مصطلحات شامية

موضوع: مصطلحات شامية السبت سبتمبر 18, 2010 10:06 pm

دشرو : يعني حل عنو، وحل عنو يعني اتركه بحاله

دغري: يعني إلى الامام بشكل مستقيم

إحكي الدغري: يعني تكلم من غير لف و لا دوران

قوم دغري : يعني إنهض هللأ ) الآن (

ماني غضران : يعني لست بقادر وهي) بالميداني(

يوه تشكل آسي : يوه مفرده يأتي شرحها لاحقاَ
تشكل آسي (بعيد الشر) تعبير يفيد شدة حب المتكلم للمتكلم عنه و بمعنى أدق أن تعقد أوراق الآس على قبري
والآس شجرة خضراء توضع غالبا على القبور عند الأعياد و زيارة القبور.
وهنا دلالة على أن قائل المقولة يحب محبوبه لدرجة الموت في سبيله و يحب أن يزوره محبوبه و يعقد الآس على قبره.

تقبر قلبي : مثل يلي قبلها.

يقبر عضامي: متل يلي قبلها و قبلها.

ريتو يطلع على قبري : متل يلي قبلها وقبلها و قبلها.

تكفنني : كذلك الأمر متل يلي سبقوها...حلكم تعرفوا المغزى

الشدة : و هي ورق اللعب المشهورة عالميا و مؤلفة من 52 ورقة و أربعة أصناف من الورق
الواه الواه : تعبير نسائي قح يفيد التمسخر على المخاطب

يوه الواه الواه : مفردة شهيرة جدأ عند النساء وتفيد الأوية

معبّا بـ بنطرون : يعني واحد أجدب وجاي يحكي

ولا : آداة تستخدم في النهر والشتم

وخنان عجمي : مسبة مانها ظريفة لكنها تستخدم للنهر عن الزعيق و الصياح..ربما المقصود بها الرسن الذي يوضع للدواب.
هش ...تع : تستخدم لنفس السبب السابق

أيدي بزنارك : تعبير يستخدم للتعبير عن الرجاء (متل بليييييييييييييز)

دخيل الله : أيضاَ تعبير والمقصود به هو الاستغاثة بالله و تستخدم أيضا لشدة الفرح و الإعجاب

شعره متل الشوشة : أي أن شعره منفوش ومنكوش

شاشية : و هي الخرقة البيضاء تستخدم لعدة إستخدامات ( كصنع اللبنة)

نملية : و هي المخزن الذي توضع فيها المونة

الشوبك : و هي أداة تستخدم لترقيق العجين (سابقا حاليا سلاح نسائي محظور بالدول المتقدمه)

وضرّاب السخن : وهي مسبة. . وتعني ...... ما بعرف مسبة وبس

كَوكِش : يعني يفتش و يبحث

بَحبِش : بفتح الباء و تسكين الحاء أيضاً مفردة تعني البحث مع التمحيص

ينمحق : ويعني ينضرب على قامتو . . يسطفل

يسطفل : يعني زنبو على جنبو

يبعتلو حمى : أي تصيبه حمى ويمرض

يتحورق : متل يبعتلو حمى بس على أضرب ومعناها يحترق بالنار

يتقوص : بنفس المعنى و معنها المباشر يضرب بالرصاص

يتأمع : كمان هيك شي و معنها المباشر..يتم فصل رأسه عن جسده كما يتم تأميع البامية

أأعود يقعد رزك : يعني خيلتنا حاجة تحوص... و الحوص يعني تحرك جيئة و ذهابا في نفس المكان

والمعنى الأدق: يقعد رزك يعني تموت والناس ياكلو رز. .

لأنو من المعروف عندما يموت حدى بتصير عزيمة وبيطعمو الناس أوزي على روح الميت
والأوزي أكلة معروفة بالشام مألفة بشكل رئيسي من الرز

حاج أفلة: و تعني كفاك مزاح ثقيل.(أو سحب أفلام) و كانت في الماضي تعني شيء أثقل من هذا المعنى والله أعلم ما هو!!

يحرق حريشه: و هي مسبة مخففة عن مسبة أصلية..و حريشه..المقصود فيها حريمه

وين غاطط : وين مو مبين أو تعني فيما تفكر و أين وصلت في تفكيرك

والسبع تنعام : يعني إلنا الشرف
و النعم : مثل سابقتها

حيط بياخذو وحيط بيجيو : تقال للي بيسكر من كتر الترنح

مابيعرف الخمسة من الطمسه : عن الرجل يلي ماعندو ثقافة

سرّي مرّي : يلي بيخفق برات البيت وبخفق يعني يذهب و يعود جيئة و ذهاباو تعني أيضا رجع بخفي حنين

شندي بندي : للي بيحكي بلا طعمه شروي غروي

فايت بالحيط = طاقق الفيوز : للدلالة على انو ماعم يعرف يحكي مزبوط

مجنط : مفلس وما معه ولا قرش ( او تعني رجل بلا عقل -عقلو مو معو-)

مطقم : لابس بدلة

كحته : إيدو ماسكه على المصاري . بخيل

شاطط ماطط : يعني مدلع زيادة

نعيان : يعني قلبو بارد
نايط = نعيان = بارد

شحاطة : مايلبسه المرء في قدمه عندما يكون في المنزل

بابوج: ما يلبس في القدم خارج المنزل

تعسيله : نومة بعض الظهر

مسرسبة : يعني بتحب النظافة كتير

أسسييع - أوعى الزيت : بمعنى وسع وفسح طريق

إغّيييييى : تعبير يسخدمه الأبضايات وبس

إتي بريتي : تستخدم كذلك للأبضايات ..وهي نوع من التخويف

العمى : تقال عند الدهشة

العفش : يقولها البعض كذلك عند الدهشة

جلالة : بتسكين الجيم يعني برداية و هي ما تغطي النوافذ

تجليلة : ماكانت تغطى بها المفروشات خارج مواسم الأعياد

تأكلو الدودة العميا : يعني الواحد يموت وياكله الدود (بعيدالشر .(

هات لإللك: أي عطيني لورجيك كيف الشغل

يبعتلو أتلو شو سمج : كمان يعني يموت وسمج يعني غليظ

موسوس : مهووس بشي

عقلو جوزتين بخرج : يعني عقله صغير وقليل التدبير

متل الأطرش بالزفة : يعني ما فهمان ومالو علاقة بالموضوع

حاج تحوص وتلوص : يعني حاجة تفتل وتدور

شوية الرخار : بعد شوي (يعني بعد برهة من الزمن)

بنت عمي : يعني مرتو ...و العكس صحيح

مع ملاحظة قراءة كل حرف ((ق))(( أ)) (مثال تنمحق - تنمحأ)
وهذه كلمات متداولة
· شاضومة
تعبير مؤنث لا مذكر له .. يفيد كون المرأة غير مرتبة وليست من الأكابر وتحب الكلام غير المنمق وكثرته
(تعليق خارجي: اعتقد ان الشاضومة هي التي صوتها عالي وكلامها غير مرتب يعني بالمصري بتردح)

· شرنّة
(انظر الشرح في تفسير مصطلح شاضومه )

· ملحو على ديلو
يعني لا يقيم وزناً للعشرة والخبز والملح

· يلي ببالي بالك
كناية عن أمر يتعذر ذكره

· معصمص
نحيل بارز العظام صغيرها

· يا إيدكم!
تعبير عن الهرب من شيء ما بسرعة
(اعتقد ان هذا ليس مصطلح شامي بل مستعار من الخليج)

· زمق
أي هرب ببراعة وحذق، وزمط: شرحو (اي ايضا)

· سرّي مرّي
أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)

· حط بالخرج
أي لا تعبأ بما يقال

· على قفا مين يشيل
كناية عن كثرة الشيء وشيوعه و(قابر القنة) مثلها

· مأنّف
يعني لا يعجبه العجب ولا الصيام برجب

· فش نيعو
يعني انتقم منه شر انتقام وهي بالحلبي: يفشر حنكو (أي هه بالحلبي اوضح بكتير)
(فش: ربما جرح او اقتلع - نيعه : فمه)

· أزّت نفسو
أي نفر من الشيء نفوراً كأنه رأى صرصوراً (يا عين شعر !!)

· جفص
صفة للجلف غليظ الروح

· حنتر
أي 'تيّس' و'بوزم' في الوقت نفسه - (فسر الماء بالماء) (اي اصرّ بشكل عنيد)

· طلع من عيونو عامص
يعني دفع ثمناً غالياً وندم على ما نال

· كل طلقة براحة
أي يقوم بالشيء رويداً رويداً بين الفينة والأخرى - (طلقة من طلق الولادة)

· يلي بدو يموت يوصّيك باولادو
ذم بصيغة المدح يعني أن المذكور غير أهل لحمل المسؤولية

· على كراريت حلقو
يعني مصاب بغثيان شديد وإقياء لا يستطيع كبحه لا بحلال ولا بحرام (حلقو : فمه)

· لا تكرّك عليه
يعني لا تلح عليه إصراراً

· قلبه عميقول حق بق (كما قلنا أن القاف تقرأ ء)
يعني أنه يريد أمراً بشدّة لكنه يضمره إضماراً ولا يظهره إظهاراً ( مشان ما يزعل سيبويه)

· لحم السير عالقبقاب وصاروا المبغضين صحاب
مبينه وما بدها شرح
(لا بدها شرح: المعنى انو لما يتصالح تنين وانت تنغاظ بدك ياهن يتخانقوا)

· يللي بيجي منمدلّو فرشة .. و يللي ما بيجي منرتاح من وشه
مثل نسائي بحت يفيد عدم الترحيب بأشخاص معينين ما عم يجوا أصلاً

· شو هالتجرة
يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح (كمان مشان سيبويه الله يرحمو)

· وحياة خالقك ماني مفارقك
تعبير يفيد غلاظة المتكلم وتغالظه على المتكلم عنه ويتبعه عادة: مو محبة فيك بس بدي ضايقك

· العين الطرّاءة
عبارة عن التمسخر (الاستهزاء) على المتكلم عنه وأن لا شيء فيه بينحسد عليه

· بيقطش وبيلحش
يعني المهذار كثير الهفوات ومن يهرف بما لا يعرف ولسانه يسبق عقله

· ولي على كسرتو
تعبير يفيد التحسّر على شخص ما مع لومه على ما فعل (في تناقض، مهيك؟)

· كِـنْ
بكسر الكاف وتسكين النون يعني اهدأ أحسنلك

· كروج
يعني درمل، وبتعبير أفصح افرنقع من هنا، وادحال مثلها
(يعني اضوي.. قصدي هوينا.. قصدي روح ..اذهب)

· فِـز
كمان بكسر الفاء يعني قوووم (أوقف وانت بتكلمني) يااااااااااااا عيني

· جماش
أي همجٌ رعاع مستجحشون

· مصطهج
يعني مسلطن، مكيّف، مبسوط أو كما قال سيبويه: منتشي

· أفّّعت معو
يعني حمل القشة التي قصمت ظهر البعير وبلغ السيل الذبى

· مو نفعان لا للخل ولا للخردل
يعني بلا فائدة تذكر، وأحياناً بقولو من نافع لألله بنافعة

· لاطيلو
يعني كمن له منتظراً ومنها المتل القائل: ' قلّو لاطيلك قلّو صاحيلك ' يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو

· ادفشو وشوف ما أجحشو
يعني بالإنكليزي: Fools rush in where angels fear to tread
(ما بعتقد)

· ما فيه الوتكة
يعني صاغ سليم خالي من العيوب وأحياناً يعني فاضي

· ما معو نكلة
مفلّس وحالو عدم

· أول باشتان..... ثاني باشتان
طريقة النسوان في تعداد الأمور والأوامر والأسباب والمسببات ووووووو

· بظّت عيونو
يعني جحظت العينان حتى كادت المقلتان تخرجان من محجريهما (على طريقة الجاحظ)

· سَك
حقيبة تقليدية تصنع من قماش (مستعمل عادة) تستعمل للتسوق وخصوصاً من سوق الجمعة - (على فكرة الكلمة اصلها اجنبي sac = كيس)

· نازل عالمدينة (أو رايح عالشام)
يعني رايح عالسوق التحتاني، i.e. going downtown

· خسكار
كمية من العمل المقرر ليوم واحد أو بضاعة معدّة للبيع ضمن اليوم

· من دهنو سقّّيلو
تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش

· ما صرلو بالقصر إلاّ مبارح العصر
يعني أنه جديد على أمر ما وغرّ فيه وأحياناً تكون إشارة للنوفوريش أي باللاتينية (nouveau riche = حديث النعمة)

· ولاد آدو
يعني المشكلجية والعونطجية وولادين الحرام (يا لطيف الله يبعدون عنا وعنكن قولوا آمين)

· سبرتاكو
القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية) ههههههههه

· قراضة
يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول)

· متمسح
يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)

· كل ما حدو بيت السلطان خيلهن بتمد الخنفسة رجلها
مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين

· اندفس
أي: نام أحسنلك، انقبر

· تكورت
متل تدولق، فعل يفيد (فعل امر :تناول الطعام)، وتزهرم مثله أيضاً

· من بيت شقاع لبيت رقاع (وهي تقرأ كالعادة: من بيت شآع لبيت رآع)
تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة

· عم يحاسب القاضي
أي يقوم بقضاء حاجته في بيت الخلاء

· يلي ببالك منو
كناية عن أمر يتعذّر ذكره لأسباب عديدة

· انطمز
أي انزعج وبوزم وقلب خلقتو وما عاد يتحاكا (انزعج)

· مطهمز
أي مطأطأ أو مطأطئ الرأس

· طمبرو (جديد جداً )
أي خورفو (مأخوذة من خروف) - وهي بالمعنى الحرفي ركبلو طمبر وفهمكم كفاية
(يعني انهبه - اسرقه باسلوب بلطف)

· شامم ريحه كرهه
تطلق على المتكبر يلي رافع منخاره وقالب وجهه

· آكل كم بحالو
انظر تفسير شامم ريحه كرهه

· خود منّي
إنهاء للنقاش ودعوة الطرف الآخر للثقة بما يقول المتكلم دون نقاش.

· دواليب الجنة
مصطلح جديد للفلافل ومحاولة لرفع شأن هذه الأكلة الشعبية

· عليّي ما عليّي
قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض عنها بهذه العبارة.

· سم الكرّاتي
تقال عندما يكثر الطرف الآخر من الأكل. (بتقرب كراريت حلقو)

· فجعان
أي الحالوش أو الشره

· مكلولك
أي اللألوء الذي يحب تمسيح الجوخ. (منافق)

· كِعي في
يعني كثير ألح وأصرّ عليه ولكن الطرف الآخر يرفض

هههههههههههههه
تسلم اديكي عنجد حلوين كتير
صحي بعرفن كلن وقريتن بس حلوين وتعبانه عليهن
مشكووررررررة

فرحني مرورك وشكرا لتعليقك

هههههههههههههههههههههههههههههههههه

هههههههههههههههههههههههههههههههههههههههههه

· مصطهج
يعني مسلطن، مكيّف، مبسوط أو كما قال سيبويه: منتشي

يوه الواه الواه : مفردة شهيرة جدأ عند النساء وتفيد الأوية

lol!

هيدي بسمعا كتير وبحبا ههههههههههههههههههههه!!!!

الشوبك : و هي أداة تستخدم لترقيق العجين (سابقا حاليا سلاح نسائي محظور بالدول المتقدمه)

كانو ارهابيين ع ايام زمان

lol!

لـــــك تطلعي على قبري شو هالموضوع المهضوم

تقبري قلبي تكفنيني مششششششششششششكوووووووووورة

تعلمنا المصطلحات

بعيد الشر عن قلبك مهند بيك

بصراحة الموضوع قمة وفوقاني كتير
وكلمة فوقاني = وازن = ممتاز
هههههههههههههههههههه يسلم ايديكي عالمجهود يلي بذلتيه
تقبلي تقديري

عن جد تعبانة عالموضوع كتير شكرا كتير لانك ذكرتيني بكتير كلمات ماتو لما ماتت ستي بس كانو يطلعو من تمها متل العسل

ان شاء الله ما منعدم هالادين الظراف يسلمو كتير حبيبتي موضوع لطيف متل حكايتك sunny

اهلين وسهلين شكرا لمروركم

والله انا اخدة تلت رباعهن من تيتة
يعني تيتة تعبانة معي بالموضوع

والله يرحم ستك ميمي

هههههههههههههههههههههههههههههه

شكر كتيييييييييير ويسلمو ايديكي نونا

شكلك شامية بحتة

اهلن يا احلى برنسيسة
والله من نص الشام والي الشرف طبعا cheers

أهلين والله باهل الشام كلها
تسلم ايديكي موضوع
حلو واكترههم بعرفون
مشكووووورة على مجهودك nona

ههههههههههههههههههه

والله مافي احلى من الحكي الشامي

عنا شخص بيحكي هالكلمة وخنان ههههه اكيد عرف حالو

وكلمة دخيل الله احيانا تستعمل لتلطيش البناااات

مشكورة عالموضوع المهضوم كتير
تسلم ايديك وشكرا على جهودك

شو هاد شي يخلي الواحد يصطهج على الآخر ...
بدك الدغري ما غضرت اترك الموضوع لخلصتو ...
وين كنت غاطة ، تسلميلي إنت و ستك ،،، والله أفعت معي هون مشتهي شي واحد شامي أصلي احكي أنا وياه , وخاصة شي مرة كبيرة بالعمر وهيك حكياتها حلوين ... بس إذا صغيرة بيكون أحسن,ههههههه

شكرا كتير يا NONA والسبع تنعام ، خلص بدي صير حاكيكي شامي قح ...

واللي بدو يحكي على الشوام بكلمة بدي فش حنكو ، أصلا يطلعو يحكي شامي بالأول ...

اهلين و1000سهلين
شكرا الك رمروم ع كلماتك الذهب

وميرسي ل عاشقة النجوم ع كلماتك الذهب

وابو اسمة اهلين و2222222سهلين فيك بنص الشام

قال الشام شامك ولو الزمن ضانك

اذا بدك تحكي مع ستي بعطيك رقم جوالها هههههههههه

cheers

لك شو هاد يا نونا
عنجد الموضوع لذيذ
لك مافي أحلى وألذ من حكي الشوام
عنجد حكيون لذيذ
هههههههههه
تسلم أيديكي نونا
على فكرة حفظتون عندي
للاستعمال بيلزموا
هههههههههه

شكرا نونا

احلى زميلة والله

شكرا لمرورك حياتي اتــــــــــــــــي

مشكورة كتير نونا
موضوع حلو متل الشوام

شامية جاية من الشام من الشام جاية الشامية الي ما برد علي يبعتلو حمى وبردية

يا لطيف ما أطيب توتاتي ما دئت متلون بحياتي روحو أسؤلو حماتي الي ما في متلا بالحموات

يا لطيف ما أطيب التوت اللي بياكل منو ما بيموت

موضوع بيضحك كتير ويقبروني اهل الشام بس يعني زمان ابو عنتر مات وهالكلمات صارت ماضي ممكن نذكره للضحك مو اكتر مشكورة تحياتي يابنت عمتي قصدي يانونا

اهلا غسان نورت الموضوع

ليلى اغد نورتي موضوعي ياحلوة

بس والله هل مصطلحات نحن لسع منحكيهن ومتشبسين فيهن لانهن تاريخنا

خخخخخخ

والله صدمتيني يابنت عمتي الجرئية انتي

ليش صدمتك نونا
برجع بشكرك وبقول زمان عنتر راح

» مصطلحات شامية
» تفسير لشوية مصطلحات شامية
» مصطلحات نسوااااااااااااااان..