الرجل انت مضطر للعيش مع المرأه ومضطر لمجاراة تقلبها..
لأنها ايضاَ مضطره لمجاراة مزاجياتك..

ولكن أيهما الأصعب تقلبها أم تقلبك..
هل تتحملها ام تتحملك هي.. أي منكما قد تكون طاقته أكبر في سبيل الحب والتحمل..

وهل تقتنع بالقول
(((( أن المرأه تتبدل وتتناقض ومجنون من يفكر بأن يسلم نفسه اليها))))

اريد اراء جميع الاعضاء من صبايا وشباب
هل انتي مستعدة لتحمل مزاجيته ؟

وهل انت مستعد لتحمل تناقضاتها ؟

زائر

عزيزي الرجل انت مضطر للعيش مع المرأه ومضطر لمجاراة تقلبها..
لأنها ايضاَ مضطره لمجاراة مزاجياتك..

ههههههههههههههههههههههه
أكتر شي عجبني بالموضوع هي الجملة
تقريباً لخصت كل أفكار الموضوع بسطرين

شوفي متل ماقلتي المرأة معها إنفصام بالشخصية
ههههههههههههههههههه
ما تقولي جبت حكي من عندي
أنتي حكيتي هيك بلسانك
هل انت مستعد لتتحمل ؟؟ Icon_wink

عنجد ما بتعرف شو بدها
بتلاقيها بتحب شخص ..وبتتجوز شخص تاني
بتلاقيها أحيانا بتحب شخص و مستعدة تقدملو كلشي و بطرفة عين بتصير بتحقد عليه
مخلوق متناقض بكل ما للكلمة معنى
بس كمان نحنا الرجال مو قلال بنوب
ومتل ما قلتي مزاجيين لأبعد الحدود
أنا من الأشخاص يلي بكون زعلان و مدايق و لأبسط سبب ممكن صير أسعد مخلوق

شكـــــــــــــــــــــــــــــراً ريما
موضوع متميز كعادتك دوماً
أبدعتي و أصبح إبداعك عادة

هههههههههههههههههههههههه

عجبك الحكي كتير غيث مو هيك

مو مشكلة بس انا بقول الحقيقة شو ما
كانت

لان عنجد نحنا هيك انا من الناس
المتناقضة جدا

ما بعرف شو بدي ساعة هي و بعد شوي لا
هي

ههههههههههههههههههه

وانتو كمان متل ما قلت مو قلال الله
عليكن

يعني نحنا لازم نفهمكن و نقدر
مزاجيتكن

بس اذا بتحب شخص بتتحمل منو أي شي

يعني نحنا منحمل وانتو كمان

وما حدا الو فضل على حدا

منور يا برينس المنتدى كلو والشرق
الاوسط

جوابا على السؤال:
هل انت مستعد لتحمل تناقضاتها ؟
اي نعم مستعد كامل الاستعداد و حاطط خطط مستقبلية كمان !

بس ما بعرف إذا هيي بتتحملني بشكل عام ، مو بس مزاجيتي !!

ملاحظة ريما : النتاقضات و المزاجية مثل ما قلتي موجودة بالبشر بشكل عام و أساسي ، من ناحية ثانية بتخلق المشاكل إذا ما استطعنا نتحمل بعض و هذا هو الأغلب ... و المشاكل بالحياة تعتبر (بهارات) الحياة يعني هيي يلي بتعطي النكهة و الطعم خلال معيشتنا مع بعض .

اسمحيلي اسألك من وين جايبة هي المقالة:(((( أن المرأه تتبدل وتتناقض ومجنون من يفكر بأن يسلم نفسه اليها))))
شي غريب !!! و إنت شو رأيك ؟

بعدين للطرافة : مبارح قابلت وحدة (بنت) كانت شارية شاشة تلفزيون كبيرة (سينما) سألتني : كم بتعطيها سعر؟ فعطيتها 3 أرقام /// بس إلى الآن ما بعرف شو كان قصدها لأن ما عجبوها الأرقام !! يعني بدي خبرك شغلة ، إنو ما حدا 100% بيفهم على الجنس الآخر و إذا بدنا نلحق كل شغلة و نتناقش عن كل أمر ما منخلص .

بس اذا بتحب شخص بتتحمل منو أي شي !! هي الجملة كتير حلوة

، لكن في جملة ثانية قريبة بالنسبة لشخصيتي
قد تصيبك ايها الرجل بالحيره أو بالجنون ولكن في حالة انك كنت معها هل تتقبل تناقضها
أم انك ستنفجر وتهرب.. الى متناقضه اخرى..
لكن ليس هربا منها ,,, بالنسبة إلي بعطيها فترة راحة و استجماع أفكار .

موضوعك كتير حلو و نقاشي و لازم نحكي فيه مشان نهدأ الصدمة يلي ممكن تحدث مستقبلا ,
في أسئلة كتير بالموضوع بدها إجابة منكن أيتها الفتيات !! حاولي تجاوبينا عليهم...

زائر

رمروم الموضوع حلو كتير
لحنا مافينا نعيش بلا الشباب
والشباب مافين يعيشوا بلانا
يعني لحنا الاتنين منكمل بعض مع المزاجية والتناقض

هل انت مستعد لتتحمل؟؟

انا مقتنع بفكرة ان المراه ما لازم تعمل اي شي على كيفها
ولازم الرجل يكون صاحب القرار الاول والاخير وبدون نقاش
لانو التضحية والنقاش وانو الرجل يساير المراه هالشي بخليها تتصرف بالطبيعه يلي انت احكيتي عنها
واذا ما كان الرجل صاحب القرار بكل شي هالشي بسببله ازمات ومشاكل وعدم استقرار حتى بالمستقبل
مع اولاده
والمراه اذا حصلت على كل شي متل ما زكرت بتتمرد وما بيعجبها اي شي
هاد صحيح ميه بالمية
وممكن انو تحسن المراة تقنع الرجل اذا بدها شي
بس الرجل يلي ما بيقدر يسيطر على امور بيته بكون خسر راحته واستقراره

انا ما مستعد استحمل كلمه لا او اي رفض لطلباتي من البنت يلي بدي ارتبط فيها
ويلي بتعد عندي وبتسمع الكلمه الله محييها ويلي ما بتعمل هيك الله معها

مشكوره ريما على موضوعك الواقعي وعلى نقاشك الحاد يلي فتحتيه

مشكورين على المرور
هلا ابو اسامة يمكن اذا خضنا بهيك موضوع ما منخلص
لان في كتير اشياء بتخص هل الموضوع
واياما الواحد بيستحمل اي شي
بس كمان بتجي ايام بتكون مو قادر تسمع كلمة
لهيك ما قادر تستحمل مزاجيت غيرك
بس بالنسبة الي بحاول كتير ساير العالم
و اتقلم معون و خصوصي يلي بحبو
بحاول على قد مافيني اني كافي بقدر محبتو الي
ومعك حق اياما اي علاقة بحاجة لان يبعد الطرفين عن بعض
بس مشان يحاولو يسترجعو ذكرياتن مع بعض ويشتاقو لبعض
وياخدو بريك اذا بدك
وانا برايي مشان المقولة سمعتها و اجيت اخد رايكن فيها
لاني ضدها قلبا وقالبا
لان اي انسان بتحبو بسلمو قلبك وعقلك وما بتسال اذا كنت مقتنع ومن قلبك عنجد بتحبو

ريما صح نحنا التنين منكمل بعض وصعب تلاقي واحد دون الاخر

اما وسام فسمحلي علق شوي
انو لنجاح اي علاقة لازم تكون مبنية على الحوار والنقاش
ومو معناه اذا نزلت هل الموضوع كون مع الكلام لا انا قريتو وعجبني و حبيت اسمع رايكن وتسمو راي كمان
بصراحة ما فيك بهل الايام تقول لاي بنت اعملي هيك وبدون نقاش
لان انت مقتنع انو صح لا ما بيصير
لو علي بقلو ناقشني قلي ليش اقنعني او بقنعك
وما عندي اي مانع اني اتنازل اذا كان هو فعلا معو حق
لان اساس العلاقة المناقشة والحوار و المسايرة هي اهم شي
ما قصدي تاخدو على قد عقلو بالعكس تماما
لح يقدرك اكتر بكتيراذا انت تنازلت زسايرتو
مشكورين كتير لمروركم الرائع

زائر

كلام حلو
وموضوع روعة
بس اوكم تصدقو حالكم ايوا

هههههههههههههههههههههههههه
خلص ما لح نصدق
منور عبد شرفت الموضوع

زائر

واحلى ريما ولله
موضوع بمحلو
بوقتو

بلنسبة للتناقض معك مية بلمية
يعني جيبي مليون زلمة على انو يفهمو انثى مارح يحسنو

بس كمان مزاجيتن بتخلي العاقل يجن
هاد عدا حب السيطرة يلي عندن
يعني ازا هن متحملين طاء نحنا عشرة

مافشيت خلقي بس حاجة يلا
ههههههههههههههههههههههه

موضوع روعة مشكورة كتير

موضوع بشكل عام ممتع ورائــــــــــــــع بس اكتر شي حبيتون وعجبوني هدلون

فقد تكون تحبك لأبعد درجات الجنون..وتتمنى منك الحب الكبير
ولكنك ان اعطيتها جميع ماتريد .. فأنك لاتجد منها الا الهرب .... لمــــــــاذا؟؟؟

ان تبعتها هربت وان اعرضت عنها تبعتك بكل جنون ؟؟

مشكوووووووووووووووووووورة موضوع بيجننننننننننننننن

منور مهند
اهلا وسهلا فيك بالموضوع
والله نورتني

شكرا كتير لردك على تعليقي يا ريما ،،، ومثل ما قلتي التفاهم و النقاش أساس كل شي ..
لكن في بعض الأمور بدها تصرف سريع شوي يعني بعدها بيجي النقاش ...

يا عبورة الحق معك ، بس على مهلك علينا شوي
مو بس مليون ، إي مافي حدا بيفهم البنات ، أنا بقول عن حالي بفهم البنات لحد معين بس إيام بلاقي حالي بموقف مالو حل ...ههههههه
هلق السوريات إلى حد ما صرت افهمهم ،،، بس غير جنسيات يعني عم حاول و شوف تصرفاتهم و آرائهم ....مشان افهمهم بس البنات كنتيجة كلن مثل بعض مشتركين بشي 75% و الباقي على هوا الثقافات ....

اول شي موضوع كتير حلو وطريقة العرض مميزة ..

هلأ من مبدء هل تتحمل او لا فهو ما في مجال للخيار ..

يعني اذا قال لأ أحد الطرفين بيقدر عيش بلا التاني ..أكيد لأ ..

بس انو أختي من باب النق كلو بنق ...أنو ما حدا بيقدر يعيش بلا التاني بس انو بضلو يحسسو بأنو متحملينك على علاتك ههههههه ..

بس أكيد تفكير المراة يختلف 180 درحة عن تفكير الرجل وهاد مو عيب او غلط هي تركيبة من عند الله ..

والتعايش شي أساسي بأنو هاد يقرب من هاد ...بتطلع عيشة بتجنن واذا بدك تشوفي اكتر المشاكل اساسها كبر راس من مين ما بهم ...

أنا بشكل عام عم تابع مساهماتك وتفكييرك وطريقة كتابتك حلوة بس هي اول مرة بردلك على شي ...

مشكورة ريما عالموضوع الحلو

اهلا وسهلا فيكيكي يا احلى عبورة
بس بدي علق شوي انو والله بتستحملي بس على حسب الشخص
اذا شخص ما بيستاهل والله ما لازم نتحمل
منورة عبيرو واسفة ما انتبهت على مرورك

منور ابو اسامة و معك حق البنات صعب ينفهمو
بس كمان الشباب في عندهم غموض بكتير مواقف
مشكور على مرورك مرة تانية

اما بالنسبة للسيد العقرب فعنجد بشرفني كتير مرورك بموضوعي
و معك حق بالكلام يلي قلتلو
ويمكن متل ما قلت اغلب الخلافات من تكبير الراس
وهون بيجي التفاهم والنقاش لانجاح العلاقة
و اذا بتحب لازم تتنازل مو دائما تكون انت يعني مرة انت ومرة شريكك
وهيك بتصوري بتكون المعادلة صحيحة وما حدا بيزعل من حدا
اصلا يلي بحب ما بدقق و ما بهمو اذا تنازل في سبيل اسعاد الشخص الاخر
وبشكرك جزيل الشكر على رايك و مرورك الرائع

الله الله الله
شو هالإبداع يا ست ريما عنجد برفعلك القبعة و بحييكي من كل قلبي
عنجد كلام أكتر من رائع و أنا معك بكل حرف قلتيه يعني مومعقول التطابق مع الواقع المرير

و مشان السؤال
طبعاً لازم تنقبلها و صدقيني يا ريما إنو لو ماكانت هيك نحن الشباب رح نطلب من البنت تكون هيك
و بالأخير الحياة مساوسة
يعني برأيي أنا اللي بيحب لازم يسامح و يمرق و بالنهاية ما في حدا كامل غيرو سبحان إسموا

و آخر شي بدي قللك إنشاء الله ما بتلاقي ولا حدا يخونك يا غالية

منورة
موضوع غاية في الروعة و الله لازم يتثبت برأيي
مشكورة يا ست الكل
ريما خانوم

معك حق ابراهيم بالكلام يلي قلتلو
وطبعا كل واحد بحب بمرق
لان الحب اهم شي
وما بوقف عند مشاكل صغيرة
بشكر كتيييييييير مرورك
نورتني ونورت الموضوع