هل حب جديد يمحو الحب القديم؟؟؟

هل الحب الثانى يمحى الحب الاول؟؟

سؤال ومامن جواب!!!

من منا لم يمر بتجربة حب في حياته

فهناك من مازال مستمرا بحبه

ولكن الكثير الكثير من فقد هذا الحب

والاسباب تختلف فهناك الخيانه وهناك ظلم الاهل

والقدر وغيرها من الاسباب ومهما تعددت هذه الاسباب

*فالنهاية واحده*

انكسار قلب

بقايا انسان

ثقه مفقووده بالجميع

انسان ضايع محطم يبحث عن حبل النجاة

وفجاة يجد هذا الانسان حبيبا يحبه بشغف وبقوه
فيتعلق به ويتمسك به

وقد يكون هذا الحبيب هو حبل النجاة ليعوض آلام الماضي

وقد يكون اسوأ من سابقه فنعيد حياتنا السابقه ونستقبل

آلام جديده فهل تبقى لها بالقلب مكان ؟؟

وقد يكون هذا الانسان يحبنا بصدق ولكن للاسف تعلقنا يكون

مجرد تعلق بوهم شخص توهمنا ان احببناه لننسى الماضي الاليم ؟؟

فمارأيكم معي؟؟
هل الحب الثاني يمحي الحب الاول ويزيله ؟؟

ام انه مجرد وهم وخيال نعيشه للحظات وايام لنعيش سعاده موقوته ؟؟

في انتظار آرائكم

تحياتي سوريه وافتخر هل حب جديد يمحو الحب القديم؟؟؟ Icon_flower

انا بتمنى انو يمحيه بس للاسف ما صار هيك
مشكورا كتييييييييير على الموضوع

امممممممممممممممممممممممممم
حلو هل الموضوع وخرج النقاش
بس برأيي اذا حبينا مرة تانية لنسسى حبنا الاول
فهاد غلط كبير بحق نفسنا لان الحب التاني ما لح يكون حب حقيقي
لح يكون تمضاية وقت لازم نصبر لحتى نشفى من حبنا الاول ونفكر بعقل
ومن بعدها منحب وقتا بكون خيارنا افضل وعقلاني اكتر
اي شخص بيمر بحياتنا لح يكون الو بصمة شو ما كان الحب اول او تاني
لح يترك ذكرى بعقولنا وقلوبنا وما بتوقع ننسى انسان حبينا من قلبنا
والظروف فرقت بيناتنا بس هي سنة الكون ناس بيفترقو وناس بيتعرفو على بعض
ولازم نرضى شو ما كان
مشكورة كتير موضوع رائع
وانا بشوف انو لازم ينحط بحوارات شبابية لانو موضوع نقاشي
يعطيكي العافية

زائر

والله انا رايي
متل ما بيقولو ما الحب الا للحبيب الاولي

وبعدو قد ما حبينا ما رح تحب متل ما حبينا اول واحد

وانا حبيت مرة
وبست التوبة
خلص ما عاد حب بحياتي
لانو بصراحة صرت خاف انو حب
لاني مو مستعد ينكسر مرة تانية

حاجتو

مشكورة كتير على الموضوع
حلو كتير للنقاش
يسلمو

انا برايي كل تجربة حب كانت فاشلة او ناجحة إلها مواقفا و أحاسيسا

بس ما بعتقد الحب الجديد يمحي الحب القديم

و بعتقد انو الحب لازم يكون لشخص واحد بس

بغض النظر عن تعدد التجارب

زائر

أول شي مافي حب تاني حتى ينتهى الحب الأولاني
هاد برأيي
يعني بيصير منفذ لننساه بس
وهاد غلط أكيد
وأكيد أنو ننسا الحب الأولاني شي كتير صعب
بس بنتخطاه لنعيش حياتنا
والحياة كفيلة بأنو اتداوي جراحنا

مشكورة كتير علموضوع
وياريت يكون بقسمو المناسب

انا باعتقادي الحب مستحيل يموت
حتى لو حبينا عشر مرات بعدو
الحب الحقيقي مستحيل يموت
ممكن ينام بس يموت
لا وميت لا
لذلك بعتقد انو الحب الجديد ممكن يساعد نوعا ما
بس متل ما قال الشاعر
قلب فؤادك كيف شئت من الهوى ما الحب الا للحبيب الاولي

واكيد نوع الحب بيلعب دورو لانو ما كل حب منسميه حب
الحب يا شباب اكبر من انو نتصوره او نحكي عنو
وما حدا بيعرف شو الحب الحقيقي حتى يجربو

مشكووره سورية وافتخر على هالموضوع النقاشي الرائع

موضوع حلو ومميز
بس برأيي الحب الأول مستحيل ينسا الانسان
وخصوصي اذا كانت نهاية الحب الأول هي الخيانة ساعتا بتكون كملت معك
وبالنسبة للحب الجديد ما بعتقد أصلا انو ممكن يكون في حب جديد
لأن بهالزمن الواحد ما عم يعرف اذا هوي حابب عنجد ولا عم يمضي وقتو

ممممممممممم
هلء شغلة إنو ينهي الحب و يزيله
مستحييييييييييييييييييييييييل
بس ممكن الواحد ينسى لفترة بس مستحيل ينساه أو يمحيه
و الحب التاني بمقدار حلاوتو و جاذبيته ممكن يأثر بالحب الماضي
بس تعرفي شغلة الحب الأولاني أحلى شي مين ماكان بالحب التاني
الأولاني داءماً إلو ريحة و نكهة غييييييييييير

مشكورة صديقتي عالموضوع الراااااااقي و الحلو و النقاشي
شي مميز اللي عم تقدميه
صحيح قليل بس مؤثر

ينقل لقسم الحوارات الشبابية

زائر

مممممممممممممممممممممممممممممممم
موضوع جداً رائع ومميز من إنسانة غاية في الروعة
وعنجد للنقاش وحدة بوحدة متل ما بقولو

هل الحــب القديم بموت؟؟
لأ..مستحيل يموت في حال كان حب صادق و صافي
بس أنو إذا ممكن ننساه؟
أي ممكن ننساه بعد فترة ..وأكيد منتذكر كل اللحظات الحلوة يلي عشناها مع الشخص يلي حبينا
وأنا مابوافق عبير بإنو مافي شي أسمو حب تاني
في شي أسمو حب تاني و تالت و رابع
لأنـــــــو الحب بالنهاية مشاعر..ممكن تموت وقت ما تلاقي الإهتمام الازم من الطرف الأخر
متل الوردة..إذا ماسقيناها مي بتدبل وبتموت
هل حب جديد يمحو الحب القديم؟؟؟ Icon_king

شـــــــــــــــــــــــــــــكراً كتير يا سورية و أفتخر ع الموضوع المميز
وعنجد نحنا منفتخر بإنو عنا عضوة مميزة و رائعة متلك
تقبلي مروري المتواضع

زائر

مممممممممممممممممممم
شو هلحكي سيد غيث
يعني بفهم من هلحكي انو ممكن تحب أكتر من وحدة بنفس الوقت
بس هاد أسمو خيانة ببساطة
انو يبلش حب قبل ما ينتهي يلي قبلو
قصدي ينتهي عمليا ولو انو رح يبقا شي بالقلب ومارح نقدر ننساه نهائيا
ولا ترجع تقلي انو الشب " فيزيولوجيا " مهيئ يحب أكتر من وحدة
لأن هي أسمها خيااااااااااااااااااااانة

تقبلي مروري للمرة التانية
وشكرا علموضوع

مشكورين جميعا على هل نقاش الحلو
وانا مع غيث برئيو كل واحد الو رئي بس انا بتفق مع غيث
غيث اصدو انو نحنه منقدر ننسا لتحى نقدر نحب مرة وتنتين وتلاتة
انا هيك برئي
تحيااااااتي

أكيد لاء ما الحب الا للحبيب الاولي

مابدها خمصطعش واحد يحكوا فيها الحب الحئيئي ما بيروح ولا بينمحى

زائر

لااااااا
انا بخالفكم

الواحد ما بيقدر يحب الا وحدة بس

بيجوز انو يحب وحدة ويعجب بوحدة
بس القلب ما بيكون الا مع وحدة

كبير بوبو

هل الحب الثاني يمحي الحب الاول ويزيله ؟؟

بتشكرك يا آنسة سورية و افتخر على هلموضوع .
جواب السؤال: بكل بساطة (لأ)
لأن الإنسان مكون من مشاعر و أحاسيس ، فيحب و يكره من خلالها .
ومثل ما ذكرتي مو دائما بيستمر الحب بين شخصين لسبب من الأسباب مهما كانت ، و هذا الشيء لا يعني أنه سيتوقف عن الحب (لأن الإنسان بحاجة للحب)
وعندما يجد الحب الثاني تبقى ذكريات الحب الأول موجودة ، فلا يزيله ! بسبب المقارنة بينهما .
وهكذا تستمر الحياة ! و تختلف نسب الحب بين الجميع
فمنهم من يفضل حب واحد و منهم من يحب أكثر من شخص ومنهم من يستمر بالتغير و التقلب بالحب عسى أن يجد حبه الضائع.

تقبلي مروري،
أبو أسامة,

زائر

عنجد موضوع بيجنن وانا بالنسبة الي بحب النقاش بهيك مواضيع

هلأ ممكن الشخص يحب مرة وتنين ويمكن عشرة
بس دائما اول حب بحياتنا هو يلي بيأثر علينا
وما منقدر ننسى اللذة يلي حسيناها بالحب الأول
ودائماً أول مرة بتساوي شي بيكون غير المرات يلي بعدو
والو احساس مختلف وشعور مميز
مو ممكن تحس فيه مرة تانية أو يتكرر
هلأ مو بالضرورة إذا الشخص حب مرة تانية ينسى الحب الاول
يمكن نلاقي شي عند شخص تاني ما لقيناه عند أول شخص حبيناه
بس الشي الأكيد يلي بعرفو
انو الحب الجديد بيقدر ينسينا جروج الحب القديم
كمان بدي ضيف شي
مو أول شخص حبيناه يكون هو الحب الحقيقي
ممكن يكون عند الشخص التاني

ومتل ما قال سيمون دي برافو
" الحب تجربة حية لا يعانيها الا من يعيشها"

اسفة طولت بس موضوع جدير بالنقاش
مشكووووووووورة كتير
سورية و افتخر

» افتتاح مبنى جديد للمعهد التقاني بدلا للمبنى القديم
» فقط لأهل الحب...ومن عرف الحب...تفضلوا جاوبوا
» حبك القديم