سوريا تمنع المنقبات من الجامعات ...!!!!

تذكير بمساهمة فاتح الموضوع :

دمشق – ي. ب. آ :
أعطى وزير التعليم العالي السوري غياث بركات توجيهات تقضي بمنع دخول الطالبات المنقبات إلى الجامعات السورية، وأعلن الوزير السوري رفضه لما وصفه بالظاهرة التي "تتعارض مع القيم والتقاليد الأكاديمية ومع أخلاقيات الحرم الجامعي".
ونقل موقع "سيريانيوز" السوري عن مصدر وصفه بأنه "موثوق مقرب من وزارة التعليم العالي"، فضل عدم الكشف عن اسمه، أن الوزير السوري قال إن "طلابنا هم أبناؤنا لن نتركهم عرضة لأفكار والعادات المتطرفة"، على حد ادعائه.
وتأتي الخطوة السورية بشأن حظر المنقبات من التسجيل بالجامعات بعد خطوة مماثلة اتخذها وزير التعليم العالي في مصر حيث قرر العام الفائت منع المنقبات من دخول لجان الامتحانات والمدن الجامعية وهن يرتدين الجامعات؛ الأمر الذي أثار ضجة كبيرة وأزمة طالت شرائح كثيرة من المجتمع المصري

بصراحة أنا نزلت هالموضوع و بعتقد أغلبكون سمعوه
و بدي أعرف رأيكون بهالموضوع ياللي أنا بشوفوه خطير
و خاصة نحن بلد مسلم و كمان هي حرية شخصية ولا شو

بتمنى من الكل المشاركة
تقبلو تحياتي

وانــــــا مع هيدا القرار مليونين %

هلق اوك حرية شخصية وانا معك بهيدا الشي

بـــــس بمعهدنا لوحدو صارت اكتر من 3 حوادث غش بسبب النقاب

لمـــــــــا كنــــت بالهيئــــة الادارية باول سنة الي بالمعهد

كنا نراقب ع الطلاب وفي بنت مارضيت تشيل النقاب لنتاكدو انو نفسها الي بالصورة

وبالاخير صارت تبكي اخدتـــها صبية كانت عم تراقب معنا وشافت وجها وطلعت مو نفس البنت

وصارت لجنة انضباط وقصة طويلة

انا ماعم قول كل وحدة لابسة نقاب جاي تغش

بس عم احكي الي صار

بالنهاية انا مع قرار الوزير

وشــــــــــــــــكرا الك خيي برهوم

والله الغش موجود بنقاب او بغيره يعني ما فينا ننكر انو كلنا مننقل "منغش" بالامتحان يعني ما دخل
وأكيد للقرا أبعاد اكتر من هيك بس شو ما كانت ابعاده ممكن بسبب هيك قرار بعض البنات يتركه الجامعة لأنهم مافيهم يكونو غير هيك
وبالنهاية كمان هي حرية شخصية وانا بحيي البنات المنقبات يعني والله هالشباب صايرين بخوووووووووووفو
تقبل مروري كابتن

بريطانيا تدرس مشروع قرار الغاء قرار منع النقاب
هاي بلد غربي
ونحن بدنا نطبق القرار
اي حلو كتيييييير
طيب الدول الي طبقت القرار اول الشي اغلبها دول غربية
هنيك اذا الشخص بيطلع عاري ما عليه تياب عادي جدا
بس اذا المرأة حطت نقاب لأ ما بصير
لأن الأولى حرية شخصية بس التاني مو حرية شخصية
وعبتحكوا عالغش من تحت النقاب لك اين غش هاد حاجتنا ولو يعني قبل هلأ بكام سني ما كان في غش
لأ اكيد ما كان في غش بس هلأ حتى صار
ياشباب وصبايا اذا سمحتوا احكو كلام منطقي بشكل موضوعي احسن من هالحكي السفسطائي
وشكرا الكن مو القصد التجريح برأي اي حدا اكيد بس مجرد نقد بناء

بفرنسا ضل القرار عم يندرس حوالي 3 سنوات هههههههه

ما كان بدي رد على الموضوع !!! بس لأن عندي فكرة حابب اطرحها ...و أرجو من أعضاء المنتدى قرآءة مقترحي فقط.

قبل كل شي معروف عنا إنو من عالج المشكلة بمشكلة ثانية ! بدون نقاش ...

وما بدها أكثر من اثنين يحكو فيها ، يا جماعة القصة كتير بسيطة ، بدكم الجامعات مختلطة ، خلوها مختلطة !!! ما في مشكلة.
خايفين من الغش بهي الطريقة ، سهلة : عملو قاعات الإمتحان شي للبنات و شي للشباب ، انتهت القصة .

خايفين من السكن الجامعي يفوتو شباب على البنات وهو لابس النقاب: هلق صار وقت التكنولوجيا و التطور (وهي سياسة الدكتور بشار)
في اختراع اسمو (آلة البصم) وكتير صارت منتشرة بالشركات مشان الدوام ،،، يا جماعة أول ما بتسجل البنت أو الشب بالسكن الجامعي نزلو بصماتهم على الجهاز مرة وحدة بالعمر ...وهذا بيكون جهاز لكل بناء بحد ذاتو و تابع للطلاب القاطنين بنفس السكن ، و الجهاز مربوط بباب الكتروني ، بيفتح على البصمة.
ومن ناحية ثانية : مشان يهيؤوا فرص توظيف بوظفوا بكل بناء (حارس أمن) مسؤول عن دخول الطلاب إلى السكن
وما بفتح الباب إلا بعد تسجيل أسماء و أرقام البطاقات الخاصة بالطلاب الزوار ...إن وجد!

الفكرة يلي بدي وصلها إنو في حلول موجودة ولكن نحتاج من يطبقها ، وأن نطور من أنفسنا قليلا ، يكفي تخلف ...أصبحنا بزمن التكنولوجيا و الأتمتة و الحواسيب و إلى الآن نفرض قوانين ما أنزل الله بها من سلطان ...

أبو أسامة,

انا ضد هل قرار 100%

أول شي أنا ضد القرار مليون بالمية
لما بتكون الشغلة بالعكس بقولوا هي حرية شخصية وشو مابدهون يلبسوا
بعدين المدير العام وغيرهم يلي قالوا غش هلئ صاروا حريصين بعدين كلنا منعرف أنو أغلب الطلاب بينقلوا بالفحص يعني موحجة
حتى لو كان إذا شك المراقب بإحداهن بيحسن ينادي لمراقبة وتكشف عن وجها أمام المراقبة للتأكد كمان موحجة
طيب حدا بقلي بعد هل الشي مشان شو القرار؟؟؟؟؟؟

مرحبا للكل

هلأ أنا أكييييييييييد مو مع هالقرار و ضدو تمام....بس كمان بفكر....انو انا منقبة و عم ادرس طب مثلا...طيب كيف لح تزبط معي اني اكشف على مريضي و نقابي على وشي....كمان فيها وجهة نظر....

متشكرين

سلام

» انتباه الى كل طالبات الجامعات
» مفاضلة 2011 للمعاهد و الجامعات
» 81 % من خريجي الجامعات السورية ينتظرون الوظيفة 4 سنوات