القطار الأسرع في العالم في الصين بسرعة 1000كم/سا

تستعد الصين لتصنيع القطار الأكثر سرعة في العالم، قادر على قطع 1000كم في الساعة، أي ما يعادل ضعفي القطار الأسرع في العالم حالياً.

ويعتمد القطار، في سيره، على نفق خال من الهواء (فاكيوم)، ما يعني عدم وجود احتكاك بين القطار والهواء المقاوم المخفف للسرعة، لعدم وجود الهواء في النفق أصلاً، وهي فكرة موجودة منذ عام 1960، لكنها لم تطبق بعد.

ويهدف المشروع الذي تعمل عليه كل من الأكاديمية الصينية للعلوم، والأكاديمية الصينية للعمل، لتصنيع قطار يسير بسرعة 350 كم/سا كنموذج أول، ثم تطويره لقطار يسير بسرعة تتراوح بين 500-600، للوصول في المرحلة الأخيرة إلى قطار يسير بسرعة 1000كم/سا، بالإعتماد على الأنفاق المفرغة من الهواء، والمجال المغناطيسي.

القطار الصيني، أسرع من مثيله " JR-Maglev" الياباني الأسرع حالياً في العالم بسرعة 581كم/سا، وبالرغم من أن تكلفة بناه التحتية سيكون أكثر بنسبة 5 أو 10%، لكنه سيؤدي إلى توفير الكثير من الوقت بالنسبة للصينيين.

ولساتنا بسوريا ما خلص المترو على حد علمي !!!

وعم نعتمد على الميكرو ...صح ولا أنا غلطان ؟!!

اي عيوني ليش في احلى من المكرو
بعدين اذا النفق مفرغ من الهوا وحبيت تفتح الشباك لتتهوى شوي ما بتقدر لانو ما في هوى
اما بالمكرو بتمد راسك من الشباك وبتستمتع بهوا بلادك
واسماع مني ما في احلى من المكرو

مشكور ابو اسامة

نبيل إنت طالع بالميكرو سيران لما رايح على شغلك ؟؟؟

دخيل هوا بلادك ، والله شايفك مو بس حابب المكاري و حابب دخانها كمان ...

طيب ايمتى بيخلص الميترو ، وكم المسافة يلي بخدمها ، وقديش سرعتو ، وكم محطة فيه (موقف) ، وكم التكلفة للفرد؟؟؟
أنا هون سؤالي : ما عم عيب المكاري أصلا مافي غيرها ، اجى التايتانك حمل كتف شوي عن المكاري بس أقل مشوار شي ساعة بالنقل الداخلي ، شو أنا بدي ضيع عمري بالمواصلات ، ومو هون يا ريت مرتاح !!!

شكرا نبيل لمرورك ,
أهلا وسهلا فيك,

ما بعرف ليش الصين اكتر شي عم اسمع عنها اخبار عن القطارات
حتى من كم يوم شفت فيديو عم يعلمو تقنية رهيبة حتى الركاب بيقدرو ينزلو ويطلعو القطار
بدون ما يوقف ؟؟؟؟
بجوز عدد السكان بيلعبو دور؟؟

بس على قولة الشباب ما في احلا من السرافيس
ههههههههههه
حتى كتير اقتصادية هالشغلة
ههههههههههه

مشكوووووور على الخبر احلا ابو اسامة

حلووووو....
يا ريت لو عنا منو بسوريا بس انا متأكدة اني ما رح لحق المترو اللي عم يبنوا هلأ
و بظن احفاد حفاد احفادي بلحقوا هالمتروا السريع لبينما يوصل اسوريا..
مشكور عالتوبيك الحلوو

معك حق يا وسام مو بس عدد السكان و في عندك المسافات الكبيرة بين المدن ، أيام بيروحو بالطيارة .

Barca_forever
شكر لمرورك ، والله يطول بعمرك و عمرنا مشان نشوف المترو هههههههههه
شو معنا اسمك ، حاولت ترجمو ما طلع معي !!!

مشكور عالخبر ابو السوم

» حمصي و شامي راحوا على محطة القطار
» نكت من الصين
» وصفات طبخ من الصين