مطلوب تصويت ’’’’’’’’’’’’’’’’

شباب مطلوب تصويت
مين مع بقاء المكاري ؟؟؟
ومين مع تغير المكرو ب باص نقل داخلي أخضر ؟؟
ومين مع أن الواحد مايركب بشي و يشتري بسكليت عل الكهربا متل الصينين ؟؟
الرجاء لتصويت و إبداء لرأي
رئيكم يهمنا مع تحيات وزارة النقل
لل إجابة الأولى أرسلو الرقم 1
لل إجابةالثانية أرسلو الرقم 2
لل إجابة الثالثة أرسلو الرقم3

فرصتك باربح أكيدة أسبوعيا رابحان
الجائزة قيمة << رحلة اشخصين على متن باص نقل داخلي ذهاب دون إياب >>
>> روحة بلا رجعة <<
لا تتردد بالتصويت
الرجاء الأتصال
0096311222555666
009631132453245
009639442587954566632
ملاحظة كلفة الرسالة رمزية << 25 ليرا أو 34 وحدة >>
مطلوب تصويت ’’’’’’’’’’’’’’’’ 19991

:bounce:

بستحي جاوب ...!!!

خلينا نشوف رأي الأعضاء ...!

و شكرا إلك غسان,

انا جاوبت وقت طرحت الموضوع بس يلا رح ارجع جاوب

انا مع الميكرو بيضل اسرع من الباص

مشكور غسان

بطلناها ركبة المكاري والباصات

أكيد مع المكرو لأنو ما بيكون في ناس كتير والفرص بالجلوس على كرسي بتكون أكبر

مبروك للمشتركة الأولى معنا لهذا الأسبوع زيزوووووووو
لقد ربحت الجائزة القيمة وهي تذكرة ذهاب لشخصين يجري أستلامها من أي باص نقل داخلي بعد دفع الرسوم المستحقة و قدرها 10 ليرات
ههههههههههههههههههه

لا اكيد المكاري
لانتو اسرع واحلى
وبعدين المكرو صار من التراث القومي للبلد وما فينا نتنازل عنو بسهولة
اما الباصات الصيني فهي دخيلة جديدة
ونحنا منحافظ عالقديم
لانو الي ما لو قديم ما لو جديد
مشكور على تصويتك

انا مع الاتنين يعني يخلو الاتنين عم يتفتلو بالبلد احسن شي

لانو الاخضر حلو وبيسع مقاعد اكتر وع الواقف بتقدر توقف ههههههههه

اما الباص العادي حلو اكيد ومتل ماقال نبيل انو صاروا من التراث ههههههههههه

وبالنسبة للدراجات فكتير كتير حلوة ياريت تصير عنا

خليني صوت على 3 بس انا مع بقاء الكل هههههههههههه

مشكور غسان فكرة حلوة وبدها تصويت

والله بصراحة نا مع المكاري
حاكم الباصات تبع النقل الداخلي
ساوت مشكلة اكتر ما تحل مشكلة
يعني شوفو العجقة كلها من وراهن
باص هل القد قدو وين بدو يروح بين هل الشوارع
يعني يعرضو الشوارع قبل ما ينزلوهون

وشكرا الك على الموضوع والتصويت

أكيد المكاري احسن واسرع
صح الطلعة والنزلة بدايق وغليظة
بس أشوى من الباصات الكبيرة يلي مو خرج شوارعنا أبدا

زائر

هلق اكيد المكاري احسن
بس لولا المدافشة والزحمة اللي بتصير عليها
واكيد مارح اختار البسكليت لانو
هي مو ظابطة ابداً مع البنات
مشكور غسان على موضوعك الحلو

بظن أنو الباصات الخضر أحسن
لأنو أكبر وفي مكان للقعدة وللوقفة
بس مو بكل الأماكن الباصات منيحة بيضل المكرو صغير وململم
شكرا ع سؤالك الحلو
إيمتى نتائج التصويت وإعلان الفائز؟؟

مطلوب تصويت ’’’’’’’’’’’’’’’’ 468715

أعزائي الكرام تبين أن الأغلبية الساحقة مع بقاء المكاري
أي بذلك زيادة في تلوث البلاد و تراكم المشكلات التي تتسبب بها معظم تلك لحافلات المدعوة مكاري
إن وزارة النقل حرصا منها<< على راحة المواطن>> تسعى جاهدة اتوسيع الطرقات
وخاصة عقدة كفر سوسة المرورية
حرصا منا على راحة المواطن أولا
تم إقرار ما يلي
إغلاق أغلبية خطوت الميكرو باص خاصة داخل مدينة دمشق
و وضع مكانها مجموعة من الباصات الحديثة التي تلبي إحتياجات أغلب المواطنين المتزايدة
ذلك لما له نفع للبيئة الطبيعية
نرجو من لم يعجبة القرار أن يستخدم الدراجة الهوائية أو قدميه ذلك حفاظا منا على البيئة
مطلوب تصويت ’’’’’’’’’’’’’’’’ 212410

والله رغمم انك حولت الموضوع لمزحة بس انا بصوت بالخيار الثالث وشكرا

مبروك للجميع كل مين صوت ربح الجائزة القيمة
لقد ربحت الجائزة القيمة وهي تذكرة ذهاب لشخصين يجري أستلامها من أي باص نقل داخلي بعد دفع الرسوم المستحقة و قدرها 10 ليرات

هههههههه
هههههههههههه

و الله يا غسانو الباصات الخضر أكوس بكتيررر
لسببين
1 . ما بيوقف الباص وين ما كان إلا بالمواقف
2 . بيتسع لعدد كبير من الركاب و بيخفف العجعة المرورية

مشكور عالتصويت

شو مشان غسان طنشت ع جائزتي

بركي مثلن انا مطرة ع التذكرة
اااااااااه
بركي اجا ع بالي اركب شي باص بهالزمنات
ما بيصير هاد الكلام مسابقات بجوائز وهمية هف

أنا برأي الباصات ممتازة بس أذا منفكر فيها شوي لآنو المكرو بس يتعبا 14 راكب ماعاد بيقدرو الصبايا يطلعو وأذا تعبا على الوقف ماعاد لاصبايا ولا شباب أما النقل وين ما كان ممن يوقف يعني كلها هالربع ساعة بس الكرو أسرع بس لا تنسورا الباص الواحد بيعدل أذا تعبا تمام 4 مكاري يعني ضغط طرقات
طبعا أنا بنكر فضل المكاري علينا لما بينقض عليناا الشبح الأصفر(تكسي)

برأي نا ومن تجربتي المعتادة كل يوم الطيارة أحسن وأسرع بس بمأنه مو من الخيارات وبمأن الخيارات كلها بتعذب براي الباص الأخضر اريح واحلى بس أبطأ وخطه أطول بينما المكرو ركبته صعبة ومو مريحة بس أسرع والمسكليت حلو وممتع بس بالشوارع صعب يمشي وخطر وصعب بالمجتمع الشرقي الصبايا يركبو ممكن بالصين عادي بس عناصعب شوي
وخياري ولو بدي اتاخر متل العادة الباص الأخضر
سلام ومشكور عالموضوع صح شكله للمزح بس بصراحة بيحاكي واقعنا كل يوم
تحياتي :الأميرة ليلى

باااااااااص الأخضر حلو لأنو عم نمرن أجسادنا ونحركها فيو يعني منحارب ومنلعب بالنادي ومنتحمل بعضنا ومن نتعلم كتير شغلات بالباص حلووو الباص

» تصويت مشرف عام
» تصويت مشان موضوع المتة والقهوة تبع روبي
» مطلوب محاسب او محاسبة