من عرف سرك ، عرف طريـقا ليخنـقك

من منا لا يحمل بين حناياه أسرار يحتفظ بها ..
و تأبى نفسه إلا البوح بما يختلج فيه لغير
و هنا يستوجب وجود صديـق حميم نفضي إليه بسرنا ،
ونبوح له بدوامة هـمومنا و بعدها لا يعترينا
سوى إحساس بالراحة النـفسية ،

و منا من يـفضل الاحتـفاظ بالسر لنـفسه ، و يصبر على ثـقله ..
ويرفض البوح به لأي كان ..
.
من وجهة نظر اغلب الناس وليس كلهم ان كتمان السر أفضل من
البوح به ،
لأن كلمة سر تعني أن .. .
شخصا ًقـال شيئا لأخر لا يريد البوح به ، و لا يريد لأحد ان يعرفه ،
و ان أسوأ ما يتصف به الإنسان
هو البوح بأسراره لغير ذوي الثـقة ، و يكون الإنسان في أفـضل
حالاته عندما يكون كاتما لأسراره
فلا توجد ضمانات كافية لكتم الأسرار من قـبل الآخرين ..

و في قول الشاعر :
إذا ضاق صدر المرء عن سر نفسه فصدر الذي يستودع السر أضيـق

قـديما قالوا :
" من عرف سرك ، عرف طريـقا ليخنـقك ..؟؟

*

*

*

فهل تـفضلون البوح بالسر ؟؟

أم تـفضلون الإحتـفاظ به لأنـفــسكم ؟؟

بانتظآآآر آرائكم ..

مع خاااااالص حبي

Syrian Dragon

موضوع كتير حلو ولفت انتباهي
انا بفضل الاحتفاظ بالسر لانو بهالايام صعب تلاقي شخص يقدر يحفظلك سرك ويكون قد هالشي
الا اذا كان بحياتك شخص كتير قريب الك وبتثق فيه فوق ال 100% وقتها بفضل اني احكيلو هالسر لانو همو كتير كبير عالقلب وممكن يعمل مشاكل صحية
مشكور عمور ولاتحرمنا من هالمواضيع الروعة
الله يعطيك العافية

في متل بقول
احذر عدوك مرة وصديقك الف مرة فلو انقلب الصديق فهو اعلم بالمضرة
وانا برأيي الانسان يلي ما بثق بالمقربين لالو هو انسان لا يثق بنفسه ايضا
وشكرا كتير ع فكرة الحلوة عمور و عطرح الرائع

ههههههههههههههههههههههههههههه
هههههههههههههههه
والله يا غالي
انا بطبيعتي غامض
وما بيطلع مني الكلام الا بطلوع الروح وخصوصا اذا كان شخصي
يعني اقرب الناس الي ما بيعرفو من اسراري الا الشي السطحي
بعتقد انو قليل ما اوثق بحدى واحكيلو
لهيك ما كتير بتفرق معي اذا حكو او ما حكو
لانو كل الي بيعرفو سطحي

مشكور ويعطيك الف عافية

زائر

بأغلب الأحيان بفضل خلي أسراري معي
وإذا كنت مخنوقة وبدي أحكي
فبكتب أسراري على دفتر مذكراتي
لأن رح يحفظ السر أكتر من الصديق
(باستثناء بعض الأشخاص ) لأن الصداقة هالأيام ...... بلا مانحكي أحسن
ومهما كان صديقك بيحبك مارح يحبك أكتر من حاله
ورح يجي يوم وتندم لانك حكيتله

شكرااااااااا ويعطيك العافية

و منا من يـفضل الاحتـفاظ بالسر لنـفسه ، و يصبر على ثـقله ..
ويرفض البوح به لأي كان ..
.

هلق انا من هدول الناس
اصلا اي سر صار بين 2 ما عاد اسمو سر
والافضل الشخص يحتفظ بسرو لحالو
لانو ما حدا حيقدر يحافظ عليه اكتر منو

مشكووور عمور على هالموضوع الرائع

أنا بحكي كل شي تقريبا معي أو ضدي
المهم طالع يلي بقلبي ، لإنو بحس الكلمة لح تخنقني إذا ما طلعت .

من ناحية ثانية كل شخص بحكيلو عن حالي ، هو بالمقابل بيكون حاكيلي عن حالو ، وإذا ما كان حاكي شي أبدا بسيطة
أنا بعرف احكي عنو و عن تصرفاتو و هذا الشي أكيد لح يدايقو ...!!!

شكرا على الموضوع

طبعاً بفضل حفظ السر لأنو ولاد الحلال كترنين بهالأيااااام
عنجد صار من النادر إنك تلاقي شص بيستاهل ينحكالوا كل شي

مشكور يا غالي
تألق
تأنق
روعة
إبداع
سحر
كل شي عم تقدموا شريك
و بتمنى ما ننحرم منك يارب

و سلامات