الصديق وقت الضيق

♥--الصديق وقت الضيق!! وأذا صار العكس؟؟؟---♥
....

الصديق
وقت الضيق .. هي دائما نسمعها .. ويمكن جربناها .. وصارت شيء
اكيد
ولكن !! اذا هذا الصديق كان مصــــــدر
للضيق !!!

يعنى المقصود انه صديق مقرب .. نثق
فيه .. عشرة طويله معاه ! ما نتوقع ابدا انه راح يكون بيوم من الآيام مصدر للضيق !!
وحصل وصــــــار !!! جرح ... وغدر .. وضربنى بسيف الغدر !!
وضرب بالصداقه عرض
الحائط !!!
هل سنثق بيوم من الايام بصديق ..
ونرجع ونقول الصديق وقت الضيق ؟؟!!!

أكيد هي الدنيا فيها خيــــــر ,,, وفيها الشـــــر ..

شلون نقدر نميــــــز .. وخاصة كثرت الاقنعـــــــــــه .. أشكال
وألوان !!! ؟؟؟

وبحمد ربي على اصدقائي
بس حبيت اعرف ارئكم بهل الموضوع

زائر

أول شي أسمحيلي أشكرك كتير ريما ع الموضوع النقاشي الأكثر من رائع
صرلنا زمان ماقرينا هيك مواضيع مميزة بتفتح النفس للنقاش

الصداقة هي قلب واحد في جسدين
الصداقة هي المظلة التي نحتمي بها عند أشتداد المصائب والأزمات
لكن عندما يحدث العكس

بكل بساطة بيكون في سوء إختيار لهالصديق
الصديق الحق ما بتكون علاقتو معنا قائمة ع أساس المصلحة
الصديق الحق بيكون جنبنا بدون مقابل

وبالنهاية كلنا معرضين لسوء الإختيار
وهالشي أبداً مالازم يأثر ع قناعاتنا بوجود الصديق الحقيقي
ومتل ما قلتي
الدنيا فيها الخير وفيها الشر
فيها المنيح وفيها العاطل
ولله يجمعنا بالناس المناح و يبعدنا عن الناس العاطلين

شكـــــــــــــــــــراً كتير ريما ع الموضوع المميز
شكـــــــراً من القلب..إلى القلب

بشكر مرورك غيث
بس اياما كتير بننصدم باصدقاء
يمكن من سوء اختيارنا او قلة تجاربنا
واحيانا كتير القلب الطيب
بس لحد الان عندي الايمان انو لسى الدنيا بخير

منور يا برنس

زائر

مممممممممممممممممممم
بصراحة أنا عندي أكتر من تجربة بهاد الموضوع
يعني مجربة الصداقة بكل أشكالها
الطويل والقصير والمقرب والبعيد والفاشلة والناجحة
كم كبير فيكي تقولي
بس بصراحة طلعت بنتيجة
أنو مافي صديق لكل العمر
لأن الناس بتتغير والافكار بحكم الحياة
بقا طبيعة الصداقة كمان رح تتغير
يعني ما بظن أنو اسائة أختيار الصديق هي يلي بتأدي للغدر
لأن الصديق ما بيغدر
بس التسرع بتسمية الشخص صديق
هو يلي لازم ننتبهلو
اسفة طولت عليكي ريما
بس الموضوع حلو ومتشابك
بلنسبة ألي على الأقل
مشكورة كتير

والله يا عبير معك حق
مو كل الاصدقاء مناح
واحيانا بيجي الغدر من اقرب صديق الك
الله يجيرنا من هيك اصدقاء
منورة يا حلوة

بس على فكرا يا ريما في اشخاص كتير بالدنيا ما بيستحقو الصداقة لانو الغرور والانانية عامية قلوبن بس انا بخاف احسد حالي لانو عندي احلى رفقا بالدنيا و اولن الاشخاص الموجودين بأحلى منتدى وطبعا احلى صديق بالدنيا

علاء الدين سرور واحلى بنوتة برشلونية للعضم و امل الحياة

والله يا توفيق
الرفقة الصادقة عملة نادرة واذا حصلنا عليهن
لازم ما نستغني عنهن
منور بمرورك

امممممممممممممم
والله اجى بوقتو هالموضوع
لانو من فترة قريبة صارت معي مشكلة مع رفيق الي
او كنت مفكرو رفيقي
بس للاسف طلع عكس هيك يا خسارة
ستي
بدي قلك انو لسه في اصدقاء حقيقين
يعني ما بدون من وراكي مصلحة ابدااا
مع انو بين اي تنين رح يكون في مصلحة بس بتفرق بين مصلحة طيبة ومصلحة سيئة
يعني مثلالا انا رفيقي ما بسمع منو كلمة ولا تلفون الا اذا بدو شي مني
وسبحان الله صرت اعرف انو بس يبعتلي رسالة او يحاكيني على موبايل ايميل او اي شي
انو في شي من وراها وبدو شي يعني مو لخير هالاتصال
هههههههههههههههههه
هلق انا ما بعتبر حالي صديق مثالي لانو في عيوب كتير وما بعتقد حدا يقدر يتحملها
وخصوصا من مجتمعنا الي متمسك شوي بتقاليد انا بشوف انو ما الها طعمة
وانا برفض هالشي لهيك دايماا هي مصدر خلاف
بس سبحان الله الصديق بيبين دغري يعني بس نكون بجلسة وينفتح اي موضوع ويختلفو معك بالراي
الصديق هو الي بيقدر وجهة نظرك وبيرد بيحاكيك تاني يوم
اما الي رفيق عادي بيصير يحكي عليك
هههههههههههههههه
جنان مو هيك
على كل انا لسه مامن انو في صداقة ما في من وراها مصلحة
مع انو اهتزت هالقناعة شوي من كم يوم

شكراا ريماا موضوع غني جدااا

والله كلامك درر
وانا معك لسى في شي بالحياة اسمو رفيق حقيقي
منور نبيل
وانشالله ما بتشوف رفيق خاين بحياتك

الله عليكي يا ريما موضوع حلو كتير للنقاش
مابعرف شو بدي الك مدري شو صاير لهالعالم صاير الغدر بدمهم ومو فاضيين غير لهالشي بكون عندك صديقة او صديق مقربين كتييير الك وفجأة بتكتشفي شي مابتتوقعي انو يطلع منها او منو بيجرحوك جرح مؤلم كتير وبيمشو ولا كانو ساوو شي وكل يوم بقناع جديد
بس اكيد متل مافي ناس بيغدرو في ناس بآمنو بالصداقة بكل معنى الكلمة وفعلا بتلاقيون وقت الضيق ومابيتخلو عنك يعني ان خليت خربت
ان شاء الله مابتتعرفي الا على اصدقاء مخلصين واوفياء لانو انت مافي منك يا احلى ريما وبتستاهلي كل خير

مشكورة كتير وتسلم ايديك عالموضوع الروعة

والله الحق معك يا راما
بس ان خليت خربت
وهي انتي اروع صديقة
منورة يا حلوة

زائر

والله يا ريما كل شي حكيتي صح
في المنيح وفي العاطل
!!!! أنا شفت كتير عالم فكرتن رفقاتي طلعوا
ما بعرف شو الكلمة يلي ممكن بتوصفن أو بتوصف الغدر يلي طلع منن
أكيد ما كنت أتوقع غدر من أقرب الناس
بعد كل تجربة حتى لو كانت قاسية منطلع أقوى من أول
بس أكيد في صديق حقيقي يحس قيكي قبل ما تحكي شبك ولا ليش مدايقة

شكرا ريما موضوعك كتير حلوووو
رائع

شكرا لموضوعك :

من ناحية الصداقة ، الصداقة تأتي من معرفة طويلة الأمد أو تكون بالثقة المتبادلة أو تكون من تجربة عملية (حياتية) أو مادية !

حاليا صار الشخص يلي بتعرفو (معرفة) عم نسميه صديق !!، و هذا غلط
بينما الشخص يلي مجربو و متعامل معو ،،،، بتسميه صديق

من ناحية ثانية : عندما تكثر المعارف و العلاقات بتصير عند الشخص مثل نظرة أولى بالشخص الآخر و بيحسن إلى حد ما يضع فكرة مبدأية و ما يتسرع بالوثوق بشخص ما بيعرفو ، يحاول يفهم الآراء تبعو و الأفكار ، و الأحسن يسأل عنو!!!

هي من خلال خبرتي ,
شكرا إلك ريما,

بشكر مروركم
والصديق موجود
بس نحنا بدنا نعرف نختار
والله يجمعنا بكل الاصدقاء المناح
ويخليلنا رفقاتنا يلي اكيد نحنا عرفانين نختارون

مشكورة ريوم على هالموضوع الحلو

انا الحمد لله توفقت بحياتي باختيار اصدقائي
وعندي صديقين بكل معنى الكلمه اصدقاء
وممكن العلاقة بيناتنا ما حدا ممكن يتصورها
وبلاقي فيهم كل مقومات الصداقة

وكمان باقي اصدقائي خير وبركه

ورب اخ لم تلده امك

منور وسام والله يخليك لرفقاتك
ويخلي رفقاتك الك
وانا بحمد ربي على رفقاتي يلي متل اخواتي
هون بالمنتدى وحتى برا المنتدى

زائر

والله انا ك صديق كلهم اوفياء يلي بعرفهم
وما في منهم
واذا احيانا حدا دايقني بقدر وضعو بقول انو ممكن يكون عندو عذر
كأصدقاء ها الحكي ايوا

مشكورة كتير
موضوع روعة

و الله يا أم الرور معك حق الناس صايرة كلهون مختفين وراء أقنعة مزيفة
بس برأيي إذا الواحد عندو صديق واحد بس
بمعنى صديق
أكيد بيكفي
لكن إذا الجرح إجا من هالصديق
ولي
ولي
ولي
لا كتير صعبة الله لا يدوقها لحدا
بجد كتير صعبة
و شغلة إنو الصديق وقت الضيق
بهالزمن صايرة نادرة هالمقولة
بس الحمد لله إنو أنا ماشية معي تمام و إنشاء الله ما بتخرب مع حدا
لأنو عنجد صعبة

مشكورة يا غالية
بجد كل يوم عم نكتشف زاوية تانية من شخصيتك الرائعة
أرجوك لا تحرمينا منك و من مواضيعك الأكثر من روعة
لك كل الشكر و التقدير مني
و منورة طبعاُ
مشكورة مرة تانية

زائر

انا برايي انو الصديق مو ممكن يكون
موجود غير وقت الضيق
وهو الصديق الحقيقي
ولازم نستحمل منو شو ما كان لان اكيد
الو اعذار والو نظرة بالحياة
متل ما النا نظرة
مشكورة ريما موضوع حلو
بس البرايي الصداقة الحقيقية موجودة وبكترة

نورتو يا الحلى شباب وصبايا
بس شو بدنا نعمل الحياة هيك
والله يباركلنا برفقاتنا