هل هذا ممكن أن يحصل ؟؟؟....

زائر

مرحبا أعضاء المنتدى أنا حبيت سجل وشارك بمواضيعكم الحلوة والمميزة

والمشوقة وهالمنتدى لفتلي انتباهي وانا شخصيا بتشكر عاشقة النجوم يلي ساعدتني بالتسجيل

مشكوووووورة عاشقة النجوم

وهي أول موضوع لح اكتبو بتمنى انو بنال اعجابكم و تنوروني بتعليقاتم المنورة

هل سنشهد في الايام المقبلة تحولاً جذرياً بأن تقدم الفتاة على طلب يد الشاب ؟؟؟؟؟؟؟؟وان حدث هذا الامر

في مجتمعنا الشرقي فماذا سنعتبره ؟؟؟؟؟؟اهو امر طبيعي؟؟؟ او يعتبر اهانة للفتاة او تقليل من قدرها وماذا

سيظن الشاب في نفسه ؟؟؟؟هل سيرتفع قدر الفتاة في نظره او سيهبط ويعتبرها رخيصة .

اتمنى التفاعل
في هذا الموضوع المهم مع حبي وتقديري للجميع .

Razz

زائر

أولا أهلا وسهلا فيكي بينا منورة المنتدى
ثانيا موضوعك كتيييييييييير حساس وبده تفكير بس رح جاوبك
على زمن الرسول عليه الصلاة والسلام السيدة خديجة هي من طلبت الزواج من نبي المسلمين عليه الصلاة والسلام
يعني هاد الشي صاير وماحدا اعتبر الأمر انتقاص من مكانتها فهي أم المؤمنين

رح تقوليلي بعد هاد الحكي بس نحنا بوضع غير .... معك حق

لأن الشباب هل الأيام مجرد إبداء الإعجاب بيفكرك يالطيييييييييييييييييف علقتي ههههههههه
وطبعا المفاخرة عنده بتصير ولا أحلى من هيك

وطبعا إذا كنتي عم تحكي عن الشب يلي رح يشوف بحاله فأكيد رح تهبط الأسهم .... لأن أول كلمة بده يقولها رح دور على الأحسن منها مع العلم أنه ممكن تكون البنت مثال للفتاة الصالحة وتكون أحسن من هي يلي رح يدور عليها

أما إذا كان الشب بيفهم فأكيد رح يتقبل الأمر وحتى لو كان هو مافي أي مشاعر تجاها رح يشرح الأمر بكل ذوق واحترام ويحكيلها وجهة نظره

ومع هيك أنا بفضل أنه الشب هو يلي يبادر لأن النوع الثاني من الشباب نااااااااااااااااادر جدااااااااااا

تقبلي مروري وأهلا وسهلا فيكي مرة ثانية

أهلا وسهلا فيكي ، نورتي المنتدى
بشكرك و بشكر عاشقة النجوم لإنها دلتك علينا ...

الموضوع نال اعجابي بشكل كبير ، وأنا واحد من الناس يلي بفكر بهذا الشي من زمان !

هل سنشهد في الايام المقبلة تحولاً جذرياً بأن تقدم الفتاة على طلب يد الشاب ؟؟؟؟؟؟؟؟
أتوقع واحتمال كبير أن يحدث هذا الشيء و خاصة مع نمو و تزايد عدد الفتيات على عدد الشباب بالمجتمع ككل !!!
من ناحية ثانية عزوف الشباب عن الزواج لما له من تكاليف باهظة ، مع عدم تقدير الوضع المالي للشاب .

وان حدث هذا الامر
في مجتمعنا الشرقي فماذا سنعتبره ؟؟؟؟؟؟اهو امر طبيعي؟؟؟ او يعتبر اهانة للفتاة او تقليل من قدرها
طبعا شي غريب إنو يحصل بمجتمعنا الشرقي هيك شي ، ولكن بيصير بشكل غير مباشر ، مثلا عن طريق أقرباء أو أصدقاء
ولا يعتبر إهانة للفتاة أو تقدير من قدرها ، فلربما يرفض الشاب و لربما يقبل (فعليها أن تتقبل الأمرين)

وماذا سيظن الشاب في نفسه ؟؟؟؟هل سيرتفع قدر الفتاة في نظره او سيهبط ويعتبرها رخيصة .
ما بنكر إنو في بعض الشباب لح يأخذ الأمر بشكل سلبي وخاصة إذا طلبت الأمر منه بشكل مباشر (وأفضل شخصيا الطريقة الغير مباشرة للحفاظ على عفة الفتاة و حياءها وهذا ما يحبه أكثر الشباب في الفتاة)

بتشكرك مرة ثانية على الموضوع و بتمنالك النجاح ,
تقبلي مني
أبو أسامة,

اول شي يا ميت اهلا وسهلا فيك بالمنتدى
نورت المنتدى انت وعاشقة النجوم

تاني شي انا ما عندي مشكله ان بدها البنت هي يلي تخطب الشب بس اذا في وحده بدها تخطبني
لازم تعطيني وقت حتى اتعلم اعمل قهوة مظبوط وجهز حالي
هههههههههههههههههه

اي بصراحه ما في مشكله ان البنت خطبت الشب بس مو بالطرق المباشرة يعني ممكن تبدي رغبتها لابوها
والاب ممكن يحكي مع الشب وما لازم ما ننسى انو كبار الامة متل سيدنا عمر بن الخطاب كانو يخطبو لبناتهم
واكيد هلق تغير المجتمع بس انا حابب اعطي موافقتي على هالنقطة بس ضمن حدود وراوابط

واكيد ما في اي اهانه للفتاه وهالشي لازم يقدرو الشب ويقدر انها اختارتو ليكون شريك حياتها
بس ما لازم ننسى انو طبيعه الانثى ما لح تسمح بانتشار هيك ظاهرة

لانو في بنات مستعدين ما يتزوجو طول العمر وما يكونو المبادرين بالخطبة

بعتذر عن الاطالة وشكرا الك على هالموضوع الرائع

زائر

نبيلة شكرا كتييير الك على مشاركتك بالموضوع والمنتدى أكيد منور بوجودك

وأكيد كلامك صح وجهة نظرك نفس وجهة نظري لأنو هالأيام تغيرت كتير عن أول مشكوووورة كتيييير نبيلة Razz

أهلين فيك سيد أبو اسامة المنتدى منور بصحابو وبتشكرك على مرورك الطيب Razz

بدي اتشكرك كتير وسام على الترحيب فيني والمنتدى منور فيكم
كمان بدي اتشكرك على تعليقك المهضوم اولاً
والمميز ثانياً لانو كلامك صحيح وفي وجهة نظر
مشكوووور كتيييير

مشكورين عالمشاركة

اهلا وسهلا فيكي يا الزهرة الخجولة نورتي المنتدى بوجودك الفواح

هلا بالنسبة لموضوعك انو بنت تطلب الزواج من الشب
فانا بشوف بهل الزمان يلي وصلنالو ما في شب بقدر هل الشي
يعني لح يعتبر البنت قاتلة حالها عليه
واكيد صعب تعيش بهيك وضع ولح يهتها على الطالعة والنازلة انو انتي يلي ركضتي ورايي
هو ابدا مو انقاص من قيمة البنت اذا اعجبت بشخص وكانت حابة ترتبط في بالحلال
بس شباب هل اليوم ما بفكرو هيك ابدا بقولو دالقة حالها علينا
وما بفكر انو هل الانسانة اعجبت بهل الشخص وحبتو ومو حابة تخصرو
وانو حابة تكمل حياتها معو وتعيش معو بقية عمرها
بدك الصراحة هلا هيك نظرة الشباب صايرة واذا مو هيك الكل ف 95 بالمية هيك بفكرو
وبالاخير انا مو من البنت يلي عندي الجرأة اني قول لشخص بدي اتجوزك بلاقيها صعبة شوي
لازم هو يبادر قبل مني بس لما بلاقي حالي حاخسرو ممكن ساوي هل الشي بس بطريقة غير مباشرة
ممكن عن طريق معارف او الاهل او اي حدا ممكن يساعدني بهل الشي

مشكورة كتير على الموضوع الرائع متلك ونور المنتدى بتواجدك

زائر

بشكرك كتيرمن قلبي على ترحيبك فيني بالمنتدى
وعلى ردك لموضوعي وتعليقك عليه
هل هذا ممكن أن يحصل ؟؟؟.... Icon_razz

مشكورررة كتيييير ريما هل هذا ممكن أن يحصل ؟؟؟.... Icon_razz

اولاً اهلا وسهلا فيكي
ثانياً ما بظن انو نوصل لهيك مرحلة هلق ممكن تبادر بكلمة بحبك
بس انو تروح تطلب ايد الشب بلاقيها صعبة
حتى بالمجتمعات الغربية المنفتحة كتير على هيك امور ما باعتقد انو صارت
مشكورة كتير
:bounce:

أهلين بالزهرة الخجولة والله نورتي المنتدى بمشاركتك
هلأ انا شخصيا ما بادر بهيك موضوع لانو كمان الحياء بيلعب دور
وما بعتقد انو روح واطلب ايد الشخص يلي معجبة فيه ابدا وانا ما بعتبر
هاد الشي غلط لأنو على زمان الرسول صلى الله عليه وسلم كان في منهم يروحوا يخطبوا لبناتهن الشب يلي بيعجبهم متل
ما تفضل وسام وقال صح
شكرااااا كتييييير عالموضوع الحلو موضوع بيستحق المناقشة فعلا
مشكووووووووورة واهلين فيكي مرة تانية

زائر

بشكرك على مشاركتك للموضوع
وأنا بوافقك الرأي وبضم رأيي لرأيك
ويشكرررك كتييير

زائر

بشكرك على مشاركتك للموضوع
وأنا بوافقك الرأي وبضم رأيي لرأيك
بشكرك كتيرهناء